USSAT ÝAZYJY SÜLEÝMAN ILAMANOW BILEN BILELIKDE SÖHBETDEŞLIKLI DUŞUŞYGY
Türkmenistanyň Bazar Amanow adyndaky Döwlet çagalar kitaphanasyna ussat ýazyjy Süleýman Ilamanow myhmançylykda bolup kitaphana hünärmenleri bilen söhbetdeşlikli duşuşygyny geçirdi hem-de «Magtymguly dünýä ýaşaýyş» atly kitabyny gowşurdy. Kitapda akyldar şahyr Magtymguly Pyragynyň köptaraply döredijiligini, pelsepeli garaýyşlaryny, beýik söz ussadyna goýulýan çäksiz hormat-sarpany beýan edýän goşgulary ýerleşdirilipdir. Kalbyny özgerdýän, ruhuny täzeleýän şygyrlary hemişe ýagşylyga, haýyr-sogaba, ahlak-päkligine, parasatlylyga ýugrulandygy bilen okyjylar köpçüligini özine çekýär. Şahyr öz döredijilik ýoly barada täsirli gürrüňler berdi. Söhbetdeşligiň dowamynda hünärmenleriň şahyr bilen sorag-jogap alşylmagy has-da täsirli boldy. Duşuşygyň ahyryn-da oňa gatnaşanlar edebiýatymyzy ýaş nesillere wagyz etmeklikde uly şertleri, mümkinçilikleri döredip berýän Gahryman Arkadagymyza, hormatly Prezidentimiz Arkadagly Gahryman Serdarymyza köp sagbolsun aýtdylar.
