TÄZE GELEN METBUGAT NEŞIRLERINE SYN
Berkarar döwletimiziň täze eýýamynyň Galkynyşy döwründe türkmen halkynyň Milli Lideri Gahryman Arkadagymyzyň hem-de Arkadagly Gahryman Serdarymyzyň taýsyz tagallalary netijesinde ýurdumyzda zenanlarymyza uly sarpa goýulýar. Ýakymly ýazyň ilkinji günlerinde halkara zenanlar gününiň bellenmeginde çuň many bar. Gyz-gelinlerimiziň bahar gülleriniň näzikligine, ýaşyl ýaýlalaryň gözelligine deňelýändiginiň, meňzedilýändiginiň nyşany bu. Halkara zenanlar gününiň ýurdumyzda ulydan bellenilmegi mynasybetli, Türkmenistanyň döwlet medeniýet merkeziniň Döwlet kitaphanasynyň Hyzmat ediş bölümi tarapyndan «Täze gelen metbugat neşirlerine syn» atly kitaphana syny geçirildi.
Kitaphana synynyň dowamynda ýurdumyzda zenanlarymyza goýulýan sarpa, döredilip berilýän mümkinçilikler barada giňişleýin gürrüň etdiler. Zenanlarymyza uly sarpa goýýan, ähli mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, alyp barýan döwletli işleriniň elmydama rowaçlyklara beslenmegini tüýs ýürekden arzuw edýäris.