Aşgabat şäher medeniýet müdirliginiň Merkezleşdirilen kitaphanalar ulgamynyň Durdy Gylyç adyndaky kitaphana şahamçasynyň guramagynda «Bedew badym, göwün şadym, zamanamyň heňindedir» ady bilen gürrüňdeşlik geçirildi.
Gürrüňdeşlikde röwşen geljege uly ynam bilen gadam basan täze 2026-njy ýylymyz “Garaşsyz, baky Bitarap Türkmenistan–bedew batly at-myradyň mekany” ýyly diýilip atlandyrylmagy türkmen döwletiniň jebisligini, agzybirligini, halkymyzyň berkararlygyny we il günümiziň asuda, abadan ýaşaýşyny alamatlandyrýandygy barada gürrüň berdiler. Şeýle-de şanly ýylymyzyň şygary halkymyzy, aýratyn hem, biz ýaşlary ýeneki zähmet üstünliklerine, beýik işlere ruhlandyrýandygy barada çykyş etdiler. Gürrüňdeşligiň dowamynda Gahryman Arkadagymyzyň “Atda wepa-da bar, sapa-da” atly ajaýyp eserinden birnäçe atalar sözüni, türkmen bedewlerine degişli birnäçe gyzykly maglumatlary okap berdiler.
Gürrüňdeşligiň ahyrynda Garaşsyz, hemişelik Bitarap Türkmenistan rowaçlygyň ýoly bilen öňe alyp barýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.
