Muzeýler
06.05.20262026-njy ýylyň 13-nji maýynda Türkmenistanyň Beýik Saparmyrat Türkmenbaşy adyndaky Şekillendiriş sungaty muzeýinde «Goşa mukaddesligiň baýramy» ady bilen geçiriljek sergimize tomaşa etmäge çagyrýarys. Sergimiz sagat 11:00-da açylýar. Biziň salgymyz: Aşgabat ş. (A.Nowaýy) 2022. köçesiniň 88-nji jaýy Habarlaşmak üçin tel: 92-71-69
Kitaphanalar
06.05.2026Aşgabat şäher medeniýet müdirliginiň Merkezleşdirilen kitaphanalar ulgamynyň Kerim Gurbannepesow adyndaky kitaphana şahamçasynyň guramagynda «Bedew şan-şöhratyň, Garaşsyz Watan» ady bilen gürrüňdeşlik geçirildi. şGürrüňdeşlikde çykyş edenler her bir halkyň milli gymmatlygyna öwrülen milli mirasy bolup, türkmen halkynda ata-babalardan gelýän ajaýyp jümle bar “At agynan ýerde toý bolar” diýip ahalteke, behişdi bedewleriniň toý-baýramlarda ähli döwürlerde-de ýaraşyk berip gelýändigi barada giňişleýin gürrüň berdiler. Şeýle-de halkymyz behişdi bedewlere egsilmez söýgüni mydama kalbynyň töründe saklap, at döwletliligiň, abadançylygyň nyşany hasaplanylýandygy barada belläp geçdiler. Gürrüňdeşligiň ahyrynda türkmeniň behişdi bedewleriniň abraý-mertebesini belende götermekde, atçylyk toplumyny ösdürmekde nusgalyk işleri alyp barýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.
Kitaphanalar
06.05.2026Türkmenistanyň Döwlet medeniýet merkeziniň Döwlet kitaphanasynyň Bibliografiýa bölümi Beýik Ýeňşiň 81 ýyllygy mynasybetli “Bakydyr dünýäde Ýeňiş baýramy” ady bilen çäre geçirdi. Çykyş eden kitaphana hünärmenleri ata Watanymyzyň asudalygy, parahatçylygy ugrunda göreşen gerçeklerimiziň, mert ýigitlerimiziň edermenligi, yzynda ojagynyň oduny öçürmän garaşan käbelerimiz barada täsirli çykyş etdiler. Bu çäre türkmen halkynyň taryhyny hem-de geçmişimizi çuňňur öwrenmeklikde, esasan hem ýaş nesillerimiziň ylym-bilim hem-de aň-düşünjesini ösdürmekde watansöýüji ýaşlar bolup ýetişmeklerinde uly ýardam berýär. Ýeňiş güni mynasybetli geçirilen çärä gatnaşyjylar Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak, beýik işleriniň rowaç bolmagyny tüýs ýürekden arzuw etdiler.
Kitaphanalar
06.05.2026Türkmenistanyň Döwlet medeniýet merkeziniň Döwlet kitaphanasynda Türkmenistanyň Magtymguly adyndaky Ýaşlar guramasy “Altyn asyr” teleýaýlymy bilen bilelikde “Ýaşlary terbiýelemekde kitaplaryň ähmiýeti” ady bilen söhbetdeşlik geçirdi. Söhbetdeşlikde çykyş edenler Berkarar döwletiň täze eýýamynyň Galkynyşy döwründe bilim özgertmeleriniň üstünlikli durmuşa geçirilýändigi, täze taryhy eýýamda bilim ulgamynyň maddy-enjamlaýyn binýadyny pugtalandyrmak, ýaş nesle halkara derejede bilim-terbiýe bermek boýunça maksatnamalaýyn işleriň giň gerimde durmuşa geçirilýändigi hakynda gürrüň etdiler. Mundan başga-da kitabyň adamlaryň durmuşynda, ylaýta-da ýaşlaryň bilimlerini çuňlaşdyrmaklarynda tutýan ornunyň uludygyny belläp geçdiler. Söhbetdeşligiň ahyrynda çykyş edenler Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, alyp barýan beýik işleriniň rowaç bolmagyny tüýs ýürekden arzuw etdiler!
Kitaphanalar
06.05.2026Türkmenistanyň Döwlet medeniýet merkeziniň Döwlet kitaphanasynyň Ylmy habar beriş we sowal-jogap bölümi tarapyndan “Kitaphana – rowaçlyklara badalga” atly gurnakda “Katalogdan hem-de elektron katalogdan erkin gözlemek” atly sapagy geçirildi. “Kitaphana – rowaçlyklara badalga” atly gurnaga Türkmen Döwlet medeniýet institutynyň “Kitaphanaçylyk” fakultetiniň talyplary gatnaşdylar. Gurnakda okyjynyň özüni gyzyklandyrýan maglumatlary elipbiý katalogyndan gözlemek üçin kitabyň ýa-da haýsydyr bir eseriň ady boýunça elipbiý tertibinde gözlemek işi geçirildi. Ylmy habar beriş we sowal-jogap bölüminiň kitaphanaçylary talyp ýaşlar bilen bilelikde geçirilen okuw tejribesinde ýaşlaryň kitaphana işine bolan höwesleriniň ýokary derejede ösmegine uly täsirini ýetirdi. Soňra bolsa gurnaga gatnaşyjylar kitaphana işini ösdürmekde, kitaplary aýawly saklamakda we ýaş nesle ýetirmekde birnäçe aladalary edýän türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny tüýs ýürekden arzuw etdiler.
Kitaphanalar
06.05.2026Türkmenistanyň Döwlet medeniýet merkeziniň Döwlet kitaphanasynyň Patent-tehniki edebiýatlar bölüminiň işgärleri Aşgabat şäherinde ýerleşýän 42-nji çagalar bakja-bagynda “Bagtyýar nesilleriň nagmalary” atly körpejeleriň arasynda çagalar üçin niýetlenen ertekilerden çeper okaýyş geçirdiler. Bakja–bagyndaky çagalar okap berlen ertekileri ünsli diňläp, özlerinde täsir galdyran gahrymanlary barada gyzyklanma bilen sorag-jogap alyşdylar. Çeper okaýyşda çagalary gyzyklandyrýan türkmen halk ertekileriniň gahrymanlary bilen tanyşdyryldy. Bu bolsa çagalarda uly täsir galdyrdy. Kitaphana işgärleri ertekilerdäki gahrymanlaryň edermenligi hakynda gürrüň berdiler, bu bolsa çagalarda kitaba bolan söýgüni has-da artdyrdy. Şeýle-de, çeper okaýyşyň çäginde kitap sergisi hem gurnaldy. Kitap sergisi ýaş nesliň her birinde kitaba bolan düşünjäni artdyrdy. Kitap okan çaganyň jemgyýetde öz ornuny tapmagy, kämil şahsyýet bolup ýetişmegi üçin ýol-ýörelgedigi hakynda giňden maglumatlar berildi. Bagtyýar nesillerimizi milli ruhda terbiýelemäge uly mümkinçilikleri döredýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýüregimizden arzuw edýäris.
Kitaphanalar
06.05.2026Lebap welaýat kitaphanasynyň “Syýasy jemgyýetçilik edebiýatlary wagyz edýän” bölümi “Watan, gahrymanlaryny unutmaýar” atly kitap sergisini gurady. Bu sergä Türkmenistanyň Içeri işler ministrliginiň ýanyndaky içerki goşunlarynyň 1002 harby bölüminiň 16-njy atyjylyk rotasynyň esgerleri gatnaşdylar. Sergide türkmen halkynyň Milli Lideri Gahryman Arkadagymyzyň ýiti zehininden syzylyp çykan “Döwlet guşy” romanyndan, “Mertler Watany beýgeldýär” eserinden parçalar okaldy.
Kitaphanalar
06.05.2026Türkmenistanyň Döwlet medeniýet merkeziniň Döwlet kitaphanasynda, Türkmenistanyň Medeniýet ministrliginiň, Türkmen döwlet neşirýat gullugynyň, Türkmenistanyň Telewideniýe, radiogepleşikler we kinematografiýa baradaky döwlet komitetiniň bilelikde guramaklarynda, halypa şahyrlar Halyl Kulyýewiň doglan gününiň 90 ýyllygy, Çary Ýegenmyradowyň doglan gününiň 60 ýyllygy mynasybetli döredijilik duşuşygy geçirildi. Duşuşykda çykyş eden döredijilik işgärleri halypa şahyrlar Halyl Kulyýewiň, Çary Ýegenmyradowyň ömri we döredijiligi hakynda giňişleýin söhbet etmek bilen, bu ussat şahyrlaryň kitaplarynyň şu günki döredijilik işgärlerimize gollanma bolup hyzmat edýändigini bellediler. Şeýle hem, söz sungatynyň hiç wagt könelmeýändigini, ýaş nesillerimiziň halypa ýazyjy-şahyrlarymyzyň eserlerini uly höwes bilen okaýandyklaryny çykyş edenler buýsanç bilen nygtadylar. Döredijilik duşuşygyna gatnaşanlar türkmen medeniýetine, sungatyna we edebiýatyna uly hormat goýýan, ýazyjy-şahyrlarymyzy sarpalaýan, türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, il-ýurt bähbitli alyp barýan döwletli işleriniň hemişe rowaç bolmagyny tüýs ýürekden arzuw etdiler.
Teatr we kino dünýäsi
05.05.2026Hormatly Watandaşlar, Türkmenistanyň Döwlet sirki maý aýynyň 10-na sagat 18:00-da, Sizi sirk tomaşasyny görmäge çagyrýar. Çykyşlarymyzyň dowamynda dürli sirk oýunlary, artistleriň täzeden-täze şowhunly çykyşlary, dünýäniň dürli haýwanlarynyň çykyşlary, esasan hem “Galkynyş” milli at üstündäki oýunlar toparynyň we “Türkmen jigitleri” toparynyň çykyşlary hem-de “Gündogar ýyldyzlary” milli sirk oýunlar toparynyň ýaş zehinleriniň çykyşlary görkeziler. Hormatly Ildeşler Türkmenistanyň Döwlet sirkinde hoş gördük!!! Biziň sirk.gov.tm resmi sahypasynda petekleri «online» görnüşinde hem alyp bilersiňiz. Habarlaşmak üçin: 39-80-44; 39-80-45; 36-10-95; 36-10-34;
Muzeýler
05.05.2026Türkmenistanyň Döwlet medeniýet merkeziniň Döwlet muzeýi 2026-njy ýylyň 6-njy maýynda sagat 10:00-da Ýeňiş güni mynasybetli “Hakyda ýazylan ýatlamalar” atly gurnalan serginiň açylyş dabarasyna çagyrýar. Biziň salgymyz: Arçabil şaýolunyň 50-nji jaýy Habarlaşmak üçin tel: 48-25-92
