Lebap welaýat kitaphanasynda Türkmenistanyň Zenanlar birleşiginiň Merkezi Geňeşiniň hem-de Lebap welaýat zenanlar bölüminiň gurnamaklarynda “Bedew batly zamananyň bagtyýar zenanlary” ady bilen okuw maslahaty geçirildi. Maslahata Türkmenistanyň Zenanlar birleşiginiň Merkezi Geňeşiniň agzalary, welaýat bölümleriniň işjeň agzalary, ilkinji zenanlar guramasynyň başlyklary we kitaphana işgärleri gatnaşdylar. Çykyşlarda Türkmen Halkynyň Milli Lideri Gahryman Arkadagymyzyň jöwher paýhasyndan syzylyp çykan “Enä tagzym-mukaddeslige tagzym”, “Janly rowaýat”, “Arşyň nepisligi” atly kitaplaryndan ugur alyp, türkmen zenanlaryny bezeýän ilkinji aýratynlyk olaryň ene-mamalarymyzdan miras galan milli edim-gylymlarymyza we ýörelgelerimize wepalylygy barada, dünýäde hiç bir milletiňkä meňzemeýän ajaýyp milli şaý-seplerimiz, egin-eşiklerimiz bütin dünýäni haýrana goýýandygy, öz ukup-başarnyklary bilen dünýä çykmaga ähli mümkinçilikleriň döredilendigi, bu gün ähli ugurlarda ýurdumyzyň halkara abraýyny göterýän zenanlarymyza tutuş halkymyz guwanýandygy, ýurdumyzda zenanlara goýulýan sarpa belentdigi barada täsirli gürrüňler edildi.
Şeýle ajaýyp döwürde zenanlarymyzyň goýulýan sarpa üçin türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza köp sagbolsun aýdyldy. Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, belent başlarynyň aman bolmagyny arzuw etdiler.
