Ýakynda tutuş ýurdymyzda giňden hem-de dabaraly bellenip geçilen milli bahar baýramy Halkara Nowruz gününde ýurdumyzyň dünýä derejesinde abraýyny hasam artdyran hoş habar ildeşlerimiziň goşa toýuna öwrüldi. 2025-nji ýylyň 21-nji martynda ABŞ-nyň Nýu-Ýork şäherinde Birleşen Milletler Guramasynyň Baş Assambleýasynyň 79-njy sessiýasynyň 61-nji plenar mejlisinde ýurdumyzyň başlangyjy bilen «Türkmenistanyň hemişelik Bitaraplygy» atly Kararnama biragyzdan kabul edildi. Şu hoş habar mynasybetli 2025-nji ýylyň 25-nji martynda Türkmenistanyň Döwlet çeperçilik akademiýasynda hem «Bitaraplyk aýdyň ýollara şamçyrag» atly maslahat geçirildi.
