Aşgabat şäher medeniýet müdirliginiň Merkezleşdirilen kitaphanalar ulgamynyň Çoganly şäherçe kitaphana şahamçasynyň guramagynda Gökderedäki “Beýik Serdar nesilleri” çagalar sagaldyş we dynç alyş merkezinde okuw-tejribeçilik sapaklaryny geçýän talyplarynyň arasynda Gahryman Arkadagymyzyň «Hakyda göwheri» kitaby esasynda gürrüňdeşlik geçirildi.
Gürrüňdeşlikde taryhymyzy, edebi mirasymyzy, milli gymmatlyklarymyzy özünde jemleýän Gahryman Arkadagymyzyň “Hakyda göwheri” kitabynyň ylmy-filosofik eseriniň many-mazmunynda türkmen halkynyň asyrlarboýy döredip gelen halk döredijiliginiň esasy ugry bolan rowaýatlaryň we nakyllaryň aýratyn ornunyň bardygy hakynda gürrüň berdiler. Şeýle-de ýaş nesilleri ýokary ahlakly, watansöýüji, zähmetsöýer, adamkärçilikli ýaşlar edip ýetişdirmekde uly ähmiýete eýedigi barada belläp geçdiler.
Gürrüňdeşligiň ahyrynda halkymyza gymmatly eserlerini peşgeş berýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.
