Ahal welaýat kitaphanasynyň gurnamagynda Änew şäherindäki medeniýet öýünde Monako Knýazlygynyň paýtagty Monte-Karloda geçirilen 47-nji halkara sirk sungaty festiwalynyň Altyn baýragyna we beýleki ýörite baýraklara mynasyp bolmagy başaran «Galkynyş» milli at üstündäki oýunlar toparynyň ýeňişine bagyşlap Miras teleýaýlymynyň ýazgy etmeginde atşynaslaryň, kitaphana we muzeý hünärmenleriniň gatnaşmagynda söhbetdeşlik geçirildi.
Söhbetdeşlikde çykyş edenler Monte-Karloda geçirilen 47-nji halkara sirk sungaty festiwalynda «Galkynyş» milli at üstündäki oýunlar toparynyň gazanan üstünligi hem ýurdumyzda atşynaslyk sungatyny ösdürmekde edilýän bimöçber aladalaryň, taýsyz tagallalaryň netijesidir. Bu toparyň gysga döwrüň içinde dünýäniň dürli ýurtlarynda geçirilen festiwallardyr oýunlarda birnäçe gezek baş baýraga eýe bolmagy halkymyzda atşynaslyga, atçylyk sirk sungatyna näderejede ähmiýet berilýändigini dünýä äşgär edýär diýip belläp geçdiler. Geçirilen söhbetdeşligiň çäginde medeniýet öýüniň eýwanynda giň okyjylar köpçüligine niýetlenen kitap sergi hem gurnaldy.
Çykyşlarda gözellikde taýy bolmadyk behişdi bedewlerimiziň, olara atlanan jigitleriň geljekde hem dünýäni haýrana goýup, gazanjak ýokary derejeli baýraklary köp bolar. Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, tutumly işleriniň rowaç bolmagyny arzuw edýäris. Behişdi bedewlerimiziň ýeňişleri dowamat-dowam bolsun! Diýip arzuw edildi.
