Golaýda Lebap welaýat kitaphanasynda Türkmenabat şäher häkimligi, Türkmenistanyň Magtymguly adyndaky Ýaşlar guramasynyň Türkmenabat şäher geňeşi, Türkmenistanyň Demokratik Partiýasynyň Türkmenabat şäher komiteti bilen Lebap welaýat kitaphanasynyň bilelikde guramaklarynda, ýurdumyzda uludan toýlanjak dabaralar mynasybetli, şanly Garaşsyzlygymyzyň 35 ýyllyk toýuna hem-de Türkmenistanyň Halk Maslahatynyň nobatdaky mejlisine taýýarlyk görmegiň çäklerinde, “Türkmenistanyň Halk Maslahatynyň taryhy ähmiýeti we öňde goýýan wezipeleri” atly maslahat geçirildi. Maslahatda edilen çykyşlarda Garaşsyzlyk ýyllarynda ýetilen sepgitler, gazanylan üstünlikler uly buýsanç bilen bellenildi.
Maslahatyň ahyrynda oňa gatnaşanlar, il-günümizi bagtyýar durmuşda ýaşadýan, ýurdumyzy gülledip ösdürýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, döwletli işleriniň hemişe rowaç bolmagyny arzuw etdiler.
