HALKARA PARAHATÇYLYK WE YNANYŞMAK ÝYLY
Binýady berkden tutulan bu mukaddes Watanyň, Parahatlyk buýsanç berýär, geljege ynam uly. Hoş geldiň ýylyň şygary, batly bolsun gadamyň, Halkara parahatçylyk we ynanyşmak ýyly.
Türkmene bagt getirýändir, her bir gelýän seneler, Dünýäň abatlygynda bereketlidir ene Ýer. Bu ilde täze şygar döwletlilige deňeler, Halkara parahatçylyk we ynanyşmak ýyly.
Pederlermiziň arzuwy bu berkarar Diýardyr, Ylym-bilimden taplanan nesiller bagtyýardyr. Bu şygaryň astynda halklaryň dostlugy bardyr, Halkara parahatçylyk we ynanyşmak ýyly.
Milli Lider, Gahryman Arkadagyň göreldesi, Arkadagly Gahryman Serdarmyzyň ýörelgesi. Ajap durmuşa ýol bolsun bu ýylyň badalgasy, Halkara parahatçylyk we ynanyşmak ýyly.
Allaberdi BEGMYRADOW 27.03.2025
