Türkmenistanyň Döwlet medeniýet merkeziniň Döwlet kitaphanasynda Türkmen Döwlet medeniýet we sungat mekdebiniň tejribe okuwyny geçýän talyplary bilen bilelikde, «Galkynyş» milli at üstündäki oýunlar toparynyň Monako Knýazlygynyň paýtagty Monte-Karloda geçirilen 47-nji halkara sirk sungaty festiwalynda üstünlikli çykyş edip, Altyn baýraga we beýleki ýörite baýraklaryny almaklary bilen bagly söhbetdeşlik gurnaldy. Tejribe geçýän talyplar, Döwlet kitaphanasynda ýurdumyzyň ösüşli taryhy wakalary bilen bagly täzelikleriň şeýle beýik derejede wagyz edilýänligine uly gyzyklanma bildirýärler. Şeýle baýraklaryň yzy üzülmesin! Gahryman Arkadagymyzyň, Arkadagly Gahryman Serdarymyzyň janlary sag, il-ýurt ähmiýetli işleri rowaç bolsun!
