Aşgabat şäher medeniýet müdirliginiň Merkezleşdirilen kitaphanalar ulgamynyň Magtymguly adyndaky merkezi kitaphanasy hem-de Maýa Kulyýewa adyndaky Türkmen milli konserwatoriýasy bilen bilelikde guramagynda Medeniýet we sungat işgärleriniň hem-de Magtymguly Pyragynyň şygryýet güni mynasybetli «Medeniýet we sungat döredijiligiň baýramy» ady bilen baýramçylyk çäresi geçirildi.
Çärede çykyş edenler Medeniýet hem-de sungat – ruhy gözelligi, ajaýyplygy, gaýtalanmajak nepisligi, tämiz duýgy-düşünjeleri bir ýere birleşdirýän güýç bolup, ynsan kalbyny bitewilige çagyrýandygy barada gürrüň berdiler. Şeýle-de medeniýet adamzady parahatçylyga, dost-doganlyga, agzybirlige, ynanyşmaga çagyrýandygy barada beýan etdiler.
Çäräniň dowamynda halkymyzyň döredijilik medeniýetini bütin dünýä ýaýmaga giň mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.
