Türkmenistanyň B.Amanow adyndaky döwlet çagalar kitaphanasy tomusky dynç alyş möwsüminiň dowam edýän günlerinde Gökderedäki “Beýik Serdaryň ruhubelent nesilleri” çagalar sagaldyş we dynç alyş merkezinde türkmen halk ertekileri barada “Sazly ertekileriň gahrymanlary” atly söhbetdeşlik geçirdi. Söhbetdeşligiň dowamynda ertekileri seslendirmegiň usullary, sazly ertekileriň dürli görnüşleri, aýdym-sazyň üsti bilen wakalaryň beýan edilişi barada täsirli gürrüň edildi. Hünärmenimiz birnäçe ertekileriň gahrymanlaryny, wakalaryny seslendirdi. Höwesjeň çagalar hem seslendirmäge goşulyp, gyzykly wagt geçirdiler. Gurnalan göçme kitap sergisi hem çagalarda uly täsir galdyrdy.
Söhbetdeşligiň ahyrynda aýdym-saz sungatymyzy, halk döredijiligimizi, türkmen halk ertekileriniň dürli görnüşlerini ýaş nesillere giňişleýin wagyz etmäge döredip berýän giň mümkinçilikleri üçin Gahryman Arkadagymyza, Arkadagly Gahryman Serdarymyza alkyş sözleri beýan edildi.
