2026-njy ýylyň 28-nji sentýabryndan 21-nji oktýabry aralygynda Ýaponiýa döwletinde Ýaponiýanyň Halkara Hyzmatdaşlyk Agentligi (JICA) tarapyndan Merkezi Aziýa ýurtlarynda sebitleýin syýahatçylygy ösdürmek boýunça okuwlaryna ýurdumyzyň «Halkara syýahat» we «Şowly syýahat» syýahatçylyk kärhanalarynyň wekilleri gatnaşdylar.
Ýaponiýanyň Halkara Hyzmatdaşlyk Agentliginiň tejribeli hünärmenleriniň we Wakaýama uniwersitetiniň Halkara gatnaşyklar kafedrasynyň professor mugallymlarynyň gatnaşmagynda geçirilen amaly we tejribe sapaklar geljekde ýurdumyzyň syýahatçylyk ýerlerini täze ösen tehnologiýalar arkaly mahabatlandyrmak, ekologiýa we saglyk, taryhy syýahatçylygyny ösdürmek, Ýaponiýadan şeýle-de Merkezi Aziýa ýurtlaryndan gelýän syýahatçylaryň akymyny artdyrmaga itergi berer.
Okuwa gatnaşan syýahatçylyk kärhanalarynyň wekilleri Türkmenistanyň syýahatçylyk mümkinçiliklerini Wakaýama uniwersitetiniň Halkara gatnaşyklar kafedrasynda giňden mahabatlandyrdylar.
