HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

ABDULHAMYT ÇOLPON

Edebiýat älemi

24.10.2025

«GÜÝZ ÝAGŞY» Döküldi damjalar... Ýapragyň ýüzi Damja ogşadyp ezildi, Çukurjyga doldy... Damjany köpeldip Ýüzünde oýnatdy. Çukurjyk Jinnek ýaly kölçe, Damjalar – Gök asmanyň sözleri Baran ýerin gamçylar... «GÖZEL» Garaňky gijede göge göz dikip, Iň ýagty ýyldyzdan seni soraryn. Ol ýyldyz uýalyp, başyny bukup, Dillener: men ony düýşde görerin. Düýşümde görerin – şeýle bir gözel, Bizden-de gözeldir, Aýdan-da gözel! ________________________ Gözümi aýlaryn Aý dogan ýere, Başlaryn Aýdan-da seni sormaga. Ol hem aýdar: bir gyrmyzy ýaňaga Uçradym düýşümde, gömülen aga. Aga gömülen-de şeýle bir gözel, Menden-de gözeldir, Günden-de gözel! ________________________ Saba daň şemaly saçlaryn ýaýyp, Ýanymdan ötende sorap görerin. Aýdadyr: bir görüp, ýolumdan ozup, Dag-u-daşlar içre gözläp ýörerin! Bir gördüm men ony – şeýle bir gözel, Aýdan-da gözeldir, Günden-de gözel! ________________________ Ol gidip, Gün çykar nuruny saçyp, Ondan-da soraryn seniň gaşyňda. Ol-da öz odundan gizlenip, gaçyp Aýdadyr: bir gördüm, düýşde däl, aňda. Men aňda göremde şeýle bir gözel, Aýdan-da gözeldir, menden-de gözel! ________________________ Men biçäre, nädip ony söýüp men, Oň üçin ýanyp men, ýanyp-köýüp men, Başymy zor yşka berip goýup men, Men söýüp...men söýüp...kimi söýüp men? ________________________ Meň söýen magşugym şeýle bir gözel, Aýdan-da gözeldir, Günden-de gözel! ________________________ «BENEWŞE» Benewşe, bu senmi, benewşe–senmi, Ýol ugrunda nyrh kesilip satylan. Benewşe, bu menmi, benewşe menmi, Seniň söýgiň hem gaýgyňa gyýylan? Benewşe, nämüçin, parlap açylman, Şatlanmankaň pudagyňdan üzüldiň? Benewşe, nämüçin ysyň saçylman, Gunça wagtyň ýolunmaga dözüldiň? Benewşe, Aýt maňa, Kimlerkä olar, Iňňäni bagryňa dürtüp sançsalar? Benewşe, Bir sözle, O neneň gollar, Uzalyp gül-gunçalarňy ýolsalar? ________________________ Benewşe, şeýle bir ajap görküň bar, Uz ýylgyryp, açylyşyň gysga seň? Benewşe, şeýle bir hoşboý ysyň bar, Köňlüme nur berer ýeke ysgasam? ________________________ Benewşe, aglama, indi gel bäri, Gaýgylaryň gaýgylarma goşulsyn. Seniň üçin kükregim bor erk ýeri, Ol seni bu ýerden göge uçursyn. Benewşe, dertdeşim, neçüýn gelmez sen, Gussaň köpdür, meň derdimi bilmez sen, Neçüýn maňa bir ýylgyryp bakmaz sen? ________________________ ABDULHAMYT ÇOLPON (Terjime eden: A.Rejepow)

MUHAMMET EMINHOJA MUKYMY

Edebiýat älemi

23.10.2025

«NOWBAHAR. AÇYLDY GÜLLER, ÝAŞYL DON GEÝDI BAGLAR...» Nowbahar. Açyldy güller, ýaşyl don geýdi baglar, Geliň, bir söhbet edeliň, dost-doganlar, gardaşlar. _______________________________ Bu söhbete-mejlise ýygnanyşyp dosty-ýarlar, Gülüp-oýnap tebigata seýle çykarlyk çaglar. _______________________________ Şatlanan gözüň syrly bolsa peri dek neýläýin, Aýrylyp akyl-huşundan telbe bolmagaý saglar. _______________________________ Haýp, ähli tämizlik bu mahal tiken eken, Gör, bilbiliň ornuna gelip gonupdyr zaglar. _______________________________ Hoş söz isläp kimseden, ýüregňi beýan eýleseň, Alaç tapmakdan geçen, üstüňe sürünerler. _______________________________ Haçana çen melamatda gezmeli mydam Mukym, Bir zaman göz ýumgul indi saňa bosun azarlar. _______________________________ «AŞYK BOLUP MEN, EÝ ÝARY JANYM...» Aşyk bolup saňa, eý söwer ýarym, Didaryňy gözläp, ýokdur mejalym. _______________________________ Bir-de gözlemez sen solan gülüňi, Dideleri jellat, näzik nahalym. _______________________________ Rehim eýle maňa, eý bagry girýan, Didäme dolan sen, eý şahy-zalym. _______________________________ Lebiň teşnelere aýla nazaryň, Kamaty şemşatdyr, gaşy hylalym. _______________________________ Köňlümi aldyň sen bir-iki sözläp, Diwana boldum men, toty tetellim. _______________________________ Her demde köýer men, ýadyma düşseň, Bir görmesem seni, ýokdur mejalym. _______________________________ Näçe zaman boldy, gözüň pynhandyr, Aşyk Mukymy diýr, eý hassa halym. _________________________ «KIM DIÝSIN» Ol biperwaý kişige haly harabym kim diýsin? Seýranda meniň gören beýle azabym, kim diýsin? _______________________________ Gündizler bir ýerde bir dem bolmaz aram-u-karar, Gijeler bir pursat ýokdur gözde ukym, kim diýsin? _______________________________ Öz islegi-arzuwyna hyýal eder her bir kişi, Bes, köýüp yşkynda çeken horlugym, kim diýsin? _______________________________ Köýmedik bolsa birew mähri muhabbediň oduna, Şamdan daňa çen örtän azaply tabym, kim diýsin? _______________________________ Uluglaryň agzybirlik binýadydyr hoşpälliler, Ýolunda jananymyň haýr-u-sogabym kim diýsin? _______________________________ Eger başyma hasrat inse-de, diýerin men rastym, Söz hak bolsa, sowalyma jogabym, kim diýsin? _______________________________ Dostlar, sorasaňyz derdin Mukymyň, erte-giç, Gyrmyzy şerap içsem, jiger kebabym, kim diýsin? _______________________ Muhammet Eminhoja Mukymy (Terjime eden: A.Rejepow)

«ÇYN DOST»

Edebiýat älemi

21.10.2025

«ÇYN DOST» _____________________________ Iki adam bir-bire şeýle bir dostlaşdylar, Göýä olaň ýüregi deň urýan deý hamana. Bir gün makul bilip seýli-seýrana gitmegi, Sährany synlamaga boldy olar rowana. _____________________________ Ýolda derýadan geçmek dogry geldi dostlara, Oturyp bir gämide geçmekçi boldy olar. Bir zaman tolkun galyp gämini harap etdi, Birdenkä bu iki dost gämili gark boldular. _____________________________ Suw ýüzünde şol pursat agyp gidip barýarka, Olary halas etmäge geldi suwçular derhal. Dostlaryň birini tutanlarynda, ol diýdi: «Goý meni, ilki baryp dostumy eýläň halas». _____________________________ Suwçy baryp, çykarsa oň dostuny, Ol hem aýtdy: «ilki çykaryň ony». Gördüňizmi, eziz perzentlerimiz, Hakyky dostlugyň bu nyşanyny. _____________________________ «HOŞLAŞYK SÖZI» _____________________________ Doglup ösdüm bu Watanda, Watanym dek ýok jahanda! Topraklary ösümlikdir, Tebigaty gülzarlykdyr. _____________________________ Bir tarapda daglary bar, Miwesi bol baglary bar. Daglaryndan känler çykar, Ýerlerinden däne çykar. _____________________________ Suwlary bar şerbet-datly, Miwesi gandu-nabatly. Baglarynda şirin-şerbet, Injir, üzüm, enar, armyt. _____________________________ Daragtlary öser göge, Başyn götär asman sary. Howasy jana şypaly, Çölleri guba çägeli. _____________________________ Daşkent däldir, daşgant bolar, Kesekleri bägül bolar. Jepakeşe hazynadyr, Ýaltalara tiken bolar. _____________________________ Gije-gündiz zähmet çeken, Zähmetkeşiň gadry bilnen. Öter günler, öter zaman, Eý, Watanym, jyda bolma! _____________________________ Men gitsem-de, sen aman bol! Aman Watan, Watan aman! Abdulla AWLONIÝ (Terjime eden A. Rejepow)

«GALDYMY»

Edebiýat älemi

16.10.2025

«GALDYMY» Çarhyň maňa bermedik jebir-jepasy galdymy?! Hassa köňlüm çekmedik derdi-belasy galdymy?! ________________ Meni şeýle horlukda goýdy alan terbiýäm, Pany jahanyň indi özge islegi galdymy?! ________________ Jepadyr-jebri bilen meni ýykdy ol pelek, Indi turuzmak üçin mähri-wepasy galdymy?! ________________ Aşyk bolan gördüm ony özüme, eý dostum, Bu älemde köňlümiň özge horlugy galdymy?! ________________ Eý, köňül, kylma aýp, Babyr ol älemi islär, Taňry üçin-de bu älemiň sapasy galdymy?! ________________ «TAPYLMAZ» Sen dek maňa şeýle bir ýar jepakär tapylmaz, Men dek saňa şeýle bir ýar wepadar tapylmaz. ________________ Bu görküň-görmegiň bilen hut hüýr-u-peri sen, Ynsyň-jynsyň arasynda başga mukdar tapylmaz. ________________ Bigänäleň göz alnynda ol ýar ýokdugy aýan, Bu gamgyn köňül içre indi gamhor tapylmaz. ________________ Eý, gül, meni zar etmegil husnuň çemeninde, Gözi ýumup-açynça indi gülzar tapylmaz. ________________ Babyr saňa şoň üçin ýar diýdi, ýary bolgun, Bu älemde kişige ýok eýsem, ýar tapylmaz. ________________ Zahyreddin Muhammet Babyr (Terjime eden A.Rejepow)

«MEŞREP MEN»

Edebiýat älemi

15.10.2025

«MEŞREP MEN» Kyblamyň telwasynda saýyl awara Meşrep men, Gözi ýaşly, kaddy elip, kalby set para Meşrep men. _________________________________________ Bolmasa-da köňlümde dünýäň zerre deý mähri, Sen diýip iki älemden geçip, ykmanda Meşrep men. _________________________________________ Ölüp gitsem, seniň derdiň soňra-da gitmegeý asla, Lahat içre pygan eýläp, özüm biçäre Meşrep men. _________________________________________ Eneden gaýly gün dogdum, seniň yşkyňda ah urdum, Muhabbet dagynda örtäp, özüm saýýara Meşrep men. _________________________________________ Muhabbet jamyndan meý berdiler, içmezlige çäräm ýok, Gözümden gan ýaşym dynman akar, hunhora Meşrep men. _________________________________________ Başyma müň bela gelse, dilär men wysalyň, sopy, Başym kesseň hossarym ýok diýen görgüli Meşrep men. _________________________________________ Halaýyklar ýaman diýp kowar her säher barsam, Märekeden ýekirilen bir saňsar-a, Meşrep men. _________________________________________ Özümiň halk içre ryswalygmy hiç kes bilmez, Jiger-janym pida eýläp, bir hilegär Meşrep men. _________________________________________ Men sergezdan Meşrebe muhabbeti beýan eýläň, Namaz-rozadan jyda bolan bir diwana Meşrep men. _________________________________________ «DÜNÝÄ GELIP BILMEZDEN MEN LAÝA BATA GALDYM...» Dünýä gelip bilmezden men laýa bata galdym, Mejalym ýok bolsa-da, agyz söz gata galdym. _________________________________________ Gördüm onuň duşmany ruhdur beden ekeni, Seslenip, iki gözüne men birdem baka galdym. _________________________________________ Girdim men bir meýhana, bilsem-de köýjegimi, Ýöne metjide girip, buz ýaly gatap galdym. _________________________________________ Ynan, men bir terkidünýä, a sende ybadat, Müň takwany bir käse men meýe sata galdym. _________________________________________ Ýekelik şerbetini gana-gana içdigim, Mansur kibi men dara başymy asa galdym. _________________________________________ Telbeligmiň şöhraty indi äleme doldy, Bir näzi üçin iki jahanda oda galdym. _________________________________________ Aýyplamaň bihuda men Meşrebi, ýaranlar, Neýleýin, bu aýralyk ýolundan öte galdym. _________________________________________ «EGER AŞYKLYGYMY AÝTSAM...» Eger aşyklygymy aýtsam, köýüp jan-u-jahan örtär, Bu yşk syryn beýan etsem, ýeke-täk hanyman örtär. _________________________________________ Bir kişä yşk odundan sähelçe ýetse bolar girýän, Bolup bisabyr-bitakat, ýürek-bagry ýakan örtär. _________________________________________ Yşka saldyň hanymanym, köýüp-ýandym pyragyňda, «Nigara» diýp adyň tutsam, lezzeti zyban örtär. _________________________________________ Eý, janym, juwan dil bilen seniň waspyň beýan etsem, Dilim laldyr, gözüm girýan, ganatlarym pynhan örtär. _________________________________________ Ne ýowuz gün eken, jana, wysalyňdan jyda bolmak, Meň ahymyň tütünine zemin hem-de asman örtär. _________________________________________ Bu dert bilen harap boldum, gelip halymy sormasaň, Gamyň başga, derdim başga, ýüregimi pygan örtär. _________________________________________ Bu Meşrebiň derdin janym, her kimiň başyna salma, Eger magşarda ah ursam, behişti jawydan örtär. _________________________________________ «BABARAHYM MEŞREP» (TERJIME EDEN A.REJEPOW)

Bu köňül

Edebiýat älemi

14.10.2025

Meni şeýda eýleýen bu köňüldir, bu köňül, Har – u – ryswa eýleýen bu köňüldir, bu köňül. __________________ Bagyşlaýyn jigerimi gara gaşlylar üçin, Ýa-da çäksiz eýleýen bu köňüldir, bu köňül. __________________ «Söýer» diýip ýazgarma, däldir meniň erkimde, Ol islegi eýleýen bu köňüldir, bu köňül. __________________ Mahal-mahal işigne sary barma diýrler, nädeýin, Ony talap eýleýen bu köňüldir, bu köňül. __________________ Saçlaň tary höwesinde bu garaňky gijede, Jany söwda eýleýen bu köňüldir, bu köňül. __________________ Dost-duşmanyň arasynda meni hemişe gapyl, Bir biçäre eýleýen bu köňüldir, bu köňül. __________________ Eý, Lutfi, özgelerden görme gözüň ýaşyny, Göýä derýa eýleýen bu köňüldir, bu köňül. __________________ Meni şeýda eýleýen bu köňüldir, bu köňül, Har – u – ryswa eýleýen bu köňüldir, bu köňül. __________________ Bagyşlaýyn jigerimi gara gaşlylar üçin, Ýa-da çäksiz eýleýen bu köňüldir, bu köňül. __________________ «Söýer» diýip ýazgarma, däldir meniň erkimde, Ol islegi eýleýen bu köňüldir, bu köňül. __________________ Mahal-mahal işigne sary barma diýrler, nädeýin, Ony talap eýleýen bu köňüldir, bu köňül. __________________ Saçlaň tary höwesinde bu garaňky gijede, Jany söwda eýleýen bu köňüldir, bu köňül. __________________ Dost-duşmanyň arasynda meni hemişe gapyl, Bir biçäre eýleýen bu köňüldir, bu köňül. __________________ Eý, Lutfi, özgelerden görme gözüň ýaşyny, Göýä derýa eýleýen bu köňüldir, bu köňül. __________________ «HA YNAN, HA YNANMA» Sen-sen söýenim, ha ynan, ha ynanma, Gandyr jigerim, ha ynan, ha ynanma. __________________ Hijran gijesi çarhy pelege ýeter, eý mah, Nurly säherim, ha ynan, ha ynanma. __________________ Müň gowga düşse-de başyma, yşkyňdan Ýokdur giderim, ha ynan, ha ynanma. __________________ Gözleriň yşk kölüne käteler nazar salsam, Galmaz azarym, ha ynan, ha ynanma. __________________ Ýakup kimin köp ýygтanyň galmady sensiz, Nury didäm, ha ynan, ha ynanma. __________________ Aý ýüzüňe garasak özge kişiler bile, Düşer nazarym, ha ynan, ha ynanma. __________________ Yşk odunda Lutfiň ýüzi çyragyny gizledi, Eý dünýe barym, ha ynan, ha ynanma. __________________ Sen-sen söýenim, ha ynan, ha ynanma, Gandyr jigerim, ha ynan, ha ynanma. __________________ Hijran gijesi çarhy pelege ýeter, eý mah, Nurly säherim, ha ynan, ha ynanma. __________________ Müň gowga düşse-de başyma, yşkyňdan Ýokdur giderim, ha ynan, ha ynanma. __________________ Gözleriň yşk kölüne käteler nazar salsam, Galmaz azarym, ha ynan, ha ynanma. __________________ Ýakup kimin köp ýygтanyň galmady sensiz, Nury didäm, ha ynan, ha ynanma. __________________ Aý ýüzüňe garasak özge kişiler bile, Düşer nazarym, ha ynan, ha ynanma. __________________ Yşk odunda Lutfiň ýüzi çyragyny gizledi, Eý dünýe barym, ha ynan, ha ynanma. __________________ Möwlana Lutfi ___________________ (Terjime eden: A. Rejepow)

EÝ, KUÝAŞ, ŞUGLA SAÇGYN...

Edebiýat älemi

10.10.2025

Eý, kuýaş, nuruň saçgyn, gam tününde zaryň men, Saba päk demin alan päkize säheriň men. ________________ Gözellik-görklilikde husny-mülkiň şasy sen, Melallykda, külpetde sadyk hyzmatkäriň men. ________________ Aýyp görme, seň yşkyňda ejiz bolsam eger-de, Garrylyk ýüki basan zary bimydaryň men. ________________ Özgeler deý hyzmat etmesem-de, bolmanda Şolaryň hatarynda bir umydygäriň men. _______________ Näçe ömrüm geçendir pyrkatdyr gam içinde, Ýygladym gije-gündiz zary - bikararyň men. ________________ Merhemet gözi bilen halyma nazar salgyn, Kalbyň içre ýer tutan bir dogaňa zaryň men. _______________ Islegim ýylynmakdyr seniň gyzgyn mähriňden, Çünki Agahi ýanan yşkyň içre haryň men. _______________ « EÝ, ŞOH, GÖZ – U GAŞYŇA ÄLEM GEDA, MEN HEM GEDA...» Eý, şoh, göz–u gaşyňa älem geda, men hem geda, Lagly lebi dür saçanda älem geda, men hem geda. ________________ Kä garagyň jan alar, käte gaşyň talaň salar, Beýle garagyň – gaşyňa älem geda, men hem geda. _______________ Kadd-u-lebiň äşgär, syrly, elden alar ygtyýary, Şeýle syryň-paşyňa älem geda, men hem geda. ________________ Başdan aýagyň jan bolar, janlar saňa gurban bolar, Jana, aýag – u – başyňa älem geda, men hem geda. _______________ Her näçe atsaň ok – u – daş, aýlap gazap äleme paş, Şol okdur daşyňa älem geda, men hem geda. ________________ Kalplarda keşbiň görki, gözlerde kamatyň nagşy, Suratgär – u – nakgaşyňa älem geda, men hem geda. _______________ On dörtden ýaşyň ötüp, husnuň äleme dolup, Bu husnuň – u – ýaşyňa älem geda, men hem geda. ________________ Abraý saňa hemra bolar, Perwerdigär ýaran bolar, Hemraňa hem ýaranyňa älem geda, men hem geda. _______________ Ah-u-nalaňa, Agahi, rehm etdi gözeller şasy, Ah-u-nalaň täsirine älem geda, men hem geda. _______________ «ÜSTÜNE» Galam gaşlaryň ýaýy ol çeşmi jellat üstüne, Amal üçin «nas» getirer «nun» eltip «sod» üstüne. ________________ Tomaşa kyl kamatyna, synla zyba jemalyny, Gör, gunçaň gül bolanny gol ýaýyp şemşat üstüne. ________________ Näz-u-kereşme, gamzasy öç alarlar hemişe, Wah, munça apat bolarmy bir adamzat üstüne. ________________ Men bir hassa, jan saklamak indi maňa müşgildir, Jellat gözi bidat eder her pursat bidat üstüne. ________________ Şol gül ýüzüň yşky bile şam-u-säher şeýda köňül, Bilbil dek saýrar ýüz nagma müň nagma perýat üstüne. ________________ Başyma ýagan gam daşynyň müňden biriçe bolmaz, Pelek eger müň Besütün ýagdyrsa Perhat üstüne. ________________ Eý, şah, keremli aýlarda deň tut ýaman-u-ýagşyny, Bil, mähir nury deň düşer weýran-u-abat üstüne. ________________ Haky tanaň, ahyrýetde iman bolar ýoldaşyň, Seýl et Süleýman dek, tagt gurup şemal üstünde. ________________ Agahi, mertlik bilen zybanyndan söz açar, Ýüz hili gam hüjüm eýlär gaýgy-apat üstüne. ________________ «ÝÜREK DERDIM OŇA DIÝDIM...» Ýürek derdim oňa diýdim, diýme ony maňa diýdi, Kim maňa aşyk bolsa, zerur bolar oňa diýdi. ________________ Ýüzüňde iki nerkesiň, wah, ne bela, gara, diýdim, Köňlüň – u – janyňy alan iki gara bela, diýdi. ________________ Lebleriň agzyma ýetir, jan tapaýyn oňa, diýdim, Näzli ýylgyryp bakyp, ölüm ýokmy saňa, diýdi. ________________ Inçe biliňden guçmak köňlümiň islegi diýdim, Ýokmy uýadyň, beýle söz diýere, baý-ba, diýdi. ________________ Nazar aýlaýyn husnuňa, men sary gara, diýdim, Ýaşyryban ýüzün, git, eý masgara, bihaýa, diýdi. ________________ Lebiňden posa alaýyn, aýla maňa nazar, diýdim, Gaş-u-garagny çytyp, goý, bu sözüň hata, diýdi. ________________ Hergiz sergezdan eýlemegil wepa maňa, diýdim, Äşgär ahyr, özüň haçan görkezipdiň wepa, diýdi. ________________ Hassa köňle otlar salan bormy munça jepa, diýdim, Jepa diýme, ol-a seniň derdiňe bor dowa, diýdi. ________________ Agahiýniň derdine görmediň sen rowa, diýdim, Gam taparmy janyň oňa kylmasa özün pida, diýdi. ______________________ MUHAMMET RYZA AGAHI (Terjime eden: A.Rejepow)

GAZALLAR

Edebiýat älemi

08.10.2025

Ýar ýüzümi görüp derdi-gamym bilse gerek, Ýüz görüp derdi-gamym alajyn kylsa gerek. Eý, saba, jan-u-köňlüňi özüň üçin ýaratdy, Köňli bile diýer sen: jan üçin gelse gerek. *** Bir peri men telbäni husnuna maýyl edendir, Gözümde keşbi galyp, köňlümde menzil edendir, Köňlümize jebri çäksiz kyldy ol nämähriban, Janyma ýüz müň gamy-külpeti hasyl edendir. *** Kim bolar sen kibi älemde dildary onuň, Nirede azm eýlese bolar Hudaý ýary onuň. Köýüňde men azm eder men–galkynan dek hatyrym, Hatyrymy saklasa, Taňry howandary onuň. *** Telbe köňlüm seniň janyňdadyr, ýat eýlegil, Ezizläp, mähremlik bilen köňlümi şat eýlegil. Yşrat içre hergiz genji-kän bolsaň iliňe, Pyrkatyňda galan egri kamatym ýat eýlegil. *** Ne pikirdir, pikriň däldir – ol pikir bolar batyl, Ne ömürdir, öter sensiz – ol ömür bor bihasyl. Alla hergiz gyýa garamasyn, her haçan görsem, Kä köňlüm howsalada, kä aklymdan jyda men. *** Haýsy azaryn aýdaýyn janyma bigänäniň, Haýsy bir ynjydanny göwnümi ol dildaryň? Haýsy bir ýowuzlygny täleý ýalňyşlygynyň, Haýsy bir egriligni çarhyň aldaw-torunyň? __________ Alyşer Nowaýy (Terjime eden: A.Rejepow)

EDEBI DOSTLUK–EBEDI DOSTLUK

Edebiýat älemi

01.10.2025

Türkmen halkynyň Milli Lideri Gahryman Arkadagymyzyň hem-de Türkmenistanyň we Özbegistan Respublikasynyň Hormatly Prezidentleriniň bilelikdäki goldaw-hemaýatlary netijesinde häzirki döwürde türkmen we özbek halklarynyň arasynda köp asyrlaryň dowamynda däbe öwrülen goňşuçylyk, dost-doganlyk gatnaşyklary barha ösdürilýär. Biziň dostlukly ýurtlarymyzyň arasyndaky gatnaşyklar medeni-ynsanperwer ulgamda hem işjeň häsiýetde ösdürilýär. Medeni ulgamyň hyzmatdaşlygynda toplanan baý tejribe we hoşniýetli däpler bu ugurdaky gatnaşyklary dowam etmäge, iki ýurduň taryhyna, medeniýetine, sungatyna, edebiýatyna gyzyklanmalary höweslendirmäge ýardam berýär. Mälim bolşy ýaly, Aşgabat şäherinde «Daşkent» seýilgähi, Daşkent şäherinde «Aşgabat» seýilgähi guruldy. Türkmenistanyň we Özbegistan Respublikasynyň paýtagtlary doganlaşan şäherler hökmünde dostlukly gatnaşyklaryny yzygiderli kämilleşdirýärler. Gündogaryň beýik akyldarlary we danalary Magtymguly Pyragynyň hem-de Alyşer Nowaýynyň paýhasly eserleri dünýä edebiýatynyň genji-hazynasynda orun aldy. Aşgabat we Daşkent şäherlerinde Magtymguly Pyragynyň hem-de Alyşer Nowaýynyň ýadygärlikleri guruldy. Türkmenistanda özbek ýazyjy-şahyrlarynyň, Özbegistanda hem türkmen ýazyjy-şahyrlarynyň eserleri terjime edilip, yzygiderli neşir edilýär. Ýurdumyzyň gazet-žurnallarynda özbek ýazyjy-şahyrlary Abdylla Aripowyň, Erkin Wahydowyň, Raul Parfiniň, Hurşyt Döwranyň, Hosiýat Rustamyň, Behzod Fazliddiniň, Zulfiýa Isroilowanyň, Ötgür Haşymowyň Nasyrjan Joraýewiň Tölepbergen Mätmyradowyň, Ybraýym Ýusubowyň, Rahima Şamansurowanyň, Mahfuza Imamowanyň eserleri, şeýle hem, Adyl Ýakubowyň «Ulugbegiň hazynasy» atly romany, Mirzaahmet Norbekowyň «Teýmirleňiň ömrüniň on iki güni» atly traktatlary we başga-da birnäçe eserler çap edildi. Halkara parahatçylyk we ynanyşmak ýylynda özbek halkynyň nusgawy we häzirkizaman şahyrlarynyň eserleriniň terjime edilmegi hem, türkmen we özbek halklarynyň dost-doganlygynyň aýdyň subutnamasydyr. _________________ Akymyrat REJEPOW Türkmenistanyň Medeniýet ministrliginiň Döredijilik işgärleri bölüminiň başlygynyň orunbasary, Türkmenistanyň at gazanan medeniýet işgäri

DOGANLARYM

Edebiýat älemi

25.09.2025

``` Kalbymyň ruhy çyragy, Doganlarym, doganlarym, Üzülmesin ýürek bagy, Doganlaryň, doganlaryň, *** Günlerim sizsiz geçmesin, Ýüzleriň nury öçmesin, Hiç haçan ara açmasyn, Doganlarym, doganlarym, *** Biri gözüm, biri gaşym, Birisi ýürek syrdaşym, Ählisi hem jan gardaşym, Doganlarym, doganlarym. *** Kyn günümde medet beren, Nusga bolup edep beren, Bir bakamda göwnüm bilen Doganlarym, doganlarym. *** Günler geçýär hatar-hatar, Olar kalba gussa gatar, Gynansakda ömür öter, Hiç ötmesin doganlarym. *** Dogan başy bozulmasyn, Ýüreklermiz ezilmesin, Başy gussa bogulmasyn Doganlaryň, doganlaryň. *** Siz bilen ýazdyr bu ömür, Szi bilen sazdyr bu döwür, Ykbalyma boluň höwür, Doganlarym, doganlar ``` ___________________ Ogultäç HOJANAZAROWA

• ←
• 1
• 2
• 3
• →