HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

GÜL DIÝARYŇ GÜL-GUNÇASY – ÇAGALAR

Kitaphanalar

30.05.2025

Türkmenistanyň Döwlet medeniýet merkeziniň Döwlet kitaphanasy 1-nji iýun Çagalary goramagyň halkara güni mynasybetli Türkmenistanyň Döwlet medeniýet merkeziniň Mukamlar köşgünde «Gül Diýaryň gül-gunçasy – çagalar» atly göçme kitap sergisi gurnaldy. Bu göçme sergide türkmeniň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň eserleri, şeýle-de Döwlet kitaphanasynyň baý kitap hazynasynda bar bolan halk döredijiligine degişli ertekili, sanawaçly, ýaňlytmaçly, goşguly ajaýyp kitaplar bilen guraldy. Dabara gatnaşan bagtyýar çagalarda we olaryň ene-atalarynda bu kitap sergisi uly gyzyklandyrma döretdi we olar özlerine degişli kitaplar bilen tanyşdylar. Şeýle-de özlerine gyzyklandyrýan soraglaryna jogap tapdylar. Bu sergi çaga terbiýesinde ruhy-ahlak häsiýetleriň kemala gelmegi üçin örän uly ähmiýetlidir. Sergä gatnaşyjylar bize ajaýyp durmuşy bagyş eden Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak, il-gün bähbitli beýik işleriniň, täze başlangyçlarynyň rowaç bolmagyny tüýs ýürekden arzuw etdiler.

SIZ DURMUŞYŇ GÖZELLIGI, GELJEGI

Kitaphanalar

30.05.2025

Türkmenistanyň Bazar Amanow adyndaky Döwlet çagalar kitaphanasy ýakynda, Aşgabat şäherinde ýerleşýän, 12-nji çagalar bagynyň mekdebe taýýarlaýyş toparynyň çagalary bilen bilelikde «Siz durmuşyň gözelligi, geljegi» atly, 1-nji iýun çagalary goramagyň halkara güni mynasybetli edebi-sazly ertirligini geçirdi. Edebi ertirligiň başynda körpeje balalar, çagalar şahyrlaryň goşgusyna döredilen aýdym bilen başladylar we çagalar birnäçe goşgulary labyzly aýtmak bilen, sahnalaşdyrylan oýunlary görkezip, göwünleri galkyndyrdy. Şeýle-de kitaphananyň hünärmenleri söhbetdeşligiň ady boýunça gyzykly ertekili hem çagalar şahyrlaryň goşguly kitaplaryndan sergi gurnady. Gahryman Arkadagymyz: «Gözlerimiziň guwanjy, göwünlerimiziň buýsanjy bolan bagtyýar çagalar berkarar Watanymyzyň dünýädäki abraýyny, mertebesini, şan-şöhratyny has-da beýgeltjek nesillerimizdir» diýýär. Hakykatdan-da, bu günki çagalar – ertirlere ynam, geljegiň dowamaty. Bagtyýar körpeleriň begenjine, toý şatlygyna şaýat bolup, olar bilen deň gülüşmek, oýnamak göwünlerde iki esse şatlygy oýarýar. Ýürekleri heýjana getirýän çaga gülküsini, şadyýan owazlaryny diňlemegiň, eşitmegiň lezzeti bir başga. Edebi-sazly ertirligiň ahyrynda taýsyz tagallalary bilen ýurdumyzda çagalaryň abadan we bagtyýar durmuşyny üpjün etmek, olaryň şahsyýet taýdan kemala gelmegi we ukyp-başarnyklaryny ýüze çykarmaklary üçin ähli zerur şertleri döredip berýän Türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözleri aýdyldy.

ÇAGALARYŇ GÜLKISI, ÇAGALAŇ SESI

Kitaphanalar

30.05.2025

Türkmenistanyň Bazar Amanow adyndaky döwlet çagalar kitaphanasynyň agzybir hünärmenleri ýakynda, 1-nji iýun, Çagalary goramagyň halkara gününe bagyşlap «Çagalaryň gülkisi, çagalaň sesi» ady bilen «TW4 Türkmenistan» teleýaýlymynyň gatnaşmagynda baýramçylyk duşuşygyny geçirdi. Duşuşygyň başynda kitaphanamyzyň hünärmenleri çagalara her ýylyň Iýun aýynyň 1-ne bagtly çagalygyň we arzuwlaryň hasyl bolýan ýurdumyzda Çagalary goramagyň halkara gününiň dabaraly ýagdaýda bellenilmegi çagalaryň hukuklaryny we azatlyklaryny üpjün etmegiň hem-de goramagyň, ösüp gelýän ýaş nesliň ähli babatda mynasyp durmuşy üçin örän amatly şertleri döretmegiň döwlet syýasatynda ileri tutulýan ugurlaryň biri bolup durýandygy barada täsirli gürrüňler berdiler. Bagtyýar çagajyklar ajaýyp çagalygy, asuda Watanymyzy wasp edýän goşgulary uly höwes bilen aýdyp berdiler. Şeýle-de gurnalan kitap sergisi hem çagalarda uly täsir galdyrdy. Baýramçylyk duşuşygynyň ahyrynda taýsyz tagallalary bilen ýurdumyzda çagalaryň abadan we bagtyýar durmuşyny üpjün etmek, olaryň şahsyýet taýdan kemala gelmegi we ukyp-başarnyklaryny ýüze çykarmaklary üçin ähli zerur şertleri döredip berýän Türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözleri aýdyldy.

KITAP AKYL HAZYNASY

Kitaphanalar

30.05.2025

Döwletmämmet Azady adyndaky Arkadag şäher kitaphanasynda Berdimuhamet Annaýew adyndaky Arkadag şäher mugallymçylyk orta hünär okuw mekdebiniň talyp ýaşlarynyň gatnaşmagynda «Kitap akyl hazynasy» atly kitap sergisi geçirildi. Döwletmämmet Azady adyndaky Arkadag şäher kitaphanasynda gurnalan sergide nusgawy we häzirki zaman şahyrdyr ýazyjylarymyzyň gymmatly eserleri mynasyp orun aldy. Sergä tomaşa eden talyp ýaşlar özleriniň gyzyklanýan ajaýyp kitaplary bilen has içgin tanyş boldular. Ajaýyp zamanamyzyň bagtyýar talyp ýaşlary bu guralan serginiň özlerinde ýatdan çykmajak täsir galdyranlygyny beýan etdiler we Türkmen halkyny baky bagtyň goýnunda ýaşadýan Gahryman Arkadagymyza, Arkadagly Gahryman Serdarymyza jan saglyk, uzak ömür arzuw etdiler.

ÇAGA-DURMUŞYŇ GÜLI

Kitaphanalar

29.05.2025

Döwletmämmet Azady adyndaky Arkadag şäher kitaphanasynyň agzybir hünärmenleriniň gatnaşmagynda çagalary goramagyň halkara gününe bagyşlap «Çaga-durmuşyň güli» ady bilen «Arkaç» söwda-dynç alyş merkezinde «Türkmenistan» teleýaýlymynyň gatnaşmagynda gürrüňdeşlik gezelenji geçirildi. «Bal süýji, baldan-da bala» diýen peder pähiminde halkymyzyň ynsan durmuşynyň gül-gunçalary saýylýan çagalara söýgüsi şöhlelenýär. Baldan süýji balalaryň şatlyga we bagtyýarlyga beslenen gülki seslerini eşideniňde göwün argynlygyň unudylyp, köňlüň ýazlaýar. Hakykatdan hem, ýaşaýşa bolan höwesi döredýän, durmuşyň özenini düzýän, öýlerimiziň «altyn aşygy» saýylýan, ýüzleri nurana mähriban çagalar biziň ýagty geljegimiz, Watanymyzy gülledip ösdürjek, at-abraýyny ýokary galdyrjak ýaş nesillerimizdir. Her ýylyň 1-nji iýunynda tutuş dünýä bileleşigi bilen birlikde ýurdumyzda hem Çagalary goramagyň halkara güni ýokary derejede bellenilýär. Bu baýramyň ýurdumyzda döwlet tarapyndan giňden bellenilýän baýramçylyklaryň sanawyna goşulmagy bolsa, halkymyzyň körpelere bolan söýgüsiniň näderejede beýikligini görkezýär. Mahlasy, çaga-durmuşyň güli, ýaşaýşyň özeni. Goý, asuda zamanamyzda Gahryman Arkadagymyzyň sahawatly saýasynda, Arkadagly Gahryman Serdarymyzyň parasatly ýolbaşçylygynda ata Watanymyzyň nowça gülleri bolan eziz çagalaryň gülki sesleri, şat owazlary hemişe belentden ýaňlanyp dursun! Munuň üçin ähli şertler-mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, döwlet ähmiýetli tutýan beýik işleri rowaçlyklara beslensin!

ÇAGALARYŇ GÜLKÜSI IŇ AJAÝYP SENADYR

Kitaphanalar

29.05.2025

Berkarar döwletiň täze eýýamynyň Galkynyşy döwründe öý-ojagy alaýaz edýän näzlije çagalar biziň bagtyýar durmuşymyzyň görki, maşgala binýadynyň görki hasaplanýar. Her ýyly ýurdumyzda dabaraly bellenilýän Çagalary goramagyň halkara güni mynasybetli Lebap welaýat çagalar kitaphanasynyň gurnamagynda Türkmenabat şäheriniň 59-njy çagalar bagynyň usulçylary bilen bilelikde körpe çagalaryň gatnaşmaklarynda baýramçylyk agşamy geçirildi. Baýramçylyk dabaranyň dowamynda çagalar üçin türkmen halk ertekilerinden düzülen göçme kitap sergileri we gülküli gurjak sahnalary görkezilip, halk döredijiliginden tapmaçalar, goşgular ýerine ýetirildi. Baýramçylyk dabarasy körpe çagalaryň tanslary, aýdymdyr-sazlary bilen utgaşyp gitdi. Dabaranyň ahyrynda halkymyzyň bagtyýar çagajyklarymyzyň eşretli durmuşynyň dowamatyny dowamata öwürýän türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza ýürekden çykýan alkyş sözlerini aýtdylar.

BITARAPLYK PARAHATÇYLYGYŇ AÝDYŇ ÝOLY

Kitaphanalar

29.05.2025

Aşgabat şäher medeniýet müdirligiň Merkezleşdirilen kitaphanalar ulgamynyň guramagynda Türkmenistanyň Döwlet medeniýet merkeziniň Döwlet kitaphanasynda «Bitaraplyk parahatçylygyň aýdyň ýoly» ady bilen söhbetdeşlik geçirildi. Gürrüňdeşlikde çykyş edenler hemişelik Bitaraplygynyň 30 ýyllygynyň dünýä ýaň saljak dabaralar bilen bellenilip geçilmegi, Watanymyzyň halkara abraýyny has-da artdyrýandygyny gürrüň berdiler. Şeýle-de dünýä giňişliginde parahatçylygyň hem-de ynanyşmagyň ähmiýetiniň örän ýokary bolan döwründe döwletimiziň daşary syýasatynyň binýadynda duran Bitaraplyk nusgalyk taglymyna öwrülendigi barada belläp geçdiler. Gürrüňdeşligiň ahyrynda Watanymyzyň okgunly ösmegi, bütin dünýäde parahatçylygyň we ynanyşmagyň dabaralanmagy ugrynda taýsyz tagallalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

DAŞKY GURŞAWY GORAMAK-ÖMRÜŇI GORAMAK

Muzeýler

29.05.2025

“Halkara parahatçylyk we ynanyşmak” ýylynda Daşky gurşawy goramagyň Bütindünýä güni mynasybetli Lebap welaýatynyň Taryhy we ülkäni öwreniş muzeýinde “Daşky gurşawy goramak-ömrüňi goramak” atly wagtlaýyn serginiň açylyş dabarasy geçirildi. Diýseň köp adamly uly ruhubelentlikde, ýokary guramaçylykda geçirilen sergä talyp ýaşlar mugallymlar Tebigaty Goramak Jemgyýetiniň işgärleri,muzeý hünärmenleri uly ruhubelentlikde gatnaşdylar . Hormatly Prezidentimiz tebigaty goramagyň ajaýyp nusgasyny görkezýär. Arkadagly Gahryman Serdarymyz ekologiýa abadançylygy we Daşky gurşawy goramak barada şeýle dürdäne setirleri belleýär:,,Garaşsyz Watanymyzda halkymyzyň arassa daşky gurşawda ýaşamagy ugrunda durmuşa geçirilýän düýpli özgertmeler gözel tebigatymyzy gorap saklamaga, onuň ösümlük we haýwanat dünýäsini has-da baýlaşdyrmaga hem-de ylmy taýdan öwrenmäge giň mümkinçilikler döredilýär”diýip belleýär Ekologiýa howpsuzlygy meselesi boýunça alnyp barylýan işleriň pugta kanunçylyk binýadynyň bardygy aýratyn bellenilmäge mynasypdyr.Garaşsyzlyk ýyllarynda bu babatda zerur kanunçylyk namalary işlenilip düzüldi we kabul edildi. Olaryň arasynda “Tebigaty goramak hakynda”, “Ätiýaçlandyryş hakynda”, “Ekologiýa howpsuzlygy hakynda” Türkmenistanyň kanunlary hem bar. Bu kanunlar tebigaty goramak we bu babatda ýüze çykýan dürli meseleleri çözmegiň kanunçylyk esaslaryny kesgitleýär. Birleşen Milletler Guramasynyň 1972-nji ýylda Stokgolm şäherinde geçirilen Daşky gurşaw boýunça maslahatynda 5-nji iýun Daşky gurşawy goramagyň bütindünýä güni diýlip yglan edildi. Şol maslahatda adamzat taryhynda ilkinji gezek tebigat bilen baglanyşykly meseleler dünýä ähmiýetli hökmünde ykrar edildi. Şondan bäri Daşky gurşawy goramagyň bütindünýä güni ekologiýa senenamasynda iň esasy baýram hasap edilipdir, dünýäniň 150-den gowrak ýurdunda bellenilýär. Türkmenistanda tebigaty goramak baradaky döwlet syýasaty jemgyýetiň ekologik bähbitleriniň ileri tutulmagyny üpjün etmäge gönükdirilendir, şunda hojalyk işiniň we beýleki işleriň ösdürilmegi tebigata, onuň baýlygyna aýawly goramak, tebigy resurslary rejeli peýdalanmak bilen, adamyň sagdyn we ýaşaýşy üçin amatly tebigy gurşaw baradaky hukuklarynyň goralmagyny kepillendirýär.Häzirki döwürde daşky gurşawy gorap saklamakda ata-babalarymyzdan gelýän milli däp-dessurlarymyz has-da ösdürilýär. Tebigatda gözel Watanymyzyň nurana keşbi bar.Tebigaty söýmegiň Watany söýmegi aňladýandygy bolsa biziň her birimize mälimdir.Adamyň amala aşyrýan işleriniň tebigata edýän täsiri hem ylmy tarapdan öwrenilmegini talap edýär.Bu işler ýurdumyzyň bütin ekologiýa ulgamyna, şol sanda topragyň, suwuň, howanyň arassalygyna, biodürlüligiň ýagdaýyna zyýan ýetirmeli däldir.Tebigat biziň ýaşaýşymyzyň, ruhybelentligimiziň çeşmesidir, ömrümiziň kepilidir, rahatlygydyr.

TÜRKMENISTAN BAGTYÝAR ÇAGALYGYŇ WATANY

Kitaphanalar

29.05.2025

Türkmenistanyň Bazar Amanow adyndaky Döwlet çagalar kitaphanasy ýakynda «Arkaç» söwda dynç alyş merkezinde «Türkmenistan» teleýaýlymy bilen bilelikde ýaşajyk okyjylarymyzyň gatnaşmagynda «Türkmenistan bagtyýar çagalygyň Watany» atly çagalary goramagyň halkara gününe bagyşlap aýdym-sazly baýramçylyk duşuşygyny geçirdi. Kitaphanamyzyň hünärmenleri çagalara her ýylyň Iýun aýynyň 1-ne bagtly çagalygyň we arzuwlaryň hasyl bolýan ýurdumyzda Çagalary goramagyň halkara gününiň dabaraly ýagdaýda bellenilmegi çagalaryň hukuklaryny we azatlyklaryny üpjün etmegiň hem-de goramagyň, ösüp gelýän ýaş nesliň ähli babatda mynasyp durmuşy üçin örän amatly şertleri döretmegiň döwlet syýasatynda ileri tutulýan ugurlaryň biri bolup durýandygy barada täsirli gürrüňleri berdiler. Ýaşajyk okyjylarymyzyň özleri barada döwlet derejesinde edilýän aladalara, döwrebap bilim-terbiýe almak, okamak, öwrenmek, dynç almak üçin döredilen mümkinçiliklere buýsanyp ýerine ýetiren goşgularynda, Gahryman Arkadagymyza hem-de Arkadagly Gahryman Serdarymyza alkyşlary belentden ýaňlandy. Dabaramyzyň ahyrynda döwletimiz tarapyndan mähirli aladalar bilen gurşalan ýaş nesillerimiz özlerine baky bagtyýarlyk bagyşlan Gahryman Arkadagymyzyň, Hormatly Prezidentimiziň janlarynyň sag bolmagyny, beýik başlangyçlarynyň rowaç almagyny arzuw etdiler.

WELOSIPED-SAGDYNLYGYŇ GIREWI

Muzeýler

29.05.2025

Welosiped dünýäde ekologiýa taýdan iň arassa, elýeterli we ygtybarly ulag görnüşi hökmünde giňden ulanylýar. Welosipediň oýlap tapylan döwri 1870-nji ýyllara gabat gelýär. Welosiped diňe bir adam tarapyndan oýlanyp tapylmandyr. ХVIII asyra çenli dürli pikirler we oýlap tapyşlar öňe sürlüpdir. Käbir maglumatlarda, welosipediň käbir çyzgylaryny Leonardo da Winçiniň eserlerinde hem duş gelnendigini belleýärler. Welosiped sporty özüniň taryhyny XIX asyrdan alyp gaýdýar. Aşgabatda ilkinji welosipedçiler jemgyýeti 1894-nji ýylda döredilýär. Bu jemgyýetiň welosipedçileriniň ilkinji ýaryşy 1895-nji ýylda geçirilipdir. “Welosiped” adalgasy “velos” (çalasyn) we “pes” (aýak) diýen latyn sözlerinden gelip çykýar. Häzirki wagtda ýurdumyzda hormatly Prezidentimiziň parasatly baştutanlygynda welosiped sportunyň ösdürilmegine uly üns berilýär. Welosiped sporty beden we psihiki sagdynlygy, fiziki işjeňligi gowulandyrmagyň möhüm serişdesi bolup hyzmat edýär. Welosiped dünýäde iň köp ýaýran ulag serişdesi hasaplanylýar. Munuň bilen baglanyşykly, Birleşen Milletler Guramasynyň Baş Assambleýasy 2018-njy ýylyň 12-nji aprelinde Türkmenistanyň başlangyçlaryny nazarda tutup, her ýylyň 3-nji iýunyny “Bütindünýä welosiped güni” diýip yglan etmek hakynda Kararnama kabul etdi. Sagdyn durmuş ýörelgesine eýermekde welosiped sportunyň hyzmaty örän uludyr. Sportuň islendik görnüşi bilen meşgullanýan adam öz erkini, ukybyny, zehinini çydamlylyk, paýhaslyk, giň göwünlilik ýaly oňat häsiýetler bilen terbiýeleýär. Häzirki wagtda Türkmenistanda welosport bilen türgenleriň bir topary däl-de, müňlerçe adam meşgullanýar. Çünki ýygy-ýygydan geçirilýän köpçülikleýin welosipedli ýörişlere her gezek ildeşlerimiziň müňlerçesi uly ruhubelentlik bilen gatnaşýarlar. Toýlaryň toýa ulaşýan günlerinde Türkmenistan döwletimiziň ähli ýerlerinde şeýlede Lebap welaýatynyň Taryhy we ülkäni öwreniş muzeýinde Bütindünýä welosiped güni mynasybetli “Welosiped-sagdynlygyň girewi” atly gurnalan wagtlaýyn sergini guramagyň esasy maksady, Berkarar döwletiň täze eýýamynyň Galkynyşy döwründe ýurdumyzyň sport ulgamyny düýpli özgertmek, türkmen sportunyň dünýädäki abraýyny belende götermek, şeýle hem ýurdumyzyň ýaşlaryny sporta giňden çekmek, döwletimiziň sport hem-de sagdyn pikirli, zähmetsöýer, ýokary medeniýetli ýaşlary ýetişdirmekden ybarat bolup durýar. Gurnalan sergide Gahryman Arkadagymyzyň türkmen sporty bilen baglanşykly ýazan kitaplary, Türkmenabat şäherinde geçirilen köpçülik çäreleri barada gürrüň berýän welosipet ýaryşyndaky fotosuratlardan pursatlar görkezilýär. Bu ýerde Lebap welaýatynyň bedenterbiýe we sport baradaky baş müdirliginiň we Türkmenabat şäheriniň sport mekdepleriniň kubok we medallary, welosipediň taryhy baradaky ylmy maglumatlar ýerleşdirilendir.

• ←
• 1
• ...
• 130
• 131
• 132
• →