HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

GOÝNUŇDA DYNÇ ALDYM GYZYKLY GEÇÝÄR, GYZGALAŇLY PASLYM, ŞADYÝAN PASLYM

Kitaphanalar

11.07.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Magtymguly adyndaky merkezi kitaphanasynyň guramagynda Gökderedäki “Nesil” çagalar sagaldyş we dynç alyş merkezinde “Goýnuňda dynç aldym gyzykly geçýär, gyzgalaňly paslym, şadyýan paslym” ady bilen göçme kitap sergisi gurnaldy we aýdym-sazly medeni çäresi geçirildi. Çärede güneşe baý tomus paslynda bagtyýar çagalaryň şatlykly owazlary ýurdumyzyň tutuş giňişligine gaýtalanmajak gözellik çaýýandygyny şeýle-de okuw möwsümini tamamlan çagalary ýurdumyzdaky çagalar sagaldyş we dynç alyş merkezleri gujak açyp garşylandyklary barada söhbet etdiler. Bagtyýarlygyň bar ýerinde çagalaryň şatlyk-şowhuny has belentden ýaňlanýar. Hormatly Prezidentimiziň taýsyz tagallalary netijesinde ýaş nesilleriň oňaýly şertler döredilen çagalar sagaldyş we dynç alyş merkezlerinde dynç alyp, çagalyk dünýäsiniň iň ajaýyp pursatlaryny başdan geçirýändikleri barada gürrüň berdiler. Çäräniň ahyrynda ýaş nesilleriň bagtyýar durmuşda ýaşamalary ugrunda ähli mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

MAGTYMGULY PYRAGYNYŇ ÖWÜT ÜNDEWLERI TERBIÝE MEKDEBI

Kitaphanalar

11.07.2025

Türkmenistanyň Döwlet medeniýet merkeziniň Döwlet kitaphanasynyň Seýrek neşirler bölümi tarapyndan Gökdere çagalar sagaldyş we dynç merkezindäki Altyn sümmül sagaldyş we dynç merkezinde “Magtymguly Pyragynyň öwüt ündewleri terbiýe mekdebi ”- atly söhbetdeşlik geçirildi. Berkarar döwletiň täze eýýamynyň Galkynyşy döwründe, Türkmen halkynyň Milli Lideri Gahryman Arkadagymyzyň, Hormatly Prezidentimiz Arkadagly Gahryman Serdarymyzyň başda durmagynda her ýylymyz mynasyp at bilen atlandyrylýar. 2025-nji ýyl “Halkara parahatçylyk we ynanyşmak ýyly” diýip atlandyrlan ýylymyzda Gökdere çagalar sagaldyş we dynç merkezinde ýerleşýän Altyn sümmül sagaldyş we dynç merkezinde Akyldar şahyrymyzyň dünýä edebiýatynyň altyn hazynasyna giren baý hem-de gymmatly edebi mirasyny öwrenmekde we ony geljeki nesillere ýetirmekde Türkmenistanyň Döwlet medeniýet merkeziniň Döwlet kitaphanasynyň Seýrek neşirler bölüminiň gurnamagynda “Magtymguly Pyragynyň öwüt ündewleri terbiýe mekdebi ”- atly tegelek stolyň başynda söhbetdeşlik geçirildi. Söhbetdeşligimizi Hormatly Prezidentimiz Arkadagly Gahryman Serdarymyzyň jöwher paýhasyndan syzylyp çykan “Magtymguly-dünýäniň akyldary”- atly ajaýyp kitabyndan şeýle diýär. Magtymguly Pyragy-beýik hormata mynasyp ussat. Ol öz eserlerinde tutuş dünýäni we durmuşy siňdirip, adamzada söýgini sygdyryp bilen akyldardyr- diýip belläp geçýär. Şeýle-de söhbetdeligimizde çagalaryň bilesigeljigini artdyrmak hem-de dogry pikirlenmekleri üçin ýörüte krosswordlary taýýarladyk. Bu bolsa çagalarda uly täsir galdyrdy. Gahryman Arkadagymyzyň “Ynsan kalbynyň öçmejek nury” atly kitabynda: – Magtymgulynyň şygyrlary ynsan saglygyna zerur bolan ähli gowy närseleri özünde jemleýän jana şypa beriji ruhy melhemdir – diýip, Magtymguly Pyragynyň döredijiligine uly baha berilýär. Ýurdumyzda edebi mirasy öwrenmek işini düýpli ýola goýmak bilen, halkymyza asyrlaryň jümmüşinden gözbaş alýan ýol-ýörelgeleri, däp-dessurlary, täzeden dikeltmeklige, medeni we ruhy mirasyň il-günüň köňül ganatyna öwrülmegine giň mümkinçilik döretdi. Magtymguly Pyragynyň döredijiligini giňden açyp görkezmekde hem uly ähmiýete eýe bolup durýar, Türkmen edebiýatynda öçmejek yz goýan beýik şahsyýetlerimize uly sarpa goýýan türkmen halkynyň milli Liderimiz Gahryman Arkadagymyzyň we Hormatly Prezidentimiz Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýürekden arzuwlar edildi.

MUZEÝ IŞLERI KÄMILLIGIŇ ÝOLUNDA

Muzeýler

11.07.2025

Milli mirasymyza medeniýetimize, sungatymyza sarpaly Arkadagdan arkaly ýurdymyzda Gahryman Arkadagymyzyň, Arkadagly Gahryman Serdarymyzyň saýasynda ,,Halkara parahatçylyk we ynanyşmak” ýylymyzyň her bir güni şatlykly taryhy wakalara beslenýär. Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde muzeý işini kämilleşdirmäge aýratyn uly üns berilýär. Bu babatda muzeýimizde tutumly işler wagyz-nesihat duşuşyklary, baýramçylyk çäreleri yzygiderli geçirilýär. Hormatly Prezidentimiziň sanly ulgam arkaly geçiren Ministrler Kabinetiniň nobatdaky Mejlisinde halkymyzyň baý ruhy gymmatlyklaryny, medeni mirasymyzy gorap saklamakda, öwrenmekde ýurdumyzyň muzeýlerine aýratyn ornuň degişlidigini, şeýle-de muzeý işini has-da döwrebaplaşdyryp, kämilleşdirip halkymyzyň şöhratly taryhyny dünýä ýaýmaga hem-de muzeýlere sanly ulgamyň mümkinçiliklerini ornaşdyrmak dogrusynda birnäçe anyk wezipeleri kesgitledi. Halkymyzyň baý ruhy gymmatlyklarymyzy, medeni mirasymyzy gorap saklamakda, ylmy esasda öwrenmekde we dünýä ýaýmakda ýurdumyzyň muzeýlerine aýratyn orun degişlidigini belläp geçmegi, biz bagtyýar zamanamyzyň milli mirasyny wagyz edýän muzeý hünärmenleriniň buýsançly başymyzy göge ýetirdi.  Hut şu nukdaýnazardan, şu gün Lebap welaýatynyň Taryhy we ülkäni öwreniş muzeýinde welaýatymyzyň medeniýet sungat işgärleriniň hem-de muzeý hünärmenleriniň gatnaşmagynda «Muzeý işleri kämilligiň ýolunda» atly dabaraly hoşallyk maslahaty geçirildi, şeýle-de hoşallyk maslahatynyň dowamynda milli mirasymyzdan söz açýan, ata-babalarymyzyň dünýä medeniýetine goşan goşandynyň subutnamasy bolan taryhy tapyndylary, medeniýetimizi beýan edýän ajaýyp sergi ýaýbaňlandyryldy. Bu sergi özünde birnäçe tomaşaçylary jemläp ýatda galyjy ajaýyp pursatlar beslendi. Bize işlemäge, döretmäge, ýurdymyzyň bedew batly ösüşlerine özümiziň mynasyp goşantlarymyzy goşmaga, milli medeniýetimizi, milli gymmatlyklarymyzy, baý edebi mirasymyzy halkymyzyň arasynda wagyz etmäge döredip berýän ähli mümkinçilikleri üçin Gahryman Arkadagymyza, Arkadagly Gahryman Serdarymyza köp sagbolsun aýdýarys. Goý, Gahryman Arkadagymyzyň, Arkadagly Gahryman Serdarymyzyň janlary sag belent başlary aman bolsun. Goý, Gahryman Arkadagymyzyň, Arkadagly Gahryman Serdarymyzyň saýasynda türkmeniň medeniýeti, sungaty, milli mirasy has-da gülläp gül açsyn.

BAGTYÝAR ÇAGALAR RÖWŞEN GELEJEGIMIZDIR !

Kitaphanalar

10.07.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin DES-indäki kitaphana şahamçasynyň guramagynda Gökderedäki «Şöhle» çagalar sagaldyş we dynç alyş merkezinde «Bagtyýar çagalar röwşen gelegimizdir!» ady bilen medeni çäresi geçirildi. Çärede Gahryman Arkadagymyzyň, Arkadagly Gahryman Serdarymyzyň saýasynda ýurdumyzda ýaş nesillerimiziň ruhy hem beden taýdan kämil bolmagy, Watanymyzyň geljekgi ösüşleriniň özenidigi, munuň özi ýurdumyzy belent sepgitlere ýetirmek üçin çagalaryň ösüş ýolunda ähli şertleriň göz öňünde tutulandygy, olaryň boş wagtlaryny peýdaly we medeniýetli geçirmekleri bilen berk baglanyşykly işleriň alnyp barylýandygy barada gürrüň berdiler. Şeýle-de ajaýyp günlerde bagtyýar çagalaryň aladasyny etmek, olaryň şadyýan durmuşyny üpjün etmek baş maksat bolup durýandygy barada belläp geçdiler. Çäräniň dowamynda türkmen halk ertekileriniň birnäçesini okap berdiler we ertekileriň gahrymanlarynyň asylly häsiýetleri hakynda sorag-jogap alyşdylar. Çäräniň ahyrynda bagtyýar çagalar hakynda atalyk aladalary edýän Gahryman Arkadagymyzyň, Arkadagly Gahryman Serdarymyzyň janlarynyň sag bolmagyny, beýik işleriniň üstünliklere beslenmegini arzuw etdiler.

KITAPHANALAR AKYL-PAÝHAS OJAGY

Kitaphanalar

10.07.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Magtymguly adyndaky merkezi kitaphanasynda, Döwletmämmet Azady adyndaky Türkmen milli dünýä diller institutynyň talyplary terjimeçilik tejribeligi geçýän döwründe Gahryman Arkadagymyzyň, Arkadagly Gahryman Serdarymyzyň pähim-paýhasyndan dörän ajaýyp eserleri bilen tanyşdylar. Şeýle-de çeper eserleri, ýurdumyzyň ýazyjy-şahyrlarynyň eserleri, çagalaryň söýüp okaýan ertekili kitaplaryndan we dünýä ýurtlarynyň ýazyjy-şahyrlarynyň eserlerini terjime etmekde öz bilimlerini özleşdirdiler. Merdana halkymyz gadymy döwürlerden bäri kitaba, ylyma-bilime uly sarpa goýýar. Şonuň üçin häzirki ajaýyp döwrümizde hem kitap okamak, bilim öwrenmek asylly ýörelge hökmünde mynasyp dowam etdirilýär. Şeýle ajaýyp zamanada ýaşlara okamaga, öwrenmäge, döretmäge, işlemäge uly mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň belent başlary aman bolsun!

TEBIGAT GÖZELLIGIŇ GÖNEZLIGI

Kitaphanalar

10.07.2025

Türkmenistanyň Bazar Amanow adyndaky döwlet çagalar kitaphanasy tomusky dynç alyş möwsüminiň dowam edýän günlerinde Gökderedäki «Beýik Serdaryň ruhubelent nesilleri» çagalar sagaldyş we dynç alyş merkezinde wagtyny gyzykly hem-de şadyýan geçirýän çagalaryň arasynda «Tebigat gözelligiň gönezligi» atly söhbetdeşlik geçirdi. Söhbetdeşligiň dowamynda kitaphana hünärmenlerimiz ýaş nesillere ata Watanymyzy, ene topragymyzy, ýurdumyzyň deňi-taýy bolmadyk gözel tebigatyny gözümiziň göreji deýin gorap saklamak, tebigy baýlyklaryny aýawly peýdalanmak babatynda ýurdumyzda alynyp barylýan işler barada täsirli gürrüňler berdi. Söhbetdeşligiň ahyrynda oňa gatnaşanlar bereketli türkmen topragyndan rejeli peýdalanmak, onuň gözelligini gorap saklamak, ösdürmek we geljekgi nesillere geçirmek ugrunda beýik işleri durmuşa geçirýän Gahryman Arkadagymyza, Arkadagly Gahryman Serdarymyza alkyş sözleri beýan edildi. 

GELIŇ KITAP OKALYŇ

Kitaphanalar

10.07.2025

Türkmenistanyň Bazar Amanow adyndaky döwlet çagalar kitaphanasy ýaňy-ýakynda Gökderedäki «Beýik Serdaryň ruhubelent nesilleri» çagalar dynç alyş merkezinde dynç alyş günlerini gyzykly hem-de şadyýan geçirýän çagalaryň arasynda myhmançylykda bolup, olar bilen çagalar edebiýatyna degişli gyzykly kitaplar esasynda «Geliň kitap okalyň» atly söhbetdeşlik geçirdi. Söhbetdeşligiň dowamynda çagalaryň iň köp okaýan kitaplary, ertekileri boýunça sorag-jogap alşyldy, gyzykly gürrüňler edildi. Kitaphanamyz tarapyndan gurnalan göçme kitap sergisi hem kitap söýüji ýaşlarda aýratyn täsir galdyrdy Söhbetdeşlige «Türkmenistan» teleýaýlymynyň döredijilik topary hem gatnaşdy. Söhbetdeşligiň ahyrynda bagtyýar çagalaryň röwşen geljegi üçin uly aladalar edýän Gahryman Arkadagymyza, Arkadagly Gahryman Serdarymyza alkyş sözleri beýan edildi. 

TARYH SAHYPASYNDA BAKY ÝAŞAR ADYŇYZ, ARKADAGLY SERDARYMYZ ÖÇMEZ ŞAN-ŞÖHRATYŇYZ

Muzeýler

10.07.2025

Hormatly Prezidentimiziň muzeý gaznalaryny baýlaşdyrmak we olary gorap saklamak hem-de ylmy taýdan öwrenmek baradaky tabşyryklaryndan ugur alyp Balkan welaýat Taryhy we ülkäni öwreniş muzeýi «Taryh sahypasynda baky ýaşar adyňyz, Arkadagly Gahryman Serdarymyz öçmez şan-şöhratyňyz» ady bilen halk arasyndan toplanan gymmatlyklary sergileriň üsti bilen halk köpçüligine ýetirdi. 

BAGTYÝAR NESILLER WATANYŇ GELJEGI

Kitaphanalar

10.07.2025

Döwletmämmet Azady adyndaky Arkadag şäher kitaphanasynyň hem-de Arkadag teleýaýlym bilen bilelikde guramagynda «Bagtyýar nesiller Watanyň geljegi» atly gezelençli gürrüňdeşlik geçirildi. Bagtyýar çagalyk-bu biziň ertirki güne ynamymyzdyr, geljege bolan batyrgaý garaýşymyzdyr we buýsanjymyzdyr. Halkyň ynamy döwletiň goldawy bilen has-da berkeýär, her bir adamy täze üstünliklere iterýän güýç hökmünde çykyş edýär. Baky Bitarap Türkmenistanyň çagalarynyň ýüzlerindäki bagtyýar ýylgyryşlar Gahryman Arkadagymyzyň hem-de Arkadagly Gahryman Serdarymyzyň ýaş raýatlaryň arzuwlarynyň hasyl bolmagyna, bagtyýar geljeginiň hemmetaraplaýyn üpjün edilmegine ähli mümkinçilikler döredilen. Bu nukdaýnazardan ugur alyp Döwletmämmet Azady adyndaky Arkadag şäher kitaphanasynda ösüp gelýän ýaş nesillerimiziň okamagy, öwrenmegi, beýik şahsyýet bolup ýetişmegi ugurda kitaphanaçylar irginsiz zähmet çekýärler. Ine bu günki gün hem Döwletmämmet Azady adyndaky Arkadag şäher kitaphanasyna Arkadag şäheriniň 10-njy çagalar bakja bagynyň bagtyýar körpejeler gezelençe geldiler. Gezelençde çagalara kitabyň ähmiýeti dogrusynda hem-de kitaphananyň içiniň aýratynlyklary bilen giňişleýin gürrüň berdiler. Gezelençiň ahyrynda ýurdumyzyň körpe raýatlary üçin ähli mümkinçilikleri döredip beren hem-de olaryň sagdyn, berk bedenli, kämil dünýägaraýyşly, döwrebap bilimli nesiller bolup ýetişmegi baradaky aladany döwlet syýasatynyň ileri tutulýan ugry hökmünde üns merkezinde saklaýan Gahryman Arkadagymyza, Arkadagly Gahryman Serdarymyza alkyş sözler aýdyldy.

ARKADAGLY DÖWÜRDE BAGTYÝAR ZENANLAR

Kitaphanalar

10.07.2025

Türkmenistanyň Döwlet medeniýet merkeziniň Döwlet kitaphanasynda, Aşgabat şäheriniň Berkararlyk etrap häkimligi, Döwlet kitaphanasy hem-de «Aşgabat» teleýaýlymy bilen bilelikde «Arkadagly döwürde bagtyýar zenanlar» ady bilen tegelek stoluň başynda söhbetdeşlik geçirildi. Söhbetdeşlikde çykyş edenler Berkarar döwletiň täze eýýamynyň Galkynyşy döwrüniň bagtyýar zenanlary, olaryň ajaýyp durmuşy, ähli ugurlarda deňhukukly adamlar bolup durýandyklary barada söhbet etmek bilen, olaryň döwletimiz tarapyndan giňden goldanylýandygyny nygtadylar.Bu gün ene-mamalarymyzdan geçip gelen gelin-gyzlarymyzyň ýol-ýörelgesi,olaryň eliniň çeperligi her bir işde öň hatardadygy hemmelere bellidir.Çykyş edenler bular hakynda giňişleýin gürrüň etmek bilen, türkmen halkymyzyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak, beýik işleriniň rowaç bolmagyny tüýs ýürekden arzuw etdiler.

• ←
• 1
• ...
• 153
• 154
• 155
• ...
• 172
• →