HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

AWAZA-DÜNÝÄNIŇ DOSTLUK MERKEZI

Kitaphanalar

12.08.2025

Aşgabat şäheriniň medeniýet müdirliginiň Merkezleşdirilen kitaphanalar ulgamynyň Gurbannazar Ezizow adyndaky kitaphana şahamçasy bilen Türkmenistanyň Kärdeşler arkalaşygynyň bilelikde guramagynda «Awaza-dünýäniň dostluk merkezi» ady bilen Türkmenistanyň jemgyýetçilik guramalarynyň merkezi binasynda söhbetdeşlik geçirildi. Söhbetdeşlikde çykyş edenler täze taryhy döwürde durmuşa geçirilýän beýik işler umumadamzat bähbitlerini, dost-doganlygy nazarlaýandygyny, Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde Türkmenistan Birleşen Milletler Guramasy bilen hyzmatdaşlygy netijeli ösdürilýändigini, ynha BMG-niň Deňze çykalgasy bolmadyk ösüp barýan döwletler boýunça üçünji maslahatynyň «Awaza» milli syýahatçylyk zolagynda geçirilmegi hem aýratyn many-mazmuna eýedigi barada çykyş etdiler. Söhbetdeşligiň ahyrynda döwlet ähmiýetli beýik işleri durmuşa geçirýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

MAGTYMGULY–DÜNÝÄNIŇ AKYLDARY

Kitaphanalar

12.08.2025

Aşgabat şäher medeniýet müdirliginiň Merkezleşdirilen kitaphanalar ulgamynyň guramagynda Aşgabat şäher häkimliginiň toplumy binasynda Arkadagly Gahryman Serdarymyzyň «Magtymguly–dünýäniň akyldary» atly ajaýyp kitaby esasynda söhbetdeşlik geçirildi. Söhbetdeşlikde çykyş edenler hormatly Prezidentimiziň türkmen halkyna peşgeş beren «Magtymguly–dünýäniň akyldary» atly kitaby asyrlardan gözbaş alýan edebi akyl-akabanyň dowamaty bolup durýandygy, Arkadagly Gahryman Serdarymyzyň bu kitabynda akyldar şahyrymyzyň edebi mirasy, ömri, döredijiligi, dünýä medeniýetine goşan ägirt uly goşandy dogrusynda beýan edilýändigi barada gürrüň berdiler. Şeýle-de bu nusgalyk kitap bütin türkmen halky üçin gymmatly gollanma bolup, geljekki nesiller üçin hem edebi miras boljakdygy barada söhbet etdiler. Söhbetdeşligiň ahyrynda türkmen edebiýatyny dünýä ýaýmakda uly işleri alyp barýan türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

KITAP–PÄHIM –PAÝHAS ÇYRAGY

Kitaphanalar

12.08.2025

Aşgabat şäher medeniýet müdirliginiň Merkezleşdirilen kitaphanalar ulgamynyň guramagynda Aşgabat şäher häkimliginiň toplumy binasynda «Kitap– pähim–paýhas çyragy» ady bilen söhbetdeşlik geçirildi. Söhbetdeşlikde çykyş edenler Gahryman Arkadagymyzyň, Arkadagly Gahryman Serdarymyzyň türkmen halkyna peşgeş beren birnäçe ajaýyp kitaplary gymmatly gollanma, ýol-ýörelge bolup durýandygy, Gahryman Arkadagymyzyň şeýle ajaýyp eserleriniň biri hem «Türkmeniň döwletlilik ýörelgsi» atly kitaby hakynda söhbet etdiler. Bu kitabyň myhmansöýerlik diýen bölüminde myhmançylyk däp-dessurlary halkymyzyň zandyndaky häsiýetleriniň biri bolandygyny, her bir halkyň özboluşly myhman kabul etmek dessurlary bolup, myhman garşy alynanda ilki bilen töre geçirlip duz-çörek hödür edilmegi hem gadymy däpleriň biridigi barada gürrüň berdiler. Türkmençilikde «Taňry myhmany» diýen düşünje myhmana edilýän uly hormat-sylag bilen baglanşykly bolup, «Myhman ataňdan uly» diýip myhmana, ataňa goýýan hormatyň ýaly hormat goýmalydygy hakynda aýtdylýar. Şeýle-de Gahryman Arkadagymyzyň, Arkadagly Gahryman Serdarymyzyň bize peşgeş beren edebi çeşmeleriniň gymmatynyň, onuň terbiýeçilik ähmiýetiniň örän ulydygy barada beýan etdiler. Söhbetdeşligiň ahyrynada şeýle ajaýyp eserleri peşgeş berýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

TERBIÝE ÝAŞLARYŇ ÝARAŞYGY

Kitaphanalar

12.08.2025

Türkmenistanyň Döwlet medeniýet merkeziniň Döwlet kitaphanasynyň Oba hojalyk edebiýatlary bölümi «Altyn sümbül» sagaldyş-dynç alyş Merkezinde «Terbiýe ýaşlaryň ýaraşygy» ady bilen kitap sergisini we kitap synyny geçirdi. Bu kitap sergisinde Gahryman Arkadagymyzyň, hormatly Prezidentimiz Arkadagly Gahryman Serdarymyzyň ajaýyp eserleri, şeýle-de ýaşlara terbiýe bermek baradaky öwüt-ündew ähmiýetli edebiýatlar ýerleşdirildi. Kitap sergisini görmäge gelen sagaldyş-dynç alyş Merkezindäki çagalar, özlerine gerek bolan maglumatlaryny tapyp bildiler. Mundan başga-da terbiýe bilen bagly edebiýatlary hem öwrendiler. Bizi şular ýaly ajaýyp bagtyýar durmuşda ýaşadýan türkmen halkymyzyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza janlarynyň sag, ömürleriniň uzak, il-gün bähbitli, ýurt ähmiýetli beýik işleriniň rowaç bolmagyny tüýs ýürekden arzuw etdiler.

GEŇEŞLI MASLAHAT - ÄHMIÝETLI ÇÖZGÜT

Kitaphanalar

12.08.2025

Lebap welaýat kitaphanasynda kitaphananyň «Syýasy-jemgyýetçilik edebiýatlary wagyz edýän» bölüminiň we TDP-niň Lebap welaýat komiteti bilen bilelikde gurnamaklarynda «Türkmenistanyň Halk maslahaty - demokratiýanyň milli nusgasy» ady bilen dabaraly maslahat geçirildi. Maslahata Mejlisiň deputatlary, welaýat, etrap halk maslahatlarynyň agzalary, syýasy partiýalaryň, jemgyýetçilik guramalarynyň wekilleri gatnaşdylar. Maslahatyň dowamynda oňa gatnaşyjylar kitaphana hünärmenleri tarapyndan guralan «Belent maksatly işler rowaçlyga beslenýär» atly giňişleýin kitap sergisine syn etdiler.

MAGTYMGULY – HALKYŇ ÖÇMEZ ÇYRAGY

Kitaphanalar

12.08.2025

Türkmenistanyň B.Amanow adyndaky Döwlet çagalar kitaphanasy ýakynda «Aşgabat» teleýaýlymynyň ýazgy etmeginde, «Ýaşlyk» çagalar sagaldyş we dynç alyş merkezinde tomusky dynç alyş möwsümini şadyýan geçirýän ýaş nesilleriň arasynda «Magtymguly – halkyň öçmez çyragy» atly söhbetdeşlik geçirdi. Arkadagly Gahryman Serdarymyzyň «Magtymguly dünýäniň akyldary» atly gymmatly eserinde dana şahyrymyzyň edebi mirasynyň giňişleýin şöhlelendirilişi barada kitaphana hünärmeniniň beren gürrüňlerini ýaş nesillerimiz uly gyzyklanma bilen diňlediler. Duşuşygyň ahyrynda oňa gatnaşanlar akyldar şahyrymyzyň arzuwlan baky berkarar döwletinde ýaşlaryň okamaklary, sapaly dynç almaklary ugrunda döredip berýän giň mümkinçilikleri üçin Gahryman Arkadagymyza we hormatly Prezidentimize minnetdarlyklaryny beýan etdiler.

ŞAHYRANA SÖZ USSADYNA SARPA

Täzelikler

12.08.2025

11-nji awgustda Magtymguly adyndaky milli sazly drama teatrynda ýurdumyzyň meşhur döredijilik işgäri, Türkmenistanyň Gahrymany, ussat şahyr Amangözel Şagulyýewanyň Halkara parahatçylyk we ynanyşmak ýylynda 85 ýaşynyň dolmagy mynasybetli dabara geçirildi. Gahryman şahyryň doglan gününiň hormatyna Gahryman Arkadagymyz hem-de hormatly Prezidentimiz öz Gutlaglaryny iberdiler.

KITAP HALKYMYZYŇ RUHY HAZYNASY

Kitaphanalar

09.08.2025

Türkmenabat şäher merkezi kitaphanasynyň kitaphanaçylary «Bagtyýarlyk çagalar sagaldyş we dynç alyş» merkezinde dynç alýan çagalar bilen «Kitap halkymyzyň ruhy hazynasy» ady bilen gürrüňdeşlik geçirdiler. Gahryman Arkadagymyzyň, Arkadagly Gahryman Serdarymyzyň jöwher paýhasyndan syzylyp çykan kitaplary hakynda giňişleýin gürrüň berdiler we çagalarda kitaba bolan söýgini artdyrmak maksady bilen çagalary gyzyklandyrýan sorag-jogap alyşdylar hem-de bu ýerde kitaphana işgärleri tarapyndan guralan kitap sergisine syn etdiler. Çagalar dynç almaklary üçin giň mümkinçilikleri döredip berýän Gahryman Arkadagymyza, Arkadagly Gahryman Serdarymyza özleriniň çäksiz buýsançlaryny goşgular arkaly beýan etdiler.

BAGTYÝAR ÇAGALAŇ ÝURDY

Kitaphanalar

08.08.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Ýeňiş kitaphana şahamçasynyň guramagynda Gökderedäki «Demirýolçy» çagalar sagaldyş we dynç alyş merkezinde «Bagtyýar çagalaň ýurdy» ady bilen gürrüňdeşlik geçirildi. Gürrüňdeşlikde çykyş edenler çaga gülküsiniň eşdilýän ýerinde bagt hem, üstünlik hem bolýar, bagtyýarlygyň we agzybirligiň mesgenine öwrülen Gökderäniň goýnunda bagtyýar körpeleriň gowy dynç almaklary üçin ähli şertleriň döredilendigi, döwrebap enjamlar bilen üpjün edilen sport zallary, kompýuter we dynç alyş otaglary, kitaphanalar, ululy-kiçili howuzlar, sport meýdançalary, bu zatlar ýaş nesillerimiziň sporta, kitap okamaklyga bolan höwesini artmagyna uly mümkinçilik döredýändigi barada gürrüň berdiler. Çäräniň dowamynda türkmen halk ertekileriniň üsti bilen dogruçyllygyň, paýhasyň hem edermenligiň dabaralanmasy, halallyk, ynsaplylyk, ýaly asylly sypatlaryň beýan edilýändigini çagalara gürrüň berdiler. Çäräniň ahyrynda her bir günümizi şatlyga, bagtyýarlyga besleýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

PARAHATLYK BU TÜRKMENIŇ ÝOLUDYR, YNANYŞMAK KÖŇÜLLERIŇ NURUDYR

Kitaphanalar

08.08.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Ata Salyh adyndaky kitaphana şahamçasy bilen Döwletmämmet Azady adyndaky Arkadag şäher kitaphanasynyň bilelikde guramagynda Gökderedäki «Beýik Serdar nesilleri» çagalar sagaldyş we dynç alyş merkezinde tomusky dynç alyş möwsüminde şadyýan dynç alýan dürli ýaşly çagalaryň arasynda «Parahatlyk bu türkmeniň ýoludyr, Ynanyşmak köňülleriň nurudyr» ady bilen wagyz-nesihat çäresi geçirildi. Çärede Halkara parahatçylyk we ynanyşmak ýylynda berkarar döwletimiziň çar tarapa uzaýan dostluk ýollary bagtyýarlygyň, rowaçlygyň, ösüşleriň ýoly bolup, halkyň bagtyýar durmuşy üçin uly ähmiýetli wezipeleriň üstünlikli çözülmegi, halkara gatnaşyklarda gazanylýan netijeler ýurdumyzyň şan-şöhratyny has-da belende göterýändigi barada çykyş etdiler. Çäräniň dowamynda türkmen halkynyň Milli Lideri Gahryman Arkadagymyzyň sazyň, sözüň güýji bilen bütin dünýäde parahatçylygy gorap saklamak ýaly asylly maksatlaryň çeper beýany bolan «Parahatçylyk sazy, dostluk, doganlyk sazy» atly ajaýyp kitabynyň many-mazmyny barada hem giňişleýin belläp geçdiler. Çäräniň ahyrynda agzybir türkmen halkyny beýik Pyragynyň arzuwlan zamanasynyň eşretlerinde ýaşadýan Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

• ←
• 1
• ...
• 168
• 169
• 170
• ...
• 203
• →