HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

TÜRKMENISTAN BAGTYÝAR ÇAGALARYŇ MEKANY

Kitaphanalar

29.07.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Gypjak kitaphana şahamçasy hem-de Gypjak, Ýasmansalyk medeniýet öýleriniň bilelikde guramagynda Gökderedäki «Çeşme» çagalar sagaldyş we dynç alyş merkezinde tomusky dynç alyş möwsüminde dynç alýan dürli ýaşly çagalaryň arasynda «Türkmenistan bagtyýar çagalaryň mekany» ady bilen wagyz-nesihat çäresi geçirildi. Çärede çykyş edenler Berkarar döwletiň täze eýýamynyň Galkynyşy döwründe ýurdumyzda çagalaryň abadan, parahat, asuda bolelin durmuşda ýaşamaklary, her bir çaganyň döwletiň hemmetaraplaýyn goldawyndan we goragyndan peýdalanmagy, bilim-terbiýe almaklary üçin uly işler amala aşyrylýandygy barada gürrüň berdiler. Şeýle-de tomus paslynyň dowam edýän günlerinde çagalara ýatdan çykmajak pursatlar, dürli görnüşli oýunlar, gezelençler gurnalýandygy barada çykyş etdi. Çäräniň ahyrynda Watanymyzda körpeje nesillerimiziň şadyýan gülküleriniň ýaňlanyp durmagy ugrunda uly işleri amala aşyrýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.

ÝÜZ OKASAŇ-ÝAT, MÜŇ OKASAŇ-BINÝAT

Kitaphanalar

29.07.2025

Döwletmämmet Azady adyndaky Arkadag şäher kitaphanasynyň guramagynda 9-njy çagalar bakja bagynda «Ýüz okasaň-ýat, müň okasaň-binýat» atly göçme kitap sergi, gürrüňdeşlik geçirildi. Kitap bilim almagyň esasy çeşmeleriniň biridir. Akyldar şahyrymyz Magtymguly Pyragynyň nygtaýşy ýaly: «Kitap okan gullar magnydan dokdur». Ata-babalarymyz hem kitaba, kitap okana uly sarpa goýupdyrlar. Şu nukdaýnazardan ugur alyp hem körpe ýaşly okyjylarymyzyň kitap okamaklyga bolan höweslerini artdyrmak, kitaphanaçylaryň asylly borçlarynyň birine öwrüldi. Bu işleri amala aşyrmak maksady bilen, mekdebe çenli çagalaryň arasynda birnäçe çäreleri guramak özüniň oňyn netijelerini berýär. Bu günki gün hem Döwletmämmet Azady adyndaky Arkadag şäher kitaphanasynyň kitaphanaçylary özüniň dürli neşir önümleri bilen mekdebe çenli çagalaryň arasynda göçme kitap sergileri bilen tanyşdyryp geçdiler. Olar çagalara degişli bolan birnäçe eserleri okap berip, kitabyň ähmiýeti dogrusynda giňişleýin çagalar bilen gürrüňdeşlik geçirdiler. Çäräniň ahyrynda ösüp gelýän ýaş nesliň bagtyýarlygy ugrunda beýik işleri durmuşa geçirýän Gahryman Arkadagymyzyň, Arkadagly Gahryman Serdarymyzyň adyna alkyş sözleri aýdyldy.

TÜRKMENISTAN HALKARA PARAHATÇYLYGYŇ WE YNANYŞMAGYŇ MEKANY

Kitaphanalar

29.07.2025

Türkmenistanyň Bazar Amanow adyndaky döwlet çagalar kitaphanasynyň agzybir hünärmenleri «Halkara parahatçylyk we ynanyşmak» ýylynda «Awaza» milli syýahatçylyk zolagynda geçiriljek BMG-niň deňize çykalgasy bolmadyk ösüp barýan ýurtlar boýunça 3-nji maslahatyny ýokary derejede geçirmek babatda ýurdumyzda görülýän taýýarlyk işleri barada «Altyn asyr» teleýaýlymynyň döredijilik topary bilen bilelikde täsirli söhbetdeşlik geçirdi. Söhbetdeşligiň dowamynda ýurdumyzda geçiriljek uly göwrümli forumyň çäklerinde gurnaljak medeni-köpçülik çäreleri, maslahatlar, howa menzilinde daşary ýurtlardan gelen myhmanlary türkmeniň milli ýörelgelerine, myhmansöýerlik dessurlaryna laýyk derejede garşy almak, hemme taraplaýyn ýokary derejede guramaçylyk işlerini alyp barmak hakynda Gahryman Arkadagymyzyň geçiren iş maslahaty barada aýratyn nygtadylar. Şeýle-de hemişelik Bitaraplygymyzyň 30 ýyllyk baýramy hem-de BMG-niň döredilmeginiň 80 ýyllygy mynasybetli gutlag sözleri beýan edildi. Söhbetdeşligiň ahyrynda ýurdumyzy dünýä ýüzünde ylalaşdyryjy merkez hökmünde tanadyp, asudalygy, parahatçylygy, dost-doganlyk ýörelgelerini üstünlikli durmuşa geçirýän Gahryman Arkadagymyza, Arkadagly Gahryman Serdarymyza alkyş sözleri beýan edildi.

UMUMY ADAMZAT BÄHBITLI HYZMATDAŞLYK

Kitaphanalar

29.07.2025

Türkmenistanyň Bazar Amanow adyndaky döwlet çagalar kitaphanasynyň hünärmeni we Magtymguly adyndaky ýaşlar guramasynyň Köpetdag etrap geňeşligi bilen bilelikde. Türkmenistanyň Jemgyýetçilik guramalarynyň merkezi binasynda BMG-niň deňize çykalgasy bolmadyk ösüp barýan ýurtlar boýunça 3-nji maslahatynda, 7 ugur boýunça geçiriljek duşuşyklara görülýän taýýarlyklar hakynda «Umumy adamzat bähbitli hyzmatdaşlyk» ady bilen hem-de «Altyn asyr» teleýaýlymynyň döredijilik topary bilen bilelikde täsirli söhbetdeşlik geçirildi. Söhbetdeşligiň dowamynda ýurdumyzda geçiriljek uly göwrümli forumyň çäklerinde gurnaljak medeni-köpçülik çäreleri, maslahatlar, howa menzilinde daşary ýurtlardan gelen myhmanlary türkmeniň milli ýörelgelerine, myhmansöýerlik dessurlaryna laýyk derejede garşy almak, hemme taraplaýyn ýokary derejede guramaçylyk işlerini alyp barmak hakynda Gahryman Arkadagymyzyň geçiren iş maslahaty barada aýratyn nygtadylar. Şeýle-de hemişelik Bitaraplygymyzyň 30 ýyllyk baýramy hem-de BMG-niň döredilmeginiň 80 ýyllygy mynasybetli gutlag sözleri beýan edildi. Söhbetdeşligiň ahyrynda ýurdumyzy dünýä ýüzünde ylalaşdyryjy merkez hökmünde tanadyp, asudalygy, parahatçylygy, dost-doganlyk ýörelgelerini üstünlikli durmuşa geçirýän Gahryman Arkadagymyza, Arkadagly Gahryman Serdarymyza alkyş sözleri beýan edildi.

JADYLY ERTEKILERIŇ DÜNÝÄSINDE

Kitaphanalar

28.07.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Ata Salyh adyndaky kitaphana şahamçasynyň guramagynda Gökderedäki «Beýik Serdar nesilleri» çagalar sagaldyş we dynç alyş merkezinde tomusky dynç alyş möwsüminde dynç alýan çagalaryň arasynda «Jadyly ertekileriň dünýäsinde» atly wagyz-nesihat çäresi geçirildi. Çärede bagtdan paýly çagalaryň tomus paslynda ýurdumyzyň gözel künjeklerinde ýerleşýän ajaýyp binalarda wagtlaryny şadyýan geçirip, saglyklaryny berkidýändikleri, ýaş nesiller üçin Watana, ene topraga, zähmete bolan söýgüniň ösmegine, batyrlyk, dogruçyllyk ýaly asylly sypatlaryň kämilleşmeginde ertekili kitaplaryň terbiýeçilik ähmiýetiniň ýokarydygy barada gürrüň berdiler. Çäräniň ahyrynda bagtyýar nesillerimiz barada uly aladalar edýän hormatly Prezidentimiziň janynyň sag, başynyň dik, alyp barýan işleriniň rowaçlyklara beslenmegini arzuw etdiler.

HOŞALLYK MASLAHATY

Muzeýler

28.07.2025

Hormatly Prezidentimiz 2025-nji ýylyň 25-nji iýulynda geçiren Türkmenistanyň Ministrler Kabinetiniň mejlisinde Milli medeniýetimizi, sungatymyzy ösdürmek boýunça maksatnamalaýyn işleriň durmuşa geçirilýändigi bilen bagly milli taryhy-medeni gymmatlyga eýe bolan serişdeleri döwlet tarapyndan hasaba almak we olaryň Döwlet sanawyny ýöretmek maksady bilen taýýarlanan «Milli taryhy-medeni mirasyň gozgalýan gymmatlyklaryny döwlet tarapyndan hasaba almagyň Tertibini tassyklamak hakynda» Karara gol çekdi. Türkmenistanyň Döwlet medeniýet merkeziniň Döwlet muzeýinde hem bu taryhy waka mynasybetli hoşallyk maslahaty geçirildi. Ýurdumyzyň taryhy-medeni gymmatlyklaryny ýüze çykarmak, toplamak, ylmy taýdan öwrenmek we geljek nesillerine abat ýagdaýynda ýetirmek ugrunda uly tagallalar edilýär. Şol gymmatlyklary gorap saklamak, hasaba almak we olaryň Döwlet sanawyny ýöretmek işlerinde ýurdumyzyň muzeýleriniň mynasyp orny bardyr.  Hoşallyk maslahatynda Türkmenistanyň Döwlet medeniýet merkeziniň Döwlet muzeýiniň, Türkmenistanyň Döwlet medeniýet merkeziniň Döwlet kitaphanasynyň, Arkadag şäheriniň Taryhy we ülkäni öwreniş muzeýiniň, Türkmenistanyň Şekillendiriş sungaty muzeýiniň, «Watan mukaddesligi» muzeýiniň, «Gökdepe» milli muzeýiniň, Türkmenistanyň Çeperçilik sergiler müdirliginiň we Şekillendiriş sungatynyň sergi merkeziniň ýolbaşçylary we hünärmenleri çykyş etdiler. Türkmenistanyň Döwlet medeniýet merkeziniň Döwlet muzeýinde geçirilen hoşallyk maslahatyna gatnaşyjylar taryhymyzyň gymmatly hazynalaryny resmi esasda dogry öwrenmäge hem-de geljek nesillere aýawly ýetirmekde döredip berýän ähli mümkinçilikleri üçin Gahryman Arkadagymyza hem-de Arkadagly Gahryman Serdarymyza biragyzdan çäksiz minnetdarlyk bildirdiler.

KITABYŇ ÄHMIÝETI

Kitaphanalar

28.07.2025

Döwletmämmet Azady adyndaky Arkadag şäher kitaphanasynyň guramagynda «Kitabyň ähmiýeti» atly gürrüňdeşlik geçirildi. Döwletmämmet Azady adyndaky Arkadag şäher kitaphanasynyň çagalar okalgasyna kiçi ýaşly okyjylarymyzyň gatnaşmagynda halkymyzda ylymyň-bilimiň özeni, gözbaşy hasaplanýan kitaba aýratyn sarpa goýulýanlygy, kitap tapylgysyz baýlykdyr, dünýäniň genji-hazynasydygy hem-de durmuşda kitabyň ene-ata ýaly uly terbiýe mekdebi bolup durýanlygy barada giňişleýin çagalara gürrüň berildi. Gürrüňdeşligiň dowamynda çagalara halk döredijiligimiz bolan türkmen halk ertekileriniň birnäçesini okap berildi. Olaryň özlerinde galdyran täsiri dogrusynda sorag-jogap alşyldy. Gürrüňdeşligiň ahyrynda, ösüp gelýän ýaş nesilleriň okamagy, öwrenmegi, giň dünýägaraýyşly bolmagy ugrunda atalyk aladalary edýän Gahryman Arkadagymyza, Arkadagly Gahryman Serdarymyza alkyş sözleri aýdyldy.

EL HÜNÄRI, IL GEZER

Kitaphanalar

28.07.2025

Türkmenistanyň Bazar Amanow adyndaky Döwlet çagalar kitaphanasy ýakynda gökderedäki «Bagtyýar nesiller» çagalar-sagaldyş dynç alyş merkezinde wagtyny sapaly geçirýän ýaş nesilleriň arasynda «El hünäri il gezer» ady bilen «Aşgabat» teleýaýlymynyň gatnaşmagynda söhbetdeşlik ýazgy etdi. Hormatly Prezidentimiziň «Ýaşlar Watanyň daýanjy» atly gymmatly eserinden ýurdumyzda ýaş nesiller üçin durmuşa geçirilýän döwletli işler barada täsirli gürrüňler edildi. Ene-mamalarymyzdan miras galan milli el işlerimiz bolan alaja işmek, keşde çekmek, jorap örmek ýaly hünärlerimiziň ähmiýeti dogrusynda hem söhbetler diňlenildi. Dynç alyşyny şadyýan geçirýän körpeje gyzjagazlarymyz merkezde hereket edýän, el-işleri gurnagyna höwesjeň gatnap, öwrenen işlerini ýerine ýetirdiler. Çärämiziň ahyrynda oňa gatnaşanlar ýurdumyzyň ertirki eýeleri bolan ýaş nesiller üçin giň-şert mümkinçilikleri döredip berýän Hormatly Prezidentimize çäksiz alkyşlary beýan etdiler.

TÜRKMENI DÜNÝÄ TANADAN AKYLDAR

Kitaphanalar

28.07.2025

«Türkmeni dünýä tanadan akyldar» atly söhbetdeşlik. Türkmenistanyň Bazar Amanow adyndaky Döwlet çagalar kitaphanasy we Türkmenistanyň Döwlet medeniýet merkeziniň Döwlet kitaphanasy bilen Aba Annaýew adyndaky halkara atçylyk akademiýasynyň mugallymlarynyň gatnaşmagynda şeýle-de «Arkadag» teleýaýlymynyň döredijilik topary bilen bilelikde, hormatly Prezidentimiziň Arkadagly Gahryman Serdarymyzyň jöwher paýhasyndan dörän «Magtymguly dünýäniň akyldary» atly kitabynyň esasynda «Türkmeni dünýä tanadan akyldar» ady bilen tegelek stoluň başynda söhbetdeşlik geçirildi. Söhbetdeşligiň dowamynda çykyş edenler, hormatly Prezidentimiziň Arkadagly Gahryman Serdarymyzyň jöwher paýhasyndan dörän «Magtymguly dünýäniň akyldary» atly kitabynyň many-mazmuny bölümleriniň aýratynlygyny, şeýle-de türkmen döwletliligini berkarar etmekde nusgalyk işleri bitiren akyldar şahyrymyz Magtymguly Pyraga hem-de beýleki ençeme taryhy şahsyýetlerimize goýulýan beýik hormatyň aýdyň nyşanydyr diýip, täsirli gürrüň berdiler. Şahyr Magtymguly Pyragynyň döredijiligi barada täsirli gürrüňler edildi. Pyragynyň şygyrlarynyň nesil terbiýesindäki ähmiýeti barada hem aýratyn nygtaldy. Söhbetdeşligiň ahyrynda türkmen söz sungatynyň pälwany Magtymguly Pyragynyň sarpasyny dünýä ýaýýan türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyşlary beýan etdiler.

MAGTYMGULY DÜNÝÄNIŇ AKYLDARY

Muzeýler

28.07.2025

«Halkara parahatçylyk we ynanyşmak» ýylymyzyň her bir güninde ýokary guramaçylykda geçirilýän çäreler bu şanly ýylymyzda bagtyýar halkymyzyň her bir raýatynyň göwün guşuny galkyndyrýar. Uly ruhubelentlikde şatlyk–şowhuna beslenip ýokary guramaçylykda geçirilýän çärelerde milli mirasymyz, medeniýetimiz, edebiýatymyz öz beýanyny tapýar. Lebap welaýatynyň Taryhy we ülkäni öwreniş muzeýiniň hem-de Türkmenistanyň Agrar partiýasynyň Lebap welaýat, Çärjew etrap komitetleriniň bilelikde gurnamagynda beýik söz ussady Magtymguly Pyragynyň döredijiligine bagyşlanyp «Magtymguly dünýäniň akyldary» atly dabaraly maslahat geçirildi. Maslahatda şahyryň döredijiligi bilen bir hatarda, Halkara parahatçylyk we ynanyşmak ýylymyzyň taryhy ähmiýetli wakalarynyň birine öwrüljek, şu ýylyň 4-nji, 8-nji awgusty aralygynda «Awaza» milli syýahatçylyk zolagynda geçiriljek BMG-niň Deňze çykalgasy bolmadyk ösüp barýan ýurtlar boýunça üçünji maslahaty, şahyryň arzuwlan Bitaraplygyň türkmen nusgasynyň işjeň we döredijilikli taglymatdygynyň täze ykrarnamasy boljakdygyna uly buýsanç bilen belläp geçdiler. Dabaranyň dowamynda oňa gatnaşyjylar bagtyýar zamanamyzda döredijilikli zähmet çekmäge, Magtymguly Pyragynyň döredijiligini halkymyzyň arasynda wagyz etmäge döredip berýän, ähli mümkinçilikleri üçin milli medeniýetimiziň, sungatymyzyň hak howandarlary türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza ýüreklerinden joşup çykýan alkyşlaryny, çäksiz sagbolsunlaryny beýan etdiler.

• ←
• 1
• ...
• 218
• 219
• 220
• ...
• 244
• →