Ministrlik hakynda Türkmenistanyň kanunçylygy
locale-icon TM
logo

TÜRKMENISTANYŇ
MEDENIÝET MINISTRLIGI

logo
header-bg
Garaşsyz Türkmenistanyň hemişelik Bitaraplygynyň şanly 30 ýyllyk baýramy giňden bellenilýän Halkara parahatçylyk we ynanyşmak ýylynda ýurdumyzda halkara derejede festiwallar, konsertler we beýleki medeni çäreler yzygiderli geçirilýär. Medeni diplomatiýamyzyň giň gerimini, köpugurlylygyny alamatlandyrýan bu tagallalar dünýäde ählumumy parahatçylygyň, agzybirligiň dabaralanmagyna, halklaryň arasynda özara ynanyşmak we dost-doganlyk ýörelgeleriniň rowaçlanmagyna hem uly goşant goşýar.

HABARLAR

No image
KITAPHANALAR – BILIM HAZYNASY

Kitaphanalar

06.03.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Ata Gowşudow adyndaky kitaphana şahamçasy bilen Aman Kekilow adyndaky mugallymçylyk mekdebiniň bilelikde guramagynda hormatly Prezidentimiziň kabul eden «Türkmenistanyň kitaphana ulgamyny ösdürmegiň 2025 2029-njy ýyllary üçin döwlet maksatnamasy» esasynda «Kitaphanalar - bilim hazynasy» ady bilen söhbetdeşlik geçirildi. Söhbetdeşlikde çykyş edenler Gahryman Arkadagymyzyň, Arkadagly Gahryman Serdarymyzyň taýsyz tagallalary bilen halkymyzyň ruhy medeniýetiniň gaýtadan dikeldilendigi, ýaş nesillerimize döwrebap bilim-terbiýe bermekde, olary hakyky watançylar edip terbiýeläp ýetişdirmekde kitabyň we kitaphanalaryň tutýan orny diýseň uludygy barada giňişleýin gürrüň berdiler. Şeýle-de ýurdumyzyň kitaphanalarynyň Gahryman Arkadagymyzyň, Arkadagly Gahryman Serdarymyzyň jöwher paýhasyndan dörän ajaýyp eserleri, dürdäne kitaplar, şeýle hem türkmen we dünýä edebiýatynda uly yz galdyran ýazyjy-şahyrlaryň eserleri bilen üpjün edilendigi barada söhbet etdiler. Söhbetdeşligiň ahyrynda Gahryman Arkadagymyza, Arkadagly Gahryman Serdarymyza alkyş sözlerini aýtdylar.

 No image
ÝURDUMYZ BERKARAR – ZENANLAR BAGTYÝAR

Kitaphanalar

06.03.2026

Türkmenistanyň B.Amanow adyndaky Döwlet çagalar kitaphanasy ýakynda Aşgabat söwda we dynç alyş merkezinde «Aşgabat» teleýaýlymynyň «Bagtyýar çagalyk» gepleşiginiň ýazgy etmeginde Halkara zenanlar gününe bagyşlap, Aşgabat şäher medeniýet müdirliginiň 2-nji çagalar sungat mekdebiniň okuwçylarynyň gatnaşmagynda «Ýurdumyz berkarar – zenanlar bagtyýar» atly edebi-sazly agşam geçirdi. Kitaphana hünärmeni türkmen halkynyň gelin-gyzlary nusgawy türkmen edep-terbiýesiniň asyl köklerine mahsus terbiýäni müňýyllyklaryň içinden geçirip, şu günlere ýetirmegi başaran mähribanlarydygy hakynda täsirli gürrüňleri berdi. Şunda zenanlaryň akyl hazynasyndan dörän hüwdülere aýratyn orun degişli. Ýaş nesilleriň kalbynda şan-şöhratdan doly geçmişimize buýsanjy, şu günlerimize çäksiz söýgini, ertirlerimize bolan uly ynamy terbiýelemekde mährem eneleriň hüwdüleriniň saldamly goşandynyň uludygy hakyndaky beren gürrüňlerini ýaş nesiller uly gyzyklanma bilen diňlediler. Çäräniň ahyrynda oňa gatnaşanlar mährem enelerimize sarpa goýmagyň nusgalyk ýoluny görkezýän Gahryman Arkadagymyzyň hem-de Arkadagly Gahryman Serdarymyzyň döwletli işleriniň rowaçlyklara beslenmegini arzuw etdiler.

 No image
KITAP BILEN DOST BOLALYŇ KÖRPELER

Kitaphanalar

06.03.2026

Türkmenabat şäher merkezi kitaphanasynyň 1-nji şahamçasynyň hünärmenleri Türkmenabat şäheriniň 26-njy çagalar bakja bagynda «Kitap bilen dost bolalyň körpeler» atly gürrüň geçirdiler. Çagalara gyzykly ertekileri okalyp olaryň gahrymanlary barada giňişleýin gürrüň berildi. Ýaş nesilleriň döwrebap okap bilim almaklary üçin ähli şertleri döredip berýän Gahryman Arkadagymyzyň, Arkadagly Gahryman Serdarymyzyň janlary sag, başlary dik, tutýan her bir tutumly işleri rowaç alsyn.

 No image
ZENAN DIÝMEK DÜNÝEDIR

Kitaphanalar

05.03.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin DES-indäki kitaphana şahamçasy bilen Türkmenistanyň inžener-tehniki we ulag kommunikasiýalary institutynyň bilelikde guramagynda Halkara zenanlar güni mynasybetli «Zenan diýmek dünýedir» ady bilen aýdym-sazly baýramçylyk çäresi geçirildi. Çärede ajaýyp zamanamyzda ýaşaýan ene-mamalarymyz maşgalanyň sütüni, ahlak gözelliginiň nusgasy hökmünde zenanlaryň, gelin-gyzlaryň mertebesini belent tutmak türkmen halkynyň örän gadymy döwürlerden gözbaş alýan gymmatly ýörelgesidigi barada gürrüň berdiler. Şeýle-de, milli gylyk-häsiýetleri özünde jemleýän, Watana, il-güne, maşgala ojagyna wepaly, zähmetsöýer, mähir-muhabbetini, söýgüsini nesil terbiýesine bagyş edýän güler ýüzli, mylaýym sözli zenanlarymyzyň, mylakatly, dilleri senaly enelerimiz, bahar gülleri ýaly owadan gyzlarymyzyň abraý derejesi, ynsanperwerligi, maşgala ojagyna wepadarlygy barada giňişleýin çykyş etdiler. Baýramçylyk çäräniň dowamynda gelin-gyzlary, ene-mamalarymyzy, Watanymyzy wasp edýän birnäçe aýdym-sazlar ýaňlandy. Çäräniň ahyrynda türkmen halkyny bagtyýar durmuşa alyp barýan gelin-gyzlarymyzy, enelerimizi mukaddeslige deňeýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

 No image
ENELER DÜNÝÄNIŇ GÖRKI

Kitaphanalar

05.03.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Berdi Kerbabaýew adyndaky kitaphana şahamçasy Türkmen döwlet medeniýet we sungat mekdebi bilen bilelikde guramagynda Halkara zenanlar güni mynasybetli «Eneler dünýäniň görki» ady bilen aýdym-sazly baýramçylyk çäresi geçirildi. Çärede çykyş edenler ene-mähri, ene mukaddesligi hakynda söz açyp, enelerimiziň görüm-göreldesi, terbiýesi durmuşda bize ýörelge bolup, türkmen zenanlary ar-namyslylygyň, merdanalygyň, edep-ekramlylygyň, asyllylygyň mizemez nusgasy bolup durýandygy barada gürrüň berdiler. Şeýle-de döwlet jemgyýetçilik durmuşynyň ähli ugurlarynda zenanlar üstünlikli zähmet çekýändikleri we ykdysady ösüşe mynasyp goşant goşýandyklary, diňe bir jemgyýetimizde däl, eýsem, maşgalada hem perzent ýetişdirmekde, nesil terbiýesinde eneleriň hüwdüsi, mähirli sözi çagalarda ilkinji terbiýäni kemala getirip, perzendi ýetişdirmekde, halallyk, mertlik, ynsanperwerlik hakyndaky ýörelgeleri gursagyna guýmak eneleriň baş maksady bolup durýandygy hakynda aýtdylar. Çäräniň dowamynda birnäçe aýdym-sazlar ýaňlandy, bu bolsa çärä gatnaşanlarda ýakymly täsir galdyrdy. Çäräniň ahyrynda zenanlara aýratyn sarpa goýup, halkymyzyň bagtyýar durmuşyny oňaýly şertler bilen üpjün edýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

 No image
ZENANLAR – DURMUŞYŇ DIREGI

Kitaphanalar

04.03.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Çoganly şäherçe kitaphana şahamçasy bilen Aşgabat şäher häkimliginiň «Bagt köşgi» toý-dabaralary merkeziniň bilelikde guramagynda Halkara zenanlar güni mynasybetli «Zenanlar – durmuşyň diregi» ady bilen söhbetdeşlik geçirildi. Söhbetdeşlikde mährem enä, wepaly ýanýoldaşa, mähriban uýa bolan aýratyn hormat, maşgalada gaýyn-gelin gatnaşyklarynyň kadalary asyrlardan aşyp, halkymyzyň asylly däpleri hökmünde biziň günlerimize gelip ýetendigi hakynda söhbet etdiler. Şeýle-de, zenanlar ähli döwürde-de türkmen jemgyýetinde aýratyn orun eýeläp, maşgala ojagynyň ýylysynyň hem-de jemgyýetiň ahlak esaslarynyň, ruhy we ynsanperwer kadalarynyň gözbaşynda durýandyklary barada çykyş edenler belläp geçdiler. Söhbetdeşligiň ahyrynda dünýäniň görki, zeminiň zynaty, her bir adam üçin iň mukaddes ynsan bolan eziz enelerimiz hakyndaky aladany döwlet derejesine çykaran Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

 No image
Körpeler üçin ertekileriň ähmiýeti

Kitaphanalar

04.03.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Aman Kekilow adyndaky kitaphana şahamçasynyň guramagynda 115-nji çagalar bagynda «Körpeler üçin ertekileriň ähmiýeti» ady bilen gürrüňdeşlik geçirildi. Gürrüňdeşlikde asuda we parahat ýurdumyzda çagalaryň döwlet tarapyndan bimöçber aladalar bilen has jebis gurşalýandygyny, çagalar baglarynda terbiýelenýän çagalarda türkmen halk ertekileriniň ähmiýetini has içgin düşündirilip, ertekileriň çaga terbiýesine çuňňur täsir etmäge ukybynyň bardygy barada gürrüň berdiler. Şeýle-de türkmen halk ertekileriniň gahrymanlarynyň hoşgylawlylyk, sadalyk, dogruçyllyk, edep-ekramlylyk, dost-doganlyk, agzybirlik, ruhubelentlik, halallyk, ýagşylyk, ugurtapyjylyk ýaly sypatlaryň ählisi jemlenendigi hakynda aýratyn belläp geçdiler. Gürrüňdeşligiň ahyrynda ösüp gelýän ýaş nesiller üçin taýsyz tagallalar edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

 No image
TÜRKMENISTAN – BAGTYÝAR ÇAGALYGYŇ MEKANY

Kitaphanalar

04.03.2026

Ahal welaýat kitaphanasynyň Neşirleri toplamak we işlemek bölüminiň gurnamagynda Ak bugdaý etrabyndaky 20-nji çagalar bakja-bagynda «Türkmenistan – bagtyýar çagalygyň mekan» atly çeper okaýyş geçirildi. Türkmen halk ertekilerini we çagalar ýazyjy, şahyrlaryň döreden eserlerini çagalara labyzly çeper okap bermek bilen olarda kitap okamak höwesini artdyrýar.

 No image
ÝOLLARY NURLY - GELJEGI RÖWŞEN WATANYM!

Kitaphanalar

04.03.2026

«Garaşsyz, baky Bitarap Türkmenistan – bedew batly at-myradyň mekany» ýylynda Lebap welaýat kitaphanasynda «Türkmen gündogary» redaksiýasynyň we bu medeni ojagyň bilelikde gurnamaklarynda «Ýollary nurly - geljegi röwşen Watanym!» atly söhbetdeşlik geçirildi. Bu çärä Türkmenistanyň Kärdeşler arkalaşyklarynyň Garabekewül, Saýat etrap birleşmeleriniň başlyklary gatnaşdylar. Çykyşlarda esasan mukaddes Garaşsyzlygymyzyň şanly 35 ýyllygynyň dabarasynyň uludan tutulýan günlerinde alnyp barylýan işler, geçirilýän wagyz-nesihat çäreleri dogrusynda söhbetler edildi. Şeýle-de ýaş neslimizi Garaşsyz, baky Bitarap Türkmenistan döwletimize, milli mirasymyza çäksiz buýsanç, söýgi, hormat goýmak ruhunda terbiýelemekde türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň ýiti zehinlerinden syzylyp çykan eserleriniň uly ähmiýetiniň bardygy barada aýratyn bellediler. Gatnaşyjylar Gahryman Arkadagymyza, hormatly Prezidentimiz Arkadagly Gahryman Serdarymyza ýüreginiň töründen çykan alkyşlaryny beýan etdiler.

 No image
ENE - DÜNÝÄNIŇ IŇ OWADAN GÜLI, TER BÄGÜLI

Kitaphanalar

03.03.2026

Türkmenistanyň B.Amanow adyndaky döwlet çagalar kitaphanasy ýaňy ýakynda Ahal welaýatyň Änew şäherindäki 15-nji çagalar bagynda «Ene - dünýäniň iň owadan güli, ter bägüli» atly Halkara zenanlar gününe bagyşlap edebi-sazly ertirlik geçirildi. Pasyllaryň içinde bahar pasly dürli reňkli öwşün atyp, owadanlygy we hoştap, jana şypaly howasy bilen ynsany heýjana getirýär. Şeýle ajaýyp paslyň ilkinji aýynda gelin-gyzlaryň baýramy bolan Halkara zenanlar güni bellenip geçilýär. Bu ajaýyp baýramyň uly toý, şatlyk, dabara bilen bellenilmeginiň özi enelerimize, zenanlarymyza, uýalarymyza goýulýan sylag-hormatdan nyşandyr. Olaryň baýramlarynyň-da bahar paslyna gelýändiginiň simwoliki manysy bar. Çünki bahar hem dünýä gözellik paýlaýar, gelin-gyzlar hem dünýäniň gözelligine gözellik goşýar. Şu çärämizde alyp baryjy tanymal ýazyjylaryň, şahyrlaryň zenanlara bagyşlanan goşgy setirlerinden okap berdi. Körpeje jigilerimizem öz gezeginde goşgular, aýdym-saz tans bilen çykyş etdiler. Kitaphananyň hünärmenleri baýramçylyga bagyşlap kitap sergisini gurnadylar. Çäräniň soňunda il-günüň göwnüne ganat, beýik döwrüne zynat beren hormatly Prezidentimiziň jany sag, ömri uzak, tutumly işleri hemişe rowaç bolsun!