HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

BAGTYMYZYŇ NURY-GARAŞSYZ WATAN

Kitaphanalar

20.01.2026

Türkmenistanyň Döwlet medeniýet merkeziniň Döwlet kitaphanasynyň Medeni köpçülik işler bölümi «Bagtymyzyň nury-Garaşsyz Watan» ady bilen döredijilik duşuşygyny geçirdi. Dabarada çykyş edenler: “Garaşsyz,baky Bitarap Türkmenistan-bedew batly at-myradyň mekany”ýylymyzyň bedew bady bilen başlanandygyny,türkmen halkymyzyň bedewi mydama özleriniň iň ýakyn syrdaşy hasaplandyklaryny nygtamak bilen türkmen bedewi barada Gahryman Arkadagymyzyň ýazan gymmatly kitaplary şeýle hem türkmen bedewleri barada döredilen atalar sözleriniň we nakyllaryň many- mazmuny barada giňişleýin söhbet etdiler. Türkmen bedewi eziz Watanymyzyň ajaýyp ösüşleriniň,ajaýyp ýeňişleriniň aýdyň nyşanyna öwrüldi. Öz bilşimiz ýaly, şu ýyl biziň mukaddes Garaşsyzlygymyzyň şanly 35 ýyllygy uly toýlara beslener. Bedew batly Diýarymyzyň ykdysadyýeti bilen birlikde biziň milli medeniýetimiziň we sungatymyzyň esasy ugurlarynyň biri bolan ýurdumyzyň kitaphana ulgamynyň işi has hem döwrebap ösdüriler. Çykyş edenler bular barada hem öz söhbetlerinde aýdyp geçdiler. Dabaranyň çäginde Döwlet kitaphanasynyň gaznasyndan “Garaşsyzlyk ähli üstünliklerimiziň özeni “ady bilen giňişleýin kitap sergisi gurnaldy. Dabaraly maslahatyň ahyrynda çykyş edenler Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, umumyadamzat bähbitli beýik işleriniň mundan-buýana hem rowaç bolmagyny arzuw etdiler.

MILLI MIRASYMYZ MERTEBÄMIZ

Kitaphanalar

20.01.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Aman Kekilow adyndaky kitaphana şahamçasy, Aşgabat şäher häkimliginiň “Bagt köşgi” toý-dabaralary merkezi hem-de Aşgabat şäher Bagtyýarlyk etrap häkimliginiň Zenanlar bölüminiň bilelikde guramagynda «Milli mirasymyz mertebämiz» ady bilen “Bagt köşgi” toý-dabaralary merkezinde söhbetdeşlik geçirildi. Söhbetdeşlikde çykyş edenler Berkarar döwletiň täze eýýamynyň Galkynyşy döwründe hormatly Prezidentimiziň taýsyz tagallalary netijesinde, türkmen medeniýetimiz we sungatymyz gün-günden pajarlap, belent derejelere ýetýändigi, türkmen gelin–gyzlarynyň döreden nagyşlary dünýä medeniýetiniň baýlaşmagyna önjeýli goşant goşan kämil medeni gymmatlyklaryň hatarynda uly meşhurlyga eýe bolandygy barada gürrüň berdiler. Şeýle-de ata-babalarymyzyň ruhy-medeni gymmatlyklary dünýä derejesinde sarpalanyp, olary il içinde wagyz edip, geljek nesillere miras galdyrmak işleriniň yzygiderli ýaýbaňlandyrylýandygy barada söhbet etdiler. Söhbetdeşligiň ahyrynda milli mirasymyzy öwrenmäge giň mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

ASUDALYGYŇ SYNMAZ BINÝADY

Kitaphanalar

20.01.2026

«Garaşsyz, baky Bitarap Türkmenistan–bedew batly at-myradyň mekany» ýylynda Lebap welaýat kitaphanasynda Watan goragçylarynyň güni mynasybetli ýokary synp mekdep okuwçylarynyň gatnaşmaklarynda «Asudalygyň synmaz binýady» ady bilen söhbetdeşlik geçirildi. Kitaphana hünärmenleri tarapyndan döredilen giňişleýin kitap sergisinde türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň çuňňur pähim-paýhasa, baý many-mazmuna ýugrulan ajaýyp kitaplary ýerleşdirildi. Kitaplar ýaşlarymyz üçin gymmatly gollanmadyr, ylym-bilim, edep-terbiýe babatda görelde mekdebidir. Watansöýüji nesillerimizi milli ruhda terbiýelemekde bu ajaýyp kitaplar bahasyna ýetip bolmajak genji-hazynadyr, kämillige tarap barýan ýollarymyzda şamçyragdyr, ýol görkeziji nusgalyk taglymatdyr. Söhbetdeşlige gatnaşyjylar ajaýyp döwrümizde okamana, öwrenmäne ähli mümkinçilikleri döredip berýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak, belent başlarynyň aman bolmagyny arzuw etdiler. 

GARAŞSYZ, BAKY BITARAP TÜRKMENISTAN–BEDEW BATLY AT-MYRADYŇ MEKANY ÝYLY MYNASYBETLI

Kitaphanalar

19.01.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Ata Gowşudow adyndaky kitaphana şahamçasy bilen Türkmen döwlet maliýe institutynyň bilelikde guramagynda 2026-njy ýyl «Garaşsyz, baky Bitarap Türkmenistan–bedew batly at-myradyň mekany» ýyly mynasybetli wagyz–nesihat çäresi geçirildi. Çärede çykyş edenler ösüş-özgerişleriň ýolundan bedew bady bilen ynamly öňe barýan Garaşsyz, Bitarap Türkmenistan Watanymyzda her bir ýyly täze şygar bilen atlandyrmak asylly däbe öwrülip, Gahryman Arkadagymyzyň, hormatly Prezidentimiziň parasatly baştutanlygynda has-da rowaçlanýandygynyň aýdyň subutnamasy bolup durýandygy barada gürrüň berdiler. Şeýle-de agzybir halkymyz täze taryhy döwrümiziň şöhratly sahypalaryny ýazjak ajaýyp ýyllaryň ýene birine–«Garaşsyz, baky Bitarap Türkmenistan–bedew batly at-myradyň mekany» ýyly diýilip atlandyrylmagy çuňňur many-mazmuna eýedigini, bu bolsa türkmen halkynyň baky bagtyýarlygy, ýeten arzyly sepgitleri, ýagty geljegi nazarlaýan mukaddes Garaşsyzlygymyz bilen aýrylmaz baglydygy barada beýan etdiler. Çäräniň ahyrynda türkmen halkynyň Milli Lideri Gahryman Arkadagymyza, peder ýoluny mynasyp dowam etdirýän Arkadagly Gahryman Serdarymyza alkyş sözlerini aýtdylar.

MILLI MIRASYMYZ–EGSILMEZ GUWANJYMYZ

Kitaphanalar

19.01.2026

Aşgabat şäher medeniýet müdirliginiň Merkezleşdirilen kitaphanalar ulgamynyň guramagynda Magtymguly adyndaky merkezi kitaphanasynda «Milli mirasymyz–egsilmez guwanjymyz» ady bilen söhbetdeşlik geçirildi. Söhbetdeşlikde çykyş edenler türkmen halkynyň milli buýsanjy, gadymy gymmatlyklaryny çuňňur öwrenmek we ösdürmekde, medeni mirasymyza hormat goýmak, ýaşlaryň arasynda giňden ýaýbaňlandyrylýandygy, her bir halkyň medeni-mirasy, däp-dessurlary, nesilden-nesile geçip gelýän gymmatlyklary bolup, ol dünýä halklarynyň özboluşlylygyny şöhlelendirýändigi barada gürrüň berdiler. Şeýle-de türkmen halkynyň medeni gymmatlyklary şeýle hem gaýtalanmajak medeniýeti, sungaty dünýäniň medeni-ruhy hazynasynda mynasyp paýynyň bardygy, Arkadagly Gahryman Serdarymyzyň medeniýetimizi ösdürmek, dünýä ýaýmak, halkyň bagtyýar, milli medeni özboluşlylygyny kämilleşdirmek boýunça durmuşa geçirýän ägirt uly işleri buýsanjyňa buýsanç, guwanjyňa guwanç goşýandygy barada çykyş etdiler. Söhbetdeşligiň ahyrynda türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

BERKARAR DÖWLETIŇ TÄZE EÝÝAMYNYŇ GALKYNYŞY DÖWRÜNDE ÝAŞ ŞAHYRLARYŇ DÖREDIJILIGI DOGRUSYNDA SÖHBETDEŞLIK

Kitaphanalar

19.01.2026

Türkmenistanyň Döwlet medeniýet merkeziniň Döwlet kitaphanasynda «Miras» teleýaýlymynyň «Edebiýat dünýäsinde» gepleşiginde berkarar döwletiň täze eýýamynyň Galkynyşy döwründe ýaş şahyrlaryň döredijiligi hakynda söhbetdeşlik ýazgy edildi. Söhbetdeşlikde çykyş edenler bedew bady bilen öňe barýan eziz Diýarymyzyň toý-baýramlaryndan, hormatly Prezidentimiziň ýaşlar üçin edýän atalyk aladalaryndan ruhlanyp, joşup ýazýan goşgularyndan okap berdiler we özlerine döredilip berilýän giň mümkinçilikleri üçin Gahryman Arkadagymyza, Arkadagly Gahryman Serdarymyza alkyş sözlerini aýtdylar.

«ATALAR SÖZI» GEPLEŞIGI

Kitaphanalar

19.01.2026

«Atalar sözi» gepleşiginde Gahryman Arkadagymyzyň tagallasy bilen neşir edilen «Paýhas çeşmesi» kitabyndan ylym-bilim we halyçylyk sungatyna degişli birnäçe nakyllary hakynda ýazgy. Türkmenistanyň Döwlet medeniýet merkeziniň Döwlet kitaphanasynyň kitaphanaçylary «Miras» teleýaýlymy tarapyndan ýazgy edilýän «Atalar sözi» gepleşiginde Gahryman Arkadagymyzyň tagallasy bilen neşir edilen «Paýhas çeşmesi» kitabynda ýerleşdirilen ylym-bilim we halyçylyk sungatyna degişli birnäçe nakyllara giňişleýin düşündiriş berdiler. Söhbetleriniň ahyrynda asuda asmanyň astynda, parahat zeminiň üstünde okamaga, işlemäge, milli mirasymyzy has çuňňur öwrenmäge döredip berýän giň mümkinçilikleri üçin Gahryman Arkadagymyza, Arkadagly Gahryman Serdarymyza alkyş sözlerini aýtdylar.

«ZEHINLI ÇAGALAR» ATLY GEPLEŞIK

Kitaphanalar

19.01.2026

Türkmenistanyň Bazar Amanow adyndaky döwlet çagalar kitaphanasy «Ýaşlyk» teleýaýlymy hem-de Aşgabat şäher Baş bilim müdirligi bilen bilelikde paýtagtymyzda ýerleşýän mekdeplerde bilim alýan kitapsöýüji çagalar bilen bäş tapgyrdan ybarat bolan «Zehinli çagalar» atly bäsleşik geçirýär. Gepleşigiň täze sanyna Aşgabat şäheriniň 31-nji orta mekdebiniň zehinlije okuwçylary gatnaşdy. Ýeňiji bolanlara sowgatlar gowşuryldy. Gepleşigiň ahyrynda ýaş nesilleriň ýagty geljegi üçin ägirt uly işleri durmuşa geçirýän türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözleri beýan edildi.

KITAPHANA-BILIMLER OJAGY

Kitaphanalar

17.01.2026

Türkmenistanyň Döwlet medeniýet merkeziniň Döwlet kitaphanasynda ”Miras” teleýaýlymy bilen bilelikde “Kitaphana-bilimler ojagy” ady bilen söhbetdeşlik ýazgy edildi. Söhbetdeşlikde çykyş edenler Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde ýurdumyzyň ähli ulgamlarynda belent sepgitlere ýetilýär. Medeniýet ulgamynyň bir şahasy hasaplanýan ýurdumyzyň kitaphanalaryna we kitaphana işine-de uly üns berilýär. Türkmen halkynyň Milli Lideri Gahryman Arkadagymyzyň, peder ýoluny ynamly dowam etdirýän Arkadagly Gahryman Serdarymyzyň kitaba, kitaphana işine goýýan belent sarpasyny döredip berýän ajaýyp eserleriniň üsti bilen hem görmek bolýar. Ol eserler bu gün ösüp gelýän ýaş nesilleriň watansöýüji, maksada okgunly ylymly-bilimli bolup ýetişmekleri üçin görelde mekdebi bolup, ýurdumyzyň kitaphanalarynyň tekjelerini bezäp durýar diýip uly buýsanç bilen nygtadylar. Söhbetdeşligiň ahyrynda çykyş edenler milli mirasymyzy, medeniýetimizi we sungatymyzy dünýä ýaýmakda, ýaşlara ylym-bilim dünýäsinde bilim almaklary üçin giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny arzuw etdiler!

ARKADAG ŞÄHERI–BEHIŞDI BEDEWLERIŇ MEKANY

Kitaphanalar

16.01.2026

Türkmenistanyň Bazar Amanow adyndaky Döwlet çagalar kitaphanasy ýakynda Aba Annaýew adyndaky Halkara atçylyk akademiýasynda «Arkadag» teleýaýlymynyň ýazgy etmeginde «Arkadag şäheri–behişdi bedewleriň mekany» atly duşuşyk geçirdi. Söhbetdeşligiň başynda çykyş edenler her ýylymyzyň mynasyp atlandyrylýandygyny buýsanç bilen nygtadylar. Üstümizdäki ýylyň “Garaşsyz, baky Bitarap Türkmenistan–bedew batly at-myradyň mekany” ýyly diýen şygarynyň halkymyzy, Watanymyzy bedew bady bilen ösüşlere atarjakdygy, Arkadag şäheriniň ganatly bedewleriň gadymy hem-de juwan mekanydygy hakynda täsirli söhbetler edildi. Çäräniň ahyrynda oňa gatnaşanlar gadamy batly behişdi bedewlerimiziň şöhratyny dünýä ýaýmakda yzygiderli tagallalary edýän Milli Liderimiziň, hormatly Prezidentimiziň janlarynyň sag, ömürleriniň uzak, işleriniň rowaç bolmagyny arzuw etdiler.

• ←
• 1
• ...
• 92
• 93
• 94
• ...
• 157
• →