HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

TÜRKMEN HALKYNYŇ MILLI LIDERI, TÜRKMENISTANYŇ HALK MASLAHATYNYŇ BAŞLYGY GAHRYMAN ARKADAGYMYZ ARKADAG ŞÄHERINDE BOLDY

Täzelikler

05.02.2026

4-nji fewralda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Arkadag şäherindäki Aba Annaýew adyndaky Halkara atçylyk akademiýasynda we Görogly adyndaky döwlet atçylyk sirkinde bolup, “At-myrat” okuw merkeziniň çagalary, “Galkynyş” milli at üstündäki oýunlar toparynyň agzalary bilen duşuşdy. Gahryman Arkadagymyz çagalaryň hem-de ýaşlaryň öňünde “Garaşsyz, baky Bitarap Türkmenistan-bedew batly at-myradyň mekany” ýylynyň başynda türkmen bedewleriniň şöhratynyň belende galýandygyny, milli sirk sungatynyň dünýä derejesine çykýandygyny alamatlandyran waka mynasybetli çykyş etdi. Ahalteke bedewlerini ösdürip ýetişdirmek, olary at çapyşyklaryna taýýarlamak üçin amatly şertleri, ýakymly howa gurşawyny özünde jemleýän künjekde, Gahryman Arkadagymyzyň tagallasyndan binýat bolan Arkadag şäherinde Aba Annaýew adyndaky Halkara atçylyk akademiýasy, Görogly adyndaky döwlet atçylyk sirki, Atçylyk ylmy-önümçilik merkezi, “At-myrat” okuw merkezi hereket edýär. Bu bolsa ahalteke bedewleriniň asyl mekanynda “Garaşsyz, baky Bitarap Türkmenistan-bedew batly at-myradyň mekany” ýylynda-da milli atşynaslyk ýörelgeleriniň ösdürilmegine giň ýol açýar. Ir bilen Aba Annaýew adyndaky Halkara atçylyk akademiýasynyň ýapyk manežine gelende, Milli Liderimizi akademiýanyň rektory P.Baýramdurdyýew we Halkara ahalteke atçylyk assosiasiýasynyň hem-de Halkara “Türkmen alabaý itleri” assosiasiýasynyň wise-prezidenti B.Rejepow mähirli garşyladylar. Ýapyk manežde “At-myrat” okuw merkeziniň çagalary Gahryman Arkadagymyzy şatlyk-şowhun bilen mübäreklediler. Merkeziň ýolbaşçysy öz aralaryna gelip, bu ýerde alnyp barylýan işler bilen gyzyklanýandygy we ýaşlara milli atşynaslyk däplerini ylmy esasda öwretmek ugrunda döredilýän şertler üçin Gahryman Arkadagymyza hem-de hormatly Prezidentimize hoşallyk bildirdi. Häzirki döwürde hormatly Arkadagymyzyň başlangyjy esasynda döredilen Aba Annaýew adyndaky Halkara atçylyk akademiýasynyň garamagynda bolan, milli atşynaslaryň täze nesliniň kemala gelmeginde möhüm orun eýeleýän “At-myrat” okuw merkezi atşynaslyk bilen gyzyklanýan ýaşlary özünde jemleýär. Atçylyga höwes edýän çagalar çapyksuwarlyk, milli at üstündäki oýunlar, atly sporty özleşdirmek ýaly ugurlar boýunça tälim alýarlar. _____________________________________ «Türkmenistan» gazeti

DÖREDIJILIK BÄSLEŞIGI

Täzelikler

23.01.2026

I. DÖREDIJILIK BÄSLEŞIGINIŇ MAKSADY 1. Bu döredijilik bäsleşigini (mundan beýläk – döredijilik bäsleşigi) Türkmenistanyň Medeniýet ministrligi, Türkmenistanyň Kärdeşler arkalaşyklarynyň Milli merkezi bilelikde geçirýärler. 2. 2. «Bedew batly Türkmenistan!» atly döredijilik bäsleşigi türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde gülläp ösýän bedew batly Watanymyzy, ajaýyp zamanamyzy we beýik ösüşleri giňden wasp etmek, 2026-njy ýylyň «Garaşsyz, baky Bitarap Türkmenistan – bedew batly at-myradyň mekany» ýyly diýlip yglan edilmegi mynasybetli döwrebap, kämil goşgulary döretmek, milli senenamyzda orun alan baýramçylyklary dabaralandyrmak, türkmen aýdym-saz sungatyny täze aýdymlar bilen baýlaşdyrmak üçin many-mazmunly şygyrlary döretmek, edebiýatymyzy we sungatymyzy has-da ösdürmek maksady bilen guralýar. 2. DÖREDIJILIK BÄSLEŞIGINIŇ ŞERTLERI 1.Döredijilik bäsleşiginiň 1-nji şertine laýyklykda, milli senenamyzda orun alan baýramçylyklar — Täze ýyl, Watan goragçylarynyň güni, Türkmenistanyň diplomatik işgärleriniň güni, Halkara Zenanlar güni, Milli bahar baýramy, Bütindünýä saglyk güni, Türkmen bedewiniň milli baýramy, Türkmenistanyň Konstitusiýasynyň we Türkmenistanyň Döwlet baýdagynyň güni, Aşgabat şäheriniň güni, Türkmen halysynyň baýramy, Çagalary goramagyň halkara güni, Bütindünýä welosiped güni, Medeniýet we sungat işgärleriniň hem-de Magtymguly Pyragynyň şygryýet güni, Bilimler we talyp ýaşlar güni, Türkmenistanyň Garaşsyzlyk güni, Ýaşulularyň halkara güni, Türkmenistanyň saglygy goraýyş we derman senagaty işgärleriniň güni, Türkmen alabaýynyň baýramy, Gurluşyk we senagat toplumynyň işgärleriniň güni, Hasyl toýy, Halkara Bitaraplyk güni, Nebitgaz senagaty we geologiýa işgärleriniň güni, Gurban baýramy hakynda ýazylan goşgular hödürlenilýär. 2.Döredijilik bäsleşiginiň 2-nji şertine laýyklykda «Garaşsyz, baky Bitarap Türkmenistan – bedew batly at-myradyň mekany» ýylyny joşgunly wasp edýän, täze aýdymlaryň sözleri üçin niýetlenen goşgular hödürlenilýär. 3. Döredijilik bäsleşiginiň 3-nji şertine laýyklykda ýurdumyzda açylyp ulanylmaga berilýän ýa-da düýbi tutulýan medeni-durmuş maksatly binalar, senagat-önümçilik toplumlary, täze şäherçeler hakynda ýazylan goşgular hödürlenilýär. 3. DÖREDIJILIK BÄSLEŞIGINIŇ UMUMY DÜZGÜNLERI Döredijilik bäsleşigine beýan edilen temalar boýunça ýedi, sekiz ýa-da on bir bogunda ýazylan goşgular hödürleniýär. Goşgy bäş ýa-da alty bentden ybarat bolup, onuň jemleýji bendi aýdymyň gaýtalanmasy üçin niýetlenip ýazylmaly. Ýylyň şygary bilen baglanyşykly goşgular dürli bogunlarda ýazylyp bilner. Hödürlenen goşgularyň iň gowulary ýurdumyzyň kompozitorlaryna aýdym döretmek üçin teklip ediler. Iň gowy goşgulara saz ýazylyp, şol aýdymlar döwlet we welaýat derejesindäki çärelerde ýa-da teleradioýaýlymlarda ýerine ýetirilen ýagdaýynda, goşgulary ýazan şahyrlar ýeňijilige teklip edilip bilner. Ýurdumyzyň şahyrlary döredijilik bäsleşiginiň şertlerine laýyklykda kompozitorlar, aýdymçylar, bagşylar bilen gönüden-göni işleşip, öz goşgularyna döredilen aýdymlar bilen bu döredijilik bäsleşigine gatnaşyp bilerler. Şunda täze döredilen aýdymlaryň baýramçylyk çärelerinde ýa-da teleradioýaýlymlarda ýerine ýetirilen bolmagy hökmandyr. Döredijilik bäsleşigine gatnaşmak üçin, beýan edilen temalar boýunça ýazylan goşgulary familiýasy, ady, ýaşaýan, işleýän ýa-da okaýan ýeri, wezipesi, fotosuraty, telefon belgisi görkezilen Maglumat bilen sanly-medeniyet@sanly.tm elektron salga ibermeli. Döredijilik bäsleşigine hödürlenýän eserler 2026-njy ýylyň 1-nji martyna çenli kabul edilýär. Döredijilik bäsleşigi şu ýylyň dekabr aýynda jemlener we ýeňijilere Türkmenistanyň Medeniýet ministrliginiň, Türkmenistanyň Kärdeşler arkalaşyklarynyň Milli merkeziniň Hormat hatlary hem-de Türkmenistanyň Kärdeşler arkalaşyklarynyň Milli merkeziniň sowgatlary gowşurylar.

USSAT KOMPOZITOR ESERLERIŇ NESILLERE GÖRELDE

Täzelikler

21.01.2026

Ýakynda Maýa Kulyýewa adyndaky Türkmen milli konserwatoriýasynyň kitaphanasynyň guramagynda Türkmenistanyň halk artisti, SSSR-iň we Türkmenistanyň Magtymguly adyndaky Döwlet hem-de Ýaşlar baýraklarynyň eýesi, professor, kompozitor Çary Nurymowyň doglan güniniň 85 ýyllygy mynasybetli “Ussat kompozitor eserleriň nesillere görelde” ady bilen sergi we söhbetdeşlik geçirildi. Bu gurnalan sergi esasan hem talyp ýaşlaryň arasynda uly gyzyklanma döretdi. Türkmenistanyň Prezidenti Arkadagly Gahryman Serdarymyz: “Berkarar döwletiň täze eýýamynyň Galkynyşy döwri milli medeniýetimiziň, sungatymyzyň hem-de edebiýatymyzyň barha kämilleşýän döwrüdir” diýip örän jaýdar belläp geçýär. Milli Medeniýetimiziň aýrylmaz bölegi bolan saz sungatymyzy professional derejede ösdürmek ugrunda kompozitorlar tarapyndan ägirt uly işler amala aşyryldy. Çünki olar profisional sazlary, dürli žanrdaky eserleri döretdiler. Öz gezeginde bolsa bu ajaýyp eserler Türkmenistanyň gymmatly sazlary jemlenen altyn hazynasyny emele getirdi. Ussat kompozitor Çary Nurymowyň ölmez–ýitmez saz eserleri aýdym-saz ugrundan bilim alýan ýaş nesillerimize uly gollanma, görelde mekdebidir. Onuň eserleri diňe bir biziň ýurdumyzda däl, eýsem daşary ýurtlarda hem uly meşhurlyga eýedir. Ç.Nurymowyň sazy Gündogar we Günbatar, miras we häzirki zaman, milli we internasional däpleriň birleşmesidir. Kompozitoryň eserleri özüniň täzeçilligi we özboluşlylygy, täsirliligi, äheňleýin gurluşynyň döwrebaplygy bilen tapawutlanýar. Çäräniň dowamynda kitaphana hünärmenleri ussat kompozitoryň döredijilik ýoly, sungat äleminde bitiren işleri barada gürrüň berdiler. Şeýle hem kompozitor Ç.Nurymowyň döreden eserleri barada talyp-ýaşlaryň arasynda sorag-jogap arkaly söhbetdeşlik geçirildi. Onuň eserleriniň sanawy uly, oňa üç balet, üç simfoniýasy, ýedi sany konsert, köpsanly simfoniki, wokal-istrumental, hor, kamera-instrumental eserler, kinofilmler üçin sazlar, romanslar we aýdymlar degişlidir. Mirasynyň esasy ugry instrumental sazlarydyr. Watana bolan söýgi, mähriban ülkäniň owadanlygy, döwürdeşleriniň batyrgaýlygy, şöhratly zähmeti onuň döredijiliginiň temalarynyň we keşpleriniň gözbaşydyr. 1967-nji ýylda Magtymguly adyndaky opera we balet teatrynyň sahnasynda kompozitoryň W.Sopkiniň librettosyna “Epgegiň tepbedi” balei goýulýar. “Epgegiň tepbedi” milli kompozitor tarapyndan özbaşdak, kömeksiz ýazylan ilkinji türkmen baletidir. Onda adamyň suw, çöli gülletmek üçin tebigat bilen göreşi özboluşly beýan edilipdir. Ýaş kompozitoryň bu baleti ýurdumyzyň durmuşyndaky möhüm waka bolan Garagum derýasynyň gurluşygyna bagyşlanýar. Bu balet jemgyýetçilik tarapyndan gyzgyn garşylanyp, ýokary baha mynasyp bolýar. Ol eser üçin awtor Türkmenistanyň Ýaşlar baýragy we täze sazly spektakllaryň bütinsoýuz bäsleşiginde Hormatly diplom bilen sylaglanýar.(1968ý) 1977-nji ýylda, Türkmenistanyň Kompozitorlarynyň VI gurultaýynyň geçýän günlerinde Magtymguly adyndaky opera we balet teatrynyň sahnasynda Ç.Nurymowyň “Köýten nalasy” atly üçünji baletiniň görkezilişi bolýar. Ol. A.Gylyjowyň adybir powestini esasynda döredilipdir. Bu baleti üçin Ç.Nurymow sazly-sahna eserleriniň Bütinsoýuz bäsleşiginde üçünji baýraga we Türkmenistanyň Magtymguly adyndaky döwlet baýragyna (1979ý) mynasyp bolýar. Ç. Nurymow uly göwrümli eserleri döretmek bilen birlikde kamera-instrumental žanrynda-da önjeýli işleýär. Oňa “Trombon we orkestr üçin konsert” pýesasy, “Fleýta we fortepiano üçin pastoral”, “Üflenip çalynýan saz gurallary üçin kwintet”, şeýle-de fortepiano üçin eserleriniň köp sanlysy degişlidir. Kompozitoryň iň soňky eserleriniň biri bolan “Maru-Şahu-Jahan” (1989ý) atly üçünji simfoniýasynda gadymy taryhy wakalara ýüzlenýär. Ç.Nurymowyň döredijiliginde aýdymlara uly orun degişlidir. Olaryň ençemesi halk arasynda meşhurdyr. Kompozitoryň aýdymlary we romanslaryna: R.Seýidowyň goşgusyna “Meniň obam”, (1962ý), Mollanepesiň goşgusyna “Gitdim”(1962ý), Magtymgulynyň goşgusyna “Oýanmaz”, A.Atabaýewiň goşgularyna “Yşk jana zelalatdyr”, bariton we fortepiano üçin (1983ý),”Saňa garaşa-garaşa”(1986ý) we başgalary degişlidir. Çäräniň ahyrynda oňa gatnaşanlar saz sungatyna ömürleriniň bagyş eden ussat halypalary ýatlap geçmäge döredilýän ähli mümkinçilikleri üçin Gahryman Arkadagymyza we Arkadagly Gahryman Serdarymyza özleriniň çäksiz minnetdarlyklaryny aýtdylar. ______________________________ Nuryýewa Maral Maýa Kulyýewa adyndaky Türkmen Milli konserwatoriýasynyň kitaphana müdiri

WATANA BAGYŞLANAN YLHAM

Täzelikler

20.01.2026

Şu günler türkmen saz sungatynyň görnükli wekili, ussat kompozitor Nurygandym Hojamuhammedow özüniň 70 ýaş toýuny belleýär. Ol öz ýurdunyň saz sungatynyň däplerini mynasyp dowam etdirijisi bolup, olary özboluşly, gaýtalanmajak awtorlyk stili bilen has-da baýlaşdyrdy. Türkmenistanyň halk artisti N. Hojamuhammedowyň döredijiligi köp žanrlydyr. Ol ençeme simfoniki, kamera-instrumental, wokal, hor eserleriniň, drama spektakllary we kinofilmler üçin sazlaryň awtorydyr. Eýýäm birnäçe onýyllyklaryň dowamynda ýurdumyzyň dürli konsert meýdançalarynda we milli tele we radio ýaýlymlarynda halypa kompozitoryň Watana, Garaşsyzlyga we Bitaraplyga bagyşlanan ylhamly aýdymlary, şeýle hem söýgi baradaky ýürekden çykýan liriki eserleri ýaňlanyp durýar. Nurygandym Hojamuhammedowyň döredijiliginde saz sungatynda iň bir çylşyrymly hasaplanýan opera žanry aýratyn orun eýeleýädigi aýratyn bellärliklidir. Ol üç opera döretdi. Olaryň ikisi – “Hüýrlükga-Hemra” we “Nejep oglan” dessan operalaryna degişli, “Ruhubelentler” bolsa häzirki zaman ýaşlar tematikasyna bagyşlanan. N. Hojamuhammedow A. Agajykowyň "Saýathan" operasynyň sazyny dikeltmäge we täzelemege işjeň gatnaşyp, bu uly göwrümli eseriň teatr sahnalarynda goýulmagyna uly goşant goşdy. Kinematografiýa we teatr sungaty hakda aýtsak, kompozitoryň döreden sazlary “Söwer ýardan aýyrma”, “Pygamber patasy”, “Sen ýadyma düşseň...” ýaly kinofilmleriň, “Seljuknama” drama oýnunyň many-mazmunyny tomaşaçylar üçin has täsirli we aýdyň edýär. N. Hojamuhammedow Türkmenistanyň milli harby-watançylyk sazyna-da uly goşant goşdy. Ol resmi harby-dabara sazlarynyň aglaba bölegini, şol sanda üflenip çalynýan saz gurallary orkestri üçin marşlary, 50-den gowrak harby-nyzam marş aýdymlaryny döredip, Watanymyzyň goragçylarynyň ruhuny belende galdyrýar. N. Hojamuhammedowyň döredijilk işi köpugurlydyr. Ol häzirki zaman türkmen medeniýetinde diňe kompozitor hökmünde däl-de, eýsem, orkestriň dirižýory, ussat sazanda-ýerine ýetiriji we tejribeli mugallym hökmünde ýakyndan tanalýar. 1983-nji ýylda Moskwadaky Gnesinler adyndaky Döwlet sazçylyk institutyny tamamlap akkordeonçy we halk saz gurallary orkestriniň dirižýory hünärlerini ele alýar. Okuwy gutaranyndan soň N. Hojamuhammedow Aşgabatdaky Döwlet mugallymçylyk sungat institutynda zähmet ýoluna başlap, ençeme ýaş zehinleri ýetişdirdi we şol bir wagtda talyplaryñ orkestrine ýolbaşçylyk etdi, olaryň ýerine ýetirijilik ussatlygyny artdyrmak üçin ýadawsyz döredijilikli zähmet çekdi. 2003-nji ýyldan bäri ol Türkmenistanyň döwlet Mukamlar köşgüniň “Owaz” estrada orkestrine ýolbaşçylyk edýar. N. Hojamuhammedow 1989-njy ýylda eýýäm tejribeli sazanda bolsa-da, belli türkmen kompozitorlary G. Çaryýewiň we Ç. Nurymowyň maslahatyna eýerip, SSSR-ň halk artisti, professor Weli Muhadowdan kompozisiýa hünärinden sapaklary alyp başlaýar. N. Hojamuhammedow öz ömrüni mugallymçylyk işine bagyşlap, ýaş sazandalara dirižýor, sazanda we kompozitor hökmünde bahasyna ýetip bolmajak tejribesini uly joşgun bilen paýlaşýar. Ol tälim berýän talyplaryndan dürli kompozitorlaryň eserlerini orkestr üçin orkestrleşdirileninde we akkordeon saz guralyna geçirileninde awtorlaryň inçe işiniň, döredijilik pikiriniň çuňňur we üns bilen saklanmagyny talap edýär. Hut şu çylşyrymly işiň özi-de onuň ilkinji özbaşdak kompozisiýa synanyşyklary üçin güýçli itergi boldy. Häzirki wagtda alyp barýan we geljekde meýilleşdiren işleri barada kompozitor şeýle diýdi: “Ikinji fortepiano konsertiniň partiturasy ýakynda tamamlandy. Soňky döwürde we şu günlerde eýýäm gaty seýrek duş gelýän halk aýdym-saz nusgalaryna esaslanýan instrumental eserleri döretmek pikirini öňümde goýýaryn. Meniň esasy maksadym – gadymy aýdym-sazlaryny we häzirki zaman kompozitorlyk serişdeleri utgaşdyrmak, simfonik orkestriň saz gurallaryny we täze kompýuter tehnologiýalaryny bilelikde ulanyp, biziň gadymdam gelýän aýdym-sazlarymyzy täzeden işläp düzmek we ösdürmek, olary täze, döwrebap görnüşde jemgyýete ýetirmekdir”. Nurygandym Hojamuhammedowyň bu sözleri onuň döredijilik ýolunyň dowamlylygyny we geljege gönükdirilen maksatlaryny aýdyň görkezýär. Ol diňe bir geçmişiň gymmatly mirasyny gorap saklamak bilen çäklenmän, eýsem, ony häzirki zaman tehnologiýalary we kompozitorlyk usullary bilen utgaşdyryp, täze bir derejä çykarmagy maksat edinýär. Bu bolsa türkmen saz sungatynyň ösüşine täze itergi berip, ony dünýä derejesinde has-da tanatmak üçin uly mümkinçilikleri açýar. Ussat halypanyñ 70 ýaş toýy diňe bir şahsy baýramçylyk däl, eýsem, tutuş türkmen medeniýeti üçin uly waka. Onuň döredijiligi türkmen halkynyň ruhy baýlygynyň aýrylmaz bölegi bolup, geljek nesillere miras galar. Biz ussat kompozitoryň döredijilik ýolunda täze üstünlikleri arzuw edýäris we onuň türkmen saz sungatyna goşan bahasyna ýetip bolmajak goşandyna çuňňur hormat goýýarys. Onuň ylhamy hiç wagt sönmesin, täze eserleri bilen bizi hemişe begendirsin! ______________________________ Enejan Nuryýewa Maýa Kulyýewa adyndaky Türkmen milli konserwatoriýasynyň «Ýörite fortepiano» kafedrasynyň uly mugallymy

«GARAŞSYZ, BAKY BITARAP TÜRKMENISTAN-BEDEW BATLY AT-MYRADYŇ MEKANY» ÝYLY MYNASYBETLI

Täzelikler

13.01.2026

Ýakynda Maýa Kulyýewa adyndaky Türkmen milli konserwatoriýasynyň kitaphanasynyň guramagynda 2026-njy ýylyň «Garaşsyz, baky Bitarap Türkmenistan-bedew batly at-myradyň mekany» ýyly mynasybetli sergi gürrüň geçirildi. Bu gürrüňdeşlik oňa gatnaşan talyp ýaşlarda has-da uly täsir galdyrdy. Ýurdumyzda her ýyly aýratyn döwrebap atlandyrmak asylly däbe öwrüldi, täze 2026-njy ýyl «Garaşsyz, baky Bitarap Türkmenistan-bedew batly at-myradyň mekany» ýyly diýilip atlandyrylmagy halkymyzyň bedew ata üstünlige ýetmegiň nusgasy hökmünde garaýandygyny ýene bir gezek tassyklaýar. Gahryman Arkadagymyzyň «Atda wepa-da bar, sapa-da» atly kitabynda: «Bedew atlar-gerçek gaýratynyň nusgasy. Watançylyk duýgusynyň beýikligi, bedew atlar şol beýiklikdäki ýyldyzlar. Gysgaça aýdylanda bolsa, ahalteke bedewleri adamyň gadymýetden bäri dowam edip gelýän gözelliginiň–gözellik gözleg netijeleridir» diýip türkmen bedewleriniň halkymyz üçin uly gymmatlykdygy örän jaýdar belläp geçýär. Bedewler ähli döwürlerde-de halkymyzyň durmuşynyň aýrylmaz bölegi bolupdyr. Ata-babalarymyzyň «At-myrat» diýen pähimi türkmen halkynyň ýaşaýyş pelsepesiniň düýp manysyny açyp görkezýär. Türkmen bedewi dünýä medeniýetiniň aýratyn bölegidir. Ahalteke bedewleri öz gözelligi, ýyndamlygy we eýesine wepalylygy bilen asyrlaryň dowamynda dünýä halklaryny haýran galdyryp gelýär. Bu ýylda Diýarymyz mukaddes Garaşsyzlygynyň 35 ýyllygyny giňden baýram edilip bellenilmegi her birimizi buýsandyrýar. Gahryman Arkadagymyzyň başyny başlan döwletli başlangyçlaryny mynasyp dowam etdirýän hormatly Prezidentimiziň parasatly ýolbaşçylygynda täze, 2026-njy «Garaşsyz, baky Bitarap Türkmenistan-bedew batly at-myradyň mekany» ýylymyz milli gymmatlyklarymyzy, ruhy ýörelgelerimizi, buýsançly ösüşlerimizi dabaralandyrmakda täze mümkinçilikleri döreder. Çäräniň ahyrynda oňa gatnaşanlar türkmen halkymyzy bagtyýar durmuşda ýaşadýan Gahryman Arkadagymyza we Arkadagly Gahryman Serdarymyza özleriniň çäksiz minnetdarlyklaryny aýtdylar. ____________________________ Nuryýewa Maral Maýa Kulyýewa adyndaky Türkmen Milli konserwatoriýasynyň kitaphana müdiri

KÄMILLIK ÝOLUNDA YZ GOÝAN USSAT KOMPOZITOR

Täzelikler

10.01.2026

Ýakynda Maýa Kulyýewa adyndaky Türkmen milli konserwatoriýasynyň kitaphanasynyň guramagynda Türkmenistanyň Magtymguly adyndaky Döwlet baýragynyň eýesi ussat kompozitor Daňatar Öwezowyň doglan güniniň 115 ýyllygy mynasybetli “Kämillik ýolunda yz goýan ussat kompozitor” atly ady bilen sergi we söhbetdeşlik geçirildi. Bu sergi esasan hem talyp ýaşlaryň arasynda uly gyzyklanma döretdi. Türkmen halkynyň müňýyllyklaryň jümmüşine uzap gidýän baý medeni mirasy bar. Milli mirasymyzyň esasy şahalarynyň biri-de saz sungatydyr. Türkmen saz sungatyny professional derejede ösdürmek ugrunda kompozitorlar tarapyndan ägirt uly işler amala aşyryldy. Çünki olar prossional sazlary, dürli žanrdaky eserleri döretdiler. Öz gezeginde bolsa bu ajaýyp eserler Türkmenistanyň gymmatly sazlary jemlenen altyn hazynasyny emele getirdi. Türkmenistanyň Prezidenti Arkadagly Gahryman Serdarymyz: “Medeniýete we sungata halkyň ruhy gymmatlyklaryny gorap saklaýan, dünýäde wagyz edýän hem-de ýaş zehinleri terbiýeleýän möhüm serişde hökmünde aýratyn orun degişlidir. Medeniýet adamlaryň aň-düşünjesini, zähmet işjeňligini ýokarlandyrýan, olary beýik işlere ruhlandyrýan kuwwatly güýç bolup durýar” diýip belleýşi ýaly, Türkmenistanyň Magtymguly adyndaky Döwlet baýragynyň eýesi ussat kompozitor Daňatar Öwezowyň ady saz äleminde giňden tanalýar. Ol Türkmenistanyň saz medeniýetini baýlaşdyran kompozitorçylyk mekdebiniň ýaşuly nesliniň wekilleriniň biridir. Onuň döredijiligi žanrlarynyň köpdürlüligi, saz diliniň aýdyňlygy, mylaýymlygy we özboluşlylygy bilen tapawutlanýar. Türkmen halk aýdymlaryna, dessan aýdymlaryna ýugrulan, D.Öwezowyň milli sazlaryna mahsus ajaýyp şirin owazly heňleri onuň kompozitorçylyk ussatlygyndaky ýokary professional döredijiligini emele getirýär. Kompozitoryň döredijiliginde möhüm orny wokal sazlary tutýar. Ussat kompozitor türkmen opera sungatynyň ajaýyp nusgalaryny döredijidir. Özüniň operalarynda, wokal-simfoniki sazlarynda, kamera-wokal eserlerinde ol mähriban halkymyzyň durmuşyndan pagtaçylaryň, gurluşykçylaryň, nebitçileriň we Hazaryň balykçylarynyň edermenliklerini wasp edýär. D.Öwezowyň A.Şapoşnikow bilen bilelikde ýazan “Şasenem-Garyp”, “Aýna”, “Gül-Bilbil”, Ý.Meýtus bilen bilelikde “Leýli-Mejnun” operalary, ençeme aýdymlary, romanslary, hor eserleri türkmen saz mirasyna uly goşantdyr. Çäräniň dowamynda kitaphana hünärmenleri ussat kompozitoryň döredijilik ýoly, sungat äleminde bitiren işleri barada gürrüň berdiler. Şeýle hem Türkmenistanyň at gazanan medeniýet işgäri Hudaýberdi Bäşimowyň ussat kompozitor hakynda ýazan makalasyndaky: Daňatar Öwezow zähmetsöýer, başarjaň, alňasamazak, kanagatly, bilesigeliji, ýadamazak adamdy. Ony diňe bir sungat däl, oba hojalygy, senagat, lukmançylyk, sport, bir söz bilen aýdanyňda durmuşyň hemme tarapy gyzyklandyrýady. Daňatar aga halk ogludy. Halkyna berlen adamdy. Iliň bähbidine garrady. Başarsa, her kime ýardam etjek bolardy. Maslahat soraýanlara guwanardy, ýol salgy bererdi“ diýen ajaýyp ýatlamalary söhbetdeşlige gatnaşanlarda uly täsir galdyrdy. Ussat kompozitor 150-den gowrak aýdymlaryň we romanslaryň awtory. G.Seýitliýewiň goşgularyna “Täzegül”, “Aşgabat”, “Hally gözel”, “Gyzlar”, “Tokmak we ýalta”; Magtymgulynyň goşgularyna “Halyma”, “Bu derdi”, G.Burunowyň goşgularyna “Ýok, ýok”, “Aýnabat”; B.Japarowyň goşgularyna “Keýpim kök”, “Ol gyz maňa garamady“, “Dostluk” we başgalar degişlidir. Kompozitoryň türkmen saz sungatyny ösdürmekdäki köptaraply işleri göz öňünde tutulyp, oňa “Türkmenistanyň halk artisti” diýen hormatly at dakylýar(1961ý). Ol Türkmenistanyň Magtymguly adyndaky döwlet baýragyna mynasyp bolýar. (1966ý) we “ Hormat Nyşany (1950), “Zähmet Gyzyl Baýdak” (1955ý) ordenleri, medallar we Türkmenistanyň Ýokary geňeşiniň Prezidiumynyň Hormat hatlary bilen sylaglanýar. Çäräniň ahyrynda oňa gatnaşanlar saz sungatyna ömürleriniň bagyş eden ussat halypalary ýatlap geçmäge döredilýän ähli mümkinçilikleri üçin Gahryman Arkadagymyza we Arkadagly Gahryman Serdarymyza özleriniň çäksiz minnetdarlyklaryny aýtdylar. ____________________________ Nuryýewa Maral Maýa Kulyýewa adyndaky Türkmen Milli konserwatoriýasynyň kitaphana müdiri

KÄMILLIK ÝOLUNDA YZ GOÝAN USSAT KOMPOZITOR

Täzelikler

09.01.2026

Ýakynda Maýa Kulyýewa adyndaky Türkmen milli konserwatoriýasynyň kitaphanasynyň guramagynda Türkmenistanyň Magtymguly adyndaky Döwlet baýragynyň eýesi ussat kompozitor Daňatar Öwezowyň doglan güniniň 115 ýyllygy mynasybetli “Kämillik ýolunda yz goýan ussat kompozitor” atly ady bilen sergi we söhbetdeşlik geçirildi. Bu sergi esasan hem talyp ýaşlaryň arasynda uly gyzyklanma döretdi. Türkmen halkynyň müňýyllyklaryň jümmüşine uzap gidýän baý medeni mirasy bar. Milli mirasymyzyň esasy şahalarynyň biri-de saz sungatydyr. Türkmen saz sungatyny professional derejede ösdürmek ugrunda kompozitorlar tarapyndan ägirt uly işler amala aşyryldy. Çünki olar prossional sazlary, dürli žanrdaky eserleri döretdiler. Öz gezeginde bolsa bu ajaýyp eserler Türkmenistanyň gymmatly sazlary jemlenen altyn hazynasyny emele getirdi. Türkmenistanyň Prezidenti Arkadagly Gahryman Serdarymyz: “Medeniýete we sungata halkyň ruhy gymmatlyklaryny gorap saklaýan, dünýäde wagyz edýän hem-de ýaş zehinleri terbiýeleýän möhüm serişde hökmünde aýratyn orun degişlidir. Medeniýet adamlaryň aň-düşünjesini, zähmet işjeňligini ýokarlandyrýan, olary beýik işlere ruhlandyrýan kuwwatly güýç bolup durýar” diýip belleýşi ýaly, Türkmenistanyň Magtymguly adyndaky Döwlet baýragynyň eýesi ussat kompozitor Daňatar Öwezowyň ady saz äleminde giňden tanalýar. Ol Türkmenistanyň saz medeniýetini baýlaşdyran kompozitorçylyk mekdebiniň ýaşuly nesliniň wekilleriniň biridir. Onuň döredijiligi žanrlarynyň köpdürlüligi, saz diliniň aýdyňlygy, mylaýymlygy we özboluşlylygy bilen tapawutlanýar. Türkmen halk aýdymlaryna, dessan aýdymlaryna ýugrulan, D.Öwezowyň milli sazlaryna mahsus ajaýyp şirin owazly heňleri onuň kompozitorçylyk ussatlygyndaky ýokary professional döredijiligini emele getirýär. Kompozitoryň döredijiliginde möhüm orny wokal sazlary tutýar. Ussat kompozitor türkmen opera sungatynyň ajaýyp nusgalaryny döredijidir. Özüniň operalarynda, wokal-simfoniki sazlarynda, kamera-wokal eserlerinde ol mähriban halkymyzyň durmuşyndan pagtaçylaryň, gurluşykçylaryň, nebitçileriň we Hazaryň balykçylarynyň edermenliklerini wasp edýär. D.Öwezowyň A.Şapoşnikow bilen bilelikde ýazan “Şasenem-Garyp”, “Aýna”, “Gül-Bilbil”, Ý.Meýtus bilen bilelikde “Leýli-Mejnun” operalary, ençeme aýdymlary, romanslary, hor eserleri türkmen saz mirasyna uly goşantdyr. Çäräniň dowamynda kitaphana hünärmenleri ussat kompozitoryň döredijilik ýoly, sungat äleminde bitiren işleri barada gürrüň berdiler. Şeýle hem Türkmenistanyň at gazanan medeniýet işgäri Hudaýberdi Bäşimowyň ussat kompozitor hakynda ýazan makalasyndaky: Daňatar Öwezow zähmetsöýer, başarjaň, alňasamazak, kanagatly, bilesigeliji, ýadamazak adamdy. Ony diňe bir sungat däl, oba hojalygy, senagat, lukmançylyk, sport, bir söz bilen aýdanyňda durmuşyň hemme tarapy gyzyklandyrýady. Daňatar aga halk ogludy. Halkyna berlen adamdy. Iliň bähbidine garrady. Başarsa, her kime ýardam etjek bolardy. Maslahat soraýanlara guwanardy, ýol salgy bererdi “ diýen ajaýyp ýatlamalary söhbetdeşlige gatnaşanlarda uly täsir galdyrdy. Ussat kompozitor 150-den gowrak aýdymlaryň we romanslaryň awtory. G.Seýitliýewiň goşgularyna “Täzegül”, “Aşgabat”, “Hally gözel”, “Gyzlar”, “Tokmak we ýalta”; Magtymgulynyň goşgularyna “Halyma”, “Bu derdi”, G.Burunowyň goşgularyna “Ýok, ýok”, “Aýnabat”; B.Japarowyň goşgularyna “Keýpim kök”, “Ol gyz maňa garamady “, “Dostluk” we başgalar degişlidir. Kompozitoryň türkmen saz sungatyny ösdürmekdäki köptaraply işleri göz öňünde tutulyp, oňa “Türkmenistanyň halk artisti” diýen hormatly at dakylýar (1961ý). Ol Türkmenistanyň Magtymguly adyndaky döwlet baýragyna mynasyp bolýar. (1966ý) we “Hormat Nyşany” (1950), “Zähmet Gyzyl Baýdak” (1955ý) ordenleri, medallar we Türkmenistanyň Ýokary geňeşiniň Prezidiumynyň Hormat hatlary bilen sylaglanýar. Çäräniň ahyrynda oňa gatnaşanlar saz sungatyna ömürleriniň bagyş eden ussat halypalary ýatlap geçmäge döredilýän ähli mümkinçilikleri üçin Gahryman Arkadagymyza we Arkadagly Gahryman Serdarymyza özleriniň çäksiz minnetdarlyklaryny aýtdylar. _____________________________ Nuryýewa Maral Maýa Kulyýewa adyndaky Türkmen Milli konserwatoriýasynyň kitaphana müdiri

BAGTLY ÇAGALAR

Täzelikler

07.01.2026

Berkarar döwletiň täze eýýamynyň galkynyşy döwründe, Gahryman Arkadagymyzyň, Arkadagly Gahryman Serdarymyzyň parasatly ýolbaşçylygynda ýurdumyzda ýaş nesle aýratyn üns berilýär. Olaryň ylymly-bilimli, giň dünýä garaýyşly, eziz Watanymyza wepaly ýaşlar bolup ýetişmekleri üçin uly aladalar edilýär. Täze ýyl mynasybetli Döwletliler köşgünde terbiýelenýän çagalara Gahryman Arkadagymyzyň, Arkadagly Gahryman Serdarymyzyň adyndan saz gurallarynyň sowgat berilmegi munuň aýdyň subutnamasy bolup durýar. Döwletliler köşgünde terbiýelenýän çagalar diňe bir bilim almak bilen çäklenmän, eýsem, olar okuwdan daşary öz gyzyklanýan ugurlary boýunça ýörite gurnaklara gatnaşýarlar. Şeýle-de Döwletliler köşgünde we Döwlet derejesinde geçirilýän bäsleşiklere gatnaşyp, baýrakly orunlara mynasyp bolýarlar. Bu ýerdäki “Joşgun” tans toparynyň “Gulbaba” adyndaky çagalar baýragyna mynasyp bolmaklary aýratyn bellärliklidir. Maýa Kulyýewa adyndaky Türkmen milli konserwatoriýasynyň talyplary hem çagalaryň gyşky dynç alyş möwsümlerini şatlykly hem manyly geçirmekleri üçin özleriniň goşandyny goşýarlar. Olar öz ugurlary boýunça aýdym-saz sungaty bilen gyzyklanýan çagalara dutar, dep, gitara, fortepiano, fleýta, klarnet, skripka, saz gurallaryny çalmaklygyň başlangyç mekdebini öwredip, özleriniň okuw tejribeligini şu ýerde geçýärler. Döwletliler köşgünde terbiýelenýän çagalar özleriniň zehinliligi hem-de bilesigelijiligi bilen tapawutlanyp, her bir öwredilýän sapaklary höwes bilen öwrenýärler. Täze ýyl mynasybetli Döwletliler köşgünde terbiýelenýän çagalara saz gurallaryň sowgat berilmegi çagalarda ýatdan çykmajak pursatlaryň biri boldy. Olaryň ählisi özleri barada edilýän irginsiz aladalary üçin Gahryman Arkadagymyza, Arkadagly Gahryman Serdarymyza çäksiz hoşallyklaryny aýdýarlar. Pursatdan peýdalanyp, biz ýaşlar üçin okamaga, öwrenmäge, öz ukyp başarnyklarymyzy açyp görkezmäge giň mümkinçilikleri döredip berýän Gahryman Arkadagymyza, Arkadagly Gahryman Serdarymyza köp-köp sag bolsunlarymy aýdýaryn. Goý, Gahryman Arkadagymyzyň, Arkadagly Gahryman Serdarymyzyň janlary sag, başlary dik, tutýan tutumly işleri mundan beýläk-de rowaçlyklara beslensin. __________________________________ Aýläle Gulmuradowa Maýa Kulyýewa adyndaky Türkmen milli konserwatoriýasynyň kompozisiýa hünäriniň 2-nji ýyl talyby

GAHRYMAN ARKADAGYMYZ BILEN ÖZBEGISTAN RESPUBLIKASYNYŇ PREZIDENTINIŇ ARASYNDA TELEFON ARKALY SÖHBETDEŞLIK

Täzelikler

30.12.2025

29-njy dekabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Özbegistan Respublikasynyň Prezidenti Şawkat Mirziýoýewiň arasynda telefon arkaly söhbetdeşlik geçirildi. Gahryman Arkadagymyz we Özbegistanyň Prezidenti birek-biregi ýetip gelýän täze-2026-njy ýyl bilen tüýs ýürekden gutlap, iki ýurduň doganlyk halklaryna ösüş hem-de abadançylyk arzuw etdiler. Pursatdan peýdalanyp, Prezident Şawkat Mirziýoýew hormatly Prezidentimiz Serdar Berdimuhamedowa mähirli salamyny, iň gowy arzuwlaryny beýan etdi. Milli Liderimiz telefon arkaly söhbetdeşligi geçirmek başlangyjy üçin Prezident Şawkat Mirziýoýewe minnetdarlyk bildirdi we Täze ýylyň öňüsyrasyndaky bu söhbetdeşlige berk özara dostlugyň nyşany hem-de iň gowy arzuwlary beýan etmek üçin mümkinçilik hökmünde garaýandygyny aýtdy. Gahryman Arkadagymyz Özbegistanyň geljek ýylda-da Garaşsyzlygyny, döwletliliginiň esaslaryny, hukuk ulgamyny has-da berkitjekdigine, milli ykdysadyýetini okgunly ösdürjekdigine, durmuş ulgamynyň işini kämilleşdirjekdigine ynam bildirdi. Şunuň bilen baglylykda, türkmen halkynyň Milli Lideri goňşy ýurduň döwlet Baştutanynyň 26-njy dekabrda Özbegistanyň parlamentine we halkyna ýüzlenmesinde 2026-njy ýyly «Mahalleleri ösdürmek we jemgyýeti özgertmek ýyly» diýip yglan etmeginiň ähmiýetini belledi. Nygtalyşy ýaly, şeýle çözgüdiň kabul edilmegi özbek jemgyýetiniň milli bähbitlerine, zerurlyklaryna we mümkinçiliklerine laýyk gelip, Prezident Şawkat Mirziýoýewiň Özbegistanyň döwlet, jemgyýetçilik durmuşynyň ähli ugurlaryny sazlaşykly ösdürmegi maksat edinýän syýasy ugruny netijeli dowam etdirmäge gönükdirilendir. Gahryman Arkadagymyz özbek Lideriniň taryh üçin gysga döwrüň içinde bu ugurda uly işleri durmuşa geçirendigini we muňa anyk netijeleriň güwä geçýändigini aýtdy. Şunuň bilen baglylykda, türkmen halkynyň Milli Lideri 2025-nji ýylyň makroykdysady görkezijilerini mysal getirip, Özbegistanyň jemi içerki önüminiň 145 milliard amerikan dollaryndan geçendigini, munuň ýurduň ykdysady ösüşiniň möhüm görkezijisidigini nygtady. Bellenilişi ýaly, geljek ýylda garaşylýan 6,6 göterim möçberindäki ykdysady ösüş depgini ýurduň döwlet Baştutanynyň Özbegistany ýakyn ýyllarda girdejisi ortadan ýokary bolan döwletleriň hataryna goşmak boýunça öňde goýan maksadyna ýetmekde ynamly öňe barýandygyny subut edýär. Şeýle-de Özbegistanyň bilim, ylym, saglygy goraýyş, lukmançylyk, sport, ekologiýa ulgamlaryny ösdürmekde gazanan netijeleri kanagatlanma bilen nygtaldy. _____________________________ «Türkmenistan» gazeti

MUZEÝE SYÝAHAT

Täzelikler

29.12.2025

Hemişelik Bitaraplyk ýurdumyzyň parahatçylykly ösüşini aýdyň beýan edýär. Bu asylly ýörelge halkymyzyň asyrlaryň dowamynda kämilleşdirip gelen gymmatlyklaryndan, parahatçylyk söýüjilik ýolundan gözbaş alýar. Berkarar döwletiň täze eýýamynyň Galkynyşy döwründe hormatly Prezidentimiziň alyp barýan parahatçylyk söýüjilik we ynsanperwerlik syýasaty netijesinde bu asylly ýörelgämiz dünýä ýaýylýar. Dünýäde parahatçylyk söýüjilik ýörelgesini wagyz etmek, halklar bilen hoşniýetli hyzmatdaşlygy saklamak müňýyllyklardan gelýän asylly ýolumyzdyr. Hormatly Prezidentimiz Arkadagly Gahryman Serdarymyzyň «Ýaşlar – Watanyň daýanjy» atly ajaýyp kitabynda: «Garaşsyz, hemişelik Bitarap Türkmenistan dünýä üçin hemişe açykdyr. Biz Ýer ýüzünde asudalygy, howpsuzlygy berkitmek üçin geljekde-de ähli zerur işleri amala aşyrarys» diýen paýhasly jümleleri beýan edilýär. Şöhratly ata-babalarymyzdan miras galan parahatçylyk söýüjilik, agzybirlik, ynsanperwerlik, dost-doganlyk ýaly ýörelgelerimiz täze taryhy döwrümiziň altyn sahypasynyň beýik gymmatydyr. 2025-nji ýylyň 29-njy dekabrynda Türkmenistanyň Döwlet çeperçilik akademiýasynyň talyplary paýtagtymyzyň gözel künjeginde ýerleşýän Türkmenistanyň Döwlet medeniýet merkeziniň Döwlet muzeýiniň «Bitaraplyk muzeýi» şahamçasyna hem-de Bitaraplyk seýilgäh zolagynda täze döredilen «Baky ýoluň» we «Bitaraplygy» muzeýlerine aýlanyp gördüler. Üç binadan ybarat bolan bu ajaýyp muzeýde ýerleşdirilen gymmatlyklar talyp ýaşlarymyz üçin has-da täsirli boldy.  Onda Birleşen Milletler Guramasynyň Baş Assambleýasynyň üç sany Kararnamasy bilen berkidilen Türkmenistanyň hemişelik Bitaraplygynyň taryhyna hem-de häzirki gününe bagyşlanýar. Binada ýerleşdirilen muzeýiň ekspozisiýasynda Türkmenistanyň hemişelik Bitaraplygynyň taryhyndan başlap häzirki gününe çenli beýan edýän maglumatlar, Türkmenistanyň kartasy, Türkmenistanyň Konstitusiýasy, Türkmenistanyň hemişelik Bitaraplygyna degişli bolan Konstitusion Kanunlar habar beriş sensor monitorlarda görkezilýär. Şeýle hem bu ýerde 1995-nji ýylyň 12-nji dekabrynda Birleşen Milletler Guramasynyň Baş Assambleýasynyň Nýu-Ýork şäherinde geçirilen maslahatynda 185 döwletiň biragyzdan goldamagynda «Türkmenistanyň hemişelik Bitaraplygy» atly kabul edilen Kararnama hem-de taryhy fotosuratlar görkezilýär. Täze döredilen «Baky ýoluň» diýlip atlandyrylan binanyň ekspozisiýasynda talyplar 2015-nji ýylyň 3-nji iýunynda 193 döwletiň goldamagynda ikinji gezek kabul edilen «Türkmenistanyň hemişelik Bitaraplygy» atly Kararnama bilen tanyşdylar. Bitaraplyk seýilgäh zolagynyň Günbatar tarapynda ýerleşýän «Bitaraplygy» diýlip atlandyrylan binanyň ekspozisiýasynda talyplar hormatly Prezidentimiz Arkadagly Gahryman Serdarymyzyň 2025-nji ýylyň 21-nji martynda Nýu-Ýork şäherinde Birleşen Milletler Guramasynyň Baş Assambleýasynyň 79-njy sessiýasynyň 61-nji plenar mejlisinde ýurdumyzyň başlangyjy bilen hemişelik Bitaraplyk derejämiz üçinji gezek ykrar edilen Kararnama bilen tanyşdylar. Şeýle-de hormatly Prezidentimiziň ýurdumyzyň hemişelik Bitaraplygynyň 30 ýyllygyna bagyşlap ýazan «Türkmenistanyň Bitaraplygy – parahatçylygyň we ynanyşmagyň aýdyň ýoly» atly ajaýyp täze kitaby barada giňişleýin maglumatlar talyp ýaşlarymyza ýetirildi. Türkmenistanyň Döwlet medeniýet merkeziniň Döwlet muzeýiniň «Bitaraplyk muzeýi» şahamçasyna hem-de Bitaraplyk seýilgäh zolagynda täze döredilen «Baky ýoluň» we «Bitaraplygy» muzeýlerine gurnalan gezelenç syýahaty talyp ýaşlarymyzy Watany söýmegiň, olary millilik ruhunda terbiýelemegiň beýik mekdebidir. ______________________________________ Şemşat Hezretgulyýewa Türkmenistanyň Döwlet çeperçilik akademiýasynyň mugallymy

• ←
• 1
• 2
• ...
• 54
• →