HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

2025-nji ýylyň 5-7-nji sentýabry aralygynda ýurdumyzyň teatrlarynda görkeziljek sahna oýunlarynyň tertibi

Teatr we kino dünýäsi

03.09.2025

TÜRKMENISTANYŇ BEÝIK SAPARMYRAT TÜRKMENBAŞY ADYNDAKY BAŞ AKADEMIKI DRAMA TEATRYNDA 07.09.2025ý. «Giýewleriň bäsleşigi» sagat 19:00 TÜRKMENISTANYŇ MAGTYMGULY ADYNDAKY MILLI SAZLY DRAMA TEATRYNDA 06.09.2025ý. «Gurbannazar Ezizow» sagat 19:00 07.09.2025ý. «Gurbannazar Ezizow» sagat 19:00 TÜRKMENISTANYŇ ALP ARSLAN ADYNDAKY MILLI DRAMA TEATRYNDA 06.09.2025ý. «Yşk mekany Hindistan» sagat 19:00 07.09.2025ý. «Magnitafon» sagat 19:00 A.S.PUŞKIN ADYNDAKY DÖWLET RUS DRAMA TEATRYNDA 05.09.2025ý. «Пришел мужчина к женщине» sagat 19:00 06.09.2025ý. «Колобок» sagat 12:00 06.09.2025ý. «Одна испанская ночь» sagat 19:00 07.09.2025ý. «Али-Баба» sagat 11:00 07.09.2025ý. «Али-Баба» sagat 13:00 07.09.2025ý. «Сестры» sagat 19:00 TÜRKMENISTANYŇ MOLLANEPES ADYNDAKY TALYPLAR TEATRY 06.09.2025ý. «Arşyn mal alan» sagat 19:00 07.09.2025ý. «Gülki agşamy» sagat 19:00 ARKADAG ŞÄHERINIŇ AMAN GULMÄMMEDOW ADYNDAKY DÖWLET DRAMA TEATRY 06.09.2025ý. «Saňa ýalan maňa çyn» sagat 18:00 07.09.2025ý. «Zor aýakdan tebip bolan» sagat 18:00 TÜRKMEN DÖWLET GURJAK TEATRY 06.09.2025ý. «Alýaňak» sagat 17:00 06.09.2025ý. «Çagaly öý bazar» sagat 19:00 07.09.2025ý. «Balykçy we balyjak» sagat 12:00 07.09.2025ý. «Balykçy we balyjak» sagat 17:00 07.09.2025ý. «Jüýteniň toýy» sagat 19:00 BALKAN WELAÝATYNYŇ BEÝIK SAPARMYRAT TÜRKMENBAŞY ADYNDAKY DÖWLET DRAMA TEATRY 05.09.2025ý. «Bir aždarha bar eken» sagat 17:00 06.09.2025ý. «Gülki sowgady» sagat 19:00 07.09.2025ý. «Kämillik ýoly» sagat 19:00 DAŞOGUZ WELAÝATYNYŇ N.ANDALYP ADYNDAKY DÖWLET SAZLY DRAMA TEATRY 06.09.2025ý. «Saňa ýalan maňa çyn» sagat 18:00 07.09.2025ý. «Ýylgyran ýüze ýygyrt düşmez» sagat 18:00 LEBAP WELAÝATYNYŇ SEÝITNAZAR SEÝDI ADYNDAKY DÖWLET SAZLY DRAMA TEATRY 06.09.2025ý. «Gaýyn ene» sagat 19:00 07.09.2025ý. «Gaýyn ene» sagat 19:00 MARY WELAÝATYNYŇ KEMINE ADYNDAKY DÖWLET DRAMA TEATRY 06.09.2025ý. «Ynsanlygyň göwher gaşy» sagat 19:00 07.09.2025ý. «Müneçjim» sagat 19:00

PARAHATÇYLYGYŇ AÝDYŇ ÝOLY

Täzelikler

03.09.2025

Türkmenistanyň Döwlet çeperçilik akademiýasynda mugallymlaryň gatnaşmaklarynda Türkmenistanyň Halk Maslahatynyň taryhy ähmiýetine hem-de Arkadagly Gahryman Serdarymyzyň we Milli Liderimiziň şäherlerimizi we obalarymyzy ösdürmek ugrunda alyp barýan nusgalyk işlerine bagyşlanyp «Türkmenistanyň Halk Maslahaty–milli döwletliligiň dabaralanmasy» atly tegelek stoluň başynda söhbetdeşlik geçirildi.

TÜRKMEN DÖWLET GURJAK TEATRYNDA TÄZE MÖWSÜM BADALGA ALDY

Kitaphanalar

03.09.2025

Türkmenistanyň Bazar Amanow adyndaky Döwlet çagalar kitaphanasy ýakynda Türkmen Döwlet gurjak teatrynyň täze möwsüme badalga almagy mynasybetli geçirilen dabara göçme kitap sergisi bilen gatnaşdy. Teatryň girelgesinde guran sergimiz esasyny Gahryman Arkadagymyzyň we hormatly Prezidentimiziň ajaýyp kitaplary hem-de çeper eserler, çagalaryň söýgüli ertekili kitaplary çärä gatnaşmaga gelen körpejelerde aýratyn täsir galdyrdy. Kitaphana hünärmenleri ýaş nesilleri terbiýelemeklikde kitabyň orny we ertekilerdir, rowaýatlaryň ähmiýeti dogrusynda beren gürrüňleri körpe kitapsöýüjiler gyzyklanma bilen diňlediler. Ýurdumyzda ertirimiziň eýeleri bolan ýaş nesiller barada durmuşa geçirilýän beýik işler dogrusynda «Ýaşlyk» teleýaýlymynda kitaphana hünärmenleriniň söhbetdeşliklerinde hem buýsançly gürrüňler beýan edildi. Çäräniň ahyrynda diýarymyzy çagalaryň iň arzyly arzuwlarynyň hasyl bolýan ýurduna öwürmeklikde uly tagallalary alyp barýan Gahryman Arkadagymyza we hormatly Prezidentimiz Arkadagly Gahryman Serdarymyza alkyşlar aýdyldy.

ÝÜREKLERDE NUR SAÇÝAR EZIZ MEKAN

Täzelikler

03.09.2025

Aşgabat şäher medeniýet müdirliginiň 1-nji çagalar sungat mekdebiniň toparlary «Ýüreklerde nur saçýar eziz mekan» ady bilen Bilimler we talyp ýaşlar güni mynasybetli Aşgabat şäheriniň Bagtyýarlyk etrabynyň 191-nji çagalar bagynyň 2025-2026-njy okuw ýylynyň başlanmagy mynasybetli açylyş dabarasyna mekdep toparlary uly höwes bilen gatnaşdylar. Bagtyýar çagalaryň arzuwlaryň hasyl bolýan ýurdy Türkmenistan döwletimizde Bilimler we talyp ýaşlar güni şanly wakalara, ajaýyp pursatlara beslendi. Şol gün çagalar bagynyň meýdançasynda Berkarar döwletiň täze eýýamynyň Galkynyşly döwrinde «Halkara parahatçylyk we ynanyşmak ýylynda» Gahryman Arkadagymyzyň, Arkadagly Gahryman Serdarymyzyň tagallalary bilen ak mermere beslenen şäherimiziň künjeginde bina edilen çagalar bagynyň açylşynda şatlyk şowhun ýaň saldy. Çärede hormatly Prezidentimiziň durmuşa geçirýän her bir tutumly işleriniň mysalynda ýaşlar baradaky aladanyň döwlet syýasatyny ileri tutulýan ugruna öwrülendigine şu günki gün biz aýdyň göz ýetirýäris. Dabarynyň açylyş dabarasynda mekdebiň gözel Diýarymyzy wasp edýän aýdym-sazlary bilen çykyş etdiler. Çäräniň dowamynda «Buýsanç» orkestr toparynyň we mekdebiň «Bagtyýar nesiller çagalar» hor toparynyň gatnaşmagynda, çagalaryň baýramçylyk mynasybetli taýýarlan «Aşgabadym» atly aýdym-sazly çykyşlarynda, kalbyndan çykýan ýürek sözlerinde Gahryman Arkadagymyza, Arkadagly Gahryman Serdarymyza egsilmez alkyşlary, sagbolsunlary belentden ýaňlandy. Çaga gülkisiniň hemişelik ýaňlanýan ýerinde-ata Watanymyzda ösüp gelýän ýaş nesilleriň şadyýan oýnap gülmegi, üçin ähli mümkinçilikler döredilen. Çagalaryň köňül islegine laýyk gelýän «Çagalar bakja bagynda» körpeleriň iň gelim-gidimli ýerine öwrüler. Çünki bu ýerde ýatdan çykmajak bagtly pursatlar, gyzykly başdangeçirmeler bilen ýüzbe-ýüz bolarlar, ýurdumyzyň bagtyýar körpeleri üçin uly baýramçylyk sowgady boldy. Goý, eziz Diýarymyzy bagtyýar çagalygyň mekanyna öwrüp, ýaş nesiller hakynda uly aladalary edýän Gahryman Arkadagymyzyň hem-de Arkadagly Gahryman Serdarymyzyň janlary sag, ömürleri uzak bolsun, il-ýurt hem-de dünýä ähmiýetli alyp barýan işleri rowaçlyklara beslensin! Şeýle alkyş sözler bu gün ýaş nesilleriň dillerinde aýdym bolsun, şygyr bolup ýaňlanýar.

TÜRKMENISTANYŇ PREZIDENTI HYTAÝYŇ DÖWLET GEŇEŞINIŇ PREMÝERINIŇ BIRINJI ORUNBASARY BILEN DUŞUŞDY

Täzelikler

03.09.2025

2-nji sentýabrda Hytaý Halk Respublikasyna iş saparynyň çäklerinde hormatly Prezidentimiz Serdar Berdimuhamedowyň Hytaýyň Kommunistik partiýasynyň Merkezi komitetiniň Syýasy býurosynyň hemişelik komitetiniň agzasy, Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýan bilen duşuşygy boldy. Duşuşygyň başynda HHR-iň Döwlet Geňeşiniň Premýeriniň birinji orunbasary belent mertebeli türkmen myhmanyny mähirli mübärekläp, çakylygy kabul edip, ŞHG-niň sammitine gatnaşandygy üçin döwlet Baştutanymyza hoşallyk bildirdi. Şeýle-de ol hormatly Prezidentimiziň Başlyk Si Szinpin bilen geçiren duşuşygynyň ähmiýetine ünsi çekip, Hytaýyň Türkmenistan bilen hyzmatdaşlyga uly üns berýändigini belledi. Nygtalyşy ýaly, häzirki wagtda ýurtlarymyzyň arasynda söwda-ykdysady gatnaşyklar, medeni-ynsanperwer ulgamdaky hyzmatdaşlyk, syýasy dialog işjeň ösdürilýär. HHR-iň Döwlet Geňeşiniň Premýeriniň birinji orunbasary 2023-nji ýylda Türkmenistana amala aşyran saparyny ýakymly duýgular bilen ýatlaýandygyny aýtdy hem-de pursatdan peýdalanyp, hormatly Prezidentimizi we ähli türkmen halkyny Türkmenistanyň hemişelik Bitaraplygynyň şanly 30 ýyllygy bilen tüýs ýürekden gutlady. Hormatly Prezidentimiz bildirilen myhmansöýerlik üçin ýurdumyzyň wekiliýetiniň adyndan minnetdarlygyny beýan edip, hytaý tarapyny Şanhaý Hyzmatdaşlyk Guramasynyň sammitiniň üstünlikli geçirilmegi bilen gutlady hem-de onuň dowamynda gazanylan ylalaşyklaryň sebit hyzmatdaşlygyny ösdürmäge, ŞHG-niň giňişliginde abadançylygy üpjün etmäge ýardam berjekdigine ynam bildirdi. Şeýle hem döwlet Baştutanymyz mümkinçilikden peýdalanyp, Din Sýuesýany we Hytaý Halk Respublikasynyň dostlukly halkyny Ýeňşiň 80 ýyllygy mynasybetli gutlady. Duşuşygyň dowamynda bellenilişi ýaly, Türkmenistan bilen HHR-iň arasyndaky gatnaşyklar strategik we uzak möhletli häsiýete eýe bolup, ýurdumyz ýola goýlan hyzmatdaşlyga ýokary baha berýär. Häzirki wagtda iki ýurt ýokary döwlet, Hökümet we ministrler derejesinde netijeli hyzmatdaşlyk edýär. Parlament wekilleriniň arasyndaky gatnaşyklar, sebitara hyzmatdaşlyk ikitaraplaýyn özara hereketleriň üstüni ýetirip, ony many-mazmun bilen baýlaşdyrýar. Bilelikdäki tagallalary utgaşdyrmak, iki ýurduň söwda-ykdysady kuwwatyny durmuşa geçirmek işinde hökümetara komitete uly ähmiýet berilýär.

TÜRKMEN-HYTAÝ HOŞNIÝETLI GATNAŞYKLARY DOSTLUKLY KASAMA BAKY YGRARLYDYR

Täzelikler

03.09.2025

TÜRKMENISTANYŇ PREZIDENTI HYTAÝ HALK RESPUBLIKASYNYŇ BAŞLYGY BILEN DUŞUŞDY 2-nji sentýabrda Hytaý Halk Respublikasynda iş saparynda bolýan hormatly Prezidentimiz Serdar Berdimuhamedow Pekin şäherine ugramak üçin Týanszin şäheriniň demir ýol menziline bardy. Bu ýerde döwlet Baştutanymyzy dostlukly ýurduň resmi adamlary dabaraly ýagdaýda ugratdylar. Häzirki wagtda Türkmenistan bilen Hytaýyň arasyndaky hyzmatdaşlygyň taryhynda täze sahypa açylýar. Ikitaraplaýyn hyzmatdaşlyk dürli ugurlarda, şol sanda söwda-ykdysady, ýangyç-energetika, ulag-kommunikasiýa, medeni-ynsanperwer ulgamlarda üstünlikli ösdürilýär. Türkmen-hytaý dostluk gatnaşyklary gözbaşyny asyrlaryň jümmüşinden alyp gaýdýar. Gadymy döwürlerde iki halky baglanyşdyran Beýik Ýüpek ýoly bu gün ýurtlarymyzyň arasyndaky hyzmatdaşlygy döwrebap görnüşde pugtalandyrmaga ýardam berýär. Hormatly Prezidentimiziň HHR-e şu gezekki sapary hem özara ynanyşmaga we hormat goýmaga esaslanýan döwletara gatnaşyklary mundan beýläk-de ösdürmekde möhüm ähmiýete eýedir. ...Biraz salymdan döwlet Baştutanymyz ýörite otluda Pekiniň demir ýol menziline geldi. Bu ýerde hormatly Prezidentimiz myhmansöýerligiň asylly däbine görä, mähirli garşylanyldy. Günüň ikinji ýarymynda döwlet Baştutanymyz Hytaýyň Halk ýygnaklar öýüne bardy. Bu ýerde hormatly Prezidentimiz Serdar Berdimuhamedow bilen Hytaý Halk Respublikasynyň Başlygy Si Szinpiniň arasynda resmi duşuşyk geçirildi. HHR-iň Baştutany belent mertebeli türkmen myhmanyny mähirli mübärekläp, çakylygy kabul edip Hytaýa gelendigi üçin hormatly Prezidentimize hoşallyk bildirdi hem-de pursatdan peýdalanyp, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyza mähirli salamyny ýetirmegi haýyş etdi. Şeýle-de Si Szinpin Arkadagly Gahryman Serdarymyzy ýakynda «Awaza» milli syýahatçylyk zolagynda BMG-niň Deňze çykalgasy bolmadyk ösüp barýan döwletler boýunça üçünji maslahatynyň üstünlikli geçirilmegi bilen gutlady. Ol «Merkezi Aziýa-Hytaý» formatyndaky sammitiň çäklerinde hormatly Prezidentimiz bilen bolan duşuşygyny ýakymly duýgular bilen ýatlaýandygyny aýdyp, onuň netijeleri boýunça bilelikdäki işleri durmuşa geçirmäge taýýardygyny tassyklady. Başlyk Si Szinpin hemmetaraplaýyn strategik hyzmatdaşlygy ösdürmek boýunça bilelikdäki işleriň möhüm ähmiýetini belläp, HHR-iň ýurdumyzyň hemişelik Bitaraplygyny, Garaşsyzlygyny, özygtyýarlylygyny we çäk bitewüligini goldaýandygyny aýtdy.

TÜRKMENISTANYŇ HALK MASLAHATY–DÖWLETLILIK ÝÖRELGELERIMIZIŇ DABARALANMASY

Kitaphanalar

02.09.2025

Aşgabat şäher medeniýet müdirliginiň Merkezleşdirilen kitaphanalar ulgamy bilen Türkmenistanyň Medeniýet, sport, syýahatçylyk we jemgyýetçilik guramalarynyň işgärleriniň kärdeşler arkalaşygynyň Geňeşiniň bilelikde guramagynda «Türkmenistanyň Halk Maslahaty–döwletlilik ýörelgelerimiziň dabaralanmasy» ady bilen Türkmenistanyň Jemgyýetçilik guramalarynyň merkezi binasynda söhbetdeşlik geçirildi. Söhbetdeşlikde çykyş edenler Türkmenistanyň Halk Maslahaty halkymyzyň agzybirligini, jemgyýetimiziň jebisligini alamatlandyryp, Berkarar döwletiň täze eýýamynyň Galkynyşy döwründe türkmen halkynyň Milli Lideri Gahryman Arkadagymyzyň «Döwlet adam üçindir!» diýen şygary, hormatly Prezidentimiziň «Watan diňe halky bilen Watandyr! Döwlet diňe halky bilen döwletdir!» diýen baş ýörelgesi bu günki gün dillerimiziň senasy, köňüllerimiziň owazy bolup ýaňlanýandygy barada beýan etdiler. Söhbetdeşligiň ahyrynda eziz Watanymyzyň–Garaşsyz hemişelik Bitarap Türkmenistanyň gülläp ösmegi ugrynda uly tagallalary edýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

BILIMLER WE TALYP ÝAŞLAR GÜNI

Täzelikler

02.09.2025

Bilim almak, hünär öwrenmek halkymyzyň müňýyllyklaryň dowamynda toplan, nesilden-nesle geçirip gelýän gymmatly baýlygydyr. Her ýylyň 1-nji sentýabrynda ýurdumyzda Bilimler we talyp ýaşlar güni giňden bellenilýär. Şeýle ajaýyp baýramçylyk Türkmenistanyň Döwlet çeperçilik akademiýasynda hem geçirildi. Dabara Garaşsyz, baky Bitarap Türkmenistanyň Döwlet senasynyň belentden ýaňlanmagy bilen başlandy. 2025–2026-njy täze okuw ýylynyň başlanmagy mynasybetli hormatly Prezidentimiz Arkadagly Gahryman Serdarymyzyň ýurdumyzyň mekdep okuwçylaryna, talyp ýaşlaryna, mugallymlaryna we bilim işgärlerine iberen mähirli gutlagy diňlenildi. Şeýle-de, halypalaryň talyp ýaşlarymyza ýüzlenen gutlag çykyşlary ýerine ýetirildi. Dabaranyň dowamy aýdym-sazly çykyşlar bilen dowam etdi. 2025-2026-njy okuw ýylynyň «Halkara parahatçylyk we ynanyşmak ýyly» atly ilkinji okuw sapagy bilim ojagyna gadam basan 1-nji ýyllyk talyplaryň durmuşynda ýatdan çykmajak taryhy sene boldy.    

BILIM-KÄMILLIK ÝOLY

Muzeýler

02.09.2025

Berkarar döwletiň täze eýýamynyň Galkynyşy döwründe her ýylyň 1-nji sentýabrynda ýurdumyzda Bilimler we talyp ýaşlar güni dabaraly ýagdaýda bellenip geçilýär. Dünýäniň ösen tehniki serişdeleri bilen enjamlaşdyrylan bilim ojaklarynda ylmyň we tehnikanyň iň täze gazananlaryna esaslanyp, häzirki zaman innowasion ösüşiniň talaplaryna laýyk gelýän ýaş nesli kemala getirmek üçin ähli şertler döredilýär. 2025-nji ýylyň 1-nji sentýabrynda Türkmenistanyň Döwlet medeniýet merkeziniň Döwlet muzeýinde Bilimler we talyp ýaşlar güni mynasybetli muzeý gaznasynda saklanylýan gymmatlyklardan «Bilim–kämillik ýoly» atly sergi gurnaldy. Baýramçylyk sergisiniň açylyş dabarasyny Türkmenistanyň Döwlet medeniýet merkeziniň Döwlet muzeýiniň direktory Meretgeldi Çayýew alyp bardy. Baýramçylyk dabarasynda ýurdumyzyň ylym-bilim ojaklarynda zähmet çekýän mugallymlar çykyş etdiler. Çykyş eden bilim işgärleri häzirki zamanda bilim ulgamyndaky özgerişikler, gazanylýan üstünlikler, döredilýän şertler dogrusynda ýürek buýsançlaryny aýtdylar. Munuň üçin bagtyýar halkymyzyň Gahryman Arkadagymyza, peder ýoluny mynasyp dowam etdirýän Arkadagly Serdarymyza hoşallygynyň çägi ýokdur.   

TÜRKMENISTANYŇ MILLI BILIM ULGAMYNYŇ ÖSÜŞINDE MÖHÜM WAKA

Täzelikler

02.09.2025

GAHRYMAN ARKADAGYMYZ PAÝTAGTYMYZDA HALKARA SENAGATÇYLAR WE TELEKEÇILER UNIWERSITETINIŇ AÇYLYŞ DABARASYNA GATNAŞDY 1-nji sentýabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň gatnaşmagynda paýtagtymyzda Halkara senagatçylar we telekeçiler uniwersitetiniň açylyş dabarasy geçirildi. Ýurdumyzda giňden bellenilýän Bilimler we talyp ýaşlar gününe gabat gelen bu waka milli bilim ulgamyny dünýäniň öňdebaryjy tejribesine laýyklykda ösdürmekde nobatdaky möhüm ädim boldy. Ylym-bilim ulgamyny ösdürmek babatda Gahryman Arkadagymyzyň başyny başlan özgertmeleri häzirki wagtda hormatly Prezidentimiziň baştutanlygynda üstünlikli durmuşa geçirilýär. Şunuň bilen baglylykda, Diýarymyzyň ähli künjeklerinde okatmagyň öňdebaryjy usullaryna, kompýuter tehnologiýalaryna esaslanýan döwrebap bilim edaralary yzygiderli gurlup ulanmaga berilýär. Döredilýän mümkinçilikler ösen aň-düşünjeli, ýokary tehnologiýalardan kämil baş çykarýan ýaş nesliň kemala gelmeginiň möhüm şertleriniň biridir. Milli ykdysadyýetimiziň pudaklary üçin ýokary bilimli hünärmenleri taýýarlamaga, olaryň hünär derejesini yzygiderli ýokarlandyrmaga hem aýratyn üns berilýär. Şunuň bilen baglylykda, bilim işini dolandyrmagyň umumy kabul edilen ýörelgelerini ornaşdyrmak, bilimiň, ylmy işleriň önümçilik bilen arabaglanyşygyny üpjün etmek, talyplaryň nazary bilimlerini amaly şertlerde has-da kämilleşdirmekleri üçin ähli mümkinçilikler döredilýär. Telekeçiler bazar ykdysadyýetiniň hereketlendiriji güýjüdir. Gahryman Arkadagymyzyň kiçi we orta telekeçiligi goldamak babatda öňdengörüjilikli başlangyçlary esasynda gysga döwrüň içinde ýurdumyzda haryt bolçulygyny üpjün etmäge, hyzmatlar ulgamyny ösdürmäge ukyply işewürler jemgyýeti kemala geldi. Telekeçiler milli ykdysadyýetimiziň dürli pudaklarynda netijeli iş alyp barmak bilen, giň gerimli özgertmeler maksatnamalarynyň üstünlikli durmuşa geçirilmegine uly goşant goşýarlar. Hususy işewürleriň döwletimiziň jemi içerki önüminiň ösüşinde hem mynasyp paýy bar. Olar “Türkmenistanda öndürildi” diýen milli nyşanly harytlaryň görnüşlerini we möçberini yzygiderli artdyryp, ekologik taýdan arassa, ýokary hilli önümleri bilen ýurdumyzyň önümçilik kuwwatyny has-da berkidýärler. Şu ýyl jemi içerki önümiň düzüminde hususy pudagyň paýyny 71,6 göterime ýetirmek maksat edinilýär. Munuň özi Diýarymyzda telekeçiligi ösdürmäge döwlet derejesinde aýratyn üns berilýändiginiň aýdyň güwäsidir.

• ←
• 1
• ...
• 108
• 109
• 110
• ...
• 149
• →