HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

GAHRYMAN ARKADAGYMYZ BIRLEŞEN MILLETLER GURAMASYNYŇ BAŞ SEKRETARYNYŇ ÝÖRITE WEKILI, BMG-niň MERKEZI AZIÝA ÜÇIN ÖŇÜNI ALYŞ DIPLOMATIÝASY BOÝUNÇA SEBIT MERKEZINIŇ ÝOLBAŞÇYSY BILEN DUŞUŞDY

Täzelikler

09.12.2025

8-nji dekabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Birleşen Milletler Guramasynyň Baş sekretarynyň Ýörite wekili, BMG-niň Merkezi Aziýa üçin öňüni alyş diplomatiýasy boýunça sebit merkeziniň ýolbaşçysy Kaha Imnadze bilen duşuşdy. Kaha Imnadze wagt tapyp kabul edendigi üçin tüýs ýürekden hoşallyk bildirip, Gahryman Arkadagymyza BMG-niň Baş sekretary Antoniu Guterrişiň mähirli salamyny ýetirdi hem-de Türkmenistanyň ählumumy parahatçylygy we sebitde durnukly ösüşi üpjün etmäge gönükdirilen başlangyçlaryna BMG-de ýokary baha berilýändigini aýtdy. Şeýle hem ol türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlangyjy bilen döredilen BMG-niň Merkezi Aziýa üçin öňüni alyş diplomatiýasy boýunça sebit merkezi tarapyndan alnyp barylýan işleri ilerletmekde döwletimiziň uly goşandyny belledi. Gahryman Arkadagymyz hoşniýetli sözler üçin minnetdarlyk bildirip, BMG-niň Baş sekretaryna iň gowy arzuwlaryny beýan etdi hem-de Halkara Bitaraplyk gününiň öňüsyrasynda BMG-niň Baş sekretarynyň Ýörite wekili bilen duşuşýandygyna örän şatdygyny aýtdy. Nygtalyşy ýaly, 2025-nji ýyl Türkmenistanyň başlangyjy boýunça “Halkara parahatçylyk we ynanyşmak ýyly” diýlip yglan edildi. Bu ýylyň BMG-niň Baş Assambleýasy tarapyndan üç gezek ykrar edilen Türkmenistanyň hemişelik Bitaraplygynyň 30 ýyllygyna hem-de BMG-niň döredilmeginiň 80 ýyllygyna gabat gelmegi onuň many-mazmunyny has-da artdyrýar. Şunuň bilen baglylykda, Milli Liderimiz şanly seneler mynasybetli ýurdumyzda we daşary ýurtlarda birnäçe çäreleriň geçirilendigini belläp, ýakynda ak mermerli paýtagtymyz Aşgabatda dünýäniň köp ýurdundan ýokary derejeli wekilleriň gatnaşmagynda geçiriljek halkara forumyň şu ýylyň esasy wakasyna öwrüljekdigini aýtdy hem-de bu forumyň halkara gün tertibiniň, durnukly ösüşiň we ynsanperwer hyzmatdaşlygyň möhüm meselelerini ara alyp maslahatlaşmak üçin netijeli meýdança boljakdygyna ynam bildirdi. Kaha Imnadze şeýle giň gerimli forumyň geçirilmeginiň Türkmenistanyň parahatçylygyň we abadançylygyň bähbidine öňe sürýän döredijilikli başlangyçlarynyň yzygiderli goldawa eýe bolýandygynyň ýene bir aýdyň mysalydygyny nygtady. Bellenilişi ýaly, häzirki wagtda Türkmenistan bilen Birleşen Milletler Guramasynyň arasyndaky hyzmatdaşlyk strategik we uzak möhletleýin häsiýete eýedir. Ýurdumyz BMG-niň ählumumy meseleleri we häzirki zaman wehimlerini çözmekdäki esasy ornuny yzygiderli goldaýar. Gahryman Arkadagymyz Türkmenistanyň parahatçylygy goldamak, öňüni alyş diplomatiýasynyň mümkinçiliklerinden peýdalanmak, energetika howpsuzlygyny üpjün etmek, üstaşyr ulag geçelgelerini döretmek, daşky gurşawy goramak boýunça birnäçe başlangyçlary öňe sürýändigini aýtdy hem-de olaryň halkara bileleşik tarapyndan giň goldawa eýe bolýandygyny kanagatlanma bilen belledi. Milli Liderimiz hormatly Prezidentimiziň BMG-niň Baş Assambleýasynyň 80-nji sessiýasynyň plenar mejlisine gatnaşmak maksady bilen, Amerikanyň Birleşen Ştatlaryna amala aşyran iş saparynyň möhüm ähmiýetini belledi. Bu ýubileý sessiýanyň dowamynda döwlet Baştutanymyz Durnukly ösüş maksatlaryna ýetmek boýunça möhüm başlangyçlar bilen çykyş etdi hem-de Türkmenistan bilen BMG-niň özara hyzmatdaşlygynyň ugurlaryny kesgitledi. Duşuşygyň dowamynda türkmen halkynyň Milli Lideri sebitde durnukly ösüşi üpjün etmekde, hoşniýetli goňşuçylygy we dostlukly gatnaşyklary pugtalandyrmakda BMG-niň Merkezi Aziýa üçin öňüni alyş diplomatiýasy boýunça sebit merkeziniň möhüm ornuny belledi. BMG-niň Merkezi Aziýa üçin öňüni alyş diplomatiýasy boýunça sebit merkeziniň ýolbaşçysy Gahryman Arkadagymyza hem-de hormatly Prezidentimize sebit merkeziniň işine berýän yzygiderli goldawlary üçin tüýs ýürekden hoşallygyny beýan edip, ýurdumyz bilen bilelikdäki işiň baý tejribesine, uly mümkinçiliklere esaslanýan netijeli hyzmatdaşlygyň mundan beýläk-de pugtalandyryljakdygyna ynam bildirdi. Duşuşygyň ahyrynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow hem-de BMG-niň Baş sekretarynyň Ýörite wekili, BMG-niň Merkezi Aziýa üçin öňüni alyş diplomatiýasy boýunça sebit merkeziniň ýolbaşçysy Kaha Imnadze birek-birege iň gowy arzuwlaryny beýan etdiler. ____________________________ «Türkmenistan» gazeti

BITARAP TÜRKMENISTAN-DÜNÝÄ NUR ÇAÝÝAR

Kitaphanalar

08.12.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Berdi Kerbabýew adyndaky kitaphana şahamçasy bilen Aşgabat gurluşyk orta hünär okuw mekdebiniň bilelikde guramagynda Halkara Bitaraplygyň 30 ýyllygy mynasybetli «Bitarap Türkmenistan-dünýä nur çaýýar» ady bilen wagyz-nesihat çäresi geçirildi. Çärede çykyş edenler Asyrlar boýy berkarar döwleti arzuwlap gelen türkmen halkynyň hemişelik Bitaraplygynyň 30 ýyllyk toýuna uly taýýarlykly barýandygy we Gahryman Arkadagymyzyň, Arkadagly Gahryman Serdarymyzyň öňe sürýän parahatçylyk başlangyçlary netijesinde, Türkmenistanyň Bitarap döwlet hökmündäki orny barha beýgelip, ýurdumyzyň parahatçylyk söýüjilik ýörelgelerine esaslanyp, halklaryň arasyndaky dost-doganlygyň pugtalandyrylmagyna mynasyp goşant goşýandygy barada uly buýsanç bilen gürrüň berdiler. Çäräniň ahyrynda Türkmen halkyny eşretli döwrana ýetiren Gahryman Arkadagymyza, Arkadagly Gahryman Serdarymyza alkyş sözlerini aýtdylar.

NURANA MEKAN-BITARAP TÜRKMENISTAN

Kitaphanalar

08.12.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin kitaphana şahamçasy bilen Türkmenistanyň inžener–tehniki we ulag kommunikasiýalary institutynyň bilelikde guramagynda Halkara Bitaraplyk güniniň 30 ýyllygy mynasybetli «Nurana mekan-Bitarap Türkmenistan» ady bilen söhbetdeşlik geçirildi. Söhbetdeşlikde çykyş edenler Halkara Bitaraplyk türkmen taryhyna müdümilik altyn harplar bilen ýazylyp, ýurdumyz dünýä döwletleriniň arasynda iň ýokary parahatçylyk dörediji merkez bolup durýandygy barada gürrüň berdiler. Şeýle-de häzirki wagtda Türkmenistanyň hemişelik Bitaraplyk ýörelgelerinden gelip çykýan aýdyň wezipeler dünýä ählumumy parahatçylygyň pugtalanmagynda, durnukly ösüşiň we abadançylygyň üpjün edilmeginde möhüm ähmiýete eýe bolup durýandygy barada buýsançly sözlerini beýan etdiler. Söhbetdeşligiň ahyrynda hemişelik Bitaraplygymyzyň beren baky bagtyna guwanyp, bagtyýarlygyň, asudalygyň, eşretiň goýnunda ýaşadýan, adamzat ykbalynyň ýagty geljegi üçin beýik tutumlara badalga berýän Gahryman Arkadagymyzyň hem-de Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny arzuw etdiler.

BITARAPLYK–BAKY BAGTYŇ ŞUGLASY

Kitaphanalar

08.12.2025

Türkmenistanyň Döwlet medeniýet merkeziniň Döwlet kitaphanasynda, Aşgabat şäheriniň Berkararlyk etrap häkimligi, hem-de Döwlet kitaphanasy bilen bilelikde «Bitaraplyk–baky bagtyň şuglasy» ady bilen geçirilýän tegelek stoluň başynda söhbetdeşlik guraldy. Söhbetdeşlikde çykyş edenler:Halkara Bitaraplygymyzyň şanly 30 ýyllyk baýramynyň toýlanýan şu günlerinde,ýurdumyzyň ähli künjekleriniň toýa beslenýändigini, bu toýa ähli medeniýet we sungat işgärleriniň,kitaphana ulgamynyň işgärleriniň zähmet sowgatlary bilen gelendiklerini nygtadylar.Soňra söhbetdeşlikde çykyş edenler Hormatly Prezidentimiziň ynsanperwer syýasatynyň dünýäde giňden dabaralanýandygyny aýdyp geçmek bilen,söhbetleriniň ahyrynda Gahryman Arkadagymyzyň Arkadagly Gahryman Serdarymyzyň janlarynyň sag,ömürleriniň uzak, alyp barýan beýik işleriniň mundan-buýana hem rowaç bolmagyny tüýs ýürekden arzuw etdiler.

«HALKARA PARAHATÇYLYK WE YNANYŞMAK–BEÝIK ÝEŇIŞLERE BADALGA» ATLY SÖHBETDEŞLIK

Kitaphanalar

08.12.2025

Türkmenistanyň Bazar Amanow adyndaky döwlet çagalar kitaphanasy Aşgabat şäheriniň 76-njy orta mekdebinde “Halkara parahatçylyk we ynanyşmak –beýik ýeňişlere badalga” atly söhbetdeşlik geçirdi. Söhbetdeşligiň dowamynda hünärmenlerimiz halkymyzyň eşretli durmuşda ýaşamagy üçin belent maksatly beýik işleri durmuşa geçirýän Gahryman Arkadagymyzyň, Arkadagly Gahryman Serdarymyzyň ajaýyp, asuda, parahat zamanasynda ýaşamak, bilim almak, işlemek, döretmek her bir türkmen raýaty üçin uly bagt, bahasyna ýetip bolmajak baýlykdygy barada aýratyn nygtadylar. Şeýle-de häzirki wagtda Garaşsyz, hemişelik Bitarap ýurdumyzda asudalygy, parahatçylygy, daşary döwletler bilen dost-doganlyk gatnaşyklary has-da pugtalandyrmakda ägirt uly işleriň durmuşa geçirilýändigi barada buýsanç bilen aýtdylar. Söhbetdeşlige gatnaşan ýaşajyk kitap söýüjiler dünýä dillerinde parahatçylygy, asudalygy, dost-doganlygy, hemişelik Bitaraplygymyzy wasp edýän goşgulary labyzly aýdyp berdiler. Şeýle-de sungaty söýüji ýaşlar “Halkara parahatçylyk we ynanyşmak–beýik ýeňişlere badalga” atly şygar bilen ajaýyp suratlary çekdiler. Söhbetdeşligiň ahyrynda Watanymyzy ähli ugurlar boýunça belent sepgitlere ýetirmekde ýaşlara görelde mekdebi bolýan, olara okamaga, işlemäge, döretmäge giň ýol açyp berýän Gahryman Arkadagymyza, Arkadagly Gahryman Serdarymyza alkyş sözleri beýan edildi.

ŞAHYR ATAJAN ANNABERDIÝEW–TEBIGATYŇ WASPÇYSY

Kitaphanalar

08.12.2025

Türkmenistanyň Bazar Amanow adyndaky döwlet çagalar kitaphanasy Aşgabat şäheriniň daşary ýurt dillerini çuňlaşdyryp öwredýän ýöriteleşdirilen 52-nji orta mekdebinde “Şahyr Atajan Annaberdiýew–tebigatyň waspçysy” atly edebi-sazly döredijilik duşuşygy geçirdi. Edebi-sazly duşuşyga şahyryň maşgalasy bilen ýakyn aragatnaşykda bolan Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň baş ylmy işgäri, alym zenan Gurbanjemal Ylýasowa, şeýle hem, şahyryň döredijilik kesbini ýöredýän gyzy “Watan” gazetiniň bölüm redaktory Çemen Annaberdiýewa, çagalar üçin birnäçe degişmeleriň awtory, belli žurnalist Akgül Saparowa, “Medeniýet we syýahat” žurnalynyň edebi işgäri, şahyr Gurbanjemal Annakowa dagylar gatnaşdylar. Çäräniň başynda Bazar Amanow adyndaky döwlet çagalar kitaphanasynyň hünärmeni okuwçylary ussat şahyr Atajan Annaberdiýewiň döredijiligi bilen gysgaça tanyşdyryp, şeýle diýdi: –Mähriban çagalar, biziň şu gezekki çärämiz özüniň uzak bolmadyk manyly ömründe tebigatyň gözelligini, çagalyk dünýäsiniň täsinliklerini, mähriban enelerimizi, eziz Watanymyzy wasp edýän goşgularyny, degişmelerini, umuman, çagalar hem ulular üçin döreden gyzykly, täsirli eserlerini bize ýadygärlik galdyran Atajan Annaberdiýewiň döredijilik dünýäsine bagyşlanýar. Ýurdumyzda belli şahyr Atajan Annaberdiýew “Watana bolan söýgüsi üçin” medalyň hem-de “Gaýrat” medalynyň eýesidir. Ol 2005-nji ýylda Döwlet tarapyndan degişmeçi ýazyjylaryň arasynda geçirilen bäsleşigiň ýeňijisidir. Ol ömrüni mugallymçylyk kärine bagyşlady. Çagalar, şahyryň döredijiligi bilen tanyşmak üçin sizde mümkinçilikler ýeterlik, kitaphanamyzda siz üçin kitaplar kän, bize okamaga geliň!  Çäräniň dowamynda mekdebiň göreldeli okuwçylary şahyryň birnäçe goşgularyny labyzly okap, onuň degişmelerinden taýýarlanylan gysgajyk sahna oýunlaryny görkezdiler. Şahyry hormatlap gelen myhmanlar alym zenan Gurbanjemal Ylýasowa okuwçylara şahyr Atajan Annaberdiýewi ýakyndan tanap maşgalasy bilen gatnaşandygyny gyzykly gürrüňler berdi we şahyryň goşgysyny okap berdi. Şeýle hem belli žurnalist Akgül Saparowa, şahyr Gurbanjemal Annakowa hem ussat şahyryň goşgularyndan okap halypa şahyr, ýazyjylaryň kitaplaryny köpräk okamagy ündedi. Şahryň gyzy Çemen Annaberdiýewa “Bir käse un” atly goşgusyny okap şol goşgynyň taryhyny, goşgydaky Mamur eje hakynda tolgundyryjy gürrüň berdi. Göreldeli okuwçylar edepli oturyp, dykgat edip diňlediler. Myhmanlar sözüniň soňunda okuwçylaryň göreldeli okamagy, şahyryň goşgy setirlerinde belläp geçişi ýaly, birek-birek bilen dost-dogan gatnaşyklarynda bolmaklygy ündediler. Adat bolşy ýaly, çärede şahyr Atajan Annaberdiýewiň kitaplaryndan hem-de başga-da birnäçe halypa ýazyjy-şahyrlaryň kitaplaryndan sergi gurnaldy. Çäräniň soňunda ýaş nesillerimiziň, halkymyzyň parahat ýaşamagy üçin atalyk aladasyny edýän, mirasymyzy öwrenmäge ak ýollar açan hormatly Gahryman Arkadagymyza, hem-de mähriban Prezidentimiz Arkadagly Gahryman Serdarymyza alkyş sözleri aýdyldy.

«PARAHATLYK AÝDYMY» ATLY KOMPOZITORLARYŇ TÄZE ESERLERINDEN DÜZÜLEN KONSERT

Konsertler

08.12.2025

Parahatçylygyň we agzybirligiň Watany bolan eziz ýurdumyz Türkmenistanda şanly Bitaraplygymyzyň 30 ýyllyk baýramy mynasybetli dabaraly konsertler, bäsleşikler yzygiderli geçirilýär. Şeýle çäreleriň biri hem “Parahatlyk aýdymy” atly kompozitorlaryň arasynda täze döredilen eserleriniň ýaňlanmagydyr. Ata Watanymyzy, ýurdumyzyň ösüşlerini, gazanan üstünliklerini wasp edýän aýdymlary döretmek maksady bilen geçirildi. Täze döreden eserler solist, hor we simfoniki orkestr üçin niýetlenendi. Maýa Kulyýewa adyndaky Türkmen Milli konserwatoriýasynda geçirilen bu dabarada kompozitorlar Begmyrat Hudaýberdiýew, Aýläle Gulmuradowa, Wera Abaýewa, Yhlas Artykow, Saparmyrat Baýlyýew, Çary Amanýazow, Aman Akmyradow, Tylla Sätiýewa, Nury Ataýew ýaly ýaş kompozitorlaryň eserleri ilkinji gezek simfoniki orkestriniň, horuň ýerine ýetimeginde ýaňlandy. Kompozitorlara “Minnetdarlyk haty” we ýadygärlik sowgatlar dabaraly ýagdaýda gowşuryldy. Bu konsert Begmyrat Hudaýberdiýewiň “Alkyşnama” eseri bilen açyldy, soňra Aýläle Gulmuradowanyň “Watanym”, Wera Abaýewanyň “Türkmenistanyň ýaňy”, Yhlas Artykowyň “Eziz Türkmenistan”, Çary Amanýazowyň “Türkmenistanym”, Aman Akmyradowyň “Gahryman Arkadagly Serdarymyz”, Tylla Sätiýewanyň “Atalyk mekdepdir Arkadagymyz”, Saparmyrat Baýlyýewiň “Türkmenistanym”, Nury Ataýewiň “Bitaraplyk, Parahatlyk senasy” atly eserleri dabaraly ýerine ýetirildi. Konsertda ýaňlanan eserleriň ählisi Solist, hor we simfoniki orkestri tarapyndan ýerie ýetirildi. Hor toparynyň çeper ýolbaşçysy Türkmenistanyň halk artisti Gurban Babaýew, hormeýstrler Täzegül Çaryýewa hem-de Rano Orunowa, orkestriň çeper ýolbaşçysy Türkmenistanyň halk artisti Aşyr Hojatow, dirižýorlar Türkmenistanyň Prezidentiniň yglan eden Türkmeniň “Altyn asyry” bäsleşiginiň ýeňijisi Döwletmämmet Ökdirow hem-de 5-nji ýyl talyp Kowus Bäşimow. Biz ýaşlaryň öz ukyp başarnyklarymyzy açyp görkezmekde, ýurdumyzy wasp edýän joşgunly eserleri döretmekde giň mümkinçilikleri döredip berýän, sungatyň hak howandary Gahryman Arkadagymyza, Arkadagly Gahryman Serdarymyza çäksiz hoşallyklarymyzy aýdýarys. Goý, Gahryman Arkadagymyzyň, Arkadagly Gahryman Serdarymyzyň janlary sag, başlary dik, tutýan tutumly işleri hemişe rowaçlyklara beslensin! ____________________ Aýläle Gulmuradowa Maýa Kulyýewa adyndaky Türkmen milli konserwatoriýasynyň «Kompozisiýa» hünäriniň II ýyl talyby

BILDIRIŞ!

Muzeýler

08.12.2025

Türkmenistanyň Döwlet medeniýet merkeziniň Döwlet muzeýi 2025-nji ýylyň 9-njy dekabrynda sagat 10:00-da Hemişelik Bitaraplygymyzyň 30 ýyllyk baýramçylygy mynasybetli «Türkmenistanyň Bitaraplygy–abadançylygyň ak ýoly» atly gurnalan serginiň açylyş dabarasyna çagyrýar. Biziň salgymyz: Arçabil şaýolunyň 50-nji jaýy Habarlaşmak üçin tel: 48-25-92

AŞGABAT ÝUNESKO-nyň ÖWRENIJI ŞÄHERLERINIŇ BÜTINDÜNÝÄ TORUNA GIRIZILDI

Täzelikler

08.12.2025

7-nji dekabrda paýtagtymyzyň häkimliginde Aşgabat şäheriniň ÝUNESKO-nyň öwreniji şäherleriniň bütindünýä toruna girizilendigi baradaky güwänamany gowşurmak dabarasy geçirildi. Mälim bolşy ýaly, şu ýylyň 4-nji dekabrynda ýurdumyzyň ylym we bilim ulgamyny ösdürmekde gazanan ýokary netijeleri, ähli ýaşdaky raýatlaryň ömrüniň bütin dowamynda okamagy hem-de bilimleri özleşdirmegi üçin zerur şertleri döreden Aşgabat şäheri dünýäniň 46 ýurdunyň 72 şäheriniň hatarynda ÝUNESKO-nyň öwreniji şäherleriniň bütindünýä toruna girizildi. Bu çözgüt Türkmenistanyň paýtagtynyň ylym-bilimi ösdürmekde, ähli ýaşdaky raýatlaryň ömrüniň tutuş dowamynda okamagy babatda zerur şertleri döretmekde ýokary netijeleri gazanandygynyň ykrarnamasy boldy. Çykyş edenleriň belleýişleri ýaly, 2013-nji ýylda döredilip, häzirki wagtda tutuş dünýä boýunça şäherleriň 425-sini özünde jemleýän bu bütindünýä tory täze agza şäherleriň ähli ýaşdaky adamlaryň bilimleri özleşdirmekleri üçin ýerli derejede degişli işleri durmuşa geçirmek ugrunda aýratyn tagallalaryna hem-de ygrarlylygyna ýokary baha berdi. Oňa täze agzalaryň kabul edilmegi bilen, öwreniji şäherleriň sany 91 ýurtdan 425 şähere çenli artdy. Bu şäherler, takmynan, 500 million adamyň üznüksiz bilim almagy babatda zerur şertleri üpjün edýärler. Aşgabat şäheri Porto-Nowo, Kair, Ankara, Lissabon, Er-Riýad, Hanoý, Buenos-Aýres ýaly şäherler bilen birlikde, şu ýyl bu tora kabul edilen 11 sany paýtagt şäheriň hataryna girdi. ÝUNESKO şu ýyl bu tora 12 ýurduň, şol sanda Türkmenistanyň hem ilkinji gezek kabul edilendigini habar berdi. ÝUNESKO-nyň öwreniji şäherleri işjeň ösýän bileleşikler bolup durýar. Olarda okatmak işi mekdeplerde, iş ýerlerinde, kitaphanalarda, muzeýlerde, jemgyýetçilik giňişliklerinde gündelik durmuş ulgamyna girizilendir. Bu şäherler ähli ýaşdaky raýatlara zähmet bazarynda üýtgäp durýan şertlere uýgunlaşmaga, öz sowatlylyk derejesini ýokarlandyrmaga ýardam berýärler, telekeçiligiň ösdürilmegini goldaýarlar, emeli aňyň ösýän döwründe işlemek üçin başarnyklary emele getirýärler hem-de durnukly ösüşe ýardam berýärler. Aşgabadyň ÝUNESKO-nyň öwreniji şäherleriniň bütindünýä toruna kabul edilmegi Türkmenistanda adam mümkinçiliklerini ösdürmäge, bilimleri we innowasiýalary özleşdirmäge gönükdirilen jemgyýetiň kemala getirilmegi ugrunda edilýän tagallalaryň halkara derejede ykrar edilýändiginiň aýdyň beýanydyr. ________________ «Türkmenistan» gazeti

TÜRKMENISTANYŇ PREZIDENTINIŇ «TÜRKMENISTANYŇ BITARAPLYGY-PARAHATÇYLYGYŇ WE YNANYŞMAGYŇ AÝDYŇ ÝOLY» ATLY KITABYNYŇ TANYŞDYRYLYŞ DABARALARY

Täzelikler

08.12.2025

7-nji dekabrda Türkmenistanyň Daşary işler ministrliginiň Halkara gatnaşyklary institutynda hormatly Prezidentimiz Serdar Berdimuhamedowyň ýiti zehininden dörän “Türkmenistanyň Bitaraplygy-parahatçylygyň we ynanyşmagyň aýdyň ýoly” atly täze kitabynyň tanyşdyrylyş dabarasy boldy. Arkadagly Gahryman Serdarymyzyň täze kitaby ýurdumyzda giňden bellenilýän şanly sene mynasybetli baýramçylyk sowgady hökmünde kabul edildi. Türkmenistanyň hemişelik Bitaraplygynyň 30 ýyllygynyň bellenilýän günlerinde hormatly Prezidentimiziň täze kitabynyň tanyşdyrylyş dabaralaryna badalga berilmegi şanly senäniň hormatyna guralýan dürli derejeli çäreleriň many-mazmun taýdan has-da baýlaşmagyny şertlendirdi. Mälim bolşy ýaly, Arkadagly Gahryman Serdarymyz 6-njy dekabrda geçirilen Ministrler Kabinetiniň giňişleýin mejlisinde şu ýylyň jemlenmegi bilen bagly «Türkmenistanyň Bitaraplygy-parahatçylygyň we ynanyşmagyň aýdyň ýoly» atly kitabyny ýazyp tamamlandygyny habar berdi. “Kitapda Birleşen Milletler Guramasynyň Baş Assambleýasy tarapyndan üç gezek ykrar edilen hemişelik Bitaraplygymyzyň ähmiýeti, dünýäde parahatçylygy we ynanyşmagy üpjün etmäge gönükdirilen taryhy başlangyçlar giňden beýan edilýär. Şeýle hem onda ýurdumyzda ýetilen belent sepgitleriň, gazanan üstünliklerimiziň jemi jemlenýär. Şoňa görä-de, bu kitap mähriban halkymyza sowgat bolar” diýip, döwlet Baştutanymyz belledi. Türkmenistanyň Daşary işler ministrliginiň Halkara gatnaşyklary institutynda geçirilen dabara gatnaşyjylar, ilki bilen, ýokary okuw mekdebiniň foýesinde ýaýbaňlandyrylan sergi bilen tanyşdylar. Bu ýerde institutyň talyplarynyň ýerine ýetiren “Bitaraplyk-biziň baky bagtymyz” atly edebi-sazly kompozisiýasy hormatly Prezidentimiziň zehininden dörän täze kitabynyň tanyşdyrylyş dabarasynyň özboluşly badalgasy boldy. Dabaranyň dowamynda çykyş edenler döwlet Baştutanymyzyň täze kitabynyň 9 bölümden ybarat bolup, onda türkmen Bitaraplygynyň geçen ýolunyň, ýurdumyzyň BMG-niň Baş Assambleýasynyň degişli Kararnamalary bilen üç gezek ykrar edilen Bitaraplyk hukuk derejesiniň dünýäde parahatçylygy, howpsuzlygy we durnukly ösüşi üpjün etmekdäki ähmiýetiniň giňden beýan edilendigini nygtadylar. Bellenilişi ýaly, Türkmenistanyň hemişelik Bitaraplygy 30 ýylyň içinde özboluşly ösüş ýoluny geçip, sebit we ählumumy derejede durnuklylygy üpjün etmekde ähmiýetli gurala öwrüldi. Şeýle hem çykyşlarda ýurdumyzyň Bitaraplyk syýasatynyň häzirki zaman durmuşynyň ähli ugurlaryny öz içine alýan netijeli halkara hyzmatdaşlygyň ygtybarly binýady hökmünde ykrar edilendigi barada aýdyldy. Arkadagly Gahryman Serdarymyzyň täze kitabynyň ilkinji tanyşdyrylyş dabarasyna gatnaşyjylar şanly sene mynasybetli şeýle ajaýyp kitaby baýramçylyk sowgady hökmünde halkymyza peşgeş berendigi üçin hormatly Prezidentimize tüýs ýürekden çykýan hoşallyklaryny beýan etdiler. Kitabyň “Halkara parahatçylyk we ynanyşmak ýyly: taryhy resminamalar, gutlaglar, çykyşlar” atly jemleýji bölüminde ýurdumyzyň Bitaraplyk ýyllary içinde ýola goýan gatnaşyklaryna, hormatly Prezidentimiziň halkara forumlarda eden çykyşlaryna we ikitaraplaýyn hem-de köptaraplaýyn esasda baglaşylan halkara ylalaşyklara möhüm orun berlipdir. ______________ «Türkmenistan» gazeti

• ←
• 1
• ...
• 22
• 23
• 24
• ...
• 246
• →