HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

ÜLKÄME TOÝ BOLUP, GELEN ÝAZLARYM

Kitaphanalar

16.03.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Ýeňiş kitaphana şahamçasy bilen Bagtyýarlyk medeniýet öýüniň bilelikde guramagynda «Ülkäme toý bolup, gelen ýazlarym» ady bilen 112-nji orta mekdebiniň okuwçylarynyň gatnaşmagynda kitap sergisi gurnaldy we wagyz-nesihat çäresi geçirildi. Çärede çykyş edenler Nowruz baýramy halklaryň arasynda hoşniýetli gatnaşyklaryň kemala gelmeginde aýratyn ähmiýetli bolup, halkymyzyň ýaşaýyş-durmuş ýörelgelerinde bu baýram bilen bagly däp-dessurlaryň giňden ýaýbaňlandyrylýandygy barada gürrüň berdiler. Şeýle-de Nowruz diňe gözelligiň, päkligiň baýramy bolman, eýsem dost-doganlygyň, birek-birege mähribanlygyň, agzybirligiň baýramydygy barada çykyş etdiler. Çäräniň ahyrynda Gahryman Arkadagymyza, Arkadagly Gahryman Serdarymyza alkyş sözlerini aýtdylar.

GELSE NOWRUZ ÄLEME, REŇ KYLAR JAHAN PEÝDA

Kitaphanalar

16.03.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Magtymguly adyndaky merkezi kitaphanasy bilen Aman Kekilow adyndaky mugallymçylyk mekdebiniň bilelikde guramagynda milli bahar baýramy mynasybetli «Gelse Nowruz äleme, reň kylar jahan peýda» ady bilen aýdym-sazly, wagyz-nesihat çäresi geçirildi. Çärede çykyş edenler hormatly Prezidentimiziň öňdengörüjilikli syýasatynda gülleýän eziz diýarymyzda gadymy Nowruz baýramy agzybirligiň, parahatçylygyň, ynsanperwerligiň, rysgal-berekediň, dost-doganlygyň baýramy hökmünde her ýylda şatlyk-şowhun bilen giňden toýlanýandygy, bu baýram öz gözbaşyny asyrlaryň jümmüşinden alyp gaýdyp, durmuşyň baky dowamatyny, hoşniýetliligini, ýokary ahlak gymmatlyklaryny özünde jemleýändigi barada gürrüň berdiler. Şeýle-de milli bahar baýramynyň ajaýyp däpleri halkymyzyň şöhratly taryhyny, baý edebi mirasyny öwrenmekde bahasyna ýetip bolmajak gymmatly hazynadygy barada hem belläp geçdiler. Çäräniň dowamynda Aman Kekilow adyndaky mugallymçylyk mekdebiniň “Ýaşlyk” höwesjeň halk topary ajaýyp aýdym-sazlary ýerine ýetirdiler. Bu bolsa çärä gatnaşanlarda ýakymly täsir galdyrdy. Çäräniň ahyrynda Gahryman Arkadagymyza, Arkadagly Gahryman Serdarymyza alkyş sözlerini aýtdylar.

JANLY TEBIGATYŇ MUZEÝINE SYÝAHAT

Kitaphanalar

16.03.2026

Türkmenistanyň Bazar Amanow adyndaky döwlet çagalar kitaphanasy Aşgabat şäheriniň iňlis dilini çuňlaşdyryp öwretmäge ýöriteleşdirilen 76-njy orta mekdebinde “Janly tebigatyň muzeýine syýahat” atly türkmen tebigaty barada söhbetdeşlik geçirildi. Hünärmen ýurdumyzda tebigaty gorap saklamak, onuň baýlyklaryny rejeli peýdalanmak, suw, ýer we biologiki serişdelerini gaýtadan dikeltmek, atmosfera howasynyň hapalanmagyny peseltmegiň öňüni almak, haýwanlary gorap saklamak barada gürrüň etdi. Adamyň tebigatyň bir bölegi bolup durýandygyny onuň bütin durmuşynyň, olaryň gatnaşyklarynyň näderejede sazlaşyklydygyna türkmen ýazyjylarynyň eserlerinde has-da göz ýetirýäris. Mekdep okuwçylary şahyrlarymyzyň kitabynda Watan gözelligi, tebigat täsinligi hökmündäki, güneşli diýarymyzyň haýwanat dünýäsi hem-de ösümlik dünýäsi baradaky goşgulary labyzly okap berdiler. Çäräniň dowamynda söhbetdeşligiň ady bilen bagly kitaplardan sergi gurnaldy. Söhbetdeşligiň soňunda ýaş nesilleriň kämil şahsyýet hökmünde kemala gelmegi hem-de olaryň ukyp başarnyklaryny doly açyp görkezmekleri üçin ähli şertler döredip berýän türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözleri aýdyldy.

GIŇ JAHANYŇ GÖRKI BAHAR-ÝAZDADYR

Kitaphanalar

16.03.2026

Türkmenistanyň B.Amanow adyndaky Döwlet çagalar kitaphanasy ýakynda Magtymguly Pyragy medeni seýilgäh toplumynda “Türkmensitan” teleýaýlymynyň ýazgy etmeginde “Giň jahanyň görki bahar-ýazdadyr” atly söhbetdeşligi geçirdi. Eziz diýarymyza bahar paslynyň gelmegi bilen tebigatymyz ýaşyl dona bürenip, daragtlar pyntyk açyp gül-gunçalar lälezarlyga beslenýär. Bahar paslynyň dowam edýän häzirki günlerinde daş-töwerek has-da owadanlaşýar, gözelleşýär, ajaýyp keşbe öwrülýär, buzlary eredip, bulaklary döreden bahar pasly äleme özüniň gözelliklerini, ajaýyplyklaryny çaýýar. Bahar paslynyň her bir güni, her bir pursady gözelligiň soltany bolan owadan güller bilen bezelip gözel tebigatymyz has-da gözelleşýär. Şular dogrusynda söhbetdeşligiň dowamynda kitaphana hünärmenleri birek-birek bilen pikir alyşyp, pasyllaryň soltany hasaplanylýan bahar paslynyň ajaýyplyklary hakynda täsirli gürrüňleri etdiler. Söhbetdeşligiň ahyrynda oňa gatnaşanlar eziz diýarymyzy baky bahar paslynyň mekanyna, bagy-bossanlyga, gül-gülzarlyga öwürmeklikde ägirt uly işleri durmuşa geçirýän Gahryman Arkadagymyza hem-de Arkadagly Gahryman Serdarymyza alkyşlary beýan etdiler.

ÖSÜŞLERI BEDEW BATLY – ARKADAG ŞÄHERI

Kitaphanalar

16.03.2026

Türkmenistanyň B.Amanow adyndaky Döwlet çagalar kitaphanasy ýakynda Arkadag şäheriniň Märkaw myhmanasynda “Arkadag” teleýaýlymynyň “Bagt şäheriniň säheri” atly gepleşiginiň ýazgy etmeginde “Ösüşleri bedew batly – Arkadag şäheri” atly söhbetdeşlik geçirdi. Gözelligiň göwher gaşyna deňelýän, sebitde ilkinji akylly we dünýäniň ösen, ýaşamak üçin has amatly şäherleriň arasyndaky ornuny barha pugtalandyrýan Arkadag şäheriniň, häzirki zaman binagärliginiň bütewi hem sazlaşykly sungat eserlerini ýada salýan, milli öwüşgünleri hakynda söhbetdeşligiň dowamynda täsirli söhbetler edildi. Arkadag şäheriniň dünýäniň abraýly halkara guramalarynyň ençeme diplomlaryna, hormat hatlaryna mynasyp bolmagy ak mermerli binalar bilen sünnäläp döredilen akylly şäheriň halkara derejede ykrar edilýändiginiň subutnamasy bolup durýandygy hakynda hem buýsançly gürrüňler edildi. Söhbetdeşligiň ahyrynda Arkadag şäherini bagt şäherine öwürmeklikde gurmak we döretmek maksatnamasyny üstünlikli kämilleşdirip, eziz diýarymyzy bedew bady bilen ösüşiň täze belentliklerine alyp barýan Gahryman Arkadagymyza hem-de Arkadagly Gahryman Serdarymyza alkyşlar beýan edildi.

ÝÜREKLERDE ÝAŞAÝAN KEŞPLER

Täzelikler

16.03.2026

Maýa Kulyýewa adyndaky Türkmen milli konserwatoriýasynda Magtymguly adyndaky milli sazly drama teatrynyň artisti Maýa Weligylyjowa bilen aýdym sazly döredijilik duşuşygy geçirildi. Bu duşuşyga konserwatoriýanyň talyplary we mugallymlary gatnaşdy. Söhbetdeşligi “Halk saz gurallary” hünäriniň III ýyl talyby, Ýaş alymlar geňeşiniň ýanyndaky talyp döredijilik toparynyň agzasy Jennet Myradowa alyp bardy. Duşuşygymyzyň başynda Maýa Weligylyjowa özüniň döredijilik ýoluna gelişi barada gyzykly gürrüňleri berdi. Onda talyp ýaşlar dürli temalarda özlerini gyzyklandyrýan birnäçe soraglary berdiler. Maýa Weligylyjowa talyplaryň beren soraglaryna özüniň baý durmuş we döredijilik tejribesinden ugur alyp, birnäçe mysallaryň we tejribeleriň üsti bilen jogap berdi. Duşuşygyň dowamynda “Bagşyçylyk sungaty” kafedrasynyň II talyby Sahydursun Mätiýewanyň ýerine ýetiren birnäçe ajaýyp aýdymlary ýaňlandy. Soňra myhman talyp ýaşlara hünäriňiziň daşyndan döredijilik bilen meşgullanýanlaryňyz barmy diýen soragyna “Saz mugallymçylygy” hünäriniň II ýyl talyby Ýusup Meredow öz döreden goşgularyndan okap berdi. Maýa Weligylyjowa talyp ýaşlaryň hünärine bolan söýgüsini artdyrmak babatynda beren gymmatly maslahatlary has hem täsirli boldy. Söhbetdeşligiň ahyrynda beren gyzykly gürrüňleri we maslahatlary üçin konserwatoriýanyň mugallymlary, talyplary tarapyndan myhmana hoşallyk sözleri aýdyldy. Aýjahan ABALAKOWA Maýa Kulyýewa adyndaky Türkmen milli konserwatoriýasynyň “Sazşynaslyk” hünäriniň II ýyl talyby

YNSANPERWER ÝÖRELGELERI DOWAM ETDIRIP

Täzelikler

16.03.2026

14-nji martda Mübärek Oraza aýynyň dowam edýän günlerinde Eýran Yslam Respublikasynyň halkyna we çagalaryna Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň adyndan ynsanperwerlik ýüki ugradyldy. Munuň özi ýurdumyzda türkmen halkynyň taryhyň dowamynda döreden ýagşy dessurlarynyň, asylly ýörelgeleriniň häzirki döwrüň ruhuna kybap derejede dowam etdirilýändiginiň nobatdaky aýdyň güwäsidir. «Türkmenistan» gazeti

MUKADDES AÝYŇ SOGAPLY ÇÄRESI

Täzelikler

16.03.2026

*Türkmenistanyň Prezidenti we türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz agzaçar sadakasyny berdiler* 14-nji martda paýtagtymyzyň gözel künjeginde ýerleşýän “Halk hakydasy” ýadygärlikler toplumynda hajy Arkadagymyz we Arkadagly hajy Serdarymyz agzaçar sadakasyny berdiler. Oňa ýurdumyzyň müftüsi, ähli welaýatlaryň, Aşgabat hem-de Arkadag şäherleriniň ymamlary, hormatly ýaşulular, dili senaly eneler, köp sanly ýaşlar gatnaşdylar. Munuň özi “Garaşsyz, baky Bitarap Türkmenistan — bedew batly at-myradyň mekany” ýylynyň mübärek Oraza aýynyň mukaddes Gadyr gijesiniň öňüsyrasynda amal edilýän sogap işleriň üstüni ýetirdi. «Türkmenistan» gazeti

MÄHRIBAN UÇURYMLARYŇ KONSERTI

Täzelikler

13.03.2026

Her ýyl Maýa Kulyýewa adyndaky Türkmen milli konserwatoriýasynyň uçurymlary ýerine ýetirijilik hünäri boýunça öwrenen ajaýyp sazlaryny diňleýjilere ýetirmek, hünär we ukyp-başarnyklaryny görkezmek maksady bilen konsert geçirýärler. Şeýle konsertleriň biri 2026-njy ýylyň 11-nji martynda «Üflenip we kakylyp çalynýan saz gurallary» hünäriniň uçurymlary Gurbanguly Işangulyýewiň, Annaesen Turşekowyň, Ýaşnar Ismailowyň klarnet saz guralynda ýerine ýetirmeginde «Uçurym – 2026» ady bilen geçirildi. Konsertde ady agzalan uçurymlar, A.Bazarowanyň sazandarlyk etmeginde türkmen we daşary ýurt kompozitorlarynyň eserleri ýaňlandy. Annaesen Turşekow K.Stamensiň «Adagio», K.Nazarowyň «Wals», K.Weberiň «Wariasiýa»; Ýaşnar Ismailow E.Gableriň «Adagio we rondo», «Capriccioso», W.Bassiniň Rigoletto (Fantaziýa); Gurbanguly Işangulyýew F.Şopeniň «Wals», P.Žan-Žanyň «Wenesiýa karnawaly» eserlerini ýokary derejede ýerine ýetirdiler. Konsertiň ahyrynda joşgunly, ajaýyp sazlary ýerine ýetiren uçurymlaryň halypasy Türkmenistanyň at gazanan bilim işgäri R.Rejepmedow mugallymlary, talyplary, diňleýjileri ýetip gelýän Nowruz baýramy bilen gutlap, durmuşda uly üstünlikleri arzuw etdi. Konsertde çykyş eden uçurymlara we mugallymlara aýdym-saz äleminde uly-uly üstünlikler ýar bolsun! Dabaraly geçen konsertiň ahyrynda oňa gatnaşanlar aýdym-saz sungatyna uly sarpa goýýan Gahryman Arkadagymyzyň, Arkadagly Gahryman Serdarymyzyň janlarynyň sag, il-ýurt bähbitli, umumadamzat ähmiýetli alyp barýan işlerinde rowaçlyklaryň ýaran bolmagyny arzuw etdiler. Ogulbeg ÝEGENOWA Maýa Kulyýewa adyndaky Türkmen milli konserwatoriýasynyň «Sazşynaslyk» hünäriniň III ýyl talyby

NOWRUZ GELDI ILIME, AÝDYM BOLUP, SAZ BOLUP

Kitaphanalar

13.03.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Bagtyýarlyk etrabynyň kitaphana şahamçasy bilen Täze zaman, Garadaşaýak medeniýet öýleriniň bilelikde guramagynda Milli bahar baýramy mynasybetli «Nowruz geldi ilime, aýdym bolup, saz bolup» ady bilen wagyz-nesihat çäresi geçirildi. Çärede çykyş edenler Berkarar döwletiň täze eýýamynyň Galkynyşy döwründe ýurdumyzda Nowruz baýramyny halkymyz uly dabara bilen giňden belleýändigi, Nowruzda ösümlikler al-ýaşyl öwsüp, tebigat janlanyp, ýaşyl begrese bürenip, älem-jahanyň röwşen reňklere beslenýändigini, şeýle-de Nowruz baýramy bilen baglanyşykly gadymdan gelýän käbir däp-dessurlar ýerine ýetirilýändigi barada giňişleýin gürrüň berdiler. Çäräniň dowamynda nusgawy şahyrlaryň Nowruz baýramy barada ýazan goşgularyny labyzly okadylar. Çäräniň ahyrynda halkymyzy nurly geljege alyp barýan türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

• ←
• 1
• ...
• 64
• 65
• 66
• ...
• 203
• →