HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

Döwrüň altyn taryhyny öz sahypalarynda saklaýan ruhy hazyna

Kitaphanalar

26.10.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Berdi Kerbabaýew adyndaky kitaphana şahamçasynyň guramagynda Hormatly Prezidentimiziň Türkmenistanyň kitaphana ulgamyny ösdürmegiň 2025-2029-njy ýyllar üçin Döwlet maksatnamasy esasynda “Döwrüň altyn taryhyny öz sahypalarynda saklaýan ruhy hazyna” ady bilen söhbetdeşlik geçirildi. Çärede çykyş edenler Gahryman Arkadagymyzyň hem-de Hormatly Prezidentimiz Arkadagly Gahryman Serdarymyzyň baştutanlygynda bu günki günde taryhy-medeni mirasymyzy öwrenmäge we dünýä ýaýmaga giň mümkinçilikleriň döredilýändigi, Hormatly Prezidentimiziň Türkmenistanyň kitaphana ulgamyny ösdürmegiň 2025-2029-njy ýyllar üçin Döwlet maksatnamasyndan ugur alyp, kitaphana işini kämilleşdirmek we döwrebaplaşdyrmak, kitaphana gelýän okyjylara ýokary derejede hyzmat etmek we sanly ulgamlardan peýdalanmak baradaky birnäçe işleriň alnyp barylýandygy hakynda giňişleýin söhbet etdiler. Çäräniň ahyrynda milli medeniýetimizi, medeni mirasymyzy dünýä ýaýmakda, kitaphana ulgamynyň işlerini kämilleşmekde ähli mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Yslam Hyzmatdaşlyk Guramasy (OIС) bilen syýahatçylyk gatnaşyklary kämilleşdirilýär

Syýahatçylyk

23.10.2026

2026-njy ýylyň 14-nji oktýabrynda Yslam Hyzmatdaşlyk Guramasynyň Ykdysady we söwda hyzmatdaşlygy boýunça hemişelik komiteti (COMCEC) bilen «Syýahatçylykda sanly transformasiýa we emeli aň» atly syýahatçylyk forumynyň 14-nji mejlisine, Türkmenistanyň Medeniýet ministrliginiň Syýahatçylyk müdirliginiň wekilleri we Türkmen döwlet medeniýet institutynyň mugallymlary göni wideoaragatnaşyk arkaly gatnaşdylar. Sanly tehnologiýalaryň we emeli aňyň ösmegi bilen syýahatçylygyň bu görnüşi hem ösýär hem-de täze mümkinçilikleri döredýär. Bu geçirilen okuwlar Yslam Hyzmatdaşlyk Guramasy (OIС) sebitinde sanly transformasiýanyň we emeli aňyň syýahatçylyga ýetirjek täsirini, mümkinçiliklerini we kynçylyklaryny ara alyp maslahatlaşmak üçin meýdança boldy.

Daşkentde Muzeý ulgamynda konserwasiýa işleri boýunça guralan okuw seminaryna türkmen hünärmenleri gatnaşdylar

Halkara gatnaşyklary

23.10.2026

2026-njy ýylyň 5-16-njy oktýabry aralygynda Amerikanyň Birleşen Ştatlarynyň Çikago uniwersiteti bilen Özbegistanyň Döwlet taryh muzeýi tarapyndan Özbegistan Respublikasynyň Daşkent şäherinde Muzeý ulgamynda konserwasiýa işleri boýunça bilelikde guralan okuw seminary geçirildi. STRAS Capstone konserwasiýa boýunça hünäri ýokarlandyryş maksatnamasynyň çäklerindäki okuw seminarynyň maksady derini we dokma önümlerini konserwasiýa etmekden ybaratdyr. Bu bolsa Merkezi Aziýa döwletlerinden gatnaşýan muzeý rejeleýjileri üçin ýokary okuw sapagy bolup durýar. Seminar okuw sapagynyň dowamynda dokma we deri önümlerini çeper rejelemek boýunça okuw tejribe işleri görkezildi hem-de deriden öndürilýän önümler bilen tanyşdyryldy.  Özbegistanyň Daşkent şäherindäki Madina Kasymbaýewanyň süzane keşdeçilik ussahanasynda egin-eşikleriň we dokma önümleriniň saklanyş şertleri, Çikago uniwersitetiniň taryhy gymmatlyklary gorap saklamak boýunça ýokary derejeli konserwatory Elison Uaýtyň deriniň we pergamentiň rejelemek işi, deri önüminiň tebigaty hem-de onuň taýýarlanyşy, himiki düzümi, gadymy aýakgaplar bilen bagly amaly işler we olary gorap saklamak meselesi boýunça sapaklar geçildi. Los-Anjeles şäherinden J.Pol Getti muzeýiniň gadymy taryhy gymmatlyklary gorap saklamak bölüminiň baş konserwatory we bölüm müdiri, professor Süzan Ganzike, konserwator Fabio Kolombo hem Gadymy Merwden tapylan V asyra degişli Buddanyň heýkeliniň kelle böleginiň parçalaryny gorap saklamak we dikeltmek boýunça taslama degişli ylmy prezentasiýalary görkezdiler. Okuw seminarynyň jemleýji gününde Merkezi Aziýa döwletlerinden gatnaşan muzeý rejeleýjilerine şahadatnamalar gowşuryldy.

Şekillendiriş sungatynda türkmen alabaýynyň çeper keşbi

Täzelikler

23.10.2026

2026-njy ýylyň 22-nji oktýabrynda Türkmen alabaýynyň baýramy mynasybetli Türkmenistanyň çeperçilik sergiler müdirligi we şekillendiriş sungatynyň sergi merkezinde “Türkmen alabaýy - wepadarlygyň nusgasy” atly şekillendiriş we amaly-haşam sungat eserleriniň sergisi guraldy. Sergide suratkeşler Patdyk Patdykowyň “Goragçy”, Ýusup Hemraýewiň “Senenama”, Agadöwlet Sapargeldiýewiň “Paýtagtyň gözel künjegi”, Aly Sytdyhowyň “Türkmeniň wepaly ýoldaşy”, Sadap Kurbanowanyň “Wepaly”, Baýly Aýnazarowyň “Säheriň sazlaşygy”, Serdar Osmanowyň “Miras”, Täzegül Döwletowanyň “Türkmen alabaýy”, Perman Annagylyjowyň “Wepaly alabaý”, Aýnur Sähetmyradowanyň “Wepaly dost”, Mähriban Jumaýewanyň “Täze dostluk”, Ýazgeldi Ylýasowyň “Wepaly alabaý” ýaly şekillendiriş we amaly-haşam sungat eserleri ýaýbaňlandyryldy. Suratkeşleriň döreden sungat eserleriniň ählisinde alabaýlara bolan söýgi içgin duýulýar. Nakgaşçylyk sungatynda jandarlaryň çeperleşdirilýän ýörite žanry bolup, ol animalistik žanr diýlip atlandyrylýar. Bu žanrda işleýän nakgaşlar jandarlaryň dürli pursatlardaky görnüşlerini çeperçilik akymlary bilen baýlaşdyryp reňkler bilen çeperleşdirip beýan edýärler. Sergide suratkeşleriň 200 - den gowrak nakgaş, amaly-haşam sungatynyň eserleri görkezilýär. Eziz Watanymyzda Garaşsyzlyk ýyllary içinde türkmen şekillendiriş sungaty ösüşiň aýdyň ýoluna düşdi. Türkmen suratkeşleri kämil eserleri bilen halkara bäsleşiklerine yzygiderli gatnaşýarlar. Türkmen şekillendiriş sungatynyň gülläp ösmegi ugrunda ägirt uly aladalar edýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, döwletli işleri uly üstünliklere beslensin.

Çagalar-durmuşyň gülleri

Kitaphanalar

23.10.2026

Lebap welaýat kitaphanasynyň “Okyjylara hyzmat etmek” bölüminiň kitaphanaçylary, Türkmenabat şäheriniň 35-nji çagalar bagynda çagalar ertirligini geçirdiler. Çagalyk dünýäsiniň gyzykly pursatlaryny başdan geçirýän körpeleriň bagtyýarlygy biziň dünýämizi has-da nurlandyrýar. Durmuşymyzyň gülleri bolan çagalara guwanjymyz çäksizdir. Olar durmuşymyzy bagtyýarlyga besleýärler. Körpeler bagtyýar çagalara ähli mümkinçilikleri döredip berýän türkmen halkynyň Milli Lideri Gahryman Arkadagymyza, hormatly Prezidentimize alkyş sözlerini aýtdylar.

Kitap sergisi

Kitaphanalar

23.10.2026

Türkmenistanyň Döwlet medeniýet merkeziniň Döwlet kitaphanasynyň Oba hojalyk edebiýatlary bölümi tarapyndan “Şugundyr –iýmitlik önüm” atly kitap sergisi gurnaldy. Kitap sergisinde Gahryman Arkadagymyzyň hem-de hormatly Prezidentimiziň nusgalyk eserleri ýerleşdirildi. Mundan başga-da, şugundyr bilen bagly edebiýatlar hem sergilendi. Kitap sergisini görmäge gelen okyjylar üçin bu ajaýyp edebiýatlary görmäge, öwrenmäge giň mümkinçilikler döredildi. Sergä gatnaşyjylar halkymyzy bagtyýar durmuşda ýaşadýan, türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyşlaryny aýdyp, janlarynyň sag, ömürleriniň uzak, il-ýurt bähbitli beýik işleriniň rowaç bolmagyny tüýs ýürekden arzuw etdiler.

Güýz paslynyň şirin owazlary

Täzelikler

23.10.2026

Golaýda Maýa Kulyýewa adyndaky Türkmen milli konserwatoriýasynda "Zehin joşguny" atly täsirli konsert geçirildi. Konsert maksatnamasy dünýä nusgawy sazynyň görnükli wekilleriniň eserlerini özünde jemläp, diňleýjileriň ünsüni skripka saz guralynyň baý çeperçilik mümkinçiliklerine gönükdirdi. Maksatnamanyň mazmuny dürli döwürleriň sazçylyk däplerini özara utgaşdyrmak, nusgawy mirasyň gözelligini açyp görkezmek we ýaş zehinleriň ýerine ýetirijilik ukybyny şöhlelendirmek bilen tapawutlandy. Sungat adamyň ruhy dünýäsini baýlaşdyrýan, onuň duýgularyny terbiýeleýän we gözellige bolan garaýşyny kämilleşdirýän güýçdir. Aýratyn-da, saz sungaty söz arkaly beýan etmek kyn bolan inçe duýgulary owazlaryň üsti bilen diňleýjiniň kalbyna ýetirýär. Skripka saz guraly bolsa giň ses mümkinçilikleri, baý dinamiki öwüşginleri bilen dünýä saz medeniýetinde möhüm orun eýeleýär. Konserwatoriýanyň ýaş mugallymlary Mährijemal Nazarowanyň we Selbi Ataýewanyň konsert maksatnamasy hem bu saz gurallarynyň çeperçilik mümkinçiliklerini dürli kompozitorlaryň döredijiligi arkaly açyp görkezmäge gönükdirildi. Konsertiň maksatnamasynda S.Prokofýewiň "Romeo we Julýetta" operasyndan Montekki-Kapuletti pýesasy, I.Bahyň Sonata №1 Sisiliana, A. Glazunowyň Uly adažio, A.Haçaturýanyň Konsert III bölümi hem-de A. Şapoşnikowyň "Türkmen tansy" eserleri ýerine ýetirilmek üçin saýlanylypdyr. Mährijemal Nazarowa hem-de Selbi Ataýewa fortepiano saz guralynda Elmira Jumakulyýewa sazandarlyk etdi. Dünýä saz sungatynyň görnükli wekilleriniň biri bolan Sergeý Prokofýewiň döredijiligi çeperçilik aýratynlyklaryny özünde jemleýär. Onuň eserleri diňe bir tehniki ussatlygy ösdürmek üçin niýetlenen eserler bolman, eýsem çuňňur liriki mazmuny we özboluşly saz dili bilen tapawutlanýan eserlerdir. Şeýle eserleriň ýerine ýetirilişi sazandadan tehniki takyklyk bilen birlikde saz pikiriniň içki manysyna düşünmegi hem talap edýär. Iogann Sebastýan Bahyň Sonata №1 Sisiliana eseri bolsa nusgawy sazçylyk mekdebiniň baý däplerini we kompozitoryň özboluşly döredijilik dünýäsini şöhlelendirýär. Şeýle eserleriň ýerine ýetirilişinde owazlaryň gatlaklaryny aýdyň tapawutlandyrmak, dinamiki öwüşginleri sazlaşykly guramak esasy şertleriň biridir. Konsert maksatnamasynda Aleksandr Glazunowyň we Aram Haçaturýanyň eserleri özboluşly öwüşginleri arkaly saz sungatynyň umumadamzat medeniýeti bilen arabaglanyşygyny görkezýär. Şeýle hem, A. Şapoşnikowyň "Türkmen tansy" eseriniň bu konsertde orun almagy milli sazçylyk mekdebiniň döredijilik mümkinçiliklerine bolan gyzyklanmany artdyrmakda aýratyn ähmiýete eýedir. Mährijemal Nazarowanyň we Selbi Ataýewanyň konsert maksatnamasynyň ähmiýeti diňe bir dürli kompozitorlaryň eserleriniň ýerine ýetirilmegi bilen çäklenmeyär. Şeýle çykyşlar diňleýjileriň saz medeniýetini ösdürmekde, ýaş nesli dünýä nusgawy mirasy bilen tanyşdyrmakda we saz sungatyna bolan gyzyklanmany artdyrmakda möhüm orny eýeleýär. Bu konsert saz sungatynyň bilim, terbiýeçilik we çeperçilik ähmiýetini ýene bir gezek şöhlelendirdi. Saz — ynsan kalbynyň sözsüz dilidir. Ol dürli döwürleriň we halklaryň ruhy dünýäsini özünde jemleýär. Mährijemal Nazarowanyň, Selbi Ataýewanyň konsert çykyşy hem sungatyň täsirini we saz gurallarynyň çeperçilik güýjüni açyp görkezýän manyly çykyş hökmünde ýatda galdy. Mahym MEDIÝEWA, Maýa Kulyýewa adyndaky Türkmen milli konserwatoriýasynyň talyby.

Aýdym-sazly, wagyz-nesihat çäresi

Kitaphanalar

23.10.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Nury Baýramow adyndaky kitaphana şahamçasy hem-de Maýa Kulyýewa adyndaky Türkmen milli konserwatoriýasynyň bilelikde gurnamagynda “Garaşsyz hem Bitarap tarypy ajap dessan, bedew batly at – myradyň mekany Türkmenistan” atly aýdym-sazly wagyz-nesihat çäresi geçirildi. Çärede häzirki ajaýyp döwrümizde Gahryman Arkadagymyzyň, Arkadagly Gahryman Serdarymyzyň tagallalary netijesinde beýik işler durmuşa geçirilýändigini, gazanylan hem gazanylýan üstünlikler Berkarar döwletiň täze eýýamynyň Galkynyşy döwrüne aýratyn röwşen nuruny çaýyp, agzybir halkymyzyň şu gününe buýsanjyny, ýagty ertirimize ynamyny artdyrýandygy hakynda çykyş etdiler. Şeýle-de halkymyzda “At agynan ýerde toý bolar” diýen pähim bolşy ýaly behişdi bedewler ösüşiň, öňe ymtylyşyň, toý-baýramlaryň buşlugy hasaplanýandygy hem-de ahalteke bedewlerimize goýulýan buýsanç, hormat barada giňişleýin gürrüň berdiler. Çäräniň dowamynda ýerine ýetirilen aýdym-sazlar çäräniň täsirini has-da artdyrdy. Çäräniň ahyrynda Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Astronomiýa dünýäsine syýahat

Kitaphanalar

23.10.2026

Berkarar döwletiň täze eýýamynyň Galkynyşly döwründe Gahryman Arkadagymyzyň, Arkadagly Gahryman Serdarymyzyň saýasynda ýurdumyzyň her bir güni toý baýramlara şanly senelere beslenýär, hem-de taryhy wakalara eýe bolýar. Şeýle çäreleriň biri hem Döwletmämmet Azady adyndaky Arkadag şäher kitaphanasynda, Halkara senagatçylar we telekeçiler uniwersitetiniň ykdysadyýet we dolandyryş fakultetiniň talyp ýaşlary bilen bilelikde kitaphananyň obserwatoriýa otagyna “Astronomiýa dünýäsine syýahat” atly gezelenç geçirildi. Ýurdumyzyň talyp ýaşlary üçin astronomiýa düşünjeleri we maglumatlary öwrenmek hem-de düşündirmek maksady bilen ýurdumyzda ähli mümkinçilikler döredilýär. Muňa mysal edip Arkadag şäherinde we welaýat merkezlerinde gurulyp ulanylmaga berlen kitaphanalaryň asman jisimlerine gözegçilik etmeklige niýetlenen obserwatoriýalarynda dünýäniň kämil teleskoplarynyň oturdylmagy tebigy we takyk ugurlary bilimlere uly üns berilýändiginiň aýdyň mysaly bolup durýar. Şu pursatdan peýdalanyp bize şeýle eşretli zamanany döredip beren Gahryman Arkadagymyza, Arkadagly Gahryman Serdarymyza köp sag bolsun aýdýarys, goý olaryň janlary sag bolsun, ömürleri uzak bolsun, alyp barýan beýik işleri rowaçlyklara beslensin!

Kitap sergisi

Kitaphanalar

23.10.2026

Türkmenistanyň Döwlet medeniýet merkeziniň Döwlet kitaphanasynyň Oba hojalyk edebiýatlary bölümi “Edermen türkmen alabaýy” ady bilen kitap sergisini gurnady. Bu kitap sergisinde Gahryman Arkadagymyzyň hem-de hormatly Prezidentimiz Arkadagly Gahryman Serdarymyzyň nusgalyk eserlerini, mundan başga-da itşynaslyk bilen bagly edebiýatlar hem ýerleşdirildi. Kitap sergisini görmäge gelen okyjylar üçin bu ajaýyp edebiýatlary görmäge, öwrenmäge giň mümkinçilikler döredildi. Şular ýaly ajaýyp bagtyýar durmuşda ýaşadýan türkmen halkymyzyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza janlarynyň sag, ömürleriniň uzak, il-gün bähbitli, ýurt ähmiýetli beýik işleriniň rowaç almagyny tüýs ýürekden arzuw etdiler.

• ←
• 1
• ...
• 7
• 8
• 9
• ...
• 264
• →