HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

Döwletmämmet Azadynyň we Seýid Azim Şirwanynyň döredijiligine bagyşlanan ylmy maslahat

Kitaphanalar

10.06.2026

2026-njy ýylyň 6-njy iýunynda Döwletmämmet Azady adyndaky Arkadag şäher kitaphanasynda Azerbaýjan Respublikasynyň Türkmenistandaky Medeniýet günleri mynasybetli “Türkmen halkynyň nusgawy şahyry we akyldary Döwletmämmet Azadynyň we XIX asyr Azerbaýjan şahyry we akyldary Seýid Azim Şirwanynyň döredijiligine bagyşlanan” ylmy maslahaty geçirildi. Maslahatyň dowamynda Döwletmämmet Azady adyndaky Arkadag şäher kitaphanasynda “Kitaplar-giň dünýäniň gapysy” atly dostluk sergisi gurnaldy. Bu sergide Gahryman Arkadagymyzyň, Arkadagly Gahryman Serdarymyzyň çuň manyly eserleri hem-de Döwletmämmet Azadynyň, akyldar şahyrymyz Magtymguly Pyragynyň, şeýle hem döwürdeşleriniň gymmatly eserleri, Azerbaýjan Respublikasynyň sungatyny, medeniýetini we edebiýatyny tanyşdyrýan neşirleriň hem birnäçesi ýerleşdirildi. Halkara hyzmatdaşlygy we dostluk gatnaşyklaryny pugtalandyrmak maksady bilen, ýurdumyzyň kitaphanalarynda, bilim ojaklarynda, edaralarynda, edebi döredijilik çäreleri ýurdumyzda parahatçylygy, goňşuçylyk gatnaşyklaryny we medeni mirasymyzy wagyz etmäge gönükdirilendir. Berkarar Diýarymyzy beýik ösüşler, ynsanperwer ýörelgeler bilen öňe alyp barýan Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, il-ýurt bähbitli işleri hemişe rowaçlyklara beslensin!

Garaşsyzlyk-türkmeniň mukaddes ýoly

Kitaphanalar

10.06.2026

Lebap welaýat kitaphanasynda “Garaşsyz, baky Bitarap Türkmenistan bedew batly at – myradyň mekany” ýylynda bu medeni ojagyň we Türkmenistanyň Magtymguly adyndaky Ýaşlar guramasynyň Lebap welaýat geňeşiniň bilelikde gurnamaklarynda “Garaşsyzlyk-türkmeniň mukaddes ýoly” ady bilen maslahat geçirildi. Maslahatda çykyş edenler Garaşsyzlyk baýramy özygtyýarly türkmen döwletiniň dörändigini, pederlerimiziň erkinlik, garaşsyz Watan, mähriban topragymyzyň gülläp ösmegi, öz ýurduň hakyky eýesi bolmak, parahatçylyk we asuda durmuş hakynda edilen arzuwlaryň amala aşandygyny, döwürleriň we nesilleriň aýrylmaz arabaglanyşygyny alamatlandyrýandyklary barada gürrüň berdiler. Çäräniň dowamynda gatnaşyjylar giňişleýin kitap sergisine syn etdiler. Bitaraplyk ýörelgesini baýdak edinip, Garaşsyzlyk ýoly bilen ynamly öňe barýan Merdana halkyna işlemäne,ýaşamana ähli mümkinçilikleri döredip berýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza köp sagbolsunlar aýdyp, janlarynyň sag, ömürleriniň uzak, alyp barýan il-ýurt ähmiýetli işleriniň rowaçlyklara beslenmegini arzuw etdiler.

Kitap – ynsan kalbynyň genji-hazynasy

Kitaphanalar

09.06.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Ata Salyh adyndaky kitaphana şahamçasy “Kitap – ynsan kalbynyň genji-hazynasy” ady bilen wagyz-nesihat çäresi geçirildi. Çärede çykyş edenler kitaphana işi ýurdumyzyň bilim, medeniýet we jemgyýetçilik ösüşiniň aýrylmaz bölegi bolup, häzirki wagtda ýurdumyzda kitaphanalaryň we kitaphana işiniň ilerlemeginde, bu ulgamyň hukuk binýadyny döwrebaplaşdyrmak, ilata ýetirilýän hyzmatlary kämilleşdirmek, şol sanda sanly ulgamyň mümkinçiliklerini ornaşdyrmak, halkara hyzmatdaşlygy ösdürmek ýaly işleriň alnyp barylýandygy barada gürrüň berdiler. Şeýle-de kitaphanalar taryhy we medeni gymmatlyklara, häzirki döwürde dürli ugurlarda durmuşa geçirilýän özgertmelere degişli maglumatlary özünde jemleýändigi barada belläp geçdiler. Çäräniň ahyrynda parahat ýurdumyzda okamaga, işlemäge giň mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

Waspyň dillerimizde sena Aşgabat

Kitaphanalar

09.06.2026

Türkmenistanyň B.Amanow adyndaky Döwlet çagalar kitaphanasy ýakynda “Aşgabat” seýilgähinde “Waspyň dillerimizde sena Aşgabat” atly söhbetdeşlik geçirdi. Seýilbaglar, meýdançalar we seýilgähler türkmen paýtagtynyň özboluşly keşbini emele getirýär. Oňa ýaşyl öwüşgün berýär we açyk landşaftlary janlandyrýar. Şeýle ýaşyl infrastruktranyň bolmagy türkmen paýtagtyndaky haýsy seýilgähe baranyňda hem aýdyň görünýär. Şäherde mekdepleriň we mekdebe çenli çagalar edaralarynyň, ýokary amatlyklary bolan ýaşaşyş jaýlarynyň sport hem-de durmuş ähmiýetli beýleki desgalaryň gurluşygy işjeň dowam edýär. Paýtagtymyzyň häzirkizaman keşbiniň kemala gelmeginde ýerleriň abadançylygyna we bag ekilişine aýratyn üns berilýär. Ine söhbetdeşligiň dowamynda şular dogrusynda giňişleýin gürrüňler edildi. Söhbetdeşligiň ahyrynda gözel paýtagtymyzy ylalaşdyryjy merkez hökmünde at-abraýyny has-da artdyrýan Gahryman Arkadagymyza, Arkadagly Gahryman Serdarymyza alkyşlar beýan edildi.

Milli mirasymyzda Magtymguly Pyragynyň waspy

Kitaphanalar

09.06.2026

Berkarar döwletiň täze eýýamynyň Galkynyşy döwründe, 2026-njy ýyl “Garaşsyz, baky Bitarap Türkmenistan - bedew batly at-myradyň mekany” diýip atlandyrylan ýylymyzda Türkmenistanyň Döwlet medeniýet merkeziniň Döwlet kitaphanasynyň Seýrek neşirler bölüminiň okalga zalynda bölümiň işgärleriniň gatnaşmaklarynda “Milli mirasymyzda Magtymguly Pyragynyň waspy”- atly kitap sergisi gurnaldy. Sergimizde Gahryman Arkadagymyzyň, Arkadagly Gahryman Serdarymyzyň hem-de Gündogaryň beýik akyldary we nusgawy şahyry Magtymguly Pyragynyň ömri-döredijiligine bagyşlanan kitaplara uly orun berildi. Hormatly Prezidentimiziň jöwher paýhasyndan syzylyp çykan “Magtymguly–dünýäniň akyldary” atly kitabynda Magtymguly Pyraga uly baha berilýär: “Magtymguly bir ummandyr, düýbüne çümmeseň, onuň dürlerini çöpläp bilmersiň. Magtymguly bir asmandyr, ýyldyz bolup beýgelmeseň, onuň belentligine göz ýetirip bilmersiň” diýip, parasatlylyk bilen belläp geçýär. Bu sergi akyldar şahyrymyz Magtymguly Pyragynyň döredijiligini giňden açyp görkezmekde hem ähmiýetlidir. Dünýä edebiýatynda öçmejek yz goýan beýik şahsyýetlerimize uly sarpa goýýan, türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýüregimizden arzuw edýäris.

Akyldar şahyrlar Magtymguly Pyragynyň hem-de Molla Panah Wagifiň döredijiligine bagyşlanan ylmy maslahat

Kitaphanalar

08.06.2026

Berkarar döwletiň täze eýýamynyň Galkynyşy döwründe Gahryman Arkadagymyzyň hem-de Arkadagly Gahryman Serdarymyzyň taýsyz tagallalary netijesinde, goňşy Azerbaýjan Respublikasy bilen dost-doganlyk gatnaşyklary täze derejä çykarylýar. Ýurdumyzda geçirilen Azerbaýjan Respublikasynyň Türkmenistandaky Medeniýet günleriniň çäklerinde, Türkmenistanyň Döwlet medeniýet merkeziniň Döwlet kitaphanasynda Azerbaýjan Respublikasynyň Türkmenistandaky Adatdan daşary we Doly ygtyýarly ilçisi tarapyndan 150 sany sowgatlyk kitaplaryň gowşurylyş dabarasy boldy. Azerbaýjan döwletiniň taryhyny, medeniýetini we sungatyny açyp görkezýän kitaplar, şeýle hem ýazyjy-şahyrlarynyň eserleri, kitaphana gaznasyny has-da baýlaşdyrar we iki döwletiň ruhy baýlygyny, medeni mirasyny içgin öwrenmeklige, ony halk köpçüligine giňden ýetirmeklige uly mümkinçilikleri döreder. Kitap gowşurylyş dabarasyndan soňra geçirilen “Türkmen halkynyň nusgawy şahyry we akyldary Magtymguly Pyragynyň hem-de Azerbaýjan şahyry we akyldary Molla Panah Wagifiň” döredijiligine bagyşlanan ylmy maslahata Azerbaýjan döwletinden gelen ýazyjylaryň, medeniýet we sungat işgärleriniň hem-de ýurdumyzyň görnükli alymlarynyň, ýazyjy-şahyrlarynyň, kitaphanaçylaryň gatnaşmaklary iki halkyň edebiýatyny, görnükli şahyrlaryny çuňňur öwrenmeklige uly itergi berdi. Maslahatda türkmen halkynyň şahyry Magtymguly Pyragynyň we Azerbaýjan şahyry Molla Panah Wagifiň ömri döredijiligi hakynda ikitaraplaýyn giňişleýin söhbet edildi. Şahyrlaryň goşgularyndan labyzly okap berdiler. Maslahatyň ahyrynda oňa gatnaşyjylar dost-doganlyk köprüsini berkitmekde, dostlukly ýurtlaryň arasyndaky gatnaşyklary mundan beýläk-de pugtalandyrmakda alyp barýan beýik işleri üçin, türkmen halkynyň Milli Lideri Gahryman Arkadagymyzyň, Hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak bolmagyny, döwletli işleriniň rowaçlyklara beslenmegini arzuw etdiler.

Ylym paýhas çyragy

Kitaphanalar

08.06.2026

Türkmenistanyň B.Amanow adyndaky Döwlet çagalar kitaphanasy ýakynda her ýyl ýurdumyzda bellenilýän 12-nji iýun Ylymlar güni mynasybetli “Ylym paýhas çyragy” atly söhbetdeşligi geçirdi. Islendik döwletiň ösüşi we kuwwaty onuň medeni-ykdysady ösüşi, oýlap tapyjylygyň, ylmyň ösmegi bilen kesgitlenilýär. Kitaphanalar medeniýet ojagy bolmak bilen çäklenmän, olar ylmy-habar beriş merkezi, ýagny halkyň diňe bir ruhy, medeni we taryhy mirasyny däl, eýsem bütindünýä ylmyna degişli edebiýatlary toplamakda, saklamakda we olary okyjylara ýetirmekde uly işleri alyp barýar. Türkmenistanda ylym we kitaphana ulgamy bütewi elektron ulgama geçip, maddy-enjamlaýyn binýady pugtalandyrylýan gymmatly bilim hazynasy hökmünde ösdürilýär. Bu ugurda döwlet maksatnamalary kabul edilýär we işjeň ornaşdyrylýar. Ine şular dogrusynda giňişleýin gürrüňler edildi. Söhbetdeşligiň ahyrynda oňa gatnaşanlar ylmyň, innowasiýalaryň soňky gazananlary esasynda kitaphanalaryň işiniň döwrebap ösmegine uly üns berýän Gahryman Arkadagymyza, Arkadagly Gahryman Serdarymyza alkyşlary beýan etdiler.

Tebigat biziň öýümiz

Kitaphanalar

06.06.2026

Türkmenistanyň B.Amanow adyndaky Döwlet çagalar kitaphanasy ýakynda Gökderäniň “Demirýolçy” çagalar sagaldyş merkezinde, tomusky dynç alyş möwsümini sapaly geçirýän ýaş nesilleriň arasynda “Tebigat biziň öýümiz” atly söhbetdeşlik duşuşygyny geçirdi. Türkmenistanyň tebigaty – baý we özboluşly. Häzirki wagtda ýurduň çäginde biodürlüligiň, esasan hem, Türkmenistanyň Gyzyl kitabyna girizilen ösümlikleriň we haýwanlaryň seýrek duş gelýän görnüşleriniň sanyny dikeltmek boýunça işleri amala aşyrýan döwlet tebigy goraghanalary bar. Türkmenistan döwleti BMG-niň daşky gurşawy goramak, ekologiýa meseleleri boýunça dünýä möçberindäki kepilnamalary bolup durýan tebigaty goramak baradaky konwensiýalara ilkinjileriň biri bolup goşuldy. Ine, şular dogrusynda kitaphana hünärmenleri körpeje kitapsöýüjilere täsirli gürrüňleri berdiler. Duşuşygyň ahyrynda salkyn saýaly jülgelerde dynç alyşyny sapaly geçirýän ýaş nesiller Gahryman Arkadagymyza hem-de Arkadagly Gahryman Serdarymyza alkyşlary edýän etdiler.

Sagdyn durmuş – ynsan bezegidir

Kitaphanalar

05.06.2026

Parahat ýurdumyzda her ýylyň 3-nji iýunynda Bütindünýä welosiped güni mynasybetli baýramçylyk çäreleri, köpçülikleýin sport çäreleri, söhbetdeşlikler giňden gurnalýar. Türkmenistanyň Döwlet medeniýet merkeziniň Döwlet kitaphanasynyň Medeni köpçülik işleri bölümi hem “Bütindünýä welosiped güni” mynasybetli “Sagdyn durmuş–ynsan bezegidir” ady bilen söhbetdeşlik geçirdi. Söhbetdeşlikde çykyş edenler Berkarar döwletiň täze eýýamynyň Galkynyşy döwründe ýurdumyzyň ähli ulgamlary bilen bir hatarda, saglygy goraýyş ulgamynda hem ägirt uly işleriň üstünlikli durmuşa geçirilýänligi, ýurdumyzda sagdyn durmuş ýörelgesini ösdürmek, köpçülikleýin sporty we bedenterbiýäni has-da rowaçlandyrmak boýunça asylly işler durmuşa geçirilýändigi hakynda nygtadylar. Hormatly Prezidentimiziň tagallasy bilen ýurdumyzda sporty, köpçülikleýin bedenterbiýe- sagaldyş hereketini ösdürmek, sagdyn bedenli ýaş nesilleri taýýarlamak bilen baglanşykly işler amala aşyrylýar diýip, çykyş edenler uly buýsanç bilen söhbet etdiler. Söhbetdeşligiň ahyrynda çykyş edenler türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýürekden arzuw etdiler.

Ekologiýa abadançylygy – sagdyn durmuşyň kepili

Kitaphanalar

05.06.2026

Türkmenistanyň B.Amanow adyndaky Döwlet çagalar kitaphanasy ýakynda 5-nji iýun Daşky gurşawy goramagyň bütindünýä gününe bagyşlap “Atamyrat” seýilgähinde “Ekologiýa abadançylygy – sagdyn durmuşyň kepili” atly söhbetdeşlik geçirdi. Söhbetdeşligiň dowamynda kitaphana hünärmenleri ýurdumyzda daşky gurşawy goramak, ekologik abadançylygyny üpjün etmek bilen bagly wezipeler döwlet syýasatynyň ileri tutulýan ugurlarynyň biridigi barada we bu şanly sene mynasybetli ýurdumyzyň ähli künjeklerinde ylmy-amaly maslahatlar we ilatyň arasynda wagyz-nesihat çäreleriniň geçirilýändigini uly buýsanç bilen bellediler. Ýurdumyzda ekologiýa gününiň giňden bellenilmegi daşky gurşawy goramak meselesine uly üns berilýändigine şaýatlyk edýändigini hem-de halkymyzda, aýratyn-da ösüp gelýän ýaş nesillerde gözel tebigatymyza bolan söýgüni artdyrmakda ähmiýeti barada hem täsirli gürrüňler edildi. Söhbetdeşligiň ahyrynda oňa gatnaşanlar ýurdumyzda daşky gurşawy goramak, Watanymyzy bossanlyga öwürmek, onuň ösümlik, haýwanat dünýäsini has-da baýlaşdyrmak hem-de tebigatymyzy aýawly saklamak boýunça ägirt uly işleri durmuşa geçirýän Gahryman Arkadagymyza, Arkadagly Gahryman Serdarymyza alkyşlary beýan etdiler.

• ←
• 1
• ...
• 9
• 10
• 11
• ...
• 123
• →