HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

TÜRKMENISTANYŇ ZENANLAR BIRLEŞIGINIŇ MERKEZI GEŇEŞINIŇ ÝYLYŇ–ÝYLYNDA GEÇIRÝÄN «ÝYLYŇ ZENANY» BÄSLEŞIGINIŇ AŞGABAT ŞÄHER TAPGYRY GEÇIRILDI

Kitaphanalar

03.02.2026

Golaýda Türkmenistanyň Zenanlar birleşiginiň Merkezi geňeşi tarapyndan ýylyň–ýylynda geçirilýän “Ýylyň zenany” bäsleşiginiň Aşgabat şäher tapgyry geçirildi. Bäsleşige dürli pudaklarda üstünlikli zähmet çekýän zenanlar gatnaşdylar. Şol sanda Türkmenistanyň Döwlet medeniýet merkeziniň Döwlet kitaphanasyndan hem öz işinde ussat kitaphanaçy zenanymyz gatnaşyp, Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň eserlerinden ruhlanyp, alyp barýan işleri dogrusynda giňişleýin çykyş etdi we baýrakly orunlara mynasyp boldy. Bäsleşigiň ahyrynda oňa gatnaşanlar döredijilikli işlemäge,okap bilim almana döredip berýän giň mümkinçilikleri üçin türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

GADAMY BATLY BEDEW

Kitaphanalar

03.02.2026

Türkmenistanyň Döwlet medeniýet merkeziniň Döwlet kitaphanasynda “Altyn asyr” teleýaýlymy, Döwletmämmet Azady adyndaky Türkmen milli dünýä diller institutynyň talyplary we mugallymlary bilen bilelikde “Gadamy batly bedew” ady bilen söhbetdeşlik geçirildi. Söhbetdeşlikde çykyş edenler: Türkmen halkymyzyň milli buýsanjy hem şöhraty hasaplanylýan türkmen bedewiniň ajaýyp gözelligi ,onuň ynsanyňky ýaly duýgurlygy barada söhbet etmek bilen Gahryman Arkadagymyzyň türkmen bedewleri hakynda ýazan gymmatly kitaplary barada giňişleýin durup geçdiler. Gahryman Arkadagymyzyň “Gadamy batly bedew” atly ajaýyp kitaby maglumatlara baýlygy, wakalaryň düýpli hem-de düşnükli beýan edilmegi bilen tapawutlanýar diýip uly buýsanç bilen belläp geçdiler. Söhbetdeşligiň ahyrynda çykyş edenler ajaýyp döwrümiziň bezegine öwrülen behişdi bedewlerimiz baradaky aladany dünýä derejesine çykaran, türkmen halkynyň ykbalyny galkyndyryp, bagtyýarlyk döwrüniň bagtyna guwanyp, eşretli durmuşda ýaşaýan halkymyza döwletli-döwrany peşgeş beren Gahryman Arkadagymyza we hormatly Prezidentimiz Arkadagly Gahryman Serdarymyzyň jany sag, ömri uzak, belent başy aman bolsun, il-ýurt bähbitli alyp barýan döwletli işleri elmydama rowaçlyklara beslensin!

«GÜNDOGARYŇ BEÝIK ŞAHYRY» ATLY ALYŞIR NOWAÝYNYŇ DOGLAN GÜNÜNIŇ 585 ÝYLLYGYNA BAGYŞLAP, SÖHBETDEŞLIK DUŞUŞYGY

Kitaphanalar

03.02.2026

Türkmenistanyň Bazar Amanow adyndaky Döwlet çagalar kitaphanasy ýakynda Aşgabat şäheriniň 4-nji sungat mekdebiniň körpe okyjylarynyň arasynda “Aşgabat” teleýaýlymynyň “Bagtyýar çagalyk” gepleşiginiň ýazgy etmeginde Alyşir Nowaýynyň doglan gününiň 585 ýyllygyna bagyşlap, “Gündogaryň beýik şahyry” atly söhbetdeşlik duşuşygyny geçirdi. Kitaphana hünärmeni ýaş nesillere Gündogar edebiýatynyň beýik söz ussady hasaplanylýan Alyşir Nowaýyny türkmen halkynda öz zamanasynyň uly döwlet işgäri, ökde dilçi, meşhur suratkeş, ylma, medeniýete hormat goýýan şahsyýet hökmünde giňden tanalýandygy hakynda ýaş nesillere täsirli gürrüňleri berdi. Çünki Nowaýy Merwde ýaşan döwründe özüniň ajaýyp edebi döredijiligi bilen türkmen nusgawy edebiýatynyň görnükli wekillerine oňaýly täsirini ýetiripdir. Şonuň ýaly-da onuň dürdäne şygyrlaryny türkmen bagşy-sazandalary aýdym edip aýdýarlar. Türkmen dutarynda “Nowaýy perdesi” diýen saz perdesi bar. Şeýle hem “Nowaýy” deýen halk saz halk arasynda meşhurdyr. Ine şular dogrusynda kitaphana hünärmeniniň beren gürrüňleri aýdym-saz ugrunda bilim alýan ýaş nesiller gyzyklanma bilen diňlediler. Alyşir Nowaýynyň bize miras galdyran “Perhat we Şirin” poemasy, “Gülpam” dessany hakynda hem söhbet edildi. Duşuşygyň ahyrynda oňa gatnaşanlar edebiýatymyza, sungatymyza goşant goşan şahsyýetleri sarpalaýan türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyşlary beýan etdiler.

AK ÝOLLAR UZAÝAR GELJEGE BAKAN, ÖŇE, DIŇE ÖŇE, JAN TÜRKMENISTAN!

Kitaphanalar

02.02.2026

“Garaşsyz, baky Bitarap Türkmenistan–bedew batly at-myradyň mekany” ýylynda Lebap welaýat kitaphanasynda welaýat medeniýet müdirliginiň we bu medeni ojaklaryň bilelikde gurnamaklarynda “Ak ýollar uzaýar geljege bakan, Öňe, diňe öňe, jan Türkmenistan!” atly tegelek stoluň başynda söhbetdeşlik geçirildi. Bu çärä Türkmenistanyň Mejlisiniň deputatlarynyň, welaýatymyzyň tanymal medeniýet we sungat işgärleri, talyp ýaşlar gatnaşdylar. Çykyşlarda bedew batly okgunly ösüşleri bilen tanalýan Garaşsyz, baky Bitarap Diýarymyzda her ýylyň döwrebap atlandyrylmagy indi asylly däbe, özboluşly ýörelgä öwrülendigi. Türkmen halkynyň Milli Lideri Gahryman Arkadagymyzyň başlangyçlaryndan gözbaş alýan bu ýörelge ýurdumyzyň ösüşinde esasy ugurlary pugtalandyrmak bilen birlikde, halkymyzyň şöhratly taryhynda gazanan milli gymmatlyklaryna bolan egsilmez buýsanjy aýdyň şöhlelendirýändigi. 2026-njy ýylyň “Garaşsyz baky Bitarap Türkmenistan- bedew batly at-myradyň mekany” diýip atlandyrylmagy munuň nobatdaky subutnamasyna öwrülendigi. Şeýle çuň mazmunly şygar bilen dabaralanýan ýylda halkymyz şanly Garaşsyzlygymyzyň 35-ýyllyk taryhy senesini giňden toýlajakdygy. Çünki Garaşsyzlyk Watanymyzyň sarsmaz binýadydyr, abadan bagtyýar durmuşymyzyň mizemez esasydyr. Halkymyz üçin döretmäge, gurmaga güýç-kuwwat berip, beýik maksatlara ruhlandyrýan mukaddes düşünjedigi. Halkymyzyň umumyadamzat medeni ösüşine goşan mynasyp goşandy bolan bedew bolsa, Gahryman Arkadagymyzyň “Atda wepa-da bar, sapa-da” atly kitabynda nygtaýşy ýaly, ösüşlere ýetmegiň nusgasy, bizi beýik üstünliklere telwaslandyrýan uly güýçdigi barada gürrüňler edildi. Bu çykyşlar gatnaşyjylarda uly täsir galdyrdy. Garaşsyzlygy baýdak edinip ynamly öňe barýan halkymyza ýaşamana, işlemäne ähli mümkinçilikleri döredip berýän Türkmen Halkynyň Milli Lideri Gahryman Arkadagymyza, Hormatly prezidentimiz Arkadagly Gahryman Serdarymyza köp sagbolsyn aýdyp, olaryň janlarynyň sag, ömürleriniň uzak, belent başlarynyň aman bolmagyny arzuw etdiler.

«ÇAGALARYŇ GÜLKÜSI GURŞAP ÇARÝANY–ÝURDUM BEDEW BATLY AT-MYRADYŇ MEKANY» ATLY SÖHBETDEŞLIK

Kitaphanalar

30.01.2026

Türkmenistanyň Bazar Amanow adyndaky döwlet çagalar kitaphanasynyň agzybir hünärmenleri paýtagtymyzyň 76-njy orta mekdebinde bilim alýan okuwçylar bilen 2026-njy ýylyň “Garaşsyz, baky Bitarap Türkmenistan – bedew batly at-myradyň mekany” diýen şygar bilen atlandyrylmagy mynasybetli “Çagalaryň gülküsi gurşap çarýany–ata ýurdum bedew batly at-myradyň mekany” atly söhbetdeşlik geçirdi. Söhbetdeşligiň dowamynda ýylymyzyň şygary, türkmen bedewleriniň ýyndamlygy, wepadarlygy barada gyzykly gürrüňler edildi. Zehinlije okuwçylar bedew batly at-myradyň mekany bolan eziz ýurdumyzy wasp edýän goşgudyr, aýdymlary aýdyp berdiler, owadan suratlary çekdiler. Kitaphanamyz tarapyndan gurnalan göçme kitap sergisi okuwçylarda aýratyn täsir galdyrdy. Söhbetdeşligiň ahyrynda bedew batly at-myradyň mekany bolan güneşli diýarymyzy çagalaryň iň arzyly isleg-arzuwlarynyň hasyl bolýan mekanyna öwren Gahryman Arkadagymyza, Arkadagly Gahryman Serdarymyza alkyş sözleri beýan edildi.

KITAPHANAÇYLAR BILEN GEÇIRILEN MASLAHAT

Kitaphanalar

29.01.2026

Türkmenistanyň Bazar Amanow adyndaky döwlet çagalar kitaphanasy “Garaşsyz, baky Bitarap Türkmenistan–bedew batly at-myradyň mekany” diýip atlandyrylan ýylymyzda bellenilen meýilnama esasynda Aşgabat şäher Baş bilim müdirligi bilen bilelikde Hormatly Prezidentimiziň Türkmenistanyň kitaphana ulgamyny ösdürmegiň 2025-2029-njy ýyllar üçin Döwlet Maksatnamasyny tassyklamak hakyndaky Karara gol çekmegi netijesinde ýurdumyzyň kitaphana ulgamyny mundan beýläk hem ösdürmek babatda durmuşa geçirilýän işler we öňde goýulýan meýilnamalar we maksatnamalar esasynda maslahat etdiler. Maslahata Aşgabat şäher Baş bilim müdirliginiň kitaphana işi boýunça usulçysy Çalyýewa Jumagül, paýtagtymyzda ýerleşýän mekdepleriň kitaphanaçylary hem-de Türkmen döwlet medeniýet we sungat mekdebiniň “Çagalar okaýşyna ýolbaşçylyk etmek” hünäriniň talyplary gatnaşdy. Maslahatyň Döwlet Maksatnamasynda beýan edilen: Çagalara hyzmat edýän kitaphanalaryň işini kämilleşdirmek, çagalaryň we mekdep okuwçylarynyň okamaga bolan höwesini elektron tehnologiýanyň mümkinçilikleri bilen utgaşdyrmak; ýaşlaryň kitaba bolan höwesini artdyrmak, olary ylmy-döredijilik, terjimeçilik işlerine köpçülikleýin we işjeň çekmek baradaky amala aşyrylýan wezipeler, ýurdumyzyň mekdep okuwçylary, çagalar we çagalar okaýşyna ýolbaşçylyk edýän hünärmenler üçin hyzmat edýän kitaphanalaryň işini kämilleşdirmek, çagalaryň we mekdep okuwçylarynyň okamaga bolan höwesini artdyrmak işlerini ýokarlandyrmak; hakyndaky bölümleri boýunça alnyp barylýan we geljekde ýerine ýetiriljek işler barada netijeli maslahat etdiler. Kitaphanaçylaryň arasynda geçirilen maslahatyň ahyrynda kitaba, kitaphana ulgamyna aýratyn hormat-sarpa goýýan, ýaş nesilleriň kitaba bolan söýgüsini has-da artdyrmak boýunça uly işleri durmuşa geçirýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

BIR OJAGA JEM BOLUP

Kitaphanalar

28.01.2026

Garabekewül etrap medeniýet merkezinde “Garaşsyz, baky Bitarap Türkmenistan–bedew batly at-myradyň mekany” ýylyna bagyşlanyp etrap merkezi kitaphanasynyň gurnamagynda “Bir ojaga jem bolup” ady bilen duşuşyk geçirildi. Etrabymyzyň tanymal şahyr zenany Ogulbeg Jumaýewanyň, kümüş saçly enelerimiziň, dürli pudakda zähmet çekýän gelin gyzlarymyzyň gatnaşmagynda geçirilen duşuşykda Gahryman Arkadagymyzyň, Hormatly Prezidentimiz Arkadagly Gahryman Serdarymyzyň ýiti zehinlerinden syzylyp çykan eserli ýaş nesli Watançylyk ruhynda terbiýelemekde uly gollanma bolup durýar diýip buýsanç bilen bellediler. Kitaphana hünärmenleri tarapyndan “Älem syry kitap bilen açylýar” atly guralan kitap sergisi bolsa, gatnaşyjylarda uly täsir galdyrdy.

ÖNÜMÇILIK IŞ TEJRIBELERI KÄMILLEŞDIRILÝÄR

Kitaphanalar

28.01.2026

Türkmenistanyň Bazar Amanow adyndaky Döwlet çagalar kitaphanasynda Türkmen Döwlet medeniýet we sungat mekdebiniň “Çagalar okaýyşyny guramak” hünäriniň talyplary hünär tejribeliligini geçdiler. Kitaphana hünärmeni talyp ýaşlara kitaphananyň sorag-jogap bibliografiki serişdesi bolan pudaklaýyn katalog we ondan okyjylara peýdalanmaklygyň düzgünleri hakynda maglumatlary berdi. Şeýle-de kitaphanamyzyň hazynasyna gelip gowuşýan her bir kitaba degişli katalogyň ýazylyşy we pudaga bölüniş aýratynlygy boýunça ýerbe-ýer goýulyş usullary barada berilen gürrüňleri gyzyklanma bilen diňlediler. Kitaphana we kitap işini döwrebap kämilleşdirmeklikde Döwlet maksatnamalaryny durmuşa geçirýän Gahryman Arkadagymyza hem-de Arkadagly Gahryman Serdarymyza alkyşlar beýan edildi.

KITAPHANALAR PÄHIM-PAÝHASYŇ ÇEŞMESIDIR

Kitaphanalar

27.01.2026

Döwletmämmet Azady adyndaky Arkadag şäher kitaphanasynda «Kitaphanalar pähim-paýhasyň çeşmesidir» atly gürrüňdeşlik geçirildi. Gürrüňdeşlikde Kitaphana işi jemgyýetiň bilim derejesini ýokarlandyrmakda, şahsyýetiň kämilleşmeginde möhüm ähmiýete eýedir. Kitaphana işiniň döwrebap maksatlary bolup, kitaphanalar diňe bir kitaplary okyjylara ýetirmek bilen çäklenmän, eýsem, kämil maglumatlaryň dürli görnüşlerini özünde jemleýär. Elektron kitaphanalar we maglumat gorlary nesiller üçin bilim almagyň möhüm çeşmesidir. Kitaphanalar diňe bir bilim merkezi bolman, eýsem, medeni-mirasy özünde jemleýär. Döwrebap kitaphanalar, okamak medeniýetini ösdürmekde möhüm orun eýeleýänligi barada kitaphana gelen talyp ýaşlaryň arasynda giňişleýin gürrüňdeşlik geçirildi. Gürrüňdeşligiň ahyrynda ýurdumyzda kitaphana ulgamynyň işini kämilleşdirýän Gahryman Arkadagymyza, Arkadagly Gahryman Serdarymyza hoşallyk sözleri aýdyldy.

BEDEW BATLY AT-MYRADYŇ MEKANYDYR WATANYM

Kitaphanalar

27.01.2026

«Garaşsyz, baky Bitarap Türkmenistan – bedew batly at-myradyň mekany» ýylynda Türkmenabat şäher merkezi kitaphanasynyň «Syýasy-jemgyýetçilik edebiýatlar bölümi» Türkmenabat şäherindäki 5-nji orta mekdebiniň okuwçylarynyň gatnaşmagynda «Bedew batly at-myradyň mekanydyr Watanym» atly gürrüň geçirdi. Bu ýerde ýaş nesle Gahryman Arkadagymyzyň we Arkadagly Gahryman Serdarymyzyň ajaýyp kitaplarynyň üsti bilen türkmen halkynyň asyrlar aşyp gelýän milli aýratynlyklary bolan hoşniýetlilik, watansöýüjilik, ynsanperwerlik, gaýduwsyzlyk, edermenlik ýaly häsiýetleriň üstünde durulyp geçildi.

• ←
• 1
• 2
• 3
• 4
• ...
• 142
• →