HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

MEDENIÝET MILLETIŇ MERTEBESI

Kitaphanalar

25.06.2025

Döwletmämmet Azady adyndaky Arkadag şäher kitaphanasynda Arkadag şäherimiziň dürli pudaklarynda zähmet çekýän agzybir işgärleriniň gelmeginde «Medeniýet milletiň mertebesi» atly gezelenç geçirildi. Berkarar döwletiň täze eýýamynyň Galkynyşy döwründe halkymyzyň her bir güni ýatdan çykmajak taryhy wakalara beslenip, toýlarymyz toýlara, baýramlarymyz baýramlara ulaşýar. Halkymyzyň döredijilik ruhunyň beýany bolup, jemgyýetçilik durmuşymyza özboluşly öwüşgin çaýýan baýramlarymyzyň biri hem Medeniýet we sungat işgärleriniň günüdir. Milli medeniýetde halkyň ýol-ýörelgesi, ruhy dünýäsi, şöhratly taryhy, milli gymmatlyklary özboluşly şöhlelenýär. Medeniýetiň ösdürilmegi sungatyň ähli ugurlaryny kämilleşdirmäge, edebiýaty döwrebap eserler bilen baýlaşdyrmaga ýardam berýär. Häzirki wagtda ýurdumyzda medeniýet ulgamynda gazanylýan üstünlikleri dünýä ýaýmak, bu ugurda alnyp barylýan işleri has-da kämilleşdirmek maksady bilen, ýokary derejeli medeni çäreler geçirilýär. Ähli türkmen halkymyzy Türkmenistanyň medeniýet we sungat işgärleriniň güni bilen tüýs ýürekden gutlaýarys. Milli medeniýetimizi wagyz etmekde, dünýä ýaýmakda giň mümkinçilikleri döredip berýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlary sag ömürleri uzak bolsun.

ARKADAG ÝYLDYZY BAGTYŇ ÝYLDYZY

Kitaphanalar

25.06.2025

Döwletmämmet Azady adyndaky Arkadag şäher kitaphanamyzyň sanly tehnologiýalar we maglumat howpsuzlygy bölüminiň işgärleri bilen Magtymguly adyndaky Türkmen Döwlet Uniwersitetiniň fizika fakultetiniň mugallymlarynyň hem-de Arkadag teleýaýlymy bilen bilelikde guramagynda «Arkadag ýyldyzy bagtyň ýyldyzy» atly tegelek stoluň başynda gürrüňdeşlik geçirildi. Asman jisimlerini öwrenýän «Kosmos-Ýer» jemgyýetiniň alymlarynyň Arkadag şäheriniň açylmagynyň bir ýyllygy mynasybetli hem-de bu şähere bolan buýsanjyň we guwanjyň nyşany hökmünde asman giňişligindäki ýyldyzlaryň birine «Arkadag» diýip at goýandyklary baradaky hoş habar her bir Türkmenistanlyny ganatlandyrdy. Bu baradaky güwänamanyň, teleskopdyr onuň düşüren suratlarynyň Magtymguly adyndaky Türkmen Döwlet Uniwersitetine gowşurylmagy ähli halkymyz, esasan-da ylymdan ganatly ýaşlarymyz üçin ýatdan çykmajak şatlykly wakalaryň biri bolandygy barada gürrüňler edildi. Söhbetdeşlikde şular dogrusynda täsirli gürrüňler edildi we oňa gatnaşyjylar, kitaphana işini kämilleşdirmekde uly tagallalar edýän, Gahryman Arkadagymyza, Arkadagly Gahryman Serdarymyza jan saglyk, uzak ömür, tutýan tutumly işleriniň rowaç bolmagyny arzuw etdiler.

ÝAŞLAR WATANYŇ GELJEGI

Kitaphanalar

25.06.2025

Türkmenabat şäher merkezi kitaphanasy «Halkara parahatçylyk we ynanyşmak» ýylynda Türkmenabat şäherinde ýerleşýän «Bagtyýarlyk çagalar sagaldyş we dynç alyş merkezinde» «Ýaşlar Watanyň geljegi» atly bäsleşik we çeper okaýyş geçirdi. Ýörite çagalar üçin taýýarlanan gürrüňler bilen, kitaphana işgärleri gyzykly goşgy, erteki aýtmakda iki toparyň arasynda bäsleşik geçirip, ýeňijilere höweslendiriji baýraklar gowşurdylar. Bu ýerde çagalar özüni gyzyklandyrýan halk ertekileri okap olaryň gahrymanlary hakynda pikir alyşdylar.

BAGTYÝAR BALALAR WATAN BUÝSANJY

Kitaphanalar

25.06.2025

Türkmenabat şäheriniň «Bagtyýarlyk» çagalar sagaldyş we dynç alyş merkezinde dynç alýan çagalar Lebap welaýat kitaphanasynda gezelençde boldylar. Ýaş nesillerde kitaba bolan söýgüni döretmek maksady bilen kitaphananyň hünärmenleri ýörite kitap sergilerini guradylar. Kitaphana işgärleri döwrebap tekjelerde ýerleşdirilen halk ertekileriň gahrymanlary barada giňişleýin gürrüňleri berdiler. Körpeler gezelenjiň dowamynda türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň ýiti zehininden syzylyp çykan eserleriniň sergisine syn etdiler.

PARAHATÇYLYK - SUNGAT BILEN GÜL AÇÝAR

Kitaphanalar

25.06.2025

Türkmenistanyň B.Amanow adyndaky Döwlet çagalar kitaphanasy ýakynda ýaşajyk okyjylarynyň gatnaşmagynda Medeniýet we sungat işgärleriniň hem-de Magtymguly Pyragynyň şygryýet güni bilen utgaşykly geçirilýän Medeniýet hepdeligine bagyşlap paýtagtymyzdaky «Ertekiler dünýäsi» dynç alyş seýilgähinde,«Aşgabat» teleýaýlymynyň ýazgy etmeginde «Parahatlyk - sungat bilen gül açýar» atly duşuşyk geçirdi Gahryman Arkadagymyzyň köp ugurlaýyn pikir ýöretmeleriniň, çuňňur ylmy seljermeleri esasyny özünde jemleýän «Türkmen medeniýeti», «Medeniýet halkyň kalbydyr», «Janly rowaýat», «Arşyň nepisligi»,«Parahatçylyk sazy dostluk doganlyk sazy» hormatly Prezidentimiziň «Änew müňýyllyklardan gözbaş alýan medeniýet» atly gymmatly eserlerinde milli medeniýetimiz barada beýan edilýän wakalar barada täsirli söhbetler edildi. Milli medeniýetimiziň we sungatymyzyň ösdürilmegi, kämilleşdirilmegi, halkara abraýynyň artmagy babatynda durmuşa geçirilýän beýik işler hakyndaky gürrüňler ýaş nesillerimizde uly täsir galdyrdy. Göçme kitap sergimiz hem okyjylarda uly gyzyklanma döretdi. Duşuşygyň ahyrynda ona gatnaşanlar medeniýeti halkyň kalbyna deňeýän Gahryman Arkadagymyza we hormatly Prezidentimize alkyşlary beýan etdiler!

MEDENIÝET WE SUNGAT - KALBYÑ JOSGUNY

Kitaphanalar

25.06.2025

Türkmenistanyň B.Amanow adyndaky döwlet çagalar kitaphanasynyň agzybir hünärmenleri «Güneş» žurnalynyň hem-de «Nesil» gazetiniň redaksiýasynyň işgärleri bilen bilelikde «Altyn damja» çagalar sagaldyş we dynç alyş merkezinde «Medeniýet we sungat - kalbyñ josguny» atly söhbetdeşlik hem-de göçme kitap sergisini gurnady. Sergide Gahryman Arkadagymyzyň, Arkadagly Gahryman Serdarymyzyň ajaýyp eserleri hem- de çeper eserleri, türkmen halk ertekileri ýerleşdirildi. Sergi bu merkezde dynç alyş möwsümini gyzykly hem şadyýan geçirýän çagalarda aýratyn täsir galdyrdy. Kitap söýüji çagajyklar ertekileri uly höwes bilen okadylar. Göçme sergä gatnaşanlar güneşli ülkämizi çagalaryň iň arzyly islegleriniň hasyl bolýan mekanyna öwren Gahryman Arkadagymyza, Arkadagly Gahryman Serdarymyza çaga kalplaryndan syzylyp çykýan alkyş sözlerini beýan etdiler.

ERTEKILER DÜNÝÄSINE SYÝAHAT

Kitaphanalar

25.06.2025

2025-nji ýylyň iýun aýynyň 25-ne «Arkadagyň bagtyýar nesilleri» çagalar sagaldyş we dynç alyş merkezinde, Mary welaýat kitaphanasynyň kitaphanaçylary «Ertekiler dünýäsine syýahat» atly çäre gurnaldy. Çärämize dynç alyş merkezindäki bagtyýar çagalar gatnaşyp öz wagtlaryny hoş geçirdiler. Gahryman Arkadagymyzyň Arkadagly Gahryman Serdarymyzyň saýasynda ýaş nesilleriň sagdyn kemala gelmegi dogrusynda şeýle-de tomusky dynç alyş möwsümini hoş geçirmeklik üçin ähli şertler döredilýär. Bu çärede Türkmen halk ertekilerinden şeýle hem daşary ýurt ertekilerini şeýlede bir kitapda iki dilde ýagny iňlis we türkmen dillerinde ýazylan ertekilerden ybarat bolan kitaplar bilen çykyş etdik. Çagalary bu iki dildäki neşir edilen kitaplarymyz diýseň gyzyklandyrdy. Şeýle ajaýyp zamanany peşgeş beren Gahryman Arkadagymyza, Arkadagly Gahryman Serdarymyza çäksiz alkyş aýdýarys!

KITAPHANA IŞI KÄMILLEŞÝÄR

Kitaphanalar

24.06.2025

Aşgabat şäher medeniýet müdirliginiň Merkezleşdirilen kitaphanalar ulgamynyň guramagynda Türkmenistanyň Döwlet medeniýet merkeziniň Döwlet kitaphanasynda «Kitaphana işi kämilleşýär» ady bilen söhbetdeşlik geçirildi. Söhbetdeşlikde Hormatly Prezidentimiziň Karary bilen Türkmenistanyň kitaphana ulgamyny ösdürmegiň 2025-2029-njy ýyllar üçin Döwlet maksatnamasynyň tassyklanandygy, bu bolsa ilkinji nobatda kitaphana işgärlerini uly jogapkärçilige borçlandyrýandygy hem-de Hormatly Prezidentimiziň Karary bilen tassyklanan Maksatnama kitaphanalary we kitaphana işini mundan beýläk hem kämilleşdirmekde düýpli resminama bolup durýandygy barada giňişleýin gürrüň berdiler. Söhbetdeşligiň ahyrynda eziz Watanymyzy ösüşiň belent sepgitlerine ýetirýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

DÖREDIJILIGIŇ HEM MEDENIÝETIŇ BAÝRAMY

Kitaphanalar

24.06.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Ata Salyh adyndaky kitaphana şahamçasynyň gurnamagynda «Altyn damja» çagalar sagaldyş we dynç alyş merkezinde tomusky dynç alyş möwsüminde şadyýan dynç alýan dürli ýaşly çagalaryň arasynda Medeniýet we sungat işgärleriniň hem-de Magtymguly Pyragynyň şygryýet güni mynasybetli «Döredijiligiň hem medeniýetiň baýramy» atly döredijilik duşuşygy geçirildi. Çärede Berkarar döwletiň täze eýýamynyň Galkynyşy döwründe ýurdumyzyň medeniýet ulgamynda alnyp barylýan işleriň netijeliliginiň ýokarlandyrylmagy, türkmen medeniýetiniň, sungatynyň, edebiýatynyň täze, kämil eserler bilen baýlaşdyrylmagy, köpçülikleýin habar beriş serişdeleriniň işini döwrüň talabyna laýyk derejede ösdürilmegi, döredijilik işgärleriniň täze eserleri döretmäge ruhlandyrýandygy barada çykyş etdiler. Çäräniň dowamynda baýramçylyk mynasybetli Milli goşun žurnalynyň bölüm redaktory, şahyr Aşyrmät Garlyýewiň okamagynda birnäçe ajaýyp goşgular diňlenildi, çagalaryň ýerine ýetirmeklerinde aýdym-sazlara, tanslara tomaşa edildi. Çäräniň ahyrynda türkmen medeniýetini we sungatyny täze belentliklere çykarmakda giň mümkinçilikleri döredip berýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

ÄLEME ÝAŇ SALÝAR TÜRKMEN SUNGATY

Kitaphanalar

24.06.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Çoganly şäherçe kitaphana şahamçasynyň gurnamagynda Türkmen döwlet Neşirýat gullugynyň binalar toplumynda «Äleme ýaň salýar türkmen sungaty» atly wagyz-nesihat çäresi geçirildi. Çärede çykyş edenler gözel diýarymyzda Medeniýet we sungat işgärleriniň hem-de Magtymguly Pyragynyň şygryýet güni uly şatlyk-şowhuna beslenip bellenilip geçilýändigini we Medeniýeti halkyň kalbyna deňeýän Gahryman Arkadagymyzyň, Arkadagly Gahryman Serdarymyzyň parasatly baştutanlygynda Medeniýet we sungat ulgamy ösüşleriň täze belentliklerini nazarlaýandygyny uly buýsanç bilen belläp geçdiler. Türkmen halkynyň dünýä ýaň salýan baý medeni mirasyny, şöhratly taryhyny, nusgawy edebiýatyny ylmy esasynda öwrenmekde, ýaş nesillere ýetirmekde giň gerimli işler alnyp barylýandygyny we ajaýyp goşgylary bilen halkyň hakydasynda baky orun alan Magtymguly Pyragynyň döredijiliginiň bu günki günde sarpasynyň arşa göterilýändigini beýan etdiler. Şeýle-de çäräniň dowamynda döredijilik bilen meşgullanýan şahyr zenanmyzyň, ýurdumyzyň ýetilen belent sepgitleri baradaky ýürek buýsançlary siňen, ajaýyp Watanmyzyň tarypyny wasp etýän dürdäne goşgularyndan okap berildi. Çäräniň ahyrynda türkmen medeniýetiniň şan şöhratyny arşa göterýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, il-ýurt bähbitli tutýan tutumly işleriniň rowaçlyklara beslenmegini arzuw etdiler.

• ←
• 1
• ...
• 79
• 80
• 81
• ...
• 87
• →