HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

GADYMY SUNGATA BAGYŞLANDY

Muzeýler

22.05.2025

Türkmenistanyň Şekillendiriş sungaty muzeýinde ýetip gelýän Türkmen halysynyň baýramy hem-de Aşgabat şäheriniň güni mynasybetli söhbetdeşlik guraldy. Söhbetdeşligi «Miras» teleýaýlymynyň alyp baryjysy Merdan Mädalyýew alyp bardy. Mälim bolşy ýaly, halkymyzyň milli mirasy bolan haly sungatyna, eli hünärli halyçylara aýratyn hormatyň nyşany hökmünde milli senanamamyzda möhüm orun eýeleýän türkmen halysynyň baýramçylygy irginsiz zähmetleri bilen gaýtalanmajak gözellik döredýän zehinli zenanlaryň şanyna guralýar. Medeni mirasymyzyň iň ajaýyp sungat eseri hökmünde barha kämilleşdirilýän türkmen halysynyň nepisligi, gözelligi barada muzeýiň esasy hünärmeni Aýjemal Gatyýewa giňişleýin gürrüň berdi. Türkmen gelin-gyzlarynyň uz barmaklarynyň gudratyndan döreýän haly önümleriniň halkymyzyň durmuşyny bezeýändigini belledi. Görenleriň ünsüni özüne çekýän halylaryň nusgawy nagyşlary, ýüňden we ýüpekden dokalýan halylar, gözel tebigatymyz, ahalteke bedewleri we dürli şekiller janlandyrylan halylar hakynda rowaýata öwrülen gürrüňleri has-da täsirli boldy.

AŞGABAT ŞÄHERINIŇ GÜNI MYNASYBETLI «WATANYMYZYŇ GÖWHER GAŞY–AJAP PAÝTAGTYM» ATLY SERGI

Muzeýler

21.05.2025

Beýik ösüşleriň ýoly bilen ynamly öňe barýan Watanymyzyň paýtagty ak şäherimiz Aşgabatda gurulýan belent-belent ymaratlar, döredilýän gözel seýilgähler, säher wagty guşlaryň saýraýan sesleri abadançylygyň, asudalygyň alamatydyr. Bu bolsa, elbetde «Halkara parahatçylyk we ynanyşmak» ýylynda asuda asmanyň astynda parahat zeminiň üstünde türkmen halkynyň her bir raýatynyň gursagynda ata Watanymyza, beýik geçmişimize, bagtly şu günümize we geljegimize bolan buýsanç bolup ýaňlanýar. Gözelligiň nusgasy bolan Aşgabat şäherimiz 2013-nji ýylyň 25-nji maýynda mermer binalaryň has köp jemlenen şäheri hökmünde Ginnesiň bütindünýä rekordlar kitabyna girizildi. Türkmen halkynyň milli Lideri Gahryman Arkadagymyzyň Arkadagly Gahryman Serdarymyzyň saýasynda şol günden häzirki wagta çenli Aşgabat şäheriniň güni uly şowhuna beslenip dabaraly belenilip geçilýär. Bu günki günde hem paýtagt şäheriň at-owazasy tutuş dünýäde ylalaşdyryjy merkez, dünýä ýurtlarynyň we halklarynyň ykbalyna dahylly bolan parahatçylyk söýüjilik pikirleriniň gözbaş alýan ýeri hökmünde giňden tanalýar.

HALY NEPISLIGIŇ WE AGZYBIRLIGIŇ SUNGATY

Muzeýler

20.05.2025

Türkmen halylaryna asyrlar boýy «Syrlar siňen nepislik» diýilmegi ýöne ýerden däldir. Bäş müň ýyllyk taryhyny özünde jemleýän bu senet diňe bir halk senetçiliginiň gymmatly ýadygärligi, milletiň maddy hazynasy, ruhy täji bolmak bilen çäklenmän, şol bir wagtda halkymyzyň taryhyny öwrenmekde-de egsilmez çeşmedir. Ussatlyk bilen dokalan halylarymyzy içgin synlanyňda, olaryň türkmen halkynyň dünýä medeniýetine, sungatyna saldamly goşant goşandygyna aýdyň göz ýetirýärsiň. Türkmen halylary türkmeniň milli buýsanjydyr. Türkmen halysy taýsyz owadanlygy, dokalyşynyň nepisligi bilen her bir adamy özüne maýyl edýär. Ene-mamalarymyz gözbaşyny gadymyýetden alyp gaýdýan halylara salnan nagyşlaryň asyl nusgasyny ýitirmän, nesillerden-nesillere geçirip, şu günlerimize ýetiripdir. Gelin-gyzlarymyz türkmen sähralarynyň gözelligini, al-ýaşyl güllere beslenen dag-düzüni, ýaşaýyş-durmuş şertlerini nagyşlaryň üsti bilen beýan edipdirler. Her bir çitimine tükeniksiz yhlas siňdiren zenanlarymyz halyny sungat derejesine ýetiripdirler. Ussatlyk bilen dokalan halylarymyzy içgin synlanyňda, olaryň türkmen halkynyň dünýä medeniýetine, sungatyna saldamly goşant goşandygyna aýdyň göz ýetirýärsiň «Halkara parahatçylyk we ynanyşmak ýylymyzda» eziz Diýarymyzda dabarasy äleme ýaň salýan, uly ruhybelentlikde ýokary guramaçylykda geçirilýän çäreler ajaýyp ýylymyzyň şanyna şan goşýar. Ýurdumyzda uludan bellenilýän türkmen halysynyň baýramy gadymy Lebaby toý lybasyna besledi.

MUZEÝMIZE SYÝAHATÇYLARYŇ GEZELENJI

Muzeýler

16.05.2025

Türkmenistanyň Şekillendiriş sungaty muzeýine Britaniýanyň we daşary ýurtlaryň syýahatçylary geldi. Türkmenistanyň Şekillendiriş sungaty muzeýiniň esasy usulçysy Jeren Pallykowa muzeýe gelen daşary ýurt syýahatçylara iňlis dilinde gezelenç geçirdi. Syýahatçylar muzeýiň döredijilik işlerini ýagty we gyzykly gördüler. Käbir taryhy we durmuşy gürrüňler syýahatçylarda ýatdan çykmajak pursatlary galdyrdy.

BAGT KANUNYM-BAKY BAGTYM, ÝAŞYL BAÝDAK-TÄJI TAGTYM

Muzeýler

16.05.2025

Aşgabat şäher medeniýet müdirliginiň Merkezleşdirilen Kitaphanalar ulgamynyň Gurbannazar Ezizow adyndaky kitaphana şahamçasy bilen Türkmenistanyň Şekillendiriş sungaty muzeýi bilelikde guramagynda «Bagt kanunym-Baky bagtym, Ýaşyl Baýdak-täji tagtym» ady bilen wagyz nesihat çäresi geçirildi. Onda çykyş edenler: Merkezleşdirilen Kitaphanalar ulgamynyň Gurbannazar Ezizow adyndaky kitaphana şahamçasynyň Kiçi bölümçe müdiri Bägül Akmämmedowa, Türkmenistanyň Şekillendiriş sungaty muzeýiniň Ylmy işleri boýunça orunbasary Şirin Rüstemowa, Merkezleşdirilen Kitaphanalar ulgamynyň Gurbannazar Ezizow adyndaky kitaphana şahamçasynyň 2-nji derejeli kitaphanaçysy Merjen Meredowa we Merkezleşdirilen Kitaphanalar ulgamynyň Gurbannazar Ezizow adyndaky kitaphana şahamçasynyň kitaphanaçysy Aýjemal Atajykowa. Çykyş edenler Garaşsyz ýurduň öz Döwlet nyşany bolan mukaddes baýdak barada beýan etdiler.Döwlet baýdagymyz ýurdumyzyň berkararlygynyň baky kepilidir, her birimiz üçin mukaddes hem-de ezizdir. Baýdak–bu biziň döwletliligimizdir, berkararlygymyzdyr we bagtyýarlygymyzdyr. Halkymyzyň geçmişini, şu gününi, geljegini özünde jemleýän mukaddes ýaşyl Tugumyz türkmeniň kalby bolup, dünýä ýüzüne nur saçýar.

GÖÇME SERGINIŇ ÖWÜŞGÜNLERI

Muzeýler

16.05.2025

«Halkara parahatçylyk we ynanyşmak ýylymyzda» eziz diýarymyzda dabarasy äleme ýaň salýan, uly ruhybelentlikde ýokary guramaçylykda geçirilýän çäreler ajaýyp ýylymyzyň şanyna şan goşýar. Ýurdumyzda uludan bellenilýän türkmen halysynyň baýramy gadymy Lebaby toý lybasyna besledi.Senetden sungata öwrülen nepis türkmen halysynyň baýramy mynasybetli welaýatymyzyň Dänew etrabynda «Bagt ýoly» toý dabaralary merkezinde Lebap welaýatynyň Taryhy we ülkäni öwreniş muzeýiniň, Dänew etrap häkimliginiň, etrabyň jemgyýetçilik guramalarynyň bilelikde gurnamagynda baýramçylyk çäresi geçirildi. Baýramçylyk çäresiniň dowamynda Lebap welaýatynyň Taryhy we ülkäni öwreniş muzeýiniň gurnamagynda milli mirasymyzy, milli gymmatlyklarymyzy şöhlelendirýän muzeý gymmatlyklaryndan düzülen göçme sergi ýaýbaňlandyryldy. Baýramçylyk mynasybetli gurnalan bu sergi birnäçe tomaşaçylary özünde jemledi. Ýokary guramaçylykda geçirilen bu çärä muzeý hünärmenleri,kümüş saçly eneler, halyçy gelin-gyzlar uly ruhubelentlikde gatnaşdylar. Milli mirasymyzy, arşyň nepisligine deňelýän nepis haly sungatymyzy, muzeý gymmatlyklarymyzy halkymyzyň arasynda wagyz etmäge,bagtyýar zamanamyzda döredijilikli zähmet çekmäge ähli mümkinçilikleri döredip berýän türkmen halkynyň Milli Lideri Gahryman Arkadagymyza, peder ýoluny üstünlikli dowam etdirýän hormatly Prezidentimiz Arkadagly Gahryman Serdarymyza köp sagbolsun aýdýarys. Goý Gahryman Arkadagymyzyň Arkadagly Gahryman Serdarymyzyň janlary sag, belent başlary aman bolsun, il-ýurt bähbitli umumadamzat ähmiýetli tutýan tutumly işleri uly rowaçlyklara beslensin.

TÜRKMENISTANYŇ SUNGATDA AT GAZANAN IŞGÄRI, NAKGAŞ KAMIL WELIAHMEDOWYŇ «PLENER PASYLLAR» ATLY DÖREDIJILIK SERGISI

Muzeýler

15.05.2025

Parahatçylyk dörediji aýdyň maksatlary, ynsanperwer syýasaty bilen dünýäde giňden tanalýan Garaşsyz, hemişelik Bitarap Türkmenistan döwletimiz Gahryman Arkadagymyzyň, Arkadagly Gahryman Serdarymyzyň taýsyz tagallalary bilen röwşen geljege saryn öňe barýar. Türkmen medeniýetiniň we sungatynyň gülläp ösýän döwründe, şekillendiriş sungatyna hem aýratyn üns berilýär. Şekillendiriş sungatynyň nakgaşlygy bolsa, döwrüň talaplaryna laýyk şekilde türkmen ussat suratkeşleri tarapyndan elýetmez derejede özgerýär. Biziň daş-töweregimizi gurşap alýan tebigatymyzyň gözelligini wasp edip, sungata geçirmeklik ussat suratkeşlerimiziň paýyna düşýär. Her bir suratkeşiň özüniň aýratyn bir özboluşly dünýäsi bar. Oňa düşünmek, onuň gözi bilen seretmek üçin ussadyň döreden sungat eserlerini öwrenmek gerek.Türkmenistanyň sungatda at gazanan işgäri, nakgaş Kamil Weliahmedow hem türkmen şekillendiriş sungatyny özboluşly aýratyn dilde wasp edýän ussat suratkeş. Häzirki wagta çenli halypa suratkeş Turkiýe Respublikasynda, Awstriýa döwletinde, Merkezi Aziýa döwletleri bolan Hytaý halk Respublikasynda hem-de Aşgabat şäherinde özüniň şahsy sergisini gurnap gelýär. Onuň ýerine ýetiren nakgaş eserleri Russiýa Federasiýasynyň, ABŞ-nyň, Beýik Britaniýanyň, Eýran Yslam Respublikasynyň, Fransiýasynyň, Şwesiýanyň, Turkiýa Respublikasynyň, Tatarystanyň hem-de Hytaý halk Respublakasynyň şahsy kolleksiýalarynda görmek bolýar. Bu günki gün hem, biziň sungat ojagymyzda Türkmenistanyň Şekillendiriş sungaty muzeýinde Kamil Weliahmedowyň «Plener pasyllar» atly naýbaşy sungat eserlerinden döredijilik sergisi guraldy. Sergide ussadyň ýerine ýetirmeginde 110-a golaý tebigatyň hemişe täzelenýän poeziýasyna aralaşýan reňkleriň sazlaşygy bilen öwüşgin berlen nakgaş eserleri ýerleşdirildi. Sergidäki sungat eserleriniň üsti bilen hemişeki gözüniň görýän zatlaryny täzeden janlandyrmak üçin tebigatyň adaty adamlaryň gözüne görünmeýän has täsin, has gyzykly taraplaryny özboluşly tilsimleri bilen öz eserlerine siňdirip halk köpçüligine ýetirýär. Türkmen şekillendiriş sungatynyň ussatlaryny sarpalamakda, olaryň döreden ajaýyp sungat eserlerini gorap saklamakda, olary halk köpçüligine hem-de ýaş nesillerimize ýetirmekde edýän taýsyz tagallalary üçin türkmen halkynyň Milli Lideri Gahryman Arkadagymyza, Arkadagly Gahryman Serdarymyza köp sagbolsunymyzy aýdýarys. Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun!

MUZEÝ GYMMATLARYMYZ-MILLI MIRASYMYZYŇ RÖWŞEN ÇYRAGY

Muzeýler

14.05.2025

Berkarar döwletiň Täze eýýamynyň Galkynyşy döwründe Halkara parahatçylyk we ynanyşmak ýylymyzda Gahryman Arkadagymyzyň Arkadagly Gahryman Serdarymyzyň ýolbaşçylygynda Garaşsyz, hemişelik Bitarap Türkmenistan döwletimiz bedew batly ösüşleri bilen özüniň nurana geljegine tarap aýgytly gadamlar bilen ynamly öňe barýar. Ähli ulgamlar bilen bir hatarda medeniýetimiz we sungatymyz gülläp ösýär, belent sepgitlere beslenýär. Gahryman Arkadagymyzyň Arkadagly Gahryman Serdarymyzyň medeniýet ulgamyndaky özgertmeleri ajaýyp netijeleri berýär. Milli Liderimiziň: “Merdana watandaşlarymyzyň aldym-berdimli söweşlerdäki gahrymançylygy hem-de gaýduwsyzlygy häzirki we geljek nesilleriň ýüreklerinde baky ýaşar!” diýip, bellemegi biziň watanymyz üçin gahrymanlarymyzyň görkezen edermenliklerine goýulan sarpanyň belentdigine şaýatlyk edýär. Watan gahrymanlarymyzyň atlary bu günki gün “Hatyra” we ”Şöhrat” kitaplarynda müdimilik ebedileşdirildi. Türkmenistanyň Ministrler Kabinetiniň ýanyndaky Baş arhiw müdirligi tarapyndan Beýik Watançylyk urşuna gatnaşan gahrymanlarymyzyň hormatyna bagyşlanan 2021-2024-nji ýyllarda Türkmenistanyň “Hatyra” kitaplarynyň gaýtadan işlenen ikinji neşirleri Türkmenistanyň Medeniýet ministrliginiň “Watan mukaddesligi” muzeýine sowgat berildi. “Hatyra” kitaplarynyň muzeýiň hemişelik sergi zallaryndaky tekjelerinde sergilenilmegi ata-babalarymyzyň, şu durmuş üçin janyny gurban eden gerçeklerimiziň hatyrasyny belent saklamaklyk olaryň öňündäki belent borjumyzdyr. Watanymyza, halkymyza, milli gymmatlyklarymyza söýgi döretmekde ýurdumyzyň muzeýleriniň uly ähmiýeti bardyr. Medeniýetimizi we sungatymyzy sarpalaýan Gahryman Arkadagymyzyň Arkadagly Gahryman Serdarymyzyň janlary sag bolsun, ömürleri uzak bolsun, il-ýurt bähbitli işleri hemişe rowaçlyklara beslensin!

«BELENTDE PARLASYN, PARAHAT ÝURTDA ŞÖHRATLY TUGUM!» ATLY SERGI

Muzeýler

12.05.2025

Türkmenistanyň Döwlet baýdagy milletimiziň agzybirliginiň, döwletimiziň Garaşsyzlygynyň we hemişelik Bitaraplygynyň nyşany, halkymyzyň milli buýsanjy hasaplanylýar. Garaşsyz, hemişelik Bitarap ýurdumyzyň Konstitusiýasy we Döwlet baýdagy eziz Watanymyzyň şöhratly geçmişiniň subutnamasydyr, häzirki bagtyýar gününiň hem-de beýik geljeginiň kepilidir. Milli döwletlilik ýörelgelerimiziň synmazlygyny hem-de ebediligini ykrar edýän milli gymmatlygymyzdyr. Şoňa görä-de, Döwlet baýdagymyzyň we Esasy Kanunymyzyň hormatyna gurlan ajaýyp binalar, beýik sütünde parlaýan Döwlet tugumyz watansöýüjileriň döredijilik hyjuwyny, zähmet joşgunyny belende göterýär. Türkmenistanyň Şekillendiriş sungaty muzeýinde Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli «Belentde parlasyn, parahat ýurtda şöhratly Tugum!» atly sergi guraldy. Sergimizde Türkmenistanyň halk suratkeşi Annadurdy Almammedowyň «Dag etegi», Türkmenistanyň halk suratkeşi Öwezmuhammet Mämmetnurowyň «Meýdan gülleri», Türkmenistanyň sungatda at gazanan işgäri Kakageldi Seýitmuhammedowyň «Garaşsyzlyk toýy», Walentin Kudrýaşowyň «Türkmenistanyň Konstitusiýasynyň we Döwlet baýdagynyň güni», Jennet Aýdogdyýewanyň «Meniň Garaşsyz Watanym», Tamara Kiselýowanyň «Sambo boýunça Dünýä Çempiony Geldiýewa Jennet», «Döwlet senasy», ýaly birnäçe ajaýyp sungat eserleri hem-de ussat heýkeltaraşlar Annameret Taganowyň «Gül», Maral Ataýewanyň «Hereket», Gülara Babaýewanyň «Galkynyş» ýaly heýkel we keramika eserleri sergilendi. Serginiň mazmuny dürli-dürli bolup, nakgaş, heýkel, keramika eserleriniň ýeten kämil derejesiniň üsti bilen ýurdumyzda gazanylan üstünlikler, ýetilen belent sepgitler görkezilýär. Baýramçylyk sergidäki eserlerde ýurdumyzyň gülläp ösüşleri, parahatçylygy, tebigy gözellikleri, milli tugumyz bilen özara sazlaşykly beýan edilýär hem-de parahat ýaşaýan halkymyzyň durmuşyndan bir pursady açyp görkezýär.

«KONSTITUSIÝA WE DÖWLET BAÝDAGY MIZEMEZ MUKADDESLIKDIR» ATLY DABARALY MASLAHAT

Muzeýler

12.05.2025

«Halkara parahatçylyk we ynanyşmak ýyly» diýlip yglan edilen ajaýyp ýylymyzda toýdur-baýramlar goşa-goşadan gelýär. Goşalanyp gelýän baýramlar bagtyýar halkymyzyň her biriniň göwün guşuny ganatlandyrýar. Demokratik hukuk we dünýewi döwletimizde Türkmenistanyň Konstitusiýasynyň kabul edilmeginiň we Döwlet Baýdagynyň döredilmeginiň 33 ýyllygy diýarymyzyň çar ýanyny toý lybasyna besläp, «Halkara parahatçylyk we ynanyşmak ýylymyzda» bellenilýän joşgunly çäreleriň üstüni ýetirdi. Goşa mukaddesligiň şanyna Lebap welaýatynyň Taryhy we ülkäni öwreniş muzeýiniň, hem-de Türkmenistanyň Demokratik partiýasynyň Türkmenabat şäher komitetiniň bilelikde gurnamagynda «Konstitusiýa we Döwlet baýdagy mizemez mukaddeslikdir» atly dabaraly maslahat geçirildi. Uly ruhubelentlikde ýokary guramaçylykda geçirilen maslahatyň dowamynda Lebap welaýatynyň Taryhy we ülkäni öwreniş muzeýi tarapyndan «Konstitusiýa we Döwlet baýdagy mizemez mukaddeslikdir» atly wagtlaýyn sergi gurnaldy. Bu gurnalan wagtlaýyn sergide muzeýiň gaznasynda saklanylýan taryhy gymmatlyklarymyzyň birnäçesi görkezildi. Sergide ýerleşdirilen taryhy gymmatlyklarymyz, Garaşsyz, hemişelik Bitarap Türkmenistan döwletimiziň baý medeni ruhy hem milli mirasyny şöhlelendirýän muzeý gymmatlyklary öz beýanyny tapdy. Diýseň köp adamly bolan bu sergi täsirligi bilen tapawutlandy. Serginiň dowamynda oňa gatnaşyjylar asuda, parahat, eşretli zamanada ýaşamaga, okamaga, döredijilikli zähmet çekmäge döredip berýän ähli mümkinçilikleri üçin parahatçylygyň beýik taglymatçysy türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza tüýs ýüreklerinden çykýan alkyşlaryny sagbolsunlaryny beýan etdiler.

• ←
• 1
• ...
• 10
• 11
• 12
• ...
• 28
• →