Muzeýler
14.08.2025Türkmenistanyň Döwlet medeniýet merkeziniň Döwlet muzeýi 2025-nji ýylyň 15-nji awgustda sagat 10:00-da «Milli gymmatlyklarymyz türkmen gözelliginiň nusgasy» atly milli donlaryň sergisiniň açylyş dabarasyna çagyrýar. Biziň salgymyz: Arçabil şaýolunyň 50-nji jaýy. Habarlaşmak üçin tel: 48-25-92
Muzeýler
12.08.2025«Halkara parahatçylyk we ynanyşmak» ýylymyzda ýokary guramaçylykda, uly ruhubelentlikde geçirilýän çäreler, wagyz-nesihat duşuşyklary, hoşallyk maslahatlary ajaýyp ýylymyzda bellenilýän şanly seneler bilen utgaşyp her bir raýatyň göwün guşyny ganatlandyrýar. Şeýle ýokary guramaçylykda geçirilen çäreleriň biri-de Lebap welaýatynyň Taryhy we ülkäni öwreniş muzeýinde BMG-nyň Deňze çykalgasy bolmadyk ösüp barýan ýurtlar boýunça üçünji maslahatynda kabul edilen kararlary we çözgütleri halk köpçüligine wagyz etmek maksady bilen, Lebap welaýatynyň Taryhy we ülkäni öwreniş muzeýiniň Türkmenabat şäher häkimliginiň, Türkmenistanyň Demokratik partiýasynyň Türkmenabat şäher komitetiniň, Türkmenistanyň Magtymguly adyndaky ýaşlar guramasynyň Türkmenabat şäher Geňeşiniň, Türkmenistanyň Agrar partiýasynyň Türkmenabat şäher komitetiniň bilelikde gurnamagynda dabaraly maslahat geçirildi. Maslahata welaýatymyzyň jemgyýetçilik guramalarynyň wekilleri, muzeý hünärmenleri uly ruhubelentlikde gatnaşdylar. Dabaraly maslahatyň ahyrynda oňa gatnaşyjylar türkmen halkynyň Milli Lideri Gahryman Arkadagymyza, Arkadagly Gahryman Serdarymyza tüýs ýürekden sagbolsunlaryny beýan etdiler. Gülälek BATYROWA Lebap welaýatynyň Taryhy we ülkäni öwreniş muzeýiniň usulçysy 
Muzeýler
06.08.2025Türkmenistanda milli bilim ulgamyny kämilleşdirmek, giň gözýetimli innowasion tehnologiýalary dolandyrmaga ukyply ýaşlary terbiýeläp ýetişdirmek boýunça uly işler amala aşyrylýar. Ýurdumyzda bilim ulgamynda dünýäniň oňyn tejribesi işjeň öwrenilýär, bilim merkezlerinde çagalara bilim berilýär. Ýurdumyzda hereket edýän «Gujurly bilim» merkezinde bilim alýan çagalar Türkmenistanyň Şekillendiriş sungaty muzeýine gezelenje geldiler. Muzeýimiziň hünärmenleri çagalary muzeý gymmatlyklary bilen içgin tanyşdyrdylar. Bu ýere gelen çagalarda muzeý gymmatlyklary uly täsir galdyrdy. Şeýle ajaýyp döwürde ýaşlara okamaga, öwrenmäge, döretmäge uly mümkinçilikler döredip berýän Hormatly Arkadagymyza hem-de Hormatly Arkadagly Gahryman Serdarymyza uly alkyşlar aýdýarys.
Muzeýler
05.08.2025Milli medeniýet ulgamy Berkarar döwletiň täze eýýamynyň Galkynyşy döwrüne ägirt uly üstünlikler, toplumlaýyn ösüş üçin berk maddy binýat we uly kuwwat bilen gadam basýar. Türkmenistanyň Şekillendiriş sungaty muzeýinde «Arkadagyň ylhamy–kalbyň melhemi» atly söhbetdeşlik guraldy. Söhbetdeşlikde direktoryň ylmy işler boýunça orunbasary Şirin Rustamowa, muzeýiň hünärmenleri Aýjemal Gatyýewa, Altynaý Esenowa dagylar çykyş etdiler. Bu «tegelek stoluň» başyndaky söhbetdeşligi «Miras» teleýaýlymy tarapyndan ýazgy edilip, şol teleýaýlymyň alypbaryjysy Annasoltan Nunnakowa alyp bardy. Söhbetdeşlikde Gahryman Arkadagymyzyň «Türkmen medeniýeti» kitaby dogrusynda täsirli çykyş edilip, halkymyzy eşretli, bolelin, parahat zamanada ýaşadýan, ähli şert-mümkinçilikleri döredip berýän türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş we hoşallyk sözlerini beýan etdiler.
Muzeýler
05.08.2025«Halkara parahatçylyk we ynanyşmak» ýylymyzyň her bir güni şatlykly taryhy wakalara beslenýär. Şanly ýylymyzyň joşgunyna joşgun goşup, eziz Diýarymyzyň her bir günini bezeýän çäreler, maslahatlar forumlar bu bagtyýar watanymyzyň her bir bagtyýar raýatyny yhlasly zähmet üstünliklerine ruhlandyrýar. Hazaryň türkmen kenarynda doganlyk-dostluk halklaryny bir supranyň daşyna jemläp Halkara parahatçylyk we ynanyşmak ýylynda BMG-nyň Deňze çykalgasy bolmadyk ösüp barýan ýurtlar boýunça üçünji maslahatynyň çäklerinde ençeme utgaşykly çäreler geçirilýär. Şolaryň dowamynda çäreleriň geçirilýän ýerlerinde myhmanlaryň kabul edilýän myhmanhanalaryň giň eýwanlarynda Türkmenistanyň Döwlet medeniýet merkeziniň welaýat muzeýlerinde aýawly saklanýan muzeý gymmatlyklaryndan düzülen ajaýyp sergi ýaýbaňlandyryldy. Şanly ýylymyzyň taryhy wakasyna öwrüljek bu foruma Lebap welaýatynyň Taryhy we ülkäni öwreniş muzeýiniň hünärmenleri tarapyndan milli mirasymyzy şöhlelendirýän, göçme sergi gurnaldy. Bu sergide zenanlarymyz tarapyndan welaýatymyza mahsus bolan, ÝUNESKO-nyň Adamzadyň maddy däl medeni mirasynyň sanawynda mynasyp orun alan keşdeçilik sungatynyň dürli görnüşleri,haly we haly önümleri, ussat zergärlerimiziň ýasan şaý-sepleri gadymy hem döwrebap nusgada ýerine ýerine ýetirilen nusgalarynyň üsti bilen türkmen halkynyň milli mirasyny, däp-dessurlaryny bu foruma gatnaşýan myhmanlara wagyz edildi. Juda köpsanly tomaşaçylary özünde jemlän bu sergi myhmanlarda ýakymly täsirler galdyrdy. Muzeý gymmatlyklary halkyň taryhynyň, sungatynyň hem däp-dessurynyň aýdyň beýany bolan maddy we ruhy mirasdyr. Ýurdymyzyň hemişelik Bitaraplygymyzyň şanly 30 ýyllygynyň bellenilýän Halkara parahatçylyk we ynanyşmak ýylynda geçirilýän ýokary derejeli maslahatyň çäginde gurnalýan bu sergiler halkymyzyň parahatsöýüjilik, asudalyk, myhmansöýerlik ýaly mukaddes garaýyşlarynyň milli mirasymyz, sungatymyz arkaly şöhlelenmesi boldy. Ata-babalarymyzyň dünýä medeniýetine goşan goşandynyň subatnamasy bolan medeni mirasymyzy gorap saklamaga, ylmy taýdan öwrenmäge we wagyz etmäge, milliliklerimizi dünýä ýaýmaga giň mümkinçilikler döredip berýän, dünýäde parahatçylygy döretmek sungatynyň beýik ussady türkmen halkynyň Milli Lideri Gahryman Arkadagymyzyň, parahatçylygyň beýik taglymatçysy hormatly Prezidentimiz Arkadagly Gahryman Serdarymyzyň janlary sag, belent başlary aman tutýan tutumly işleri rowaçlyklara beslensin! Gülälek BATYROWA Lebap welaýatynyň Taryhy we ülkäni öwreniş muzeýiniň usulçysy
Muzeýler
04.08.2025Türkmen halkynyň milli buýsanjy, gadymy gymmatlyklaryny çuňňur öwrenmek we ösdürmekde, medeni mirasymyza hormat goýmak, ýaşlaryň arasynda ýaýbaňlandyrylýar. Her bir halkyň medeni-mirasy, däp-dessurlary, onuň milligini kesgitleýän, nesilden-nesle geçip gelýän gymmatlyklary bolup, ol halkyň özboluşlylygyny şöhlelendirýär. Türkmenistanyň Şekillendiriş sungaty muzeýinde «Amaly haşam sungatynyň aýratynlyklary» atly söhbetdeşlik guraldy. Söhbetdeşlige muzeýiň hünärmenleri gatnaşdylar. Merdana türkmen halkymyz milliligimizi, medeni mirasymyzy, däp-dessurlarymyzy uzak heňňamlaryň dowamynda pähim-paýhas eleginden geçirip, taraşlap, şu güne çenli ýetirip, has-da kämilleşdirilýändigi dogrusynda söhbetdeşlikde bellediler. Berkarar döwletiň täze eýýamynyň Galkynyşy döwründe hem çeper elli gyz-gelinlerimiz özleriniň döredýän bir-birinden ajaýyp hem nepis el işleri bilen döwrümiziň gözelligine gözellik goşýarlar.
Muzeýler
30.07.2025Şan-şöhraty älem-jahany haýrana goýýan eziz Diýarymyzyň her dogýan nurly güni taryhyň sahypalaryna ebedilik ýazylýar. Hemişelik ýurt Bitaraplygymyzyň şanly toýunyň halkara derejede belleniljek bu şanly ýylymyzda geçirilýän çärelere işjeň häsiýet mahsus. Lebap welaýatynyň Taryhy we ülkäni öwreniş muzeýiniň hem-de Türkmenistanyň Agrar partiýasynyň Lebap welaýat hem-de Çärjew etrap komitetleriniň bilelikde gurnamagynda «Türkmenistanyň Halk maslahaty-döwletliligiň aýdyň ýoly» atly dabaraly maslahat geçirildi. Dabaraly ýagdaýda geçen bu maslahata muzeý hünärmenleri, ýaşuly nesiliň wekilleri, il sylagly ýaşulular, kümüş saçly eneler, bilim we medeniýet işgärleri uly ruhubelentlikde gatnaşdylar. Maslahatyň dowamynda ajaýyp ýylymyzyň taryhy wakasyna öwrüljek nobatdaky Halk maslahatynyň ähmiýeti, şanly senelere görülýän taýýarlyklar dogrusynda birnäçe çykyşlar edildi. Maslahatyň ahyrynda oňa gatnaşyjylar eşretli zamanada ýaşamaga, döredijilikli zähmet çekmäge ähli mümkinçilikleri döredip berýän Türkmenistanyň Halk Maslahatynyň başlygy türkmen halkynyň Milli Lideri Gahryman Arkadagymyza hem-de hormatly Prezidentimiz Arkadagly Gahryman Serdarymyza buýsançly sagbolsunlaryny beýan etdiler. 
Muzeýler
28.07.2025Hormatly Prezidentimiz 2025-nji ýylyň 25-nji iýulynda geçiren Türkmenistanyň Ministrler Kabinetiniň mejlisinde Milli medeniýetimizi, sungatymyzy ösdürmek boýunça maksatnamalaýyn işleriň durmuşa geçirilýändigi bilen bagly milli taryhy-medeni gymmatlyga eýe bolan serişdeleri döwlet tarapyndan hasaba almak we olaryň Döwlet sanawyny ýöretmek maksady bilen taýýarlanan «Milli taryhy-medeni mirasyň gozgalýan gymmatlyklaryny döwlet tarapyndan hasaba almagyň Tertibini tassyklamak hakynda» Karara gol çekdi. Türkmenistanyň Döwlet medeniýet merkeziniň Döwlet muzeýinde hem bu taryhy waka mynasybetli hoşallyk maslahaty geçirildi. Ýurdumyzyň taryhy-medeni gymmatlyklaryny ýüze çykarmak, toplamak, ylmy taýdan öwrenmek we geljek nesillerine abat ýagdaýynda ýetirmek ugrunda uly tagallalar edilýär. Şol gymmatlyklary gorap saklamak, hasaba almak we olaryň Döwlet sanawyny ýöretmek işlerinde ýurdumyzyň muzeýleriniň mynasyp orny bardyr.  Hoşallyk maslahatynda Türkmenistanyň Döwlet medeniýet merkeziniň Döwlet muzeýiniň, Türkmenistanyň Döwlet medeniýet merkeziniň Döwlet kitaphanasynyň, Arkadag şäheriniň Taryhy we ülkäni öwreniş muzeýiniň, Türkmenistanyň Şekillendiriş sungaty muzeýiniň, «Watan mukaddesligi» muzeýiniň, «Gökdepe» milli muzeýiniň, Türkmenistanyň Çeperçilik sergiler müdirliginiň we Şekillendiriş sungatynyň sergi merkeziniň ýolbaşçylary we hünärmenleri çykyş etdiler. Türkmenistanyň Döwlet medeniýet merkeziniň Döwlet muzeýinde geçirilen hoşallyk maslahatyna gatnaşyjylar taryhymyzyň gymmatly hazynalaryny resmi esasda dogry öwrenmäge hem-de geljek nesillere aýawly ýetirmekde döredip berýän ähli mümkinçilikleri üçin Gahryman Arkadagymyza hem-de Arkadagly Gahryman Serdarymyza biragyzdan çäksiz minnetdarlyk bildirdiler.
Muzeýler
28.07.2025«Halkara parahatçylyk we ynanyşmak» ýylymyzyň her bir güninde ýokary guramaçylykda geçirilýän çäreler bu şanly ýylymyzda bagtyýar halkymyzyň her bir raýatynyň göwün guşuny galkyndyrýar. Uly ruhubelentlikde şatlyk–şowhuna beslenip ýokary guramaçylykda geçirilýän çärelerde milli mirasymyz, medeniýetimiz, edebiýatymyz öz beýanyny tapýar. Lebap welaýatynyň Taryhy we ülkäni öwreniş muzeýiniň hem-de Türkmenistanyň Agrar partiýasynyň Lebap welaýat, Çärjew etrap komitetleriniň bilelikde gurnamagynda beýik söz ussady Magtymguly Pyragynyň döredijiligine bagyşlanyp «Magtymguly dünýäniň akyldary» atly dabaraly maslahat geçirildi. Maslahatda şahyryň döredijiligi bilen bir hatarda, Halkara parahatçylyk we ynanyşmak ýylymyzyň taryhy ähmiýetli wakalarynyň birine öwrüljek, şu ýylyň 4-nji, 8-nji awgusty aralygynda «Awaza» milli syýahatçylyk zolagynda geçiriljek BMG-niň Deňze çykalgasy bolmadyk ösüp barýan ýurtlar boýunça üçünji maslahaty, şahyryň arzuwlan Bitaraplygyň türkmen nusgasynyň işjeň we döredijilikli taglymatdygynyň täze ykrarnamasy boljakdygyna uly buýsanç bilen belläp geçdiler. Dabaranyň dowamynda oňa gatnaşyjylar bagtyýar zamanamyzda döredijilikli zähmet çekmäge, Magtymguly Pyragynyň döredijiligini halkymyzyň arasynda wagyz etmäge döredip berýän, ähli mümkinçilikleri üçin milli medeniýetimiziň, sungatymyzyň hak howandarlary türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza ýüreklerinden joşup çykýan alkyşlaryny, çäksiz sagbolsunlaryny beýan etdiler.
Muzeýler
16.07.2025Medeniýetimize we sungatymyza egsilmez sarpa goýulýan Berkarar döwletiň täze eýýamynyň Galkynyşy döwründe ähli sungat ojaklarynda alnyp barylýan işler döwrüň talaplaryndan ugur alnyp kämilleşdirilýär. Şeýle işlerde türkmen şekillendiriş sungatyna uly orun berilmegi hem aýratyn bellärliklidir. Häzirki wagtda şekillendiriş sungatymyz barha ösýär. Türkmenistanyň Döwlet medeniýet merkeziniň Döwlet muzeýinde “Gözellik suratkeşleriň nazarynda” atly sergi gurnaldy. Sergide muzeýiň gaznasynda saklanylýan daşary ýurt suratkeşleriniň hem-de türkmen suratkeşleriniň eserleri ilkinji gezek görkezilýär. Serginiň başy Türkmenistanyň sungatda at gazanan işgäri suratkeş Allamyrat Muhammedowyň "Adalatyň dabaralanmagy" atly eseri bilen açylýar. Bu eser Beýik seljuk türkmen döwletiniň köşgünde bolup geçýän erkin pikir alyşmalar, raýatlaryň hukugynyň goragy baradaky pelsepe häsiýetde bolup, suratkeşiň 2002-nji ýylda döreden “Muhammet Togrul begiň soltanlyk hutbasy” atly eseriniň bir toplumydyr.  B.Muhammedowyň “Şükür bagşy”, G.Töräýewiň ”Köneürgenç” Ý.Jumaýewiň “Ahal ýaýlasy” atly ajaýyp eserleri sergimize aýratyn gözellik berýär. Ýelden ýyndam behişdi bedewlerimizi döredijiliginiň baş temasyna öwren ussat suratkeşleriň döredýän eserlerini synladygyňça, milli gymmatlyklarymyza bolan buýsanjyň artýar. Şeýle zehinli suratkeşleriň biri P.Gapançaýewdir. Onuň “Berkarar”, “Akhan”, “Turan bilen Wepalynyň doslugy” ýaly ajaýyp eserleri serginiň görnükli ýerinde orun berilýär. Serginiň dowamynda Gahryman Arkadagymyza sowgat berilen Azerbeýjan döwletiniň belli suratkeşleri Maral Rahmanzade, Togrul Narimanbekow, Mikail Abdullaýew, Özbegistan döwletinden W.Enin, Täjigistandan döwletinden I.D.Sibizow, S.Arabow, Russiýa döwletinden Frans Rubo, A.Sarokin, I.P.Rubinskiý we birnäçe suratkeşleriniň eserlerini hem görmek bolýar. Umuman aýdanyňda türkmen suratkeşleriniň hem-de daşary ýurt suratkeşleriniň döredijilikleri çuňňur mazmuna ýugrulandyr. Olaryň ajaýyp eserleri tomaşaçylary ruhy taýdan terbiýelemekde uly ähmiýete eýedir. Şeýle-de bu eserler kämillige ymtylýan, sungatyň inçe syrlaryna aralaşan zähmetsöýer ussat suratkeşlerdigini açyp görkezýär.
