HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

MUZEÝE SYÝAHAT

Täzelikler

29.12.2025

Hemişelik Bitaraplyk ýurdumyzyň parahatçylykly ösüşini aýdyň beýan edýär. Bu asylly ýörelge halkymyzyň asyrlaryň dowamynda kämilleşdirip gelen gymmatlyklaryndan, parahatçylyk söýüjilik ýolundan gözbaş alýar. Berkarar döwletiň täze eýýamynyň Galkynyşy döwründe hormatly Prezidentimiziň alyp barýan parahatçylyk söýüjilik we ynsanperwerlik syýasaty netijesinde bu asylly ýörelgämiz dünýä ýaýylýar. Dünýäde parahatçylyk söýüjilik ýörelgesini wagyz etmek, halklar bilen hoşniýetli hyzmatdaşlygy saklamak müňýyllyklardan gelýän asylly ýolumyzdyr. Hormatly Prezidentimiz Arkadagly Gahryman Serdarymyzyň «Ýaşlar – Watanyň daýanjy» atly ajaýyp kitabynda: «Garaşsyz, hemişelik Bitarap Türkmenistan dünýä üçin hemişe açykdyr. Biz Ýer ýüzünde asudalygy, howpsuzlygy berkitmek üçin geljekde-de ähli zerur işleri amala aşyrarys» diýen paýhasly jümleleri beýan edilýär. Şöhratly ata-babalarymyzdan miras galan parahatçylyk söýüjilik, agzybirlik, ynsanperwerlik, dost-doganlyk ýaly ýörelgelerimiz täze taryhy döwrümiziň altyn sahypasynyň beýik gymmatydyr. 2025-nji ýylyň 29-njy dekabrynda Türkmenistanyň Döwlet çeperçilik akademiýasynyň talyplary paýtagtymyzyň gözel künjeginde ýerleşýän Türkmenistanyň Döwlet medeniýet merkeziniň Döwlet muzeýiniň «Bitaraplyk muzeýi» şahamçasyna hem-de Bitaraplyk seýilgäh zolagynda täze döredilen «Baky ýoluň» we «Bitaraplygy» muzeýlerine aýlanyp gördüler. Üç binadan ybarat bolan bu ajaýyp muzeýde ýerleşdirilen gymmatlyklar talyp ýaşlarymyz üçin has-da täsirli boldy.  Onda Birleşen Milletler Guramasynyň Baş Assambleýasynyň üç sany Kararnamasy bilen berkidilen Türkmenistanyň hemişelik Bitaraplygynyň taryhyna hem-de häzirki gününe bagyşlanýar. Binada ýerleşdirilen muzeýiň ekspozisiýasynda Türkmenistanyň hemişelik Bitaraplygynyň taryhyndan başlap häzirki gününe çenli beýan edýän maglumatlar, Türkmenistanyň kartasy, Türkmenistanyň Konstitusiýasy, Türkmenistanyň hemişelik Bitaraplygyna degişli bolan Konstitusion Kanunlar habar beriş sensor monitorlarda görkezilýär. Şeýle hem bu ýerde 1995-nji ýylyň 12-nji dekabrynda Birleşen Milletler Guramasynyň Baş Assambleýasynyň Nýu-Ýork şäherinde geçirilen maslahatynda 185 döwletiň biragyzdan goldamagynda «Türkmenistanyň hemişelik Bitaraplygy» atly kabul edilen Kararnama hem-de taryhy fotosuratlar görkezilýär. Täze döredilen «Baky ýoluň» diýlip atlandyrylan binanyň ekspozisiýasynda talyplar 2015-nji ýylyň 3-nji iýunynda 193 döwletiň goldamagynda ikinji gezek kabul edilen «Türkmenistanyň hemişelik Bitaraplygy» atly Kararnama bilen tanyşdylar. Bitaraplyk seýilgäh zolagynyň Günbatar tarapynda ýerleşýän «Bitaraplygy» diýlip atlandyrylan binanyň ekspozisiýasynda talyplar hormatly Prezidentimiz Arkadagly Gahryman Serdarymyzyň 2025-nji ýylyň 21-nji martynda Nýu-Ýork şäherinde Birleşen Milletler Guramasynyň Baş Assambleýasynyň 79-njy sessiýasynyň 61-nji plenar mejlisinde ýurdumyzyň başlangyjy bilen hemişelik Bitaraplyk derejämiz üçinji gezek ykrar edilen Kararnama bilen tanyşdylar. Şeýle-de hormatly Prezidentimiziň ýurdumyzyň hemişelik Bitaraplygynyň 30 ýyllygyna bagyşlap ýazan «Türkmenistanyň Bitaraplygy – parahatçylygyň we ynanyşmagyň aýdyň ýoly» atly ajaýyp täze kitaby barada giňişleýin maglumatlar talyp ýaşlarymyza ýetirildi. Türkmenistanyň Döwlet medeniýet merkeziniň Döwlet muzeýiniň «Bitaraplyk muzeýi» şahamçasyna hem-de Bitaraplyk seýilgäh zolagynda täze döredilen «Baky ýoluň» we «Bitaraplygy» muzeýlerine gurnalan gezelenç syýahaty talyp ýaşlarymyzy Watany söýmegiň, olary millilik ruhunda terbiýelemegiň beýik mekdebidir. ______________________________________ Şemşat Hezretgulyýewa Türkmenistanyň Döwlet çeperçilik akademiýasynyň mugallymy

HOŞ GELDIŇ ILIME, SALAM, TÄZE ÝYL!

Kitaphanalar

29.12.2025

Döwletmämmet Azady adyndaky Arkadag şäher kitaphanasynda “Hoş geldiň ilime, salam, Täze ýyl!” atly söhbetdeşlik geçirildi. Ýurdumyzda her ýyly üstünlikli jemläp geljek ýyly mynasyp zähmet gadamlary bilen garşylamak asylly ýörelgä öwrüldi. 2025-nji ýyl hem ajaýyp öňegidişikleriň ençemesini ykbalymyza bagyş etdi. Şöhrat şana beslenen merjen şäher Arkadag bu gün bezemen arçalaryň elwan öwüşginleri bilen ýalkym saçýar. Şu günlerde toý-baýramly ýurdumyzyň ähli ýerinde owadan hem belent arçalar baýramçylyk bezegleri giňden ýaýbaňlandyrylýar. Şu ajaýyp baýramçylyk mynasybetli Döwletmämmet Azady adyndaky Arkadag şäher kitaphanasynda dürli ýaşly okyjylarymyzyň gelmeginde täze ýyl barada goşgularyny, aýdymlaryny aýdyp berdiler. Dürli öwüşgin saçýan çyrajyklar, yşyklandyryjy bezeglerden emele gelen owadan lybasa beslenen arçanyň töweregine ýygnanyp çagalar birek-birege abadançylyk, bagtyýarlyk arzuwladylar. Belent rowaçlyklara beslenjek Täze-2026-njy ýylda okgunly ösüşleri maksat edinip, öňe batly gadam urýan eziz Watanymyza beýik işler, uly ýeňişler, şanly wakalar hemra bolsun. Ak arzuwlara beslenip geljek Täze ýyl her bir ynsanyň umyt-arzuwlaryny hasyl eýlesin, maşgala ojaklarymyz rysgal-döwletli bolsun! Söhbetdeşligiň ahyrynda ýurdumyzda körpe nesillerimiz üçin döredilýän ähli mümkinçilikler üçin Gahryman Arkadagymyza, Arkadagly Gahryman Serdarymyza çäksiz alkyşlaryny aýtdylar.

2026-NJY ÝYLYŇ 1-11-NJI ÝANWARY ARALYGYNDA ÝURDUMYZYŇ TEATRLARYNDA GÖRKEZILJEK SAHNA OÝUNLARYNYŇ TERTIBI

Teatr we kino dünýäsi

29.12.2025

TÜRKMENISTANYŇ BEÝIK SAPARMYRAT TÜRKMENBAŞY ADYNDAKY BAŞ AKADEMIKI DRAMA TEATRYNDA 01.01.2026ý. «Gülki agşamy» atly teatrlaşdyrylan, aýdym-sazly tomaşa sagat 19:00 02.01.2026ý. «Gülki agşamy» atly teatrlaşdyrylan, aýdym-sazly tomaşa sagat 19:00 03.01.2026ý. «Gülki agşamy» atly teatrlaşdyrylan, aýdym-sazly tomaşa sagat 19:00 04.01.2026ý. «Gelinler» atly sahna oýny sagat 19:00 09.01.2026ý. «Ependi ýa-da gülkünç goňşy» atly sahna oýny sagat 19:00 10.01.2026ý. «Syrly sandyk» atly sahna oýny sagat 19:00 11.01.2026ý. «Gülki agşamy» atly teatrlaşdyrylan, aýdym-sazly tomaşa sagat 19:00 ______________________________________ TÜRKMENISTANYŇ MAGTYMGULY ADYNDAKY MILLI SAZLY DRAMA TEATRYNDA 02.01.2026ý. «Hoş geldiň täze ýyl!» atly teatrlaşdyrylan, aýdym-sazly tomaşa sagat 19:00 03.01.2026ý. «Hoş geldiň ülkäme ajap täze ýyl» atly teatrlaşdyrylan, aýdym-sazly tomaşa sagat 19:00 04.01.2026ý. «Täze ýyl geldi bagt serpaýyn eçilip» atly teatrlaşdyrylan, aýdym-sazly tomaşa sagat 19:00 06.01.2026ý. «Täze ýyl täze bagt getirer» atly teatrlaşdyrylan, aýdym-sazly tomaşa sagat 19:00 07.01.2026ý. «Aýdym-sazly gülki agşamy» atly teatrlaşdyrylan, aýdym-sazly tomaşa sagat 19:00 08.01.2026ý. «Aýdym-sazly gülki agşamy» atly teatrlaşdyrylan, aýdym-sazly tomaşa sagat 19:00 09.01.2026ý. «Aýdym-sazly gülki agşamy» atly teatrlaşdyrylan, aýdym-sazly tomaşa sagat 19:00 10.01.2026ý. «Ynsap» atly sahna oýny sagat 19:00 11.01.2026ý. «Toýumyza gel toýumyza» atly sahna oýny sagat 19:00 ______________________________________ TÜRKMENISTANYŇ ALP ARSLAN ADYNDAKY MILLI DRAMA TEATRYNDA 03.01.2026ý. «Täze ýyl degişmeleri» atly teatrlaşdyrylan, aýdym-sazly tomaşa sagat 19:00 04.01.2026ý. «Täze ýyl degişmeleri» atly teatrlaşdyrylan, aýdym-sazly tomaşa sagat 19:00 06.01.2026ý. «Täze ýylyň jadyly sandygy» atly teatrlaşdyrylan, aýdym-sazly tomaşa sagat 11:00 07.01.2026ý. «Täze ýylyň jadyly sandygy» atly teatrlaşdyrylan, aýdym-sazly tomaşa sagat 11:00 08.01.2026ý. «Täze ýylyň jadyly sandygy» atly teatrlaşdyrylan, aýdym-sazly tomaşa sagat 11:00 09.01.2026ý. «Täze ýylyň jadyly sandygy» atly teatrlaşdyrylan, aýdym-sazly tomaşa sagat 11:00 09.01.2026ý. «Täze ýyl degişmeleri» atly teatrlaşdyrylan, aýdym-sazly tomaşa sagat 19:00 10.01.2026ý. «Täze ýyl degişmeleri» atly teatrlaşdyrylan, aýdym-sazly tomaşa sagat 19:00 11.01.2026ý. «Täze ýyl degişmeleri» atly teatrlaşdyrylan, aýdym-sazly tomaşa sagat 19:00 ______________________________________ A.S.PUŞKIN ADYNDAKY DÖWLET RUS DRAMA TEATRYNDA 02.01.2026ý. «Aýaz baba we çal möjek» atly sahna oýny sagat 12:00 02.01.2026ý. «Täze ýylyňyz bilen!» atly teatrlaşdyrylan, aýdym-sazly tomaşa sagat 19:00 03.01.2026ý. «Aýaz baba we çal möjek» atly sahna oýny sagat 12:00 03.01.2026ý. «Täze ýylyňyz bilen!» atly teatrlaşdyrylan, aýdym-sazly tomaşa sagat 19:00 04.01.2026ý. «Aýaz baba we çal möjek» atly sahna oýny sagat 11:00, 13:00 04.01.2026ý. «Täze ýylyňyz bilen!» atly teatrlaşdyrylan, aýdym-sazly tomaşa sagat 19:00 07.01.2026ý. «Aýaz baba we çal möjek» atly sahna oýny sagat 12:00 08.01.2026ý. «Aýaz baba we çal möjek» atly sahna oýny sagat 12:00 09.01.2026ý. «Jadygöý mamanyň hileleri» atly sahna oýny sagat 12:00 09.01.2026ý. «Hanuma» atly sahna oýny sagat 19:00 10.01.2026ý. «Aýaz baba we Gar şazenany» atly sahna oýny sagat 12:00 10.01.2026ý. «Hindi söýgüsi» atly sahna oýny sagat 19:00 11.01.2026ý. «Aýaz baba we çal möjek» atly sahna oýny sagat 11:00, 13:00 11.01.2026ý. «Täze ýylyňyz bilen!» atly teatrlaşdyrylan, aýdym-sazly tomaşa sagat 19:00 ______________________________________ TÜRKMENISTANYŇ MOLLANEPES ADYNDAKY TALYPLAR TEATRY 01.01.2026ý. «Täze ýyl degişmeleri» atly teatrlaşdyrylan, aýdym-sazly tomaşa sagat 19:00 02.01.2026ý. «Täze ýyl degişmeleri» atly teatrlaşdyrylan, aýdym-sazly tomaşa sagat 19:00 03.01.2026ý. «Täze ýyl degişmeleri» atly teatrlaşdyrylan, aýdym-sazly tomaşa sagat 19:00 04.01.2026ý. «Täze ýyl degişmeleri» atly teatrlaşdyrylan, aýdym-sazly tomaşa sagat 19:00 05.01.2026ý. «Täze ýyl degişmeleri» atly teatrlaşdyrylan, aýdym-sazly tomaşa sagat 19:00 06.01.2026ý. «Täze ýyl degişmeleri» atly teatrlaşdyrylan, aýdym-sazly tomaşa sagat 19:00 07.01.2026ý. «Täze ýyl degişmeleri» atly teatrlaşdyrylan, aýdym-sazly tomaşa sagat 19:00 08.01.2026ý. «Täze ýyl degişmeleri» atly teatrlaşdyrylan, aýdym-sazly tomaşa sagat 19:00 09.01.2026ý. «Täze ýyl degişmeleri» atly teatrlaşdyrylan, aýdym-sazly tomaşa sagat 19:00 10.01.2026ý. «Amanat giýew» atly sahna oýny sagat 19:00 11.01.2026ý. «Täze ýyl degişmeleri» atly teatrlaşdyrylan, aýdym-sazly tomaşa sagat 19:00 ______________________________________ ARKADAG ŞÄHERINIŇ AMAN GULMÄMMEDOW ADYNDAKY DÖWLET DRAMA TEATRY 01.01.2026ý. «Gutly bolsun Täze ýylyňyz!» atly teatrlaşdyrylan, aýdym-sazly tomaşa sagat 19:00 02.01.2026ý. «Aldanan möjek» atly sahna oýny sagat 15:00 02.01.2026ý. «Gutly bolsun Täze ýylyňyz!» atly teatrlaşdyrylan, aýdym-sazly tomaşa sagat 19:00 03.01.2026ý. «Jommuk» atly sahna oýny sagat 15:00 03.01.2026ý. «Gutly bolsun Täze ýylyňyz!» atly teatrlaşdyrylan, aýdym-sazly tomaşa sagat 19:00 04.01.2026ý. «Aldanan möjek» atly sahna oýny sagat 15:00 04.01.2026ý. «Şowhunly tomaşa» atly teatrlaşdyrylan, aýdym-sazly tomaşa sagat 19:00 05.01.2026ý. «Jommuk» atly sahna oýny sagat 15:00 05.01.2026ý. «Şowhunly tomaşa» atly teatrlaşdyrylan, aýdym-sazly tomaşa sagat 19:00 06.01.2026ý. «Aldanan möjek» atly sahna oýny sagat 15:00 06.01.2026ý. «Şowhunly tomaşa» atly teatrlaşdyrylan, aýdym-sazly tomaşa sagat 19:00 07.01.2026ý. «Jommuk» atly sahna oýny sagat 15:00 07.01.2026ý. «Şowhunly tomaşa» atly teatrlaşdyrylan, aýdym-sazly tomaşa sagat 19:00 08.01.2026ý. «Aldanan möjek» atly sahna oýny sagat 15:00 08.01.2026ý. «Şowhunly tomaşa» atly teatrlaşdyrylan, aýdym-sazly tomaşa sagat 19:00 09.01.2026ý. «Jommuk» atly sahna oýny sagat 15:00 09.01.2026ý. «Şowhunly tomaşa» atly teatrlaşdyrylan, aýdym-sazly tomaşa sagat 19:00 10.01.2026ý. «Aldanan möjek» atly sahna oýny sagat 15:00 10.01.2026ý. «Şowhunly tomaşa» atly teatrlaşdyrylan, aýdym-sazly tomaşa sagat 19:00 11.01.2026ý. «Şowhunly tomaşa» atly teatrlaşdyrylan, aýdym-sazly tomaşa sagat 19:00 ______________________________________ TÜRKMEN DÖWLET GURJAK TEATRY 02.01.2026ý. «Janly gurjaklar» atly sahna oýny sagat 12:00, 15:00 02.01.2026ý. «Täze ýylda körpe nesil şatlanýar» atly teatrlaşdyrylan, aýdym-sazly tomaşa sagat 19:00 03.01.2026ý. «Altyn jüýje» atly sahna oýny sagat 12:00, 15:00 03.01.2026ý. «Täze ýylda körpe nesil şatlanýar» atly teatrlaşdyrylan, aýdym-sazly tomaşa sagat 19:00 04.01.2026ý. «Täze ýylda körpe nesil şatlanýar» atly teatrlaşdyrylan, aýdym-sazly tomaşa sagat 12:00, 15:00 04.01.2026ý. «Çagaly öý bazar» atly sahna oýny sagat 19:00 05.01.2026ý. «Maşa we aýy» atly sahna oýny sagat 12:00, 15:00 05.01.2026ý. «Täze ýylda körpe nesil şatlanýar» atly teatrlaşdyrylan, aýdym-sazly tomaşa sagat 19:00 06.01.2026ý. «Şadyýan sazandalar» atly sahna oýny sagat 12:00, 15:00 06.01.2026ý. «Aşyklar» atly sahna oýny sagat 19:00 07.01.2026ý. «Baky rowaýatlar» atly sahna oýny sagat 12:00, 15:00 07.01.2026ý. «Täze ýylda körpe nesil şatlanýar» atly teatrlaşdyrylan, aýdym-sazly tomaşa sagat 19:00 08.01.2026ý. «Çagalyk älemgoşary» atly sahna oýny sagat 12:00, 15:00 08.01.2026ý. «Çagaly öý bazar» atly sahna oýny sagat 19:00 09.01.2026ý. «Bir towşanjyk bar eken» atly sahna oýny sagat 12:00, 15:00 09.01.2026ý. «Täze ýylda körpe nesil şatlanýar» atly teatrlaşdyrylan, aýdym-sazly tomaşa sagat 19:00 10.01.2026ý. «Altyn jüýje» atly sahna oýny sagat 12:00, 15:00 10.01.2026ý. «Jüýteniň toýy» atly sahna oýny sagat 19:00 11.01.2026ý. «Çagalyk älemgoşary» atly sahna oýny sagat 12:00, 15:00 11.01.2026ý. «Täze ýylda körpe nesil şatlanýar» atly teatrlaşdyrylan, aýdym-sazly tomaşa sagat 19:00 ______________________________________ TÜRKMENISTANYŇ DÖWLET SIRKI 02.01.2026ý. «Täze ýylyň öwüşginleri» atly sirk tomaşasy sagat 12:00, 15:00 03.01.2026ý. «Täze ýylyň öwüşginleri» atly sirk tomaşasy sagat 12:00 04.01.2026ý. «Täze ýylyň öwüşginleri» atly sirk tomaşasy sagat 12:00, 18:00 05.01.2026ý. «Täze ýylyň öwüşginleri» atly sirk tomaşasy sagat 12:00, 15:00 06.01.2026ý. «Täze ýylyň öwüşginleri» atly sirk tomaşasy sagat 12:00, 15:00 07.01.2026ý. «Täze ýylyň öwüşginleri» atly sirk tomaşasy sagat 12:00 11.01.2026ý. «Täze ýylyň öwüşginleri» atly sirk tomaşasy sagat 18:00 ______________________________________ ARKADAG ŞÄHERINIŇ GÖROGLY ADYNDAKY DÖWLET ATÇYLYK SIRKI 01.01.2026ý. «Täze ýylyň şatlygy» atly sirk tomaşasy sagat 11:00 04.01.2026ý. «Täze ýylyň şatlygy» atly sirk tomaşasy sagat 12:00

HÄZIRKI ZAMAN JEMGYÝETINDE ZENANLARYŇ ORNY: DURNUKLY ÖSÜŞIŇ BÄHBIDINE HALKARA HYZMATDAŞLYGY ÖSDÜRMEK

Kitaphanalar

29.12.2025

Döwletmämmet Azady adyndaky Arkadag şäher kitaphanasy, hem-de Arkadag teleýaýlymy bilen bilelikde gurnamagynda “Häzirki zaman jemgyýetinde zenanlaryň orny: durnukly ösüşiň bähbidine halkara hyzmatdaşlygy ösdürmek” atly söhbetdeşlik geçirildi. Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň saýasynda ýurdumyzda mährem enelerimize, zenanlarymyza goýulan hormat belent derejelere göterilýär. Ine bu günki gün hem “Awaza” milli syýahatçylyk zolagyň iri halkara çäreleriň geçirilýän merkezine öwrüldi. Ýurdumyzda Döwlet tarapyndan gelin-gyzlara dürli ýeňillikler berilýär, olaryň mynasyp ýaşamagy, döredijilikli zähmet çekmegi üçin giň mümkinçilikler döredilip, kanunçylyk esasynda gender deňligi üpjün edilýär. Bu ugurdaky anyk tagallalara halkara bileleşik tarapyndan ýokary baha berilýär. Bu günki gün bolsa bag¬ty¬ýar ze¬nan¬la-rymyz jem¬gy¬ýet¬çi¬lik ösü¬şi¬niň äh¬li ugur¬la¬ry¬na – milli parlamente we adam hukuklary guramasyna, ministrlige, ylym we bilim edaralaryna, köpçülikleýin habar beriş serişdelerine ýolbaşçylyk edýärler, telekeçilik işini üstünlikli ösdürýär we beýleki pudaklarda üstünlik gazanýarlar. Ýurdumyz Merkezi Aziýa ýurtlarynyň zenanlarynyň dialogynyň çäginde “Zenanlar, parahatçylyk we howpsuzlyk” atly halkara geňeşmeleri geçirmek başlangyjyny öňe sürýär. Bu format dünýä gurluşynda we sebit hyzmatdaşlygy meselelerinde zenanlaryň ornuny pugtalandyrmaga mümkinçilik berýär. Söhbetdeşligiň ahyrynda agzybir türkmen halkyny eşretli zamanada ýaşadýan Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, il ýurt bähbitli umumy adamzat ähmiýetli işleri elmydama rowaç bolmagyny tüýs ýürekden arzuw etdiler.

ARKADAGLY GAHRYMAN SERDARYMYZYŇ “TÜRKMENISTANYŇ BITARAPLYGY-PARAHATÇYLYGYŇ WE YNANYŞMAGYŇ AÝDYŇ ÝOLY” ATLY TÄZE KITABYNYŇ TANYŞDYRYLYŞ DABARASY

Kitaphanalar

29.12.2025

Türkmenistanyň Döwlet medeniýet merkeziniň Döwlet kitaphanasynda Döwletmämmet Azady adyndaky Arkadag şäher kitaphanasy, Türkmenistanyň Bazar Amanow adyndaky Döwlet çagalar kitaphanasy, Aşgabat şäher medeniýet müdirliginiň merkezleşdirilen kitaphanalar ulgamy hem-de Ahal welaýat kitaphanasy bilen bilelikde Hormatly Prezidentimiz, Arkadagly Gahryman Serdarymyzyň “Türkmenistanyň Bitaraplygy- parahatçylygyň we ynanyşmagyň aýdyň ýoly” atly kitabynyň tanyşdyrylyş dabarasy geçirildi. Berkarar döwletiň täze eýýamynyň Galkynyşy döwründe ählimiziň bilşimiz ýaly ajaýyp zamanamyzyň her bir güni taryhy ösüşlere, şanly senelere beslenip gelýär. Hormatly Prezidentimiz Arkadagly Gahryman Serdarymyzyň ajaýyp eseri “Türkmenistanyň Bitaraplygy-parahatçylygyň we ynanyşmagyň aýdyň ýoly” atly kitaby Türkmenistanyň hemişelik Bitaraplygynyň şanly 30 ýyllygyna hem-de Halkara Bitaraplyk gününe ajaýyp sowgat boldy. Bu ajaýyp kitap ýokary çaphana usulynda neşir edilip, üç dilde türkmen, iňlis we rus dillerinde halk köpçüligine ýetirildi. Onuň sahypalarynda şekillendiriş sungatynyň dürli žanrlary boýunça suratlar ýerleşdirilip, kitabyň bezeg aýratynlyklarynа möhüm ähmiýet berlipdir. Bu ajaýyp eser parahatçylyk söýüjilige ýugrulan hemişelik Bitaraplyk ýörelgelerimizi, milli diplomatiýamyzyň köklerini öwrenmekde gymmatly çeşme bolup hyzmat edýär. Maslahatyň ahyrynda bizi döwletli döwranda ýaşadýan, Türkmen Halkynyň Milli Lideri Gahryman Arkadagymyza, Arkadagly Gahryman Serdarymyza köp sag bolsun aýdyldy. Gahryman Arkadagymyzyň, Arkadagly Gahryman Serdarymyzyň janlary sag, belent başlary aman, tutýan tutumly işleri elmydama rowaçlyklara beslensin. Gahryman Arkadagymyzyň, Arkadagly Gahryman Serdarymyzyň türkmen halkyna peşgeş berýän, şeýle ajaýyp kitaplarynyň höwri köp bolup, döwlet galamy elmydama ýiti bolsun.

ÇAGALAR-WATANYMYZYŇ RÖWŞEN GELJEGI

Täzelikler

29.12.2025

HORMATLY PREZIDENTIMIZ SERDAR BERDIMUHAMEDOW TÄZE ÝYL DABARALARYNA GATNAŞDY 27-nji dekabrda Asylly däbe görä, şu gün hormatly Prezidentimiz Serdar Berdimuhamedow ýurdumyzyň Baş arçasynyň ýanynda guralan Täze ýyl dabarasyna gatnaşdy. Bu waka bagtyýar çagalarda aýratyn şatlyk duýgusyny döretdi. Ak mermerli Aşgabadyň gözel künjekleriniň biri bolan “Älem” medeni-dynç alyş merkezinde giň möçberli Täze ýyl baýramçylygy geçirildi. Meýdançanyň merkezinde depesi “2026” ýazgyly, sekizburçly ýyldyz bilen bezelen Baş arça diňe bir dabaranyň geçirilýän esasy künjegi bolman, eýsem, türkmen halkynyň mizemez jebisliginiň, abadançylygynyň hem nyşanydyr. Paýtagtymyzdan, Arkadag şäherinden, ähli welaýatlardan gelen ýaşajyk ildeşlerimiz üçin bu gün Aşgabat täsinlikler dünýäsine öwrüldi. Meýdança ýygnanan çagalary şatlyk duýgusy gurşap aldy. Arçany bezeýän oýnawaçlaryň öwüşginleri, dürli reňkli çyralardyr bezegler ýagty geljege ynam döredýän ägirt uly baýramçylygyň buşlukçysy boldy. Erteki gahrymanlarynyň keşbini janlandyran çagalaryň şatlyk-şowhuny meýdançany açyk asmanyň astyndaky teatr sahnasyna öwürdi. Daş-töweregi gurşap alan, dürli yşyklar bilen bezelen baglar baýramçylyga mahsus jadyly görnüşleri döredýär. Dabara gatnaşyjylar hormatly Prezidentimize sabyrsyzlyk bilen garaşýarlar. Döwlet Baştutanymyzyň bu baýramçylyk çäresine gatnaşmagy ýurdumyzda ýaş nesil barada edilýän aladalaryň aýdyň nyşany bolup durýar. Arkadagly Gahryman Serdarymyzyň awtoulagy dabaranyň geçirilýän ýerine geldi. Bu ýerde çagalar döwlet Baştutanymyzy uly ruhubelentlik we şatlyk duýgusy bilen garşylap, gül desselerini gowşurdylar hem-de hoşallyklaryny beýan etdiler. Körpeleriň ýerine ýetiren goşgulary Garaşsyz, baky Bitarap ýurdumyzyň bagtyýar çagalarynyň çuňňur hoşallygynyň nyşanyna öwrüldi. Joşgunly aýdym-sazlaryň astynda hormatly Prezidentimiz Serdar Berdimuhamedow çagalar bilen bilelikde ajaýyp Täze ýyl arçasynyň ýanyna barýar. Bu ýerde baýramçylygyň baş gahrymanlary bolan Aýaz baba bilen Garpamyk hem-de ýylyň müçeleriniň keşplerini janlandyran körpeler Arkadagly Gahryman Serdarymyzy Täze ýyl baýramy bilen gutladylar. Aýaz baba çagalar barada edilýän aladalar üçin döwlet Baştutanymyza hem-de Gahryman Arkadagymyza tüýs ýürekden hoşallygyny beýan etdi. Soňra körpeleriň çykyşlary ýaýbaňlandyryldy. Ýaş aýdymçylaryň, çagalar tans toparlarynyň ýerine ýetiren aýdym-sazly kompozisiýalary hemmelere Täze ýyl şatlygyny paýlady. Hormatly Prezidentimiz eziz Watanymyzyň geljegi bolan şadyýan çagalaryň çykyşlaryna uly gyzyklanma bilen tomaşa etdi. ________________________________ «Türkmenistan gazeti

MEŞHUR ESTRADA ÝYLDYZLARY AŞGABATDA

Konsertler

28.12.2025

Gyşky oýunlar sport toplumynda daşary ýurtly estrada aýdymçylarynyň konsertleri 28-nji dekabrda sungat äleminde «Mot» lakamy bilen meşhur bolan rus aýdymçysy Matweý Melnikowyň şowhunly aýdym-sazlary bilen dowam etdi. Aýdym-saz sungatynyň rep we hip-hop žanrlarynda döreden ajaýyp eserleri bilen meşhurlyga eýe bolan Matweý Melnikow türkmen sahnasynda ilkinji gezek çykyş etdi. Onuň konserti aýdym-saz muşdaklary üçin ýatdan çykmajak waka öwrüldi. Şu gezekki konserti ýatdan çykmajak şüweleňli agşama öwürmek üçin ol özüniň uly döredijilik topary bilen paýtagtymyzda myhmançylykda boldy. Bu döredijilik toparynyň tanslary estrada ýyldyzynyň bezemen sahnada ýerine ýetiren aýdymlaryna goşmaça öwüşgin çaýdy. 1990-njy ýylda Russiýa Federasiýasynyň Krasnodar ülkesinde doglan Matweý Melnikowy ene-atasy aýdym-saza çagalykdan höweslendiripdir. Olaryň tagallalary netijesinde ol dürli aýdym-saz gurnaklaryna gatnaýar. Umumy we ýokary okuw mekdeplerini tapawutlanan netijeler bilen üstünlikli tamamlamagy onuň ýokary zehinlidigini görkezýär. Zehiniň we aýdym-saza höwesiň birleşmegi bilen, ol sungatda uly meşhurlyga eýe bolýar. Aýdymça şöhrat getiren «Soprano», «Solo», «Mama ýa w Dubaýe» aýdymlary tomaşaçylarda uly şowhun döretdi. «Kapkan», «Portret», «Peremeny-eto krasiwo» ýaly aýdymlar hem gyzgyn garşylandy. «Şarady» we «Sluçaýnosti ne sluçaýny» aýdymlary bolsa häzirki wagtda iň köp diňlenilýän halkara aýdym-saz sanawlarynda öňdäki orunlardadyr. Şeýle ajaýyp şüweleň agşamy oňa gelenlerde ýatdan çykmajak täsirleri galdyrdy. Munuň şeýledigini her bir ýerine ýetirilen aýdymy tomaşaçylaryň dowamly el çarpyşmalar bilen garşylamagy-da aýdyň görkezdi. Matweý Melnikow türkmen topragynda myhmançylykda bolýandygyna, şeýle ajaýyp agşamda türkmen tomaşaçylarynyň öňünde çykyş edýändigine örän şatdygyny aýtdy. Şeýle hem ol döredilen mümkinçilikler üçin döwlet Baştutanymyza çäksiz hoşallygyny beýan etdi. «15 ýyllyk döredijilik we konsert işimiň içinde ilkinji gezek Aşgabatda bolýaryn. Bu toprakdaky myhmansöýerlik we mähribanlyk eýýäm howa menziline gadam basanymyzdan bize duýuldy. Bu ýerde biz özümizi edil öýümizde ýaly duýýarys» diýip, meşhur estrada ýyldyzy söhbetdeşlikde aýtdy. Täze ýylyň öňüsyrasynda dünýä belli meşhur sungat ussatlarynyň dabaraly konsertleriniň guralmagy ýurdumyzyň täze, 2026-njy—«Garaşsyz, baky Bitarap Türkmenistan—bedew batly at-myradyň mekany» ýylyny toý ruhunda mynasyp garşylaýandygynyň nyşanydyr. ___________________________ «Türkmenistan» gazeti

MEŞHUR ESTRADA ÝYLDYZLARY AŞGABATDA

Konsertler

27.12.2025

Türkmen halkynyň Milli Lideri Gahryman Arkadagymyzyň başlangyçlarynyň hormatly Prezidentimiz tarapyndan üstünlikli dowam etdirilmegi netijesinde her Täze ýylyň öňüsyrasynda ýurdumyzda dünýä belli estrada aýdymçylarynyň şowhunly konsertlerini guramak asylly däbe öwrüldi. Munuň özi halkymyzyň baýramçylyk ruhubelentligine şatlyk goşmak bilen çäklenmän, eýsem, ýurdumyzyň medeni gatnaşyklaryň ösdürilmegine uly ähmiýet berýändigini hem görkezýär. Bir döwür dünýäde iň köp diňlenilýän aýdym-sazlaryň sanawynda öňdäki orunlary eýelän, häzirki wagtda hem özüniň owazlylygyny ýitirmeýän aýdymlary bilen tanalýan Araş Labafyň ýurdumyza ilkinji gezek gelip, türkmen sahnasynda gaýtalanmajak şowhun döretmegi munuň şeýledigini ýene-de bir gezek tassyklady. 1977-nji ýylda goňşy Eýran Yslam Respublikasynyň paýtagtynda doglan Araş 10 ýaşaýança bu ýurtda ýaşaýar. Ene-atasynyň maşgala bolup Ýewropa göçüp gelmekleri sungat bilen içgin gyzyklanýan geljekki ýyldyza bar bolan mümkinçiliklere has aýdyň göz ýetirmäge we peýdalanmaga şert döredýär. Netijede, eýýäm 14 ýaşynda Araş özüniň ilkinji döredijilik toparyny döredýär. Onuň aýdym-saz albomlary köpdilliligi bilen tapawutlanýar. Bu aýratynlyga ýurdumyzyň aýdym-saz muşdaklary meşhur aýdymçynyň türkmen sahnasynda ýerine ýetiren ilkinji aýdymlarynda turuwbaşdan göz ýetirdiler. «On est la», «Wostoçnyýe skazki», «One Day» atly aýdymlarda Günbataryň häzirki zaman şowhunly äheňleri Gündogaryň şahyrana labyzlylygy bilen sazlaşykly utgaşýar. Estrada aýdymçysyna meşhurlyk getiren «Broken Angel», «Pure Love» aýdymlary tomaşaçylary ýaşlyk we ýatlamalar dünýäsine aralaşdyrdy. «Donya», «She Makes Me Go» we «One Night in Dubai» ýaly aýdymlar bolsa şowhunly el çarpyşmalar bilen garşylandy. Dünýä belli sungat ussady özüniň başga-da birnäçe ajaýyp aýdymlary bilen tomaşaçylaryň baýramçylyk ruhuny belende göterdi. Döwürdeş adamlaryň bir wagtlar söýüp diňlän «Boro boro», «I adore you» aýdymlary bolsa konsertiň ajaýyp jemlenmesine öwrüldi. Konsertiň ahyrynda Araş Labaf hemmeleri ýetip gelýän 2026-njy ýyl bilen tüýs ýürekden gutlap, türkmen sahnasynda çykyş etmegiň özi üçin uly hormatdygyny, bu ýerde muşdaklarynyň juda kändigine göz ýetirmegiň örän buýsandyryjydygyny belledi. «Siziň ýurduňyz maňa ýatdan çykmajak ýakymly täsirleri bagyşlady. Ilkinji nobatda, Aşgabat özüniň owadanlygy we binagärlik aýratynlygy bilen bizi haýran galdyrdy. Hemmeleriň garaşýan Täze ýyl baýramynyň öňüsyrasynda ajaýyp sahnada türkmen diňleýjileriniň öňünde konsert maksatnamasy bilen çykyş etmäge çagyrylandygym we döredilen mümkinçilik üçin hormatly Türkmenistanyň Prezidentine köp sagbolsun aýdýaryn. Bu ýerde mähirli kabul edilmegim we bildirilen myhmansöýerlik türkmen halkynyň açyklygynyňwe dostanalygynyň aýdyň güwäsidir. Şeýle döredijilik saparlarynyň guralmagy halklaryň arasynda dostlukly gatnaşyklaryň pugtalandyrylmagy üçin berk binýady emele getirýär» diýip, meşhur aýdymçy söhbetdeşlikde aýtdy. ____________________________ «Türkmenistan» gazeti

HORMATLY PREZIDENTIMIZIŇ «TÜRKMENISTANYŇ BITARAPLYGY-PARAHATÇYLYGYŇ WE YNANYŞMAGYŇ AÝDYŇ ÝOLY» ATLY TÄZE KITABY ESASYNDA

Kitaphanalar

26.12.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Bagtyýarlyk etrabynyň kitaphana şahamçasynyň guramagynda Aşgabat şäher häkimliginiň toplumy binasynda hormatly Prezidentimiziň «Türkmenistanyň Bitaraplygy-parahatçylygyň we ynanyşmagyň aýdyň ýoly» atly kitaby esasynda söhbetdeşlik geçirildi. Söhbetdeşlikde çykyş edenler hormatly Prezidentimiziň halkymyza sowgat eden “Türkmenistanyň Bitaraplygy-parahatçylygyň we ynanyşmagyň aýdyň ýoly” atly täze eserinde ýurdumyzda gazanylan üstünlikler, ýetilen belent sepgitler barada, türkmen halkynyň parahatçylyk söýüjilik ýoluny, dost-doganlyk syýasatyny, hemişelik Bitaraplygymyzyň beýik ýörelgesini aýdyň beýan edilýändigi hakynda söhbet etdiler. Şeýle-de bu kitapda döwletimiziň hemişelik Bitaraplyk syýasatyna eýerip, halkara gatnaşyklarda gazanan üstünliklerine, ýeten belent sepgitlerine, gol çekilen taryhy resminamalara hem-de syýasy wakalara giňişleýin orun berilmegi, kitabyň ähmiýetini has-da artdyrýandygy barada çykyş etdiler. Söhbetdeşligiň ahyrynda şeýle ajaýyp many-mazmunly eserleri halkymyza serpaý berýän, halkymyzyň parahat, asuda durmuşda ýaşamagyny üpjün edýän Gahryman Arkadagymyzyň, Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, alyp barýan beýik işleriniň mundan beýläk-de rowaçlyklara beslenmegini tüýs ýürekden arzuw etdiler.

TÄZE ÝYLA BAÝRAMÇYLYK SOWGADY

Teatr we kino dünýäsi

25.12.2025

Täze ýyl baýramçylygyny şatlyk-şowhunly garşylamak, maşgala agzalary bilen agzybirlikde baýram etmek, baýramçylyk günlerinde medeniýet ojaklarynda bolup, medeni dynç almak ruhy dünýämiziň asylly däpleridir. Şundan ugur alyp, ýurdumyzyň teatrlarynyň hem-de sirkleriniň döredijilik toparlary bagtyýar watandaşlarymyz üçin baýramçylyk sowgatlaryny taýýarladylar. Bu şatlykly günlerde teatrlarymyzyň hem sirklerimiziň myhmanlary bolýan bagtyýar watandaşlarymyzy Täze ýyl baýramynyň esasy gahrymanlary bolan Aýazbaba bilen Garpamyk, şeýle hem Japbaklar, Ýartygulak, Akpamyk, akylly Ahmet, Mämetjan ýaly meşhur ertekileriň we milli senenamanyň müçe ýyllarynyň gahrymanlary garşylarlar. Olar bilen surata düşmek çagalar üçin ýatdan çykmajak waka öwrüler. Zehinlije çagalar Aýazbabadan alkyşlary hem süýjilik toý paýlaryny alarlar. Ýurdumyzyň teatrlarynda hem sirklerinde baýramçylyk sahna oýunlarydyr tomaşalary dekabr aýynyň 26-syndan – 31-ine çenli her gün sagat 19.00-da, çagalar üçin baýramçylyk tomaşalary bolsa gündiz 11.00-de, 12.00-de we 14.00 başlanar. Türkmenistanyň Beýik Saparmyrat Türkmenbaşy adyndaky baş akademiki drama teatrynda 26-nji dekabrda «Gülki agşamy» atly atly teatrlaşdyrylan, aýdym-sazly tomaşa, 27-sine we 28-zine «Gelin gelýär» atly şadyýan sahna oýny, 29-yna we 30-na aýdym-sazly, «Täze ýyl degişmeleri» atly teatrlaşdyrylan, degişmeli, aýdym-sazly tomaşa görkeziler. Türkmenistanyň Alp Arslan adyndaky milli drama teatry öz muşdaklaryna dekabr aýynyň 26-sy-31-i aralygynda «Täze ýylyň jadyly sandygy» hem-de «Täze ýyl degişmeleri» atly aýdym-sazly, gülküli tomaşalary teatr muşdaklaryny garşylar. Türkmenistanyň Magtymguly adyndaky milli sazly drama teatry öz tomaşaçylaryna dekabr aýynyň 26-syna «Ak arzuwly Täze ýyl» atly teatrlaşdyrylan, degişmeli, aýdym-sazly tomaşasy, 27-sine we 28-zine «Täze ýyl geldi, bagt serpaýyn eçilip!» atly aýdym-sazly, degişmeli tomaşany, aýyň 29-na «Täze ýyl baýramynyň şowhunly sazlary» atly simfoniki orkestriniň konserti (dirižýory T.Ataýew), 30-na hem 31-ne bolsa «Hoş geldiň, ülkäme ajap Täze ýyl» atly teatrlaşdyrylan, aýdym-sazly, degişmeli tomaşalar gurlar. Türkmenistanyň Mollanepes adyndaky talyplar teatry dekabr aýynyň 28, 29,30 hem-de 31-ne «Täze ýyl degişmeleri» atly teatrlaşdyrylan aýdym-sazly, gülküli tomaşany bagtyýar ýaşlara baýramçylyk sowgady eder. Türkmen döwlet gurjak teatry körpe tomaşaçylaryny dekabr aýynyň 27-sine «Çagaly öý bazar», 28-ine «Jüýteniň toýy», 29-na «Çagaly öý bazar», 30-yna hem 31-ne «Täze ýylda körpe nesil şatlanýar» atly aýdym-sazly tomaşa bilen begendirer. A.S.Puşkin adyndaky döwlet rus drama teatry hem Täze ýyl baýramy mynasybetli 26-syna «Sekiz mährem zenan», 27-sine «Aýaz baba we çal möjek» atly sahna oýny, 28-zine çagalar we ýetginjekler üçin «Aýaz baba we Gar şazenany» atly sahna oýnuny, 30-na «Myhmançylykda» atly sahna oýnyny 31-ne «Täze ýylyňyz bilen!» atly teatrlaşdyrylan, aýdym-sazly, gülkili baýramçylyk tomaşalary bilen tomaşaçylara gapylaryny giňden açar. Täze ýyl baýramçylygy mynasybetli Arkadag şäheriniň hem-de ýurdumyzyň welaýat teatrlarynda baýramçylyk sahna oýunlary hem-de tomaşalary sungat muşdaklaryna hödürlener. Arkadag şäheriniň Aman Gulmämmedow adyndaky döwlet drama teatry dekabr aýynyň 27-sine «Şowhunly tomaşa!» atly teatrlaşdyrylan, aýdym-sazly, gülküli tomaşa, 28-ine «Saňa ýalan, maňa çyn» atly sahna oýny, dekabryň 30-na hem 31-ne «Gutly bolsun, Täze ýylyňyz!» atly aýdym-sazly, gülküli tomaşalar bilen öz myhmanlaryny garşy alar. Balkan welaýatynyň Beýik Saparmyrat Türkmenbaşy adyndaky döwlet drama teatry baýramçylyk mynasybetli dekabr aýynyň 27-sine we 28-zine «Gülki sowgady», 29-na we 30-zyna «Buşluk, Täze ýyl geldi!» atly teatrlaşdyrylan, hem- atly aýdym-sazly degişmeli tomaşalary hödürlär. Daşoguzyň N.Andalyp adyndaky döwlet sazly drama teatry dekabr aýynyň 27-sine «Aýdym-sazly gülküli agşamy», 28-ine «Gülki sowgady», 30-na «Ýylgyran ýüze ýygyrt düşmez», 31-ne bolsa «Her çemenden bir gunça» atly teatrlaşdyrylan, aýdym-sazly tomaşalary bilen sungat muşdaklaryny begendirer. Lebap welaýatynyň S.Seýdi adyndaky döwlet sazly drama teatry dekabr aýynyň 27-si–31-i aralygynda «Hoş geldiň täze ýyl, salam, Täze ýyl», Mary welaýatynyň Kemine adyndaky döwlet drama teatry dekabr aýynyň 26-syna we 27-sine çagalar üçin «Altyn jüýje», 28-zine «Bildiriş» atly sahna oýunlary, 30-yna we 31-ne bolsa «Geliň, gülşeliň!» atly aýdym-sazly, gülküli tomaşalar bilen tomaşaçylary begendirerler. Täze ýyl baýramçylygy mynasybetli ýurdumyzyň sirkleri hem täze tomaşalar taýýarlap, sirk sungatynyň täsinliklerini söýüjileri begendirer. Türkmenistanyň döwlet sirkinde dekabr aýynyň 26-sy – 30-y aralygynda «Täze ýylyň öwüşginleri» atly ýörite sirk tomaşasyny, sebitde deňi-taýy bolmadyk Arkadag şäherindäki Görogly adyndaky döwlet atçylyk sirkinde täsinlikleri söýýän sungat muşdaklaryna ««Täze ýylyň şatlygy» atly sirk tomaşasynyň görkezilýär. Mundan başga-da, şatlyk-şowhuna, täze başlangyçlara beslenip gelýän Täze ýyl baýramçylygy mynasybetli sungat aşyklary üçin ata Watanymyzy, şanly Garaşsyzlygymyzy, täze taryhy eýýamymyzda Gahryman Arkadagymyzy beýik başlangyçlaryny mynasyp dowam etdirýän Arkadagly Serdarymyzy durmuşa geçirýän taryhy tutumlaryny wasp edýän aýdymlary belentden ýaňlanar. Görnüşi ýaly, Täze ýyl baýramy mynasybetli ýurdumyzyň teatrlarynda we sirklerinde sahna oýunlary, sirk tomaşalary bagtyýar watandaşlarymyza hödürlenmegi özboluşly baýramçylyk toý sowgady bolar. ________________________________ Agamyrat Baltaýew, Türkmenistanyň Medeniýet ministrliginiň Teatrlar we tomaşa edaralary bölüminiň başlygy.

• ←
• 1
• ...
• 99
• 100
• 101
• ...
• 205
• →