HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

TÄZE ÝYLYŇ ŞOWHUNY GURŞAP ALÝAR ÇAR ÝANY

Kitaphanalar

24.12.2025

Ýakynda “Halkara parahatçylyk we ynanyşmak” ýylynda Türkmenistanyň B. Amanow adyndaky döwlet çagalar kitaphanasynyň hünärmeni, Aşgabat şäheriniň 51-nji orta mekdebiniň mugallymy Jennet Orazowa hem-de şol mekdebiň 1-nji “G”, 4-nji “Ç” synpyň göreldeli okuwçylarynyň gatnaşmagynda Türkmenistan teleýaýlymynyň gurnamagynda “Täze ýylyň şowhuny gurşap alýar çar ýany” atly täze ýyl mynasybetli Aşgabat şäheriniň gözel künjeginde ýerleşýän “Gül zemin” söwda merkezinde söhbetdeşlik geçirildi. Toý baýramly ata ýurdumyz Türkmenistan şu günlerde Täze ýylyň köp öwüşginli lybasyna beslenýär. Ýurdumyzyň ähli ýerlerinde owadan hem belent arçalar oturdylyp, baýramçylyk bezegleri giňden ýaýbaňlandyrylýar. Dürli öwüşgin saçýan çyrajyklar, yşyklandyryjy bezeglerden emele gelen owadan lybasa beslenen arça agajynyň daşynda şadyýan çagalar Aýazbaba bilen Garpamygyň gelmegine garaşyp, taze ýyly wasp edýän goşgydyr aýdymlar aýtdylar. Şeýle hem Aşgabat şäheriniň 51-nji orta mekdebiniň mugallymy Jennet Orazowa geçip barýan 2025-nji ýylyň üstünlikli ýylyň biri bolandygyny, okuw ýylynyň başlanmagy bilen ýylymyzyň şygary bilen baglylykda ilkinji okuw sapaklaryny dostluk, doganlyk, parahatçylyk sapagy bilen başlandygyny, şeýle hem mekdep müdiriniň goldamagynda, meýilnamadan daşary çärelere zehinli, göreldeli mekdep okuwçylarynyň uly höwes bilen gatnaşyp üstünlikli gelýändiklerini gürrüň berdi. Türkmenistanyň B. Amanow adyndaky döwlet çagalar kitaphanasynyň hünärmeni çagalar bagyndan başlap mekdep okuwçylarynyň arasynda wagyz-nesihat işlerini geçirýändiklerini, “Çaglarda kitaba bolan söýgini” döretmekde, türkmen ýazyjy-şahyrlary bilen bilelikde aýdym-sazly döredijilik duşuşyklaryny gurnaýandygyny gürrüň berdi. Ertekileri ýada salýan, ulularyň we çagalaryň uzak wagtlap hakydasynda galjak täze ýyl baýramyna bagtyýar halkymyz uly zähmet ýeňişleri, zähmet sowgatlary bilen, ylaýtada ýaş nesillerimiz predmet sapaklary boýunça bäsleşiklere gatnaşyp, döwlet derejesinde hem dünýä ýurtlarynda türkmen baýdagyny parladyp uly ýeňşler bilen sowgatly geldiler. Bu ýyl hem ýene bir üstünlikli, rowaçlyklara beslenen ýyllaryň biri boldy. Söhbetdeşligiň ahyrynda Gahryman Arkadagymyzy, Arkadagly Gahryman Serdarymyzy, külli türkmen halkymyzy Täze ýyl baýramy bilen gutlaýarys. Goý Täze ýyl halkymyza rowaçlyklary, şanly seneleri bagş etsin!

MILLI MIRASYMYZ-GENJI HAZYNAMYZ

Kitaphanalar

24.12.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Seýitnazar Seýdi adyndaky kitaphana şahamçasy bilen Aşgabat şäher häkimliginiň «Bagt köşgi» toý-dabaralary merkeziniň bilelikde guramagynda «Milli Mirasymyz–genji hazynamyz» ady bilen «Bagt köşgi» toý-dabaralary merkezinde aýdym-sazly söhbetdeşlik geçirildi. Söhbetdeşlikde türkmen halkynyň milli buýsanjy bolan, gadymy gymmatlyklaryny çuňňur öwrenmek we ösdürmek, medeni mirasymyza hormat goýmak ýaşlaryň arasynda giňden ýaýbaňlandyrylýandygy, türkmen halkyň özboluşly medeni-mirasy, däp-dessurlary bolup, geljekki nesillere ýetirmekde birnäçe işleriň alnyp barylýandygy barada gürrüň berdiler. Şeýle-de türkmen topragynyň deňi-taýy bolmadyk haýran galdyryjy meşhur halylary, şaý-sepleri, zergärçilik, külalçylyk sungaty ýagny sungat derejesine göterilen senetçiligi, milliligi we özboluşlylygy bilen dünýä ýüzünde uly meşhurlyga eýe bolýandygy barada çykyş etdiler. Söhbetdeşligiň ahyrynda türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

HOŞ GELDIŇ TÄZE ÝYL, BERKARAR DÖWLETLI DIÝARA

Kitaphanalar

24.12.2025

Döwletmämmet Azady adyndaky Arkadag şäher kitaphanasynda täze ýyl baýramçylygy mynasybetli aýdym-sazly baýramçylyk çykyşlary körpeje nesillerimiz bilen guralýan birnäçe çagalar üçin gepleşikleri yzygiderlikde alnyp barylýar. Şu ajaýyp taryhy ýylda Arkadag şäheri dünýäniň iň tapawutlanan akylly şäher diýlen hormatly ada eýe boldy. Arkadag şäheri-baky bagtyýarlygyň şäheridir. Bagtyýarlygyň goýnunda döredilen ähli şertler biziň ählimiz üçin peşgeşdir. Arkadag şäherimiz- halkyň ýürek şäheridir, döwletli döwranly beýik başlangyçlaryň mekanydyr. Sebitde we dünýäde deňi-taýy bolmadyk akylly şäherimiz arassalygyň ýaşyl ýaşaýşyň gözbaşydyr. Şu mümkinçilikleriň döredilmegi bolsa nesillerimiz üçin dowamatlylyk ýoludyr. Türkmen halkyny ýagty ertirlere sary alyp barýan işlemäge, okamaga, döredijilikli zähmet çekmäge, körpeje nesillerimiziň medeniýetli dynç alyp, wagtlaryny hoş geçirmäge ähli şertleri mümkinçilikleri döredip berýän Türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun! Il ýurt bähbitli umumy adamzat ähmiýetli işleri elmydama rowaçlyklara beslensin.

BUÝSANÇLY ESER

Kitaphanalar

24.12.2025

Lebap welaýat kitaphanasynda, welaýat medeniýet müdirliginiň guramagynda welaýatyň medeniýet we sungat işgärleriniň gatnaşmaklarynda hormatly Prezidentimiziň jöwher paýhasyndan dörän “Türkmenistanyň Bitaraplygy–parahatçylygyň we ynanyşmagyň aýdyň ýoly” atly täze ajaýyp kitabynyň tanyşdyrylyş dabarasy geçirildi. Çykyş edenler kitapda bellenilişi ýaly ýurdumyzda gazanylan üstünlikler, ýetilen sepgitler barada, Bitaraplyk - ynsanperwerligiň, parahatçylygyň belent ýörelgelerini dabaralandyrýan, berkarar döwletimiziň at-abraýyny, şan-şöhratyny beýgeldýän, bagtyýar halkymyzyň buýsanç-mertebesini belende göterýän gymmatlygymyz barada, Hemişelik Bitaraplyk derejesine ygrarly, halkara hukuk kadalaryny we borçnamalaryny gyşarnyksyz berjaý edýän ýurt hökmünde, ýurdumyzyň oňyn bitaraplyk, hoşniýetli goňşuçylyk, bitaraplyk ýörelgesini baýdak edinip ynamly öňe barýan Merdana halkymyz barada, Bitaraplygyň özi özygtyýarly türkmen döwletiniň dörändigi, pederlerimiziň erkinlik, Garaşsyz Watan, mähriban topragymyzyň gülläp ösmegi, öz ýurdumyzyň hakyky eýeleri bolmak, parahatçylyk syýasaty barada aýratyn durup geçdiler we Gahryman Arkadagymyzyň, Arkadagly Gahryman Serdarymyzyň ýiti zehininden syzylyp çykan eserlerinden guralan giňişleýin kitap sergini synladylar. Gatnaşyjylar mundan beýläkde hormatly Prezidentimiziň galamynyň ýiti bolmagyny, ajaýyp eserleriniň höwrüniň köp bolmagyny arzuwlap, öwrenmäge, döredijilikli zähmet çekmäge döredilip berilýän şertleri üçin türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza sag bolsun aýdyp, janlarynyň sag, belent başlarynyň aman bolmagyny arzuw etdiler.

PARAHATÇYLYK MUKAMY-ÖSÜŞLERIŇ MEKANY

Kitaphanalar

23.12.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Magtymguly adymdaky merkezi kitaphanasynda Daňatar Öwezow adyndaky Türkmen döwlet ýörite sazçylyk mekdebiniň mugallymlarynyň we talyplarynyň gatnaşmagynda «Parahatçylyk mekany ösüşleriň mekany» ady bilen aýdym-sazly çäre geçirildi. Çärede çykyş edenler “Halkara parahatçylyk we ynanyşmak ýyly” zähmet üstünliklerine beslenendigini, Garaşsyz, baky Bitarap Türkmenistan ýurdumyz beýik ösüşleriň, bagtyýarlygyň, parahatçylygyň mekany bolup, hormatly Prezidentimiziň baştutanlygynda halk bähbitli we umumadamzat ähmiýetli işleriň amala aşyrylyp, ýurdumyzyň abraý-mertebesiniň dünýä ýüzünde ýokary derejä eýe bolýandygy barada gürrüň berdiler. Şeýle-de Türkmenistan döwletimiziň parahatçylyk söýüjilikli syýasaty öz gözbaşyny hemişelik Bitaraplyk hukuk ýagdaýyndan alyp gaýdýandygy barada giňişleýin beýan etdiler. Çäräniň dowamynda Daňatar Öwezow adyndaky Türkmen döwlet ýörite sazçylyk mekdebiniň mugallymlary we talyplary Gahryman Arkadagymyzy, hormatly Prezidentimizi, Watanymyzy wasp edýän birnäçe aýdym-sazlary ýerine ýetirdiler. Bu bolsa çärä gatnaşanlarda ýakymly täsir galdyrdy. Çäräniň ahyrynda dünýäde parahatçylyk taglymatyny dabaralandyrýan türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözlerini aýtdylar.

HOŞNIÝETLI GOŇŞUÇYLYK WE YNANYŞMAK DIALOGYNY ILERLEDIP

Täzelikler

23.12.2025

TÜRKMENISTANYŇ PREZIDENTINIŇ RUSSIÝA FEDERASIÝASYNA IŞ SAPARY TAMAMLANDY 22-nji dekabrda hormatly Prezidentimiz Serdar Berdimuhamedow Russiýa Federasiýasyna iş saparynyň çäklerinde Garaşsyz Döwletleriň Arkalaşygyna gatnaşyjy ýurtlaryň döwlet Baştutanlarynyň ýokary derejeli resmi däl duşuşygyna gatnaşdy. Hemişelik Bitarap Türkmenistan Garaşsyz Döwletleriň Arkalaşygynyň assosirlenen agzasy bolmak bilen, Arkalaşygyň çäklerinde giň möçberli energetika we logistika taslamalaryny durmuşa geçirip, özara bähbitli ykdysady hyzmatdaşlygy pugtalandyrýar. Ýurdumyz GDA-nyň giňişliginde ulag-kommunikasiýa arabaglanyşygyna aýratyn üns berýär. Bütindünýä durnukly ulag gününi yglan etmek baradaky başlangyjy öňe süren ýurt hökmünde Türkmenistan Arkalaşygyň ýurtlarynyň çäklerinden geçýän Demirgazyk—Günorta, Gündogar—Günbatar ulag geçelgelerini ösdürmek ugrunda çykyş edýär. Türkmenistanyň Hazar deňzi sebitini kuwwatly ulag merkezine öwürmek boýunça başlangyçlary dostlukly döwletleriň arasynda söwda gatnaşyklaryny pugtalandyrmaga, harytlary Günorta Aziýanyň we Ýewropanyň bazarlaryna çykarmaga ýardam berýär. Ynsanperwer we ekologiýa ulgamlary hem Türkmenistanyň GDA-nyň çäklerindäki gün tertibinde möhüm orny eýeleýär. Ýurdumyz Aral meselesini çözmäge işjeň gatnaşyp, «ýaşyl» diplomatiýa, howanyň üýtgemegine uýgunlaşmak bilen bagly başlangyçlary öňe sürýär. Türkmenistanyň şäherleriniň birnäçe gezek «Arkalaşygyň medeni paýtagty» diýlip yglan edilmegi bolsa Türkmenistanyň özara hormat goýmak, umumy taryhy mirasy gorap saklamak arkaly halklaryň arasyndaky dostlugy pugtalandyrýandygyny, medeniýetara dialoga açykdygyny görkezýär. Türkmenistan bilen Russiýa Federasiýasynyň arasyndaky gatnaşyklar özara hormat goýmak we köpasyrlyk dostluk ýörelgelerine esaslanýan strategik hyzmatdaşlygyň aýdyň nusgasydyr. Türkmenistanyň hemişelik Bitaraplygynyň 30 ýyllygy dabaraly bellenilýän 2025-nji ýylda ikitaraplaýyn dialog hil taýdan täze derejä çykaryldy. Halkara parahatçylyk we ynanyşmak forumyna gatnaşmak maksady bilen, Russiýanyň Prezidenti Wladimir Putiniň ýurdumyza amala aşyran sapary iki ýurduň hem özara hyzmatdaşlygy çuňlaşdyrmaga ygrarlydygyny tassyklan ähmiýetli waka boldy. ___________________________________ «Türkmenistan» gazeti

BAGTYŇ BUŞLYKÇYSY TÄZE ÝYL

Kitaphanalar

22.12.2025

Aşgabat şäher medeniýet müdirliginiň Merkezleşdirilen kitaphanalar ulgamy bilen “Türkmenhaly” döwlet birleşiginiň Türkmen halysynyň milli muzeýi, Aşgabat şäher medeniýet müdirliginiň Büzmeýin medeniýet merkeziniň bilelikde guramagynda Täze ýyl baýramy mynasybetli «Bagtyň buşlykçysy täze ýyl» ady bilen Türkmen halysynyň milli muzeýinde aýdym-sazly baýramçylyk çäresi geçirildi. Çärede çykyş edenler her birimize buýsançly wakalardyr beýik ýeňişleri peşgeş beren 2025-nji ýylyň tamamlanyp barýan günlerinde halkymyz şan-şöhrata beslenjek 2026-njy ýyly garşy almaga taýýarlyk görüp, ak şähermiz Aşgabat häzirki wagtda bezelen Täze ýyl arçalary, ertekileriň gahrymanlarynyň şekilleri, seýilgählerdäki we ýollardaky dürli öwüşginli çyralary bilen hemmeleri haýrana goýýandygy barada gürrüň berdiler. Şeýle-de Täze ýyl maşgalanyň agzybirligi hem-de özboluşly däpleri, şagalaňy bilen gurşap alýandygy barada bellediler. Çäräniň dowamynda Büzmeýin medeniýet merkeziniň aýdymçylarynyň ýerine ýetirmeginde birnäçe aýdym-sazlar ýaňlandy. Bu bolsa çärä gatnaşanlarda ýakymly täsir galdyrdy. Çäräniň ahyrynda Türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

BILDIRIŞ!

Teatr we kino dünýäsi

22.12.2025

Hormatly Watandaşlar, Türkmenistanyň Döwlet sirki Täze ýyl baýramçylygy mynasybetli «Ganatly bedewler» atly täze sahnalaşdyrylan sirk çykyşyny size hödürleýär. Çykyşlaryň dowamynda türkmeniň milli sirk sungatyny dünýä ýaýan, “Galkynyş” milli at üstündäki oýunlar toparynyň we Türkmenistanyň Döwlet sirkiniň “Türkmen jigitleri” toparynyň, Hindistanyň şadyýan maýmynjyklarynyň, Mangoliýa döwletiniň “Baktrial” iki örküçli düýeleriniň, Germaniýanyň “Pudel” güjüjikleriniň, Hindistanyň “Tawus” guşunyň, Şatlandiýanyň “Poni” atlarynyň, masgarabazdyr akrobatlaryň, howa gimnastlarynyň, ekwelibristleriň we žanglýorlaryň, erkin ýagdaýda tälim berlen atlaryň we täze ýyl baýramçylygy mynasybetli gelen myhmanlarymyz Aýazbaba bilen Garpamygyň täsin özüne çekiji jadyly çykyşlaryny görüp bilersiňiz. Sirk çykyşlar 2025-nji ýylyň dekabr aýynyň 20-den 2026-nji ýylyň 11-nji ýanwar aralygynda hepdäniň ähli günlerinde dowam eder. Giriş petekleri “online” görnüşinde sirk.gov.tm resmi web sahypasyndan alyp bilersiňiz. Habarlaşmak üçin: 39-80-44; 39-80-45 / 36-10-95 / 36-10-34

PARAHATÇYLYGYŇ WASPY DILLERDE DESSAN

Kitaphanalar

22.12.2025

Türkmenistanyň Bazar Amanow adyndaky döwlet çagalar kitaphanasy ýakynda Aşgabat şäherindäki daşary ýurt dillerini çuňlaşdyryp öwredýän ýöriteleşdirilen 52-nji orta mekdepde “Parahatçylygyň waspy dillerde dessan” atly “Halkara parahatçylyk we ynanyşmak” ýylyna bagyşlap sesli okaýyş geçirdi. Söhbetdeşligiň dowamynda kitaphana hünärmeni: Parahatçylygyň, bagtyýarlygyň mekany hökmünde at-owazly äleme dolan ýurdumyzda her ýyly özboluşly halkymyzyň milli aýratynlygyna, ruhy dünýäsine laýyk döwrebap şygar bilen atlandyrmak indi asylly däbe öwrüldi diýil belläp geçdi. Şu ýylyň “Halkara parahatçylyk we ynanyşmak ýyly” diýilip atlandyrylmagy, ähli türkmen halkymyzy begendirdi. Şeýle hem ösüp gelýän ýaş nesillerimiz, bagtyýar türkmen ýaşlary ata Watanymyzyň şanly sepgitlerde ýetmekde mynasyp goşantlaryny goşýarlar. Göreldeli okuwçylar birnäçe ýazyjy-şahyrlaryň watanymyzy wasp edip ýazan goşgularyndan hem-de Gahryman Arkadagymyzyň ýiti zehininden dörän “Türkmenistan–parahatçylygyň we ynanyşmagyň Watany” atly ajaýyp goşgusyny labyzly okap berdiler. Söhbetdeşligiň ahyrynda gün-günden gülleýän, bagtly çagalaryň iň arzyly arzuwlarynyň hasyl bolýan ýurduna öwürýän Gahryman Arkadagymyza we Arkadagly Gahryman Serdarymyza alkyş sözlerini beýan etdiler.

ARKADAG SERDARLY BAGTYÝAR ÝAŞLAR

Konsertler

22.12.2025

Bitaraplyk 30 ýylyň dowamynda halk durmuş keşbine, milli aňyýetiň özüne öwrüldi. Täze taryhymyzyň altyn sahypalaryna ser salanyňda bolsa, geçen gysga döwürde il-ýurt ähmiýetli işleriň amala aşyrylýandygyna göz ýetirmek bolar. Ýurdumyzyň ösüş-özgertmelerine dünýä döwletleri ýokary baha berýär. Hut şonuň üçin hem Bitarap döwletimiz “Arkadag Serdarly bagtyýar ýaşlar” şygary bilen geçýän 2025-nji ýyl döwletimiziň şöhratly taryhyna sahypa bolup girdi. Türkmenistanyň hemişelik Bitaraplygynyň 30 ýyllyk şanly baýramy we oňa bagyşlanan dabaraly çäreler mähriban Watanymyzyň halkara abraýynyň dabaralanmagynyň ýene bir aýdyň nyşanyna öwrüldi. Bitaraplyk syýasaty, Türkmenistanyň ähli döwletler bilen deňhukukly, özara hormat goýmak we içerki işlerine goşulmazlyk ýörelgelerine esaslanýan gatnaşyklary ýola goýmagyna mümkinçilik berýär. Bu ýörelgeler, halkara gatnaşyklarynda durnuklylygy we ynanyşmagy pugtalandyrmaga ýardam edýär. Şeýlelikde, Maýa Kulyýewa adyndaky Türkmen milli Konserwatoriýasynda “Türkmenistanyň hemişelik bitaraplygynyň 30 ýyllygy mynasybetli” konserti ulydan bellenilip geçirildi. Hormatly Prezidentimiz Arkadagly Gahryman Serdarymyzyň baştutanlygynda, Berkarar döwletiň täze eýýamynyň Galkynyşy döwründe, “Halkara parahatçylyk we ynanyşmak” ýylynda, Garaşsyz watanymyzda milli medeniýetimizi, sungatymyzy döwrebap aýdym-sazlar bilen baýlaşdyrmak, täze ýaş zehinleri ýüze çykarmak we olaryň ukyp başarnyklaryny giňden açyp görkezmek ugrunda giň gerimli işler alnyp barylýar. Konserdiň başynda alypbaryjylar Bitaraplygymyzyň mukaddes gymmatlyklaryny, türkmen halkynyň taryhynda şanly senämiz altyn harplar bilen ýazylandygyny we Bitaraplyk baýramy ýurdumyzda bellenip geçilýändigini konserde gatnaşyjy talyplara we myhmanlara belläp, nygtap geçdiler. Şeýle hem pursatdan peýdalanyp, Gahryman Arkadagymyzy, Arkadagly Gahryman Serdarymyzy we ählisini Baky Bitaraplygymyzyň 30 ýyllyk baýramyny tüýs ýürekden gutladylar we konserdiň açylyşy yglan edildi. Konserdiň başynda “Jemgyýeti öwreniş ylymlary” kafedrasynyň uly mugallymy, jemgyýetçilik partiýa guramasynyň başlygynyň orunbasary Annanabat Hojamämmedowa uly hormat bilen söz berildi. Annanabat mugallym gürrüňlerinde belleýşi ýaly, “Birleşen Milletler Guramasynyň Baş Assambleýasy 1995-nji ýylyň 12-nji dekabrynda dünýäniň 185 döwletiniň biragyzdan ses bermegi bilen “Türkmenistanyň hemişelik Bitaraplygy” barada Kararnama kabul edildi. Bitaraplyk Türkmenistanyň halkara arenasyndaky hereketiniň işeňňirliginiň esasy häsiýetini kesgitleýän düýpli ýörelgesidir. Türkmenistanyň Bitaraplygy-häzirki zamanyň esasy meselelerine düýpli göz ýetirmekdir we olary has giň tejribe esasa daýanyp çözmeklige çalyşmakdyr. Türkmenistan Bitarap döwletleriň hataryna goşulmagy bilen, öz üstüne birnäçe borçnamalary aldy. Türkmenistan umumyadamzat gymmatlyklaryna we demokratiýanyň ýörelgelerine eýermek, ýurduň içinde raýat asudalygyny kepillendirmek, Birleşen Milletler Guramasy we beýleki halkara guramalary bilen ýakyn hyzmatdaşlykda bolup, öz syýasatyny ýöretmek ýaly borçlary öz üstüne aldy we berjaý edýär” diýip belläp geçdi. Annanabat mugallym Hormatly Prezidentimizi, talyplary we konserte gatnaşyjylary baýramlary bilen tüýs ýürekden gutlady. Konserdiň ilkinji çykyşy Rus halk sazy “Калинка” we Çary Nurymowyň “Konsert I bölümi” bolup, ”Türkmeniň “Altyn asyry” bäsleşiginiň ýeňijisi Laçyn Hudaýberdiýewa ezberlik we ussatlyk bilen dutar saz guralynda ýerine ýetirdi. Baýramçylyk çäre şowhunly, dabaraly dowam etmek bilen, Türkmen halk sazy “Bibi”, Güýç Hojaýew gyjak saz guralynda, “Gül sähranyň maňlaýyndan öpeli”, “Öz Watanymyň aşygy” wokal aýdymlaryny Suraý Kubyýewa, dutar saz guralynda sazandarlyk eden Mergen Astanow dagylar çykyş etdiler. Soňra baýramçylyk konsertimizde “Alkyş aýtýas Arkadagly Gahryman Serdarymyza”, sözi Döwletgeldi Annamyradowyňky bolup, bagşy gyzlar ansambly düzülip, olaryň çeper ýolbaşçysy Türkmenistanyň Halk artisti Şemşat Hojaýewa waspnama aýdymyny ýerine ýetirdiler. Konsertiň ahyrynda jemleýji aýdymlar bilen Türkmenistanyň Gahrymany Gözel Şagulyýewanyň goşgy setiri aýdyma öwrülen “Türkmenistan Parahatçylyk we ynanyşmaklyk Watany” bagşylar ansambly bolup uly höwes bilen ýerine ýetirdiler. Şeýle ajaýyp zamanany, berkararlygy, bagtyýarlygy peşgeş berip, halkyny bagtly durmuşda ýaşadýan Gahryman Arkadagymyzyň we Arkadagly Gahryman Serdarymyzyň janlary sag, ömürleri uzak bolsun, mähriban halkymyzyň hem-de ýurdumyzyň bähbidine alyp barýan beýik işleri hemişe rowaçlyklara beslensin! _______________________ Şatlyk Annaýew Maýa Kulyýewa adyndaky Türkmen milli konserwatoriýasynyň “Sazşynaslyk” hünäriniň IV ýyl talyby

• ←
• 1
• ...
• 100
• 101
• 102
• ...
• 205
• →