HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

KITAPLAR DÜRLER HAZYNASY

Kitaphanalar

08.08.2025

Pederlerimizden nusga bolup galan agzybirlik, birek-birege ynanyşmak, hoşniýetli goňşuçulyk gatnaşyklary ýaly milli ýörelgeler hormatly Prezidentimiziň döwlet syýasatynda möhüm orny eýeleýär. Gahryman Arkadagymyzyň, Arkadagly Gahryman Serdarymyzyň ynsanperwerlige, hoşniýetlige ýugrulan asylly ýörelgeleri dünýä ýurtlary we halklary bilen oňyn gatnaşyklaryň ýola goýulmagyna itergi berýär. Diňe türkmen halkynyň däl, eýsem doganlyk halklaryň hem asuda, parahat durmuşda ýaşamagy ugrunda tagalla edýän hormatly Prezidentimiziň bu ugurda durmuşa geçirýän işleri dünýä nusgalykdyr. Parahatçylygy,ynanyşmagy şygar edinen ata Watanymyz dünýä ýurtlary bilen özara gatnaşyklary has-da berkidýär.Bu gatnaşyklar 2025-nji «Halkara parahatçylyk we ynanyşmak» ýylynda has-da giň gerime eýe bolýar. Şu ýylyň 25-nji iýulynda Ýaponiýanyň Türkmenistandaky ilçihanasy tarapyndan Lebap welaýat kitaphanasyna 105 kitap sowgat berildi. Ýaponiýadan gelen myhmanlar özlerini gyzyklandyrýan birnäçe sowallary berdiler. Olar gezelenjiň dowamynda kitaphanada döwrebap tekjelerde guralan giňişleýin kitap sergisine syn etdiler. «Bitaraplyk–belent maksatlara ruhlandyrýar» diýilip atlandyrylan esasy sergide Gahryman Arkadagymyzyň, Arkadagly Gahryman Serdarymyzyň ýiti zehininden syzylyp çykan eserleriniň türkmen dilindäki we daşary ýurt dillerine terjime edilen kitaplary ýerleşdirildi. Şeýle-de welaýat kitaphanasynyň gaznasynda bar bolan ýapon dilindäki kitaplar ýerleşdirildi. Bu bolsa ösüp gelýän ýaş nesillerimizi halkymyzyň ynsanperwerlik, myhmansöýerlik däplerini ösdürmek bilen, ata-babalarymyzyň ruhunda terbiýelemäge, giň dünýägaraýyşly, çuň gözýetimli bolmagyna uly ýardam berýär. Biz kitaphana işgärleri Gahryman Arkadagymyzyň, Arkadagly Gahryman Serdarymyzyň ata Watanymyzy ösdürmek ugrunda alyp barýan syýasatyny giň okyjylar köpçüligine ýetirmegi özümize borç hasaplaýarys. Ýapon myhmanlarymyzyň sowgat eden kitaplary okyjylar tarapyndan söýülip okaljak naýbaşy eserler boljakdygyna biz ynanýarys. Bizi kitaphana işgärleri şeýle ajaýyp zamanada işlemäne, okamana giň mümkinçilikleri döredip berýän Gahryman Arkadagymyza, Arkadagly Gahryman Serdarymyza köp sag bolsun aýdýarys. Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, il-ýurt bähbitli işleri elmydama rowaç bolsun.

MAGTYMGULY PYRAGY ERKANALYGYŇ WASPÇYSY

Kitaphanalar

08.08.2025

Türkmenistanyň Bazar Amanow adyndaky Döwlet çagalar kitaphanasy ýakynda tomusky dynç alyş möwsümüniň dowam edýän günlerinde Gökderedäki «Bagtyýar nesiller» çagalar-sagaldyş we dynç alyş merkezinde akyldar şahyrymyz Magtymguly Pyragynyň döredijiligini ýaş nesillere wagyz-nesihat etmek maksady bilen «Magtymguly Pyragy–erkanalygyň waspçysy» ady bilen söhbetdeşlik geçirdi. Hormatly Prezidentimiziň «Magtymguly–dünýäniň akyldary» atly gymmatly eserinden dana şahyrymyzyň azatlygy, erkanalygy ündäp ýazan döredijilik ýoly barada beýan edilýän gyzykly wakalar hakynda täsirli gürrüňler berildi. Söhbetdeşligimiziň ahyrynda oňa gatnaşanlar eziz diýarymyzy, baky bagtyýarlykda ýaşadýan Gahryman Arkadagymyza, Arkadagly Gahryman Serdarymyza çäksiz alkyşlary beýan etdiler.

PARAHATÇYLYK WE YNANYŞMAK-ÄHLUMUMY ROWAÇLYGYŇ BINÝADY

Täzelikler

08.08.2025

7-nji awgustda Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahatynyň çäklerinde “Halkara parahatçylyk we ynanyşmak ýyly: durnukly ösüşiň bähbidine parahatçylykly we inklýuziw jemgyýeti gurmaga ýardam edýän Durnukly ösüş maksatlarynyň 16-njy maksadyny durmuşa geçirmäge itergi bermek” atly ugurdaş çäre geçirildi. Bu çäre Türkmenistanyň Daşary işler ministrligi tarapyndan BMG-niň Merkezi Aziýa üçin öňüni alyş diplomatiýasy boýunça sebit merkezi we BMG-niň Ösüş maksatnamasy bilen bilelikde guraldy. Onuň gün tertibiniň esasy meselesi sebit hem-de ählumumy derejede parahatçylyk dialogy we köpugurly hyzmatdaşlyk ýörelgelerini ilerletmäge ýardam bermekden ybarat boldy. Mälim bolşy ýaly, 2024-nji ýylyň 21-nji martynda Türkmenistanyň başlangyjy boýunça BMG-niň Baş Assambleýasy “2025-nji ýyl-Halkara parahatçylyk we ynanyşmak ýyly” atly Kararnamany biragyzdan kabul etdi. Dünýäniň 86 ýurdy bu resminamanyň awtordaşy bolup çykyş etdi. Hormatly Prezidentimiz Serdar Berdimuhamedowyň Permanyna laýyklykda, bu şanly ýyl hem-de Watanymyzyň hemişelik Bitaraplygynyň 30 ýyllygy mynasybetli çäreleri ýokary derejede geçirmek boýunça guramaçylyk döwlet topary döredildi. Täze Kararnamada türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň “Dialog-parahatçylygyň kepili” filosofiýasy öz beýanyny tapdy. Ýurdumyzyň ählumumy gün tertibiniň esasy meseleleri boýunça garaýyşlary Halkara parahatçylyk we ynanyşmak ýylynyň çäklerinde Türkmenistanyň işiniň we ileri tutulýan ugurlarynyň Konsepsiýasynda şöhlelendirildi. Konsepsiýa häzirki döwrüň ýagdaýlaryny hem-de wehimlerini nazara almak bilen işlenip taýýarlanyldy we netijeli dialogyň, özara düşünişmegiň, jogapkärçiligiň esasynda döwletleriň tagallalaryny birleşdirmäge gönükdirildi. Sözüň doly manysynda, Türkmenistanyň bu başlangyjy ähli ýurtlara dünýä gurluşynyň esasy ýörelgesi hökmünde parahatçylyk we ynanyşmak pikirlerini durmuşa geçirmegiň syýasy hem-de beýleki meselelerini öz içine alýan bilelikdäki işe başlamaga çakylyk bolup durýar. Konsepsiýada bellenilişi ýaly, bu wezipe ulgamlaýyn esasda çözülmelidir, degişli hukuk we institusional gurallara eýe bolmalydyr. Bu ýörelgeden ugur alyp, hormatly Prezidentimiz 2023-nji ýylda BMG-niň Baş Assambleýasynyň münberinden Ählumumy howpsuzlyk strategiýasyny işläp taýýarlamak baradaky başlangyjy öňe sürdi. Bu resminama dünýä meselelerini çözmäge toplumlaýyn çemeleşmegi göz öňünde tutýar. Ol howpsuzlygyň ähli meseleleriniň özara baglanyşygyna esaslanmalydyr we döwletleriň özara gatnaşyklarynyň täzelenen halkara hukuk binýady bolup hyzmat etmelidir. Şundan ugur alnyp, BMG-niň işiniň birnäçe ugurlaryny agzalan resminama goşmak teklip edilýär. Şolaryň hatarynda gapma-garşylyklaryň öňüni almagyň, olary aradan aýyrmagyň guraly hökmünde öňüni alyş diplomatiýasy, jedelleri we gapma-garşylyklary syýasy-diplomatik ýol arkaly kadalaşdyrmak üçin bitaraplygyň mümkinçiliklerinden peýdalanmak, ynanyşmak dialogynyň medeniýetini dikeltmek ýaly ugurlar bar.

HOŞNIÝETLILIK ÝÖRELGELERINIŇ BEÝANY

Kitaphanalar

07.08.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Hajy Ysmaýylow adyndaky kitaphana şahamçasy bilen Aşgabat şäher medeniýet müdirliginiň Büzmeýin, Gökje medeniýet öýleriniň bilelikde guramagynda «Hoşniýetlilik ýörelgeleriniň beýany» ady bilen söhbetdeşlik geçirildi. Söhbetdeşlikde çykyş edenler Garaşsyz hemişelik Bitarap Türkmenistan parahatçylyk we ynanyşmak ýörelgelerini ilerletmäge gönükdirilen halkara derejeli forumlaryň, iri maslahatlaryň geçirilýän merkezine öwrülendigini we şu ýylyň awgust aýynda «Awaza» milli syýahatçylyk zolagynda geçirilen Birleşen Milletler Guramasynyň Deňize çykalgasy bolmadyk ösüp barýan ýurtlar boýunça üçünji maslahaty aýdyň subutnama bolup durýandygy barada giňişleýin gürrüň berdiler. Şeýle bähbitli maslahatlaryň ýurdumyzda geçirilmegi ähli türkmen halkyny buýsandyrýandygyny aýtdylar. Söhbetdeşligiň ahyrynda Gahryman Arkadagymyzyň, Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, il ýurt hem-de dünýä ähmiýetli alyp barýan işleriniň mundan beýläkde rowana ýollarda rowaçlyklara beslenmegini arzuw etdiler.

KITAP OKAN GULLAR MAGNYDAN DOKDUR

Kitaphanalar

07.08.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Gurbannazar Ezizow adyndaky kitaphana şahamçasynyň guramagynda Gökderedäki «Altyn ýyldyz» çagalar sagaldyş we dynç alyş merkezinde tomusky dynç alyş möwsüminde dynç alýan dürli ýaşly çagalaryň arasynda «Kitap okan gullar magnydan dokdur» ady bilen göçme kitap sergisi gurnaldy we wagyz-nesihat çäresi geçirildi. Çärede çykyş edenler kitap bilim almagyň esasy çeşmeleriniň biri bolup, ynsan ömründe kitabyň tutýan ornunyň örän ulydygyny, onda adam ahlagyny terbiýeleýji, dünýägaraýşyny, gözýetimini giňeldiji, zehiniňi ýiteldiji güýç bardygy barada gürrüň berdiler. Şeýle-de akyldar şahyrymyz Magtymguly Pyragynyň nygtaýşy ýaly: «Kitap okan gullar magnydan dokdur» diýip jaýdar bellemegi, şeýle-de halkymyzda kitaba, söz sungatyna uly sarpa goýulýandygy barada belläp geçdiler. Kitap okamagyň ähmiýeti hakynda Gahryman Arkadagymyzyň ajaýyp eserleriniň içinden hem erş-argaç bolup geçýändigi barada beýan etdiler. Çäräniň ahyrynda okamaga, döretmäge, guramaga döredip berýän giň mümkinçilikleri üçin Gahryman Arkadagymyza, Arkadagly Gahryman Serdarymyza alkyş sözlerini aýtdylar.

BIZ–GÖZEL WATANYŇ ELWAN GÜLLERI

Kitaphanalar

07.08.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin kitaphana şahamçasynyň guramagynda «Gökderedäki» «Çeşme» çagalar sagaldyş we dynç alyş merkezinde «Biz–gözel Watanyň elwan gülleri» ady bilen göçme kitap sergisi gurnaldy we wagyz–nesihat çäresi geçirildi. Çärede çykyş edenler Bagtyýarlygyň bar ýerinde çagalaryň şatlyk-şowhuny has belentden ýaňlanýandygyny, Hormatly Prezidentimiziň taýsyz tagallalary netijesinde ýaş nesilleriň oňaýly şertler döredilen çagalar sagaldyş we dynç alyş merkezlerinde dynç alyp, çagalyk dünýäsiniň iň ajaýyp pursatlaryny başdan geçirýändikleri barada gürrüň berdiler. Şeýle-de türkmen halk ertekileri iň gadymy görnüşleriniň biri bolup, ata-babalarymyzyň çaga terbiýesine çuňňur täsir etmäge ukybynyň bardygyny müňlerçe ýyl ozal akyl ýetirip, ony özleriniň ýaşaýyş-durmuş we edep-terbiýe mekdebine ymykly ornaşdyrandyklary, ertekilerde adalat, hakykat hemişe dabaralanyp, erbet häsiýetli gahrymanlaryň soňynyň şowsuzlyklara barýandygy barada giňişleýin gürrüň berdiler. Çärede çykyş edenler çagalar durmuşymyzyň guwanjy bolan körpeleriň şatlygy hem-de bagtyýarlygy üçin uly aladalar edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

KITAPHANAÇYLAR BÄSLEŞDILER

Kitaphanalar

07.08.2025

2025-nji ýylyň «Halkara parahatçylyk we ynanyşmak ýylynda» hormatly Prezidentimiziň baştutanlygynda durmuşa geçirilýän beýik işleri açyp görkezmek hem-de ata Watanymyzyň hemme taraplaýyn ösüşlerini kitaphana işiniň we sanly ulgamyň üsti bilen, teleradioýaýlymlaryň, habar beri serişdeleriniň üsti bilen işjeň wagyz etmek, kitaphanalarda sanly ulgamyň işini kämilleşdirmek, bütewi elektron ulgamynyň çygryny has-da giňeltmek, halkymyzyň bilim derejesini ýokarlandyrmaga ýardam etmek, şeýle-de kitaphanalaryň kamil iş tejribelerini ýurdymyzyň kitaphanalarynyň arasynda ýaýratmak maksady bilen, Türkmenistanyň Medeniýet ministrligi we Türkmenistanyň Kärdeşler arkalaşyklarynyň Milli merkezi tarapyndan ýurdumyzyň kitaphanalaryndan iň göreldeli, öňdebaryjy, işjeň wagyzçy kitaphana hünärmenini ýüze çykarmak maksady bilen, Türkmenistanyň Medeniýet Ministrliginiň 12.02.2025-nji ýyldaky №40-ö we Türkmenistanyň Kärdeşler arkalaşyklarynyň Milli merkeziniň 14.02.2024-nji ýyldaky №27-36g belgili Buýruk-Karary esasynda welaýatymyzyň kitaphana işgärleriniň gatnaşmagynda «Parahatdyr Watanym, eziz Türkmenistanym» atly welaýat jemleýji tapgyry guramaçylykly geçirildi. Bäsleşikde I-nji orna-Türkmenabat şäheriniň Baş kitaphanaçysy Jennet Rozyýewa; II-nji orna–Çärjew etrabynyň Farap şäherçe kitaphanasynyň II derejeli kitaphanaçysy Saýara Röwşenowa; III-nji orna–Saýat etrabynyň Garabekewül şäher kitaphanasynyň I derejeli kitaphanaçysy Maýsa Amanowa mynasyp boldylar. I-II orna mynasyp bolanlar bäsleşigiň Döwlet derejesinde geçiriljek jemleýji tapgyryna gatnaşmaga hukuk gazandylar.  

KITAP-GELJEGI, GEÇMIŞI, ŞU GÜNI BAGLAÝAN KÖPRI

Kitaphanalar

07.08.2025

Türkmenistanyň Döwlet medeniýet merkeziniň Döwlet kitaphanasynyň Seýrek neşirler we Biblografiýa bölümleri bilen bilelikde, «Beýik Serdaryň ruhubelent nesilleri» çagalar sagaldyş we dynç alyş merkezinde «Kitap-geljegi, geçmişi, şu güni baglaýan köpri» ady bilen kitaphana syny geçirildi. Ýurdymyzda ösüp gelýän ýaş nesillerimiziň ylymly-bilimli bolmaklary üçin uly aladalar edilýär. Hormatly Prezidentimiz Arkadagly Gahryman Serdarymyzyň jöwher paýhasyndan syzylyp çykan ajaýyp kitaby «Ýaşlar Watanyň daýançy» atky kitabynyň «Ýaşlar bilim ulgamynda» atly bölüminde ylym-bilim barada şeýle diýýär. Bilim arkaly beýik geljek gurulýar. Hut şonuň üçin hem biz Garaşsyz, hemişelik Bitarap Türkmenistanda bilim ulgamyny kämilleşdirmäge we ösdürmäge döwlet syýasatynyň ileri tutulýan ugry hökmünde garaýarys. Bilim ulgamynda öňde goýan maksatlarymyza ýetmek üçin bu ulgamy toplumlaýyn kämilleşdirmegiň çäginde dünýäniň ösen döwletleri, öňdebaryjy ylym-bilim merkezleri, iri abraýly halkara guramalary we olaryň degişli düzümleri bilen hyzmatdaşlyk gatnaşyklaryny işjeňleşdirýäris diýip belläp geçýär. Kitaphana synyň çäginde çagalaryň dünýä garaýyşlary artdyrmak maksady üçin ýörite sorag-jogaply bäsleşigi gurnaldy. Olary toparlara bölüp «Aý» we «Gün» toparlara bölüp, gyzykly, çekeleşikli bäsleşik gurnady. Bäsleşikde ýeňiji bolan toparlara sowgatlar gowşuryldy. Türkmenistanyň Döwlet medeniýet merkeziniň Döwlet kitaphanasynyň Seýrek neşirler we Biblografiýa bölüminiň hünärmenleriniň gatnaşmagynda Kitaphana synyny geçirip, ösüp gelýän ýaş nesilleriň kitaba bolan islegleriniň has-da artmagyna uly täsir etdi. «Türkmen-sporty» teleýaýlymy arkaly ýazgy edildi. Çäräniň ahyrynda ýaş nesliň bagtyýar durmuşy barada taýsyz tagallalary edýän Gahryman Arkadagymyza, Arkadagly Gahryman Serdarymyza alkyş sözleri beýan edildi.

TÄZE GELEN KITAPLARA KITAPHANA SYNY

Kitaphanalar

07.08.2025

Türkmenistanyň Döwlet medeniýet merkeziniň Döwlet kitaphanasyň Seýrek neşirler bölümi tarapyndan Täze gelen kitaplara kitaphana syny geçirildi. Berkarar döwletiň täze eýýamynyň Galkynyşy döwründe Türkmen halkynyň milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň baştutanlygynda bu günki günde taryhy-medeni mirasymyzy öwrenmäge we dünýä ýaýmaga giň mümkinçilikler döredilýär. Türkmen halkynyň kitaba goýýan hormatynyň öz gözbaşyny asyrlaryň jümmüşinden alyp gaýdýandygyny, ata-babalarymyzyň geçmişde öz nesillerini kitaplarda öňe sürülýän gymmatlyklaryň üsti bilen terbiýeländigine taryhy maglumatlar şaýatlyk edýär. Türkmenistanyň Döwlet medeniýet merkeziniň Döwlet kitaphanasyň Seýrek neşirler bölümi tarapyndan bölüme täze gelen we awtoryň öz gollary bilen sowgat berlen kitaplary okyjy köpçüligine tanyşdyrmak maksady bilen kitaphana syny geçirildi we bölümiň okalga zalynda kitap sergi hem gurnaldy. Seýrek neşirler bölümine täze gelen ajaýyp kitaplar gaznamyzy has –da baýlaşdyrdy. Kitaphana synynda täze gelen kitaplaryň her biri bilen aýratyn tanyşdyryp okyjy köpçüligine ýetirildi. Türkmen halky öz taryhy ösüşiniň bütin dowamynda ruhy gymmatlyklaryna hemişe uly gadyr goýup, oňa aýratyn ähmiýet berip gelipdir. Asyrlaryň jümmüşinden gözbaş alýan ýol-ýörelgeleri, däp-dessurlary, täzeden dikeltmeklige, medeni we ruhy mirasyň il-günüň köňül ganatyna öwrülmegine giň mümkinçilik döredip beren türkmen halkynyň milli Lideri Gahryman Arkadagymyzyň Hormatly Prezidentimiz Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýüregimizden arzuw edýäris.

GÖKDERE DOSTLUGYŇ HEM ŞATLYGYŇ MEKANY

Täzelikler

07.08.2025

Golaýda Türkmenistanyň Medeniýet ministrliginiň guramagynda, dostlugyň hem şatlygyň mekany gözel Gökderedäki «Nebitçi» sagaldyş we dynç alyş merkezinde dynç alýan çagalar bilen, ýurdumyzyň ýazyjy-şahyrlarynyň döredijilik duşuşygy geçirildi. Döredijilik duşuşygyna Türkmenistanyň at gazanan medeniýet işgäri, şahyr Oguljemal Çaryýewa, Döwletmämmet Azady adyndaky Türkmen milli dünýä dilleri institutynyň uly mugallymy, şahyr Osmanberdi Gurbangeldiýew, Türkmenistanyň Medeniýet ministrliginiň Döredijilik işgärleri bölüminiň baş hünärmeni Ogulgurban Gaşlakowa gatnaşdylar. Olar öz çykyşlarynda, türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň uly goldaw-hemaýatlarynyň netijesinde, Berkarar döwletiň täze eýýamynyň Galkynyşy döwründe ýurdumyzda çagalar hakynda edilýän aladalar, olaryň döwrebap şertlerde okap, dynç almaklary üçin döredilýän giň mümkinçilikler barada täsirli söhbet etdiler. Ene-atalara hormat goýup, olar bilen yzygiderli pikir alşyp, her bir işi maslahatlaşyp ýerine ýetirmek perzent üçin ýagşy ýol-ýörelge bolup hyzmat edýär. Ýaş nesillerde ata-enä, eziz Watana bolan belent söýgüni ýokary derejede ösdürmek, watansöýüji nesilleri ýetişdirmekde möhüm orun eýeleýär. Ata-eneleriň durmuş babatdaky pikirleri, maslahatlary has-da gymmatlydyr. Gymmatly hem peýdaly maslahatlary olar geçen durmuş ýollaryndan susup alýarlar. Durmuş bolsa tejribäňi artdyryp kämilleşdirýär. Ata-eneleriň edep-ekrama ýugrulan öwüt-ündewleri, ýagşy görüm-göreldesi uly terbiýe mekdebi-diýip, ýazyjy-şahyrlar çykyşlarynda giňişleýin nygtadylar. Döredijilik duşuşygynda ýazyjy-şahyrlaryň çykyşlaryny, okap beren goşgularyny çagalar höwesli diňlediler. Türkmen halk ertekileriniň many-mazmunyny açyp görkezýän täsirli gürrüňler çagalarda has-da uly gyzyklanma döretdi. Garaşsyz döwletimiziň hemişelik Bitaraplygynyň şanly 30 ýyllygynyň ajaýyp dabaralara beslenip giňden bellenilýän Halkara parahatçylyk we ynanyşmak ýylynda geçirilen döredijilik duşuşygyna gatnaşyjylar, bagtyýar halkymyzy eşretli döwürde ýaşadýan, Garaşsyz, hemişelik Bitarap döwletimizi bagtyýar çagalygyň mekanyna öwren, çagalaryň aýdyň geljegi hakynda uly işleri amala aşyrýan, türkmen halkynyň Milli Lideri Gahryman Arkadagymyza hem-de Hormatly Prezidentimize tüýs ýürekden alkyşlar aýtdylar. Gahryman Arkadagymyzyň, Hormatly Prezidentimiziň janlarynyň sag, ömürleriniň uzak, il-ýurt bähbitli döwletli işleriniň hemişe rowaç bolmagyny arzuw etdiler. Ogulgurban GAŞLAKOWA, Türkmenistanyň Medeniýet ministrliginiň Döredijilik işgärleri bölüminiň baş hünärmeni

• ←
• 1
• ...
• 116
• 117
• 118
• ...
• 149
• →