HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

Halk Maslahaty – döwletliligiň hem agzybirligiň binýady

Kitaphanalar

30.07.2026

Aşgabat şäher medeniýet müdirliginiň Merkezleşdirilen kitaphanalar ulgamynyň guramagynda «Halk Maslahaty – döwletliligiň hem agzybirligiň binýady» ady bilen Arkadag şäheriniň “Märkaw” myhmanhanasynda söhbetdeşlik geçirildi. Söhbetdeşlikde çykyş edenler Hormatly Prezidentimiziň parasatly baştutanlygynda bedew bady bilen öňe barýan döwletimizde jemgyýetimiziň agzybirligini, jebisligini berkitmek, ýurdumyzda milli demokratiýany ösdürmek, ilatyň durmuş goragyny üpjün etmekden ybaratdygy barada gürrüň berdiler. Şeýle-de mukaddes Garaşsyzlygymyzyň 35 ýyllyk şanly senesi diňe bir geçilen ýol bolman, eýsem, geljege bolan uly ynamyň nyşany bolup, eziz Watanymyza bolan çäksiz söýgüni ýene-de bir gezek dünýä äşgär edýändigi barada söhbet etdiler. Söhbetdeşligiň ahyrynda ýurdumyzy beýik ösüşlere alyp barýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.

ABADANLYGYŇ, AGZYBIRLIGIŇ GÜÝJI BILEN BEÝIK ÖSÜŞLERE TARAP

Kitaphanalar

30.07.2026

Türkmenistanyň Döwlet medeniýet merkeziniň Döwlet kitaphanasynyň Bibliografiýa bölümi “Abadanlygyň, agzybirligiň güýji bilen beýik ösüşlere tarap” ady bilen söhbetdeşlik geçirdi. Bedew bady bilen ösüşlere beslenýän ýurdumyzyň bosagasynda duran mukaddes Garaşsyzlygymyzyň şanly 35 ýyllyk toýuny uly buýsanç bilen garşylaýarys. Garaşsyzlyk - türkmen halkynyň ykbalyna berilen egsilmez bagtdyr. Galkynan ýurdum öz synmaz Garaşsyzlygyny gazanandan soňra görülip-eşidilmedik derejede özgerdi, içerki we daşary syýasatynda uly üstünliklere eýe boldy. Agzybirlik, jebislik we bitewilik ýörelgesi bolsa türkmen halkynyň Milli Lideri Gahryman Arkadagymyzyň we Arkadagly Gahryman Serdarymyzyň alyp barýan döwlet syýasatynyň ileri tutulýan esasy ugry bolup durýar. Bu söhbetdeşlikde çykyş edenler hem Garaşsyzlyk baýramynyň öňüsyrasynda, ýagny 23-nji sentýabrda geçiriljek Türkmenistanyň Halk Maslahatynda halkymyzyň agzybirligini, jebisligini has-da berkitmäge, döwletimiziň barha kuwwatlanmagyna we gülläp ösmegine gönükdiriljek çözgütleriň Kabul ediljekdigi barada buýsanç bilen bellediler. Söhbetdeşligiň ahyrynda Gahryman Arkadagymyza, Arkadagly Gahryman Serdarymyza jan saglyk, uzak ömür, il-ýurt we bütin adamzat bähbitli tutumly işleriniň rowaçlyklara beslenmegini tüýs ýürekden arzuw etdiler.

Kitaphana syny

Kitaphanalar

30.07.2026

Golaýda Türkmenistanyň Döwlet medeniýet merkeziniň Döwlet kitaphanasynyň Neşirleri toplaýyş bölümine hem-de kitaphana täze gelip gowşan edebiýatlardan kitaphana syny geçirildi. Kitaphana synynda çykyş edenler, Türkmen döwlet neşirýat gullugy tarapyndan neşir edilen M.Seýidowyň “Goşgular we poema” atly, A.Garlyýewiň “Aýdasym gelýän sözlerim” atly goşgular kitaplary bilen tanyşdyrdylar. Bu kitaplarda Watan, il-ýurt, mukaddes söýgi, daş-töweregimizi gurşaýan ajaýyp tebigat, maşgala agzybirligi, dostluk, adamkärçilik barada söz açýan goşgularynyň öwüt-ündewlere ýugrulandygyny beýan etdiler. Şeýle hem, A.Hemidowyň “Eserler ýygyndysy” atly on tomluk kitabynyň 10-njy tomy bilen tanyşdyrdylar. Kitapda ýazyjynyň goşgulary, oçerkleri, hekaýalary, Aşgabadyň “Magtymguly Pyragy” medeni-seýilgäh toplumynda heýkelleri oturdylan daşary ýurtly ýazyjy-şahyrlar barada, kitabyň soňky sahypalarynda A.Hemidowyň döredijiligi we terjimehalynyň ýerleşdirilendigini beýan etdiler. Kitaphana synyna gatnaşanlar ýazyjy-şahyrlaryň sarpasyny belentde tutýan, Gahryman Arkadagymyzyň, Hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.

Garaşsyzlyk – beýik ösüşleriň gözbaşy

Kitaphanalar

29.07.2026

Döwletmämmet Azady adyndaky Arkadag şäher kitaphanasynda Türkmenistanyň Demokratik partiýasynyň Arkadag şäher komitetiniň, Döwletmämmet Azady adyndaky Arkadag şäher kitaphanasynyň, “Arkadag” teleýaýlymynyň bilelikde guramagynda “Garaşsyzlyk – beýik ösüşleriň gözbaşy” atly maslahat geçirildi. Maslahatyň dowamynda Döwletmämmet Azady adyndaky Arkadag şäher kitaphanasynyň okalga zalynda baý many-mazmunly kitap sergisi hem gurnaldy. Bu ajaýyp sergi maslahata gelen myhmanlarda uly täsir galdyrdy. Berkarar döwletiň täze eýýamynyň Galkynyşy döwründe türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň parasatly ýolbaşçylygynda döwletimiziň ähli ulgamlarynda amala aşyrylýan ägirt uly işler üstünliklere beslenýär. Mälim bolşy ýaly, eziz Watanymyzyň mukaddes Garaşsyzlygynyň 35 ýyllygynyň öňüsyrasynda, türkmen halkynyň Milli Lideri, Türkmenistanyň Halk maslahatynyň Başlygy Gahryman Arkadagymyzyň başlyklyk etmeginde Türkmenistanyň Halk Maslahatynyň Prezidiumynyň mejlisi geçirildi. Maslahatda çykyş edenler, ýurdumyzy mundan beýläk-de ösdürmäge, halkymyzyň abadan we bagtyýar durmuşyny üpjün etmäge gönükdirilen düýpli özgertmeler barada durup geçdiler. Maslahatyň ahyrynda “akylly” hem-de ählitaraplaýyn döwrebap şäheri peşgeş beren Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, döwletli işleriniň hemişe rowaç bolmagy arzuw edildi.

Parahatçylyk-berkararlyk binýady

Kitaphanalar

29.07.2026

Lebap welaýat kitaphanasynda Türkmenabat şäher häkimliginiň, Türkmenistanyň Magtymguly adyndaky Ýaşlar guramasynyň Türkmenabat şäher geňeşiniň, Türkmenistanyň Demokratik Partiýasynyň Türkmenabat şäher komitetiniň, Lebap welaýat kitaphanasynyň bilelikde guramagynda «Parahatçylyk, abadançylyk, agzybirlik türkmen halkynyň baş ýörelgesi» atly döredijilik duşuşygy geçirildi «Garaşsyz, baky Bitarap Türkmenistan – bedew batly at–myradyň mekany» ýylynyň her bir güni täze wakalara beslenýär. Pederlerimiziň arzuwlan häzirki ajaýyp döwrümiz arzuwlaryň hasyl, maksatlaryň myrat bolýan döwri. Garaşsyzlyk halkymyzyň baky bagtyýarlygy, erkanalygydyr. Çünki Garaşsyzlygymyz hem-de hemişelik Bitaraplygymyz agzybir halkymyzyň parahat durmuşynyň, bagtyýarlygymyzyň sarsmaz binýadydyr.

Garaşsyzlygyň we gurluşygyň beýik ýoly

Kitaphanalar

28.07.2026

Türkmenistanyň Döwlet medeniýet merkeziniň Döwlet kitaphanasynyň Patent-tehniki edebiýatlar bölümi, Türkmenistanyň gurluşyk we binagärlik ministrliginiň döwlet ygtyýarlandyrylyş we hile gözegçilik merkezi bilen bilelikde “Garaşsyzlygyň we gurluşygyň beýik ýoly” atly söhbetdeşlik geçirdi. Berkarar döwletiň täze eýýamynyň Galkynyşy döwründe, eziz Watanymyz Türkmenistan uly ösüşleriň we özgerişleriň ýoly bilen ynamly öňe barýar. Paýtagtymyz Aşgabat dünýäde deňi-taýy bolmadyk binagärlik sungaty we ak mermerli binalary bilen Ginnesiň rekordlar kitabyna girizildi. Arkadag şäheri sebitiň deňi-taýy bolmadyk ilkinji “akylly” şäheri bolup, gurluşyk ulgamynda innowasion tehnologiýalaryň we ekologik arassalygyň ajaýyp nusgasydyr. Garaşsyzlyk ýyllarynda diňe paýtagtymyzda däl, ýurdumyzyň welaýatlarynda ähli amatlyklary bolan täze döwrebap obalar, ýaşaýyş jaý toplumlary, mekdepler, çagalar baglary, senagat kärhanalary gurlup ulanmaga berildi. Söhbetdeşlige gatnaşan hünärmenler şular hakynda giňişleýin çykyş etdiler.

Eziz Watan bedew batly ösüşlere beslenýär

Kitaphanalar

28.07.2026

Türkmenistanyň Döwlet medeniýet merkeziniň Döwlet kitaphanasynyň Patent-tehniki edebiýatlar bölümi tarapyndan Türkmenistanyň gurluşyk we binagärlik ministrliginiň döwlet ygtyýarlandyrylyş we hile gözegçilik merkezinde “Eziz Watan bedew batly ösüşlere beslenýär” atly göçme kitap sergisini gurnady. Bu göçme kitap sergisinde, Gahryman Arkadagymyzyň, Hormatly Prezidentimiziň nusgalyk eserleri, şeýle hem, şanly Garaşsyzlygymyzyň 35 ýylynyň içinde gurluşyk ulgamynda gazanylan üstünlikleri açyp görkezýän neşir önümleri ýerleşdirildi. Sergä gatnaşyjy myhmanlar Gahryman Arkadagymyzyň, Arkadagly Gahryman Serdarymyzyň kitaplaryndaky gymmatly maglumatlary okap, birek-birek bilen sowal-jogap alyşdylar.

ŞADYÝAN ÇAGALYGYŇ AJAÝYP MEKANY

Muzeýler

28.07.2026

Golaýda Arkadag şäheriniň Taryhy we ülkäni öwreniş muzeýi tarapyndan Gökderede ýerleşýän «Altyn damja» dynç alyş merkezinde göçme sergi gurnaldy. Sergide çagalaryň çeken surat eserleri, guşlaryň gäpleri, heýkeller, türkmen amaly-haşam sungatynyň gymmatlyklary görkezildi. Sergidäki dürli haýwanlaryň, guşlaryň gäpleri, ösümlikleriň görnüşleri hem-de dag-jülgeler, derýalar we çöller baradaky maglumatlar çagalar üçin täsirli boldy. Muzeý hünärmenleri çagalara muzeý gymmatlyklary, tebigaty söýmegi, goramagy hem-de daşky gurşawa aýawly çemeleşmelidigi barada ýönekeý we düşnükli maglumatlary berdiler. Çagalar hem özlerini gyzyklandyrýan sowallary berip, türkmen şekillendiriş we amaly-haşam sungatyny öwrenmäge höwes bilen gatnaşdylar. Esasan hem, haýwanlaryň gäpleri we heýkelleri çagalarda aýratyn gyzyklanma döretdi. Muzeý gymmatlyklary çagalaryň dünýägaraýşyny giňeldip, olaryň öwrenmäge bolan gyzyklanmasyny has-da artdyrdy hem-de milli mirasymyza, gözel tebigatymyza hormat goýmak duýgusyny ösdürdi.

GARAŞSYZLYK BAGTY

Edebiýat älemi

27.07.2026

Ajap döwrüň dünýä düşýän ýalkymy- Şuglasynda Garaşsyzlyk bagty bar. Arkadaga alkyş aýdýan halkymyň Gursagynda Garaşsyzlyk bagty bar. Özgerişler ýaýrap oba-şährinde, Rowaçlyklar kemal tapdy mährinde, Arkadagly Serdarmyzyň pähminde, Gudratynda Garaşsyzlyk bagty bar. Arkadagyň dowamatdyr dowamy, Arkadagly Serdar – Watanyň şany! Arkadag şäheri – kalbyň owazy, Gurmagynda Garaşsyzlyk bagty bar. Şanly taryh halkyň geçmiş-düýnünde, Aýdyň geljek binýady bar döwrümde, Göwünleriň päk zähmete güýjünde– Gurbatynda Garaşsyzlyk bagty bar. Daýhan galkyp, rysgal doldy meýdana, Şat nesilleň kalby gelýär heýjana, Garaguma çyksak seýli-seýrana, Gumlarynda Garaşsyzlyk bagty bar. Täze ajap eýýam – baky bahar diýp, Ösüşlere haýran älem-jahan diýp, Joşa gelen ýürekleriň «Watan!» diýp Urmagynda Garaşsyzlyk bagty bar. Bu döwletli döwranlary arzuwlap, Erkinlige garaşdyk biz asyrlap, Tugumyzyň al-asmanda pasyrdap, Durmagynda Garaşsyzlyk bagty bar. Toý gününde gutlap birek-biregi, Alkyşlaýas bu gün Milli Lideri! Alkyşlaýas Arkadagly Serdary! Diýarymda Garaşsyzlyk bagty bar. Akmyrat Rejebow, Türkmenistanyň at gazanan medeniýet işgäri.

Kitaphanalar – dost-doganlyk köprüsi

Kitaphanalar

27.07.2026

Türkmenistanyň B.Amanow adyndaky döwlet çagalar kitaphanasynyň agzybir hünärmenleri “Ýaşlyk” teleýaýlymynyň döredijilik topary bilen bilelikde Türkmenistanyň Döwlet Medeniýet merkeziniň Döwlet kitaphanasynyň Gruziýa döwletiniň Ilýa Çawçawadze adyndaky Milli kitaphanasy bilen “Ähtnama” kabul etmegi mynasybetli “Kitaphanalar – dost-doganlyk köprüsi” atly döredijilik duşuşygyny geçirdi. Duşuşyga kitaphananyň hünärmenleri gatnaşdy. Duşuşygyň dowamynda iki ýurduň Baş kitaphanasynyň arasyndaky baglaşylan “Ähtnamanyň” maddalary, olaryň iki ýurduň dost-doganlyk, medeni gatnaşyklarynda eýelejek möhüm orny şeýle-de häzirki wagtda ýurdumyzda kitaphana ulgamyny döwrebaplaşdyrmakda alnyp barylýan işler barada täsirli gürrüňler edildi. Gurnalan sergi hem aýratyn gyzyklanma döretdi. Sergide Gahryman Arkadagymyzyň, Arkadagly Gahryman Serdarymyzyň gymmatly eserleri hem-de dürli neşirler orun aldy. Döredijilik duşuşygynyň ahyrynda milli medeniýetimizi, sungatymyzy, şöhratly taryhymyzy giňişleýin wagyz etmäge hem-de dünýä döwletleri bilen parahatsöýüjilik, dost-doganlyk gatnaşyklary has-da berkitmäge döredip berýän giň mümkinçilikleri üçin Gahryman Arkadagymyza, Arkadagly Gahryman Serdarymyza alkyş sözleri beýan edildi.

• ←
• 1
• ...
• 4
• 5
• 6
• ...
• 222
• →