HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

Milli medeniýetiň we döredijiligiň baýramy

Kitaphanalar

22.06.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin kitaphana şahamçasynyň Türkmenistanyň inžener-tehniki we ulag kommunikasiýalary instituty bilen bilelikde gurnamagynda «Milli medeniýetiň we döredijiligiň baýramy» atly Medeniýet we sungat işgärleriniň hem-de Magtymguly Pyragynyň şygryýet güni mynasybetli aýdym-sazly baýramçylyk çäresi geçirildi. Çärede çykyş edenler Medeniýet we sungat işgärleriniň hem-de Magtymguly Pyragynyň şygryýet gününe bagyşlanyp geçirilýän dabaralaryň milli medeniýetimizi ösdürmekde we dünýä ýaýmakda, dost-doganlygy berkitmekde, döwletleriň, halklaryň arasynda hyzmatdaşlygy has ýokary derejelere çykarmakda hem-de Magtymguly Pyragynyň döredijiligini, adamzada goýan baý mirasyny öwrenmek boýunça hyzmatdaşlygy giňeltmekde örän uly işleriň alnyp barylýandygy barada giňişleýin söhbet etdiler. Şeýle hem, çärede Türkmenistanyň inžener-tehniki we ulag kommunikasiýalary institutynyň aýdym-saz topary milli medeniýetimizi, eziz Watanymyzyň ösüşlerini wasp edýän, akyldar şahyr Magtymguly Pyragynyň sözlerine döredilen birnäçe aýdym-sazlary ýerine ýetirdiler.

Milli medeniýetimiz galkynýar

Kitaphanalar

22.06.2026

Döwletmämmet Azady adyndaky Arkadag şäher kitaphanasynyň gurnamagynda geçirilen «Milli medeniýetimiz galkynýar» atly söhbetdeşlikde, Gahryman Arkadagymyzyň, Arkadagly Gahryman Serdarymyzyň eserleri türkmen halkynyň milli mirasyny, taryhyny, medeniýetini we ruhy gymmatlyklaryny wagyz edýän egsilmez hazynadyr. Bu eserler ýaş nesli terbiýelemekde we watansöýüjilik ruhuny berkitmekde uly ähmiýete eýedir. Çünki kitap kämilligiň gözbaşy. Mälim bolşy ýaly, Gahryman Arkadagymyzyň, Arkadagly Gahryman Serdarymyzyň her bir eserleri ýaşlaryň ýankitabyna öwrülip, giň ykrarnama eýe bolýar. Il arasynda «Haýsy ýurtda asudalyk, parahatlyk, agzybirlik bar bolsa, şol ýurt toý-baýramlara, taryhy wakalara baýdyr» diýen ajaýyp jümle bar. Döwrümizi şatlykly wakalara besleýän hormatly Prezidentimiz peder ýoluny mynasyp dowam etdirmek bilen, ýurdumyzy gülledip ösdürmekde beýik işleri durmuşa geçirýär. Berkarar Diýarymyzy beýik ösüşler, ynsanperwer ýörelgeler bilen öňe alyp barýan Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, il-ýurt bähbitli işleri elmydama rowaçlyklara beslensin!

Çaga kalbynyň owazy

Kitaphanalar

22.06.2026

Eziz Diýarymyzda Gahryman Arkadagymyzyň, Arkadagly Gahryman Serdarymyzyň saýasynda bagtyýar ýaş nesilleriň tebigy zehinleriniň ýüze çykmagynda taýsyz tagallalar edilýär. Ýurdumyzyň ähli künjeklerinde çagalar bakja-baglary, döwrebap mekdepler, çagalar çeperçilik hem sungat mekdepleri gurlup ulanmaga berilýär. Olaryň ählisi ýokary hilli, dünýä ülňülerine laýyk gelýän tehnologiýalar bilen üpjün edilýär. Bu bolsa ýaş nesillerimiz hakynda edilýän bimöçber aladalardan nyşandyr. Şu nukdaýnazardan ugur alnyp, Döwletmämmet Azady adyndaky Arkadag şäher kitaphanasynyň hem-de Arkadag teleýaýlymynyň bilelikde gurnamagynda , Arkadag şäherinde ýerleşýän Märkaw myhmanhanasynda Aşgabat şäheriniň 5-nji çagalar sungat mekdebiniň mugallymlarynyň we okuwçylarynyň gatnaşmagynda söhbetdeşlik hem-de aýdym-sazly çäre geçirildi. Söhbetdeşligiň ahyrynda ösüp gelýän ýaş nesilleriň ylymly-bilimli, giň dünýä garaýyşly bolup ýetişmekleri ugrunda uly işleri amala aşyrýan, türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyşlar aýdyldy.

Geliň kitap okalyň

Kitaphanalar

19.06.2026

“Garaşsyz, baky Bitarap Türkmenistan bedew batly at-myradyň mekany” ýylynda Türkmenabat şäher merkezi kitaphanasynyň hünärmenleri çagalara okaýşa bolan höwesini we islegini artdyrmak maksady bilen Türkmenabat şäherindäki 42-nji çagalar bakja-bagynda “Geliň kitap okalyň” atly gürrüň geçirdiler. Çagalara gyzykly ertekiler okap berlip, bäsleşikler gurnaldy. Körpeler Gahryman Arkadagymyza, Arkadagly Gahryman Serdarymyza ýaş nesil hakda uly aladalar edip,çagalaryň ukyp başarnyklaryny doly açyp görkezmäge ýurdumyzda döredip berýän mümkinçilikleri üçin köp sag bolsunlaryny aýtdylar.

Owazyň belentden ýaňlansyn

Kitaphanalar

19.06.2026

“Garaşsyz, baky Bitarap Türkmenistan–bedew batly at-myradyň mekany’’ ýylynda Türkmenabat şäher merkezi kitaphanasynyň gurnamagynda medeniýet we sungat işgärleriniň hem-de Magtymguly Pyragynyň şygyrýet güni mynasybetli “Owazyň belentden ýaňlansyn” atly duşuşyk geçirdi. Duşuşykda ýurdumyzda medeniýet we sungat ulgamynda alnyp barylýan işler dogrysynda şeýle-de Magtymguly Pyragynyň şygyrlarynyň ýaş nesiller üçin hem-de bütin dünýäde tutýan orny hakynda, halypalaryň ýaş kitaphanaçylara beren maslahatlary diňlenildi. Gatnaşyjylar ”Milli medeniýet – kämil mekdep” atly sergä syn etdiler. Ajaýyp döwürde türkmen medeniýetimizi dünýä ýaýmagymyza ähli şertleri döredip berýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, il-ýurt bähbitli işleri rowaçlyklara beslensin!

Gadymy Margiana bagyşlanan maslahat

Halkara gatnaşyklary

19.06.2026

2026-njy ýylyň 12-14-nji iýuny aralygynda Şweýsariýanyň Bern şäherinde «Togolok arheologiýa toplumyndaky soňky barlaglaryň nukdaýnazaryndan Beýik Horosan siwilizasiýasy (GKС)» atly maslahaty geçirildi. Bu maslahata Türkmenistanyň Taryhy we medeni ýadygärlikleri goramak, öwrenmek hem-de rejelemek baradaky milli müdirliginiň başlygy Muhametdurdy Mamedow hem-de «Gadymy Merw» taryhy-medeni döwlet goraghanasynyň ýolbaşçysynyň orunbasary Annamyrat Orazow gatnaşdy. Maslahata Germaniýa Federatiw Respublikasyndan Italiýa Respublikasyndan Fransiýa, Russiýa Federasiýasy, Gazagystan, Şweýsariýa döwletlerinden türkmen topragynda ýerleşýän gadymy Margiana siwilizasiýasyny öwrenýän belli tanymal alymlar gatnaşyp, gadymy Margiananyň gözbaşynyň gelip çykyşy hem-de täze toplanan ylmy maglumatlar boýunça pikir alyşdylar. Meşhur arheolog Wiktor Sarianidi tarapyndan üsti açylan Margiananyň Müsür, Mesopotamiýa, Hytaý we Hindistan bilen deň hatarda gadymy siwilizasiýalaryň bäşisiniň biri bolup durýandygyny ýeri gelende nygtamak isleýäris. Häzirki wagtda hem gadymy Margiananyň dünýädäki meşhurlygy gülläp ösen döwründäkisinden pes däldir. Çünki gadymy Margiana häzirki wagtda-da dünýä jemgyýetçiliginiň üns merkezinde. Türkmen medeniýetini dünýä ýaýmakda uly işleri amala aşyrýan, türkmen halkynyň Milli Lideri Gahryman Arkadagymyza, Arkadagly Gahryman Serdarymyza tüýs ýürekden alkyşlar aýdýarys! Gahryman Arkadagymyzyň, Hormatly Prezidentimiziň janlary sag, ömürleri uzak, belent maksatlary hemişe rowaç bolsun!

«Altyn ýyldyz» çagalar dynç alyş we sagaldyş merkezi

Muzeýler

19.06.2026

Tomus paslynyň gelmegi bilen çagalaryň tomusky dynç alyş günleri dowam edýär. Çagalar tomusky dynç alyş günlerini ýurdumyzyň gözel künjeklerinde ýerleşýän çagalar dynç alyş merkezlerinde geçirýärler. Bu ýerlerde olaryň wagtlaryny şadyýan geçirmekleri üçin ähli mümkinçilikler döredilipdir. Gyzgalaňly dowam edýän günlerde «Altyn ýyldyz» çagalar dynç alyş we sagaldyş merkezinde dynç alýan çagalaryň arasynda Türkmenistanyň Magtymguly adyndaky Ýaşlar guramasynyň Aşgabat şäher Geňeşiniň, Türkmenistanyň Şekillendiriş sungaty muzeýiniň bilelikde guramagynda çagalar bilen duşuşyk geçirildi. Ol ýerde muzeý hünärmenleri çagalara türkmen halkynyň Milli Lideri Gahryman Arkadagymyz, Arkadagly Gahryman Serdarymyzyň ajaýyp kitap eserlerinden söhbetdeşlik geçirdiler. Çagalara surat çekdirilip, şekillendiriş sungaty we muzeý gymmatlyklary dogrusynda sorag-jogap alşyldy. Şeýle-de olar Türkmenistanyň Şekillendiriş sungaty muzeýine wertualmuseum.gov.tm atly internet salgysyna gaýybana syýahat etdiler.

Medeniýet we sungat – kalbyň çyragy...

Täzelikler

19.06.2026

«Garaşsyz, baky Bitarap Türkmenistan – bedew batly at-myradyň mekany» ýylynyň 18-nji iýunynda Türkmenistanyň Çeperçilik sergiler müdirligi we şekillendiriş sungatynyň sergi merkezinde, Medeniýet we sungat işgärleriniň hem-de Magtymguly Pyragynyň şygryýet güni mynasybetli «Medeniýet we sungat – kalbyň çyragy, sarpaň belent Magtymguly Pyragy!» atly ýurdumyzyň suratkeşleriniň şekillendiriş we amaly-haşam sungat eserleriniň sergisi dabaraly açyldy. Sergide Türkmenistanyň Suratkeşler birleşiginiň agzalary, Çarymyrat Ýazmyradowyň «Dananyň ruhy», Maýsa Amangylyjowanyň «Nury Halmämmedow», «Aýgytly ädim», «Ylahy zehin», Muhammet Ýollyýewiň «Gaşy ýaý», Gülälek Babakulowanyň «Gurjaklar toplumy», Gahryman Goçmyradowyň «Duşuşyk», Gunça Goçmyradowanyň «Gök alma», Maral Annanurowanyň «Pyragynyň ýüz älemi», «Meniň dünýäm», Polat Garryýewiň «Kalbyň çyragy», «Syrly gije», Rahman Umarowyň «Gözel Şirgazy» ýaly eserleri bellenmäge mynasypdyr. Suratkeşleriň döreden sungat eserleriniň ählisi çeperçilik akymlary bilen sazlaşyp baý mazmunda ýerine ýetirilipdir. Taryhyň dürli döwürlerinde medeniýet halklaryň arasyndaky gatnaşyklaryň berkemegine täsir edipdir. Beýik Ýüpek ýolunyň ugry bilen gatnan kerwenler halkymyzyň baý medeniýetini, däp-dessurlaryny dünýäniň çar künjegine ýaýradypdyrlar. Medeniýet türkmen halkynyň ýokary ruhy-ahlak gymmatlyklaryny, milli däp-dessurlaryny özünde jemleýär. Sergä hödürlenen sungat eserleriniň aglabasynda halkymyzyň medeniýeti, ruhy, däp-dessurlary açylyp çeperçilik akymlarynyň täsirleri beýan edilýär. Aýratyn tapawutlanan gymmatbahaly daşlardan ýerine ýetirilen zenan şaý-sepleri we sowgatlyk önümleri bilen giň halk köpçüliginiň ünsüni özüne çeken zergär Artýom Balýanyň işleri bellenmäge mynasypdyr. Medeniýet we sungat işgärleriniň hem-de Magtymguly Pyragynyň şygryýet güni ýurdumyzda giňden dabaraly bellenilýär. Sungatyň eçilýän egsilmez ylhamyndan, asuda we parahat durmuşyň ruhundan joşgun alýan türkmen suratkeşleri şekillendiriş sungatynyň ähli görnüşlerinde hyjuwly zähmet çekýärler. Sungatda bu baýram açyk, ýagty reňkleriň sazlaşygynda baýramçylyk şowhuny bilen çeper beýan edilýär. Sergi öz işini 10 gün dowam eder.

«Magtymguly Pyragynyň döredijiligi – umumyadamzat mirasy» atly ylmy maslahaty

Täzelikler

19.06.2026

2026-njy «Garaşsyz, baky Bitarap Türkmenistan – bedew batly at-myradyň mekany» ýylynyň 19-njy iýunynda Türkmenistanyň Döwlet çeperçilik akademiýasynyň mejlisler jaýynda «Magtymguly Pyragynyň döredijiligi – umumyadamzat mirasy» atly mugallymlaryň we talyplaryň ylmy-amaly maslahaty geçirildi. Maslahat çeperçilik akademiýasynyň dört bölümçesinde dowam etdi. Maslahatda Türkmen döwlet maliýe institutynyň uly mugallymy, filosofiýa ylymlarynyň kandidaty J.Myradowanyň «Magtymgulynyň syýsy filosofiýasy», Magtymguly adyndaky Türkmen döwlet uniwersitetiniň uly mugallymy O.Atajanowanyň «Türkmen bedewiniň gözelligi medeni-taryhy miras hökmünde», Myrat Garryýew adyndaky Türkmenistanyň Döwlet lukmançylyk uniwersitetiniň mugallymy «Magtymguly Pyragynyň dünýä edebiýatynda tutýan orny», Döwletmämmet Azady adyndaky Türkmen milli dünýä dilleri institutynyň mugallymy «Magtymguly Pyragynyň eserlerinde milli terbiýe hakynda» ýaly çykyşlar ýerine ýetirildi.

Medeniýet-milletiň aň kämilligi

Kitaphanalar

19.06.2026

Türkmenistanyň B.Amanow adyndaky döwlet çagalar kitaphanasy hemişelik okyjylary hem-de agzybir kitaphanaçylary bilen Medeniýet we sungat işgärleriniň hem-de Magtymguly Pyragynyň şygryýet güni mynasybetli “Medeniýet - milletiň aň kämilligi” atly söhbetdeşlik geçirdi. Söhbetdeşlige kitap söýüji ýaşlar hem-de çagalar gatnaşdy. Çagalar türkmen medeniýetini, sungatyny wasp edýän goşgulary uly höwes bilen ýerine ýetirdiler. Kitaphanamyzyň gurnan göçme kitap sergisi çagalarda uly täsir galdyrdy. Söhbetdeşligiň ahyrynda türkmen medeniýetini, sungatyny, nusgawy edebiýatyny ýaş nesillere giňişleýin wagyz etmäge döredip berýän giň mümkinçilikleri üçin Gahryman Arkadagymyza, Arkadagly Gahryman Serdarymyza alkyş sözleri beýan edildi.

• ←
• 1
• ...
• 3
• 4
• 5
• ...
• 201
• →