HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

TÜRKMENI DÜNÝÄ TANADAN AKYLDAR

Kitaphanalar

28.07.2025

«Türkmeni dünýä tanadan akyldar» atly söhbetdeşlik. Türkmenistanyň Bazar Amanow adyndaky Döwlet çagalar kitaphanasy we Türkmenistanyň Döwlet medeniýet merkeziniň Döwlet kitaphanasy bilen Aba Annaýew adyndaky halkara atçylyk akademiýasynyň mugallymlarynyň gatnaşmagynda şeýle-de «Arkadag» teleýaýlymynyň döredijilik topary bilen bilelikde, hormatly Prezidentimiziň Arkadagly Gahryman Serdarymyzyň jöwher paýhasyndan dörän «Magtymguly dünýäniň akyldary» atly kitabynyň esasynda «Türkmeni dünýä tanadan akyldar» ady bilen tegelek stoluň başynda söhbetdeşlik geçirildi. Söhbetdeşligiň dowamynda çykyş edenler, hormatly Prezidentimiziň Arkadagly Gahryman Serdarymyzyň jöwher paýhasyndan dörän «Magtymguly dünýäniň akyldary» atly kitabynyň many-mazmuny bölümleriniň aýratynlygyny, şeýle-de türkmen döwletliligini berkarar etmekde nusgalyk işleri bitiren akyldar şahyrymyz Magtymguly Pyraga hem-de beýleki ençeme taryhy şahsyýetlerimize goýulýan beýik hormatyň aýdyň nyşanydyr diýip, täsirli gürrüň berdiler. Şahyr Magtymguly Pyragynyň döredijiligi barada täsirli gürrüňler edildi. Pyragynyň şygyrlarynyň nesil terbiýesindäki ähmiýeti barada hem aýratyn nygtaldy. Söhbetdeşligiň ahyrynda türkmen söz sungatynyň pälwany Magtymguly Pyragynyň sarpasyny dünýä ýaýýan türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyşlary beýan etdiler.

MAGTYMGULY DÜNÝÄNIŇ AKYLDARY

Muzeýler

28.07.2025

«Halkara parahatçylyk we ynanyşmak» ýylymyzyň her bir güninde ýokary guramaçylykda geçirilýän çäreler bu şanly ýylymyzda bagtyýar halkymyzyň her bir raýatynyň göwün guşuny galkyndyrýar. Uly ruhubelentlikde şatlyk–şowhuna beslenip ýokary guramaçylykda geçirilýän çärelerde milli mirasymyz, medeniýetimiz, edebiýatymyz öz beýanyny tapýar. Lebap welaýatynyň Taryhy we ülkäni öwreniş muzeýiniň hem-de Türkmenistanyň Agrar partiýasynyň Lebap welaýat, Çärjew etrap komitetleriniň bilelikde gurnamagynda beýik söz ussady Magtymguly Pyragynyň döredijiligine bagyşlanyp «Magtymguly dünýäniň akyldary» atly dabaraly maslahat geçirildi. Maslahatda şahyryň döredijiligi bilen bir hatarda, Halkara parahatçylyk we ynanyşmak ýylymyzyň taryhy ähmiýetli wakalarynyň birine öwrüljek, şu ýylyň 4-nji, 8-nji awgusty aralygynda «Awaza» milli syýahatçylyk zolagynda geçiriljek BMG-niň Deňze çykalgasy bolmadyk ösüp barýan ýurtlar boýunça üçünji maslahaty, şahyryň arzuwlan Bitaraplygyň türkmen nusgasynyň işjeň we döredijilikli taglymatdygynyň täze ykrarnamasy boljakdygyna uly buýsanç bilen belläp geçdiler. Dabaranyň dowamynda oňa gatnaşyjylar bagtyýar zamanamyzda döredijilikli zähmet çekmäge, Magtymguly Pyragynyň döredijiligini halkymyzyň arasynda wagyz etmäge döredip berýän, ähli mümkinçilikleri üçin milli medeniýetimiziň, sungatymyzyň hak howandarlary türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza ýüreklerinden joşup çykýan alkyşlaryny, çäksiz sagbolsunlaryny beýan etdiler.

SAGLYGYM–BAŞ BAÝLYGYM

Kitaphanalar

28.07.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin DES-indäki kitaphana şahamçasynyň guramagynda “Aşgabat” seýilgähinde “Saglygym–baş baýlygym” ady bilen söhbetdeşlik geçirildi. Söhbetdeşlikde çykyş edenler Gahryman Arkadagymyzyň, Arkadagly Gahryman Serdarymyzyň parasatly baştutanlygynda Türkmenistanyň Saglygy goraýyş ulgamyny dünýäniň ösen döwletleriniň derejesine laýyk ösdürmek boýunça giň gerimli özgertmeleriň alnyp barylýandygy barada gürrüň berdiler. Şeýle-de ýurdumyzyň abadan geljegi üçin kabul edilen maksatnamalara laýyklykda, häzirki zaman, döwrebap we ýöriteleşdirilen keselleri anyklaýyş-bejeriş merkezleri, hassahanalary, şypahanalary gurmak, lukmançylyk ylmyny düýpli ösdürmek, sagdyn durmuş ýörelgelerini rowaçlandyrmak, beden we ruhy taýdan sagdyn nesilleri terbiýelemek babatda uly ösüşler gazanylýandygy barada giňişleýin belläp geçdiler. Söhbetdeşligiň ahyrynda saglygy goraýyş ulgamyny ösdürmekde uly işler alyp barýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.

TÜRKMEN HALKYNYŇ MILLI LIDERI, TÜRKMENISTANYŇ HALK MASLAHATYNYŇ BAŞLYGY GAHRYMAN ARKADAGYMYZ ARKADAG ŞÄHERINE IŞ SAPARYNY AMALA AŞYRDY

Täzelikler

28.07.2025

26-njy iýulda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýurdumyzda şähergurluşyk maksatnamasynyň häzirki zaman talaplaryna we ýokary halkara görkezijilere laýyk derejede amala aşyrylýandygynyň aýdyň nyşany bolan Arkadag şäherine nobatdaky iş saparyny amala aşyrdy. Gahryman Arkadagymyz şäheriň çäklerinde gurulýan dürli maksatly binalaryň, aýratyn-da, döwrebaplaşdyrylan şaýoluň, köprüleriň, ýol-ulag düzümine degişli desgalaryň şekil taslamalary bilen tanyşdy we degişli ýolbaşçylaryň gatnaşmagynda iş maslahatyny geçirdi. Häzirki döwürde tutuş ýurdumyzda milli binagärlik ýörelgeleri bilen häzirki zamanyň ösen tejribesini özünde jemleýän dürli maksatly desgalaryň gurluşygyna döwlet derejesinde uly ähmiýet berilýär. Munuň özi hormatly Prezidentimiziň we Gahryman Arkadagymyzyň yzygiderli tagallalary netijesinde Diýarymyzyň ähli ugurlar boýunça sazlaşykly ösýändiginiň aýdyň beýanydyr. Gahryman Arkadagymyz ir bilen Gökdepe şaýolunyň ugrunda gurlan döwrebap köpriniň ýanyna geldi. Ýurdumyzda ýol-ulag düzümine degişli desgalaryň gurluşygyna, olaryň oňaýlylyk we uzak möhletleýinlik derejesine möhüm ähmiýet berilýär. Şol bir wagtyň özünde desgalaryň bezeg işlerine hemmetaraplaýyn esasda çemeleşilýär.

KITAP DÜNÝÄNIŇ AÇARY

Kitaphanalar

25.07.2025

2025-nji “Halkara–parahatçylyk we ynanyşmak” ýylynyň 25-nji iýulynda Ýaponiýanyň Türkmenistandaky ilçihanasy tarapyndan Lebap welaýat kitaphanasyna 105 kitap dabaraly ýagdaýda gowşuryldy. Myhmanlar özlerini gyzyklandyrýan sowallaryny berip, kitaphanada döwrebap tekjelerde guralan giňişleýin kitap sergilerine syn etdiler. “Bitaraplyk-belent maksatlara ruhlandyrýar” diýilip atlandyrylan esasy sergide Gahryman Arkadagymyzyň, Arkadagly Gahryman Serdarymyzyň ýiti zehininden syzylyp çykan eserleriniň türkmen dilindäki we daşary ýurt dillerine terjime edilen kitaplary ýerleşdirildi. Şeýle-de welaýat kitaphanasynyň gaznasynda bar bolan ýapon dilindäki, ýapon halkynyň taryhy baradaky bir näçä kitaplaryň kitap sergisi guraldy. 

HALKARA FORUMYŇ ÇÄKLERINDE TAÝÝARLYK IŞLERI

Täzelikler

25.07.2025

“Halkara parahatçylyk we ynanyşmak” ýylynda “Awaza” milli syýahatçylyk zolagynda geçiriljek BMG-niň deňize çykalgasy bolmadyk ösüp barýan ýurtlar boýunça üçinji maslahatyny ýokary derejede geçirmek babatda ýurdumyzda görülýän taýýarlyk işleri ýokary derejede guramaçylykly alnyp barylýar. Ýurdumyzda geçiriljek uly göwrümli forumyň çäklerinde gurnaljak medeni-köpçülik çäreleri, maslahatlar, howa menzilinde daşary ýurtlardan gelen myhmanlary türkmeniň milli ýörelgelerine, myhmansöýerlik dessurlaryna laýyk derejede garşy almak, hemme taraplaýyn ýokary derejede guramaçylyk işlerini alyp barmak hakynda Gahryman Arkadagymyzyň geçiren iş maslahatynda nygtaldy. Halkara foruma taýýarlygyň çäklerinde dürli medeni çäreleriň, aýratynda, konsertleriň şowhunly geçirilmegi üçin ähli şertler döredilýär. LED ekranlar, köpöwüşginli interaktiw suw çüwdürimleri medeni çäreleriň guralýan pursatlarynda bir bitewi sazlaşygy emele getirip, olaryň şowhunyny hasda artdyrar. “Bu ýerde guraljak dabaralar ýurtlaryň arasynda medeni gatnaşyklary pugtalandyrmaga, dostlukly halklaryň medeniýetinde we sungatynda gazanylan üstünlikler bilen ýakyndan tanyşmaga ýardam berer”diýip, Gahryman Arkadagymyz nygtady.Parahatçylyga, dost doganlyga söýgi döretmekde medeniýete we sungata aýratyn orun degişlidir. Sungatyň güýji ynsan kalbynda hoşniýetli arzuwlary kemala getirýär, adamlary biri birine ýakynlaşdyrýar,dostlaşdyrýar.

TÜRKMENISTAN HALKARA PARAHATÇYLYGYŇ WE YNANYŞMAGYŇ MEKANY

Kitaphanalar

25.07.2025

Türkmenistanyň Bazar Amanow adyndaky döwlet çagalar kitaphanasynyň agzybir hünärmenleri “Halkara parahatçylyk we ynanyşmak” ýylynda “Awaza” milli syýahatçylyk zolagynda geçiriljek BMG-niň deňize çykalgasy bolmadyk ösüp barýan ýurtlar boýunça 3-nji maslahatyny ýokary derejede geçirmek babatda ýurdumyzda görülýän taýýarlyk işleri barada “Altyn asyr” teleýaýlymynyň döredijilik topary bilen bilelikde täsirli söhbetdeşlik geçirdi. Söhbetdeşligiň dowamynda ýurdumyzda geçiriljek uly göwrümli forumyň çäklerinde gurnaljak medeni-köpçülik çäreleri, maslahatlar, howa menzilinde daşary ýurtlardan gelen myhmanlary türkmeniň milli ýörelgelerine, myhmansöýerlik dessurlaryna laýyk derejede garşy almak, hemme taraplaýyn ýokary derejede guramaçylyk işlerini alyp barmak hakynda Gahryman Arkadagymyzyň geçiren iş maslahaty barada aýratyn nygtadylar. Şeýle-de hemişelik Bitaraplygymyzyň 30 ýyllyk baýramy hem-de BMG-niň döredilmeginiň 80 ýyllygy mynasybetli gutlag sözleri beýan edildi. Söhbetdeşligiň ahyrynda ýurdumyzy dünýä ýüzünde ylalaşdyryjy merkez hökmünde tanadyp, asudalygy, parahatçylygy, dost-doganlyk ýörelgelerini üstünlikli durmuşa geçirýän Gahryman Arkadagymyza, Arkadagly Gahryman Serdarymyza alkyş sözleri beýan edildi.

AMERIKAN NUSGAWY ÇAGALAR WE ÝETGINJEKLER EDEBIÝATYNYŇ KITAP SERGISI

Kitaphanalar

25.07.2025

Türkmenistanyň Döwlet medeniýet merkeziniň Döwlet kitaphanasynda ABŞ-nyň Türkmenistandaky ilçihanasy tarapyndan Amerikan nusgawy çagalar we ýetginjekler edebiýatynyň kitap sergi ýarmarkasy geçirildi. Kitap sergi ýarmarkasyny ABŞ-nyň Türkmenistandaky ilçisi Elizabet Rud açyp berdi. Kitap sergi ýarmarkasynda Amerikan nusgawy çagalar we ýetginjekler,iňlis dili we ylym,tehnologiýa, inženeriýa we matematika (STEM) boýunça gollanmalar we ABŞ-da okamak boýunça kataloglar ýerleşdirildi we sergi ýarmarkasyna gatnaşyjylara tanyşdyryldy. Sergi ýarmarkasyna gatnaşanlar Amerikan nusgawy çagalar we ýetginjekler edebiýatyndan bölekleri okap berdiler şeýle hem iňlis dilinde sözleri harpma-harp dogry aýtmak boýunça “Speliň Bi” bäsleşigi geçirildi. Kitap sergi ýarmarkasynyň Multimediýa böleginde tanyşdyrylan kitaplara degişli filmler we ýanyna goşulyp okamak üçin sesli kitaplar görkezildi. Soňra bolsa,sergä gatnaşýanlar kitaplar üçin bezelen sahypa belligini ýasadylar. Kitap sergi ýarmarkasynyň ýapylyş dabarasynda guramaçylar «Speliň Bi» bäsleşiginiň ýeňijilerine hormat hatlaryny gowşurdylar. Soňra bolsa, Döwlet kitaphanasynyň ýolbaşçylary sergi ýarmarkasynyň guraýjylara we şeýle mümkinçilikleri döredip beren, dost-doganlyk gatnaşyklarynyň ösmegine giň ýol açan Gahryman Arkadagymyzyň, Arkadagly Gahryman Serdarmyzyň janlarynyň sag bolmaklaryny arzuw etmek bilen öz minnetdarlyklaryny bildirdiler. ABŞ-nyň Türkmenistandaky ilçihanasy tarapyndan guralan bu kitap sergi ýarmarkasy türkmen okyjylaryna Amerikan ýazyjylarynyň edebiýatlaryny has hem gowy bilmäge,öwrenmäge öz täsirini ýetirdi.

PARAHATLYK ÝOLY–BAGTYÝARLYK ÝOLY

Kitaphanalar

25.07.2025

Golaýda Türkmenistanyň Medeniýet ministrliginiň hem-de Türkmen döwlet neşirýat gullugynyň bilelikde guramagynda, Türkmenistanyň Döwlet medeniýet merkeziniň Döwlet kitaphanasynda, ýurdumyzyň žurnalistleriniň gatnaşmagynda «Parahatlyk ýoly–bagtyýarlyk ýoly» atly söhbetdeşlik geçirildi. Söhbetdeşlige «Türkmen dünýäsi» gazetiniň jogapkär kätibi, Türkmenistanyň at gazanan žurnalisti Döwrangeldi Agalyýew, Türkmenistanyň Medeniýet ministrliginiň Döredijilik işgärleri bölüminiň baş hünärmeni Ogulgurban Gaşlakowa, «Diýar» žurnalynyň bölüm redaktory Akkeýik Allagulyýewa dagy gatnaşdylar. Olar öz çykyşlarynda parahatçylyk söýüjilik, ynanyşmak, dost-doganlyk watansöýüjilik terbiýesiniň esasy özenidir. Parahatçylygyň belent düşünjeleriniň çuň many-mazmunynyň Gahryman Arkadagymyzyň «Türkmenista-parahatçylygyň we ynanyşmagyň Watany», «Ýaşasyn parahat durmuş!» atly goşgularynyň gymmatly pikir-garaýyşlarynda beýan edilýändigini belläp geçdiler. Şeýle hem häzirki döwürde medeniýet diplomatiýasy döwletiň daşary syýasatynda dostlugyň has-da pugtalandyrylmagyna, halkara hyzmatdaşlygyň ösdürilmegine hyzmat etmek bilen, dünýäniň medeni siwilizasiýasynyň aýrylmaz bölegi bolup durýar. Ýurdumyz goňşy we dünýä döwletleri bilen dostlukly hyzmatdaşlyk etmekde hem medeni ugra uly üns berýär. Munuň özi dünýäde parahatçylygyň, ynanyşmagyň binýadynyň berkemegine oňyn täsirini ýetirýär. Parahatçylygyň bagtyýarlyk ýoludygyny dabaralandyrýar. Şeýle hem çykyş edenler «Awaza» milli syýahatçylyk zolagynda şu ýylyň awgust aýynyň başynda geçiriljek, BMG-niň Deňze çykalgasy bolmadyk ösüp barýan ýurtlar boýunça üçünji maslahatynyň çäklerinde geçirilmegi meýilleşdirilýän iri halkara çäreleri we forumlary hakynda durup geçdiler. Ýurdumyzda geçirilýän iri halkara çäreleriniň halklaryň dost-doganlyk gatnaşyklarynyň has-da berkemegine oňyn ýardamyny ýetirýändigini nygtadylar. Söhbetdeşlige gatnaşanlar parahat ýurdumyzy dost-doganlygyň mekanyna öwren, türkmen halkynyň Milli Lideri Gahryman Arkadagymyzyň hem-de Hormatly Prezidentimiziň janlarynyň sag, ömürleriniň uzak, il-ýurt bähbitli döwletli işleriniň hemişe rowaç bolmagyny tüýs ýürekden arzuw etdiler.

HORMATLY PREZIDENTIMIZIŇ «ÝAŞLAR–WATANYŇ DAÝANJY» ATLY KITABYNDAN

Kitaphanalar

24.07.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Mollanepes adyndaky kitaphana şahamçasynyň guramagynda hormatly Prezidentimiziň «Ýaşlar Watanyň daýanjy» atly kitabyndan gürrüňdeşlik geçirildi. Gürrüňdeşlikde hormatly Prezidentimiziň «Ýaşlar-Watanyň daýanjy» atly ajaýyp eseri ýurdumyzyň geljegi bolan bagtyýar ýaşlaryň bu günki üstünliklerinden, Diýarymyzyň beýik ösüşlerine goşýan mynasyp goşandyndan söz açýan bu gymmatly eser, ýaş nesillerimiz üçin ylham çeşmesine öwrülendigi barada gürrüň berdiler. Gürrüňdeşligiň ahyrynda ýaşlary elmydama üns merkezinde saklap, geljegimize uly ynam bildirýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

• ←
• 1
• ...
• 96
• 97
• 98
• ...
• 249
• →