HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

Eziz Watan Garaşsyzlyk toýuna barýar

Kitaphanalar

08.07.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Gurbannazar Ezizow adyndaky kitaphana şahamçasynyň guramagynda «Eziz Watan Garaşsyzlyk toýuna barýar» ady bilen söhbetdeşlik geçirildi. Söhbetdeşlikde çykyş edenler Berkarar döwletiň täze eýýamynyň Galkynyşy döwründe ýurdumyzda Gahryman Arkadagymyzyň, Arkadagly Gahryman Serdarymyzyň taýsyz tagallalary bilen durmuşa geçirilýän beýik işleriň netijesinde uly ösüşler gazanylyp, belent sepgitlere ýetilýändigi, döwletimiziň ykdysady kuwwatyny pugtalandyrýandygy, halkymyzyň ýaşaýyş-durmuş derejesiniň has-da belende göterilýändigi barada gürrüň berdiler. Söhbetdeşligiň dowamynda ýetip gelýän şanly baýramymyz bolan Mukaddes Garaşsyzlygymyzyň 35 ýyllyk toýuna ähli türkmen halkynyň, şol sanda kitaphana ulgamynda hem uly depginde taýýarlyk görülýändigini nygtap geçdiler. Söhbetdeşligiň ahyrynda il-ýurt bähbitli umumyadamzat ähmiýetli başlangyçlary öňe sürýän Gahryman Arkadagymyza, Arkadagly Gahryman Serdarymyza alkyş sözlerini aýdylar.

Bedew batly diýarym

Kitaphanalar

08.07.2026

Lebap welaýat kitaphanasynda, Türkmenistanyň Demokratik partiýasynyň Lebap welaýat komiteti bilen we bu medeni ojagyň bilelikde gurnamaklarynda “Bedew batly diýarym” söhbetdeşlik geçirildi. Çykyşlarda şu ýylyň 5-nji iýulynda Aşgabat şäherinde ýurdumyzyň Garaşsyzlygynyň 35 ýyllyk şanly toýuna bagyşlanan dabaralary, ýokary derejede geçirmek, halkymyzyň milli buýsanjy bolan ahalteke bedewlerini wasp etmek, onuň şanyny dünýä ýaýmak boýunça dabaraly mejlisiň geçirilendigi barada bellenildi. “At agynan ýerinde toý bolar”diýlip aýdylyşy ýaly toýlarymyz goşa-goşadan gelýär. Çäräniň dowamynda gatnaşyjylar giňişleýin kitap sergisine syn etdiler. Döwrebap tekçelerde ýerleşdirilen Gahryman Arkadagymyzyň behişdi bedewlerimiz baradaky eserleri gatnaşyjylarda aýratyn täsir galdyrdy. Ajaýyp pursatlarda döredijilikli zähmet çekmäne ähli mümkinçilikleri döredip berýän Türkmen Halkynyň Milli Lideri Gahryman Arkadagymyza, Hormatly Prezidentimiz Arkadagly Gahryman Serdarymyza tüýs ýürekden sag bolsun aýdyp, janlarynyň sag, ömürleriniň uzak bolmagyny, tutýan her bir tutumly işleriniň rowaçly menzillere rowana bolmagyny arzuw etdiler.

Magtymguly Pyragy – söz äleminiň zergäri

Kitaphanalar

08.07.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Nury Baýramow adyndaky kitaphana şahamçasynyň guramagynda «Magtymguly Pyragy – söz äleminiň zergäri» ady bilen Magtymguly adyndaky merkezi kitaphanada söhbetdeşlik geçirildi. Söhbetdeşlikde Magtymguly Pyragynyň çuňňur many-mazmunly goşgulary türkmen halkynyň taryhy, ýaşaýyş durmuşy, geçmişi bilen aýrylmaz baglanşykly bolup, şahyryň goşgulary her bir ynsanyň kalbyndan eriş argaç bolup geçýän edebi mirasy bolsa häzirki döwrümizde tutuş adamzat jemgyýetini terbiýelemekde uly güýje eýe bolup durýandygy barada gürrüň berdiler. Şeýle-de Akyldar şahyrymyz öz ýazan şygyrlarynda ýagşy işlere ýaran bolmagy, gowy gylyk häsiýeti ündändigi barada söhbet etdiler. Söhbetdeşligiň ahyrynda nusgawy şahyrymyz Magtymguly Pyragynyň abraý-mertebesini belende göterýän hem-de sungata çäksiz sarpa goýýan türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

“Tegelek stoluň” başynda söhbetdeşlik

Kitaphanalar

08.07.2026

Türkmenistanyň Döwlet medeniýet merkeziniň Döwlet kitaphanasynda “Garaşsyz Baky Bitarap Türkmenistan- bedew batly at-myradyň mekany” diýip atlandyrlan 2026-njy ýylda geçiriljek baýramçylyk çärelerine bagyşlanan Dabaraly mejlisde öňe goýlan möhüm wezipeler hem-de ýylyň şygaryny giňden wagyz etmek boýunça “Tegelek stolyň” başynda döredijilik işgärleri bilen söhbetdeşlik geçirildi. Tegelek stoluň başynda döredijilik işgärleri bilen şanly Garaşsyzlygymyzyň 35 ýyllygyna bagyşlanan söhbetdeşlik geçirildi.Söhbetdeşlikde çykyş edenler şanly Garaşsyzlygymyzyň 35 ýylynyň içinde gazanylan asyrlara barabar ösüşler hakynda giňişleýin söhbet etdiler.Golaýda 2026-njy ýylda geçiriljek baýramçylyk çärelerine bagyşlanan Dabaraly mejlisde öňde goýulan wezipeleri durmuşa geçirmekde alnyp barylýan işler hakynda hem giňişleýin durup geçdiler. Bu gün türkmen halkymyzyň Milli Lideri Gahryman Arkadagymyz, Arkadagly Gahryman Serdarymyzyň ýolbaşçylygynda Garaşsyz baky Bitarap Türkmenistan watanymyzyň ady dünýä dolýar.Söhbetdeşlige gatnaşanlar şanly Garaşsyzlygymyzyň 35 ýyllyk baýramçylygyna bagyşlanyp ähli pudaklarda alnyp barylýan ajaýyp işler, zähmet sowgatlary barada aýtmak bilen söhbetleriniň ahyrynda bizi Berkarar döwletiň bagtyýarlyk döwründe ýaşadýan Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, beýik işleriniň rowaç bolmagyny tüýs ýürekden arzuw etdiler.

“Birinji Türkologiýa gurultaýynyň 100 ýyllygyna” atly bibliografiýa görkezijisine syn

Kitaphanalar

08.07.2026

Ýakynda Azerbaýjan Respublikasynyň Azerbaýjan Milli kitaphanasy tarapyndan taýýarlanan “Birinji Türkologiýa gurultaýynyň 100 ýyllygyna” atly bibliografiýa görkezijisi Türkmenistanyň Döwlet medeniýet merkeziniň Döwlet kitaphanasyna sowgat berildi. Bu täze kitaba Döwlet kitaphanasynyň Bibliografiýa bölümi tarapyndan syn geçirildi. Kitapda beýleki halklar bilen bir hatarda türkmen ýazyjylarynyň hem adynyň tutulmagy, goňşy döwletlerimiz bilen doganlyk gatnaşyklaryň uzak ýyllardan bäri dowam edip gelýändigini aýdyň subut edýär. Türkologiýa gurultaýynyň taryhyny açyp görkezýän maglumatlardan ybarat bolan bu kitap, Döwlet kitaphanasynyň gaznasynyň baýlaşmagyna uly goşandyny goşdy. Kitap kitaphana synyna gatnaşanlarda uly täsirleri galdyrdy. Bu çärä gatnaşanlar edebi mirasy öwrenmek işini düýpli ýola goýmak bilen, halkymyza asyrlaryň jümmüşinden gözbaş alýan ýol-ýörelgelerimizi, däp-dessurlarymyzy täzeden dikeltmeklige, medeni we ruhy mirasyň halkyň köňül ganatyna öwrülmegine giň mümkinçilikler döredip beren, türkmen halkynyň Milli Lideri Gahryman Arkadagymyzyň, hormatly Prezidentimiziň janlarynyň sag, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýürekden arzuw etdiler.

Çagalaryň sözleýşini kämilleşdirmekde edebiýatyň orny

Kitaphanalar

08.07.2026

Türkmenistanyň Döwlet medeniýet merkeziniň Döwlet kitaphanasynyň Milli gaznahana ulgamyny döretmek, maglumatlary jemlemek, ulgamyň elektron binýadyny guramak we maglumatlar bilen alyşmak bölümi we Aşgabat şäheriniň 84-nji çagalar bakja-bagynyň çagalary bilen “Çagalaryň sözleýşini kämilleşdirmekde edebiýatyň orny” atly çeper okaýyş geçirildi. Çeper okaýyş çäresinde çagalara Türkmen hak ertekileri okap berildi. Türkmen halk ertekileriniň terbiýeçilik ähmiýeti, çagalaryň kitap bilen ir ýaşdan dostlaşmagyny gazanmak barada pikir alyşmalar geçirildi. Çeper okaýyş çäresi ýaş nesilleriň her birinde kitaba bolan söýgi döretdi. Kitap körpeleriň sözleýişini kämilleşdirmekde möhüm orun eýeläp, ulyny sylamak, kiçini söýmek ýaly milli häsiýetlerde terbiýelemäge uly ähmiýet berýär. Şeýle-de çagalara, kitap okan çaganyň - jemgyýetde öz ornuny tapmagy, kämil şahsyýet bolup ýetişmegi üçin ýol ýörelgedigi hakynda maslahatlar berildi. Çärä gatnaşanlar bagtyýar çagalarymyzy milli ruhda terbiýelemäge uly mümkinçilikleri döredýän türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny tüýs ýürekden arzuw etdiler.

Ýaşlar Watanyň daýanjy

Kitaphanalar

08.07.2026

Türkmenistanyň Döwlet medeniýet merkeziniň Döwlet kitaphanasynyň Neşirleri toplaýyş bölümi, Bibliografiýa bölümi bilen bilelikde Gökderedäki çagalar dynç alyş we sagaldyş merkezinde ýerleşýän “Nebitçi” sagaldyş we dynç alyş merkezinde “Ýaşlar Watanyň daýanjy” atly göçme kitap sergisini we söhbetdeşligini çagalar topary bilen geçirdi. Sergide çykyş edenler berkarar Watanymyzyň geljegi hem-de dowamatymyz bolan ýaş nesillerimiz hakynda hemme taraplaýyn alada edilýändigini, olaryň döwrebap bilim-terbiýe almaklary, watansöýüjiligiň, ynsanperwerligiň belent ýörelgelerine eýerip, zehininiň, ukyp-başarnyklarynyň ösmegi, dünýägaraýşynyň kämilleşmegi üçin Gahryman Arkadagymyzyň, Arkadagly Gahryman Serdarymyzyň tagallalary netijesinde ähli şertler döredilýändigini beýan etdiler. Mähriban ýaşlarymyz ýurdumyzyň syýasy durnuklylygyny, okgunly öňe gitmegini, ähli pudaklaryň sazlaşykly ösüşini üpjün etmäge mynasyp goşantlaryny goşýandygyny buýsanç bilen nygtadylar. Kitap sergisinde Gahryman Arkadagymyzyň Arkadagly Gahryman Serdarymyzyň eserleri, şeýle-de çagalar edebiýatyna degişli birnäçe eserler ýerleşdirildi. Bu eserler ýaş nesilleri watançylyk, ruhunda terbiýelemekde gymmatly hazynadygyny buýsanç bilen beýan etdiler. Çäräniň ahyrynda çagalar bilen sorag-jogap alşyldy. Kitap sergisine gatnaşanlar ýaş nesliň hemmetaraplaýyn ösmegi ugrunda uly tagallalary edýän türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň il-ýurt bähbitli işleriniň elmydama rowaçlyklara beslenmegini tüýs ýürekden arzuw etdiler.

Ýurduň ykdysady kuwwatyny berkitmek

Kitaphanalar

08.07.2026

Türkmenistanyň Döwlet medeniýet merkeziniň Döwlet kitaphanasynyň Patent-tehniki edebiýatlar bölümi “Ýurduň ykdysady kuwwatyny berkitmek” ady bilen sergi gurnady. Bu kitap sergisinde Milli Liderimiz Gahryman Arkadagymyzyň, Hormatly Prezidentimiz Arkadagly Gahryman Serdarymyzyň jöwher paýhasyndan çykan nusgalyk eserleri ýerleşdirildi. Mundan başga-da ýurdyň ykdysady kuwwatyny ösdürmek bilen bagly edebiýatlar ýerleşdirildi. Ýurduň ykdysady kuwwatyny ýokarlandyrmak – bu diňe bir statistiki görkezijiler ösdürmek bolman, eýsem halkymyzyň ýaşaýyş – durmuş derejesini düýpli gowulandyrmak, döwletimiziň halkara giňişligindäki ornuny berkitmek we geljekki nesiller üçin durnukly binýat döretmekdir. Kitap sergisini görmäge gelen okyjylar üçin bu ajaýyp edebiýatlary görmäge giň mümkinçilikler döredildi. Şular ýaly ajaýyp döwri peşgeş beren Milli Liderimiz Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, beýik işleriniň mundan buýana hem rowaç bolmagyny tüýs ýürekden arzuw etdiler.

Awtomobil ýollarynyň gurluşygy

Kitaphanalar

08.07.2026

Türkmenistanyň Döwlet medeniýet merkeziniň Döwlet kitaphanasynyň Patent-tehniki edebiýatlar bölümi “Awtomobil ýollarynyň gurluşygy” ady bilen sergi gurnady. Bu kitap sergisinde Milli Liderimiz Gahryman Arkadagymyzyň, Hormatly Prezidentimiz Arkadagly Gahryman Serdarymyzyň nusgalyk eserleri ýerleşdirildi. Mundan başga-da awtomobil ýollarynyň gurluşygy bilen bagly edebiýatlar ýerleşdirildi. Awtomobil ýollarynyň gurluşygy-bu diňe bir asfaltdan we betondan ybarat bolman, eýsem gaty çylşyrymly inženerçilik we tehnologik prosesdir. Ýoluň uzak ýyllaryň dowamynda hyzmat etmegi, howpsyz bolmagy we uly ýüklere çydamlylygy üçin gurluşyk berk tertipde, tapgyrlaýyn alnyp barylýanlygy barada gürrüň berildi. Sergini görmäge gelen okyjylar Gahryman Arkadagymyzyň, Arkadagly Gahryman Serdarymyzyň kitaplarynyň içinde getirilen gyzyldan- gymmatly maglumatlary okap, özlerine gerekli maglumatlary alyp, birek-birek bilen sorag-jogap alyşdylar. Şu bagtyýar durmuşy peşgeş beren türkmen halkymyzyň Milli Lideri Gahryman Arkadagymyza, Arkadagly Gahryman Serdarymyza hoşallyk sözlerini aýtdylar.

Milli mirasyň gymmatlygy

Kitaphanalar

07.07.2026

Türkmenistanyň Döwlet medeniýet merkeziniň Döwlet kitaphanasynyň Seýrek neşirler bölüminiň okalga zalynda “Milli mirasyň gymmatlygy” atly kitap sergi gurnaldy. Sergimizde bölümiň gaznasyndaky bar bolan neşirleriň sergisi gurnaldy. Seýrek neşirler bölümiň hazynasynda ХVI asyra we ondan soňky döwürlere degişli örän seýrek gabat gelýän neşirler bolup, olary geljekki nesillere ýetirmek maksady bilen, yzygiderli kitap sergileri gurnalýar. Şeýle-de, bölümiň hazynasynda taryhy ylmy we medeni gymmatly bolan neşirleriň görnüşleri toplanandyr. Seýrek neşirler bölümine täze gelen kitaplar hem gaznamyzy has-da baýlaşdyrýar. Bu edebiýatlaryň ählisi türkmen kitabynyň taryhy we ýadygärlikleri öwrenmek üçin ylmy taýdan örän gymmatly çeşmelerdir. Hazynamyzyň kitaplary diňe bir türkmen we rus dilinde bolman, eýsem-de Gündogar arap, pars, türki dillerinde we Gündogar iňlis, nemes, gadymy latyn, fransuz, italýan dillerindäki neşirler hem saklanýar. Şeýle-de irki döwürleýin neşirler hem saklanyp okyjy köpçüligine ýetirilýär. Türkmen halky öz taryhy ösüşiniň bütin dowamynda ruhy gymmatlyklaryna hemişe uly gadyr goýup, ona aýratyn ähmiýet berip gelipdir. Asyrlaryň jümmüşinden gözbaş alýan ýol-ýörelgeleri, däp-dessurlary, täzeden dikeltmeklige, medeni we ruhy mirasyň il-günüň köňül ganatyna öwrülmegine giň mümkinçilik döredip beren türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýüregimizden arzuw edýäris.

• ←
• 1
• ...
• 12
• 13
• 14
• ...
• 140
• →