HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

Milli miras – bedew batly ösüşleriň binýady

Kitaphanalar

25.05.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Nury Baýramow adyndaky kitaphana şahamçasynyň guramagynda Maýa Kulyýewa adynaky Türkmen milli konserwatoriýasynyň bilelikde guramagynda «Milli miras – bedew batly ösüşleriň binýady» ady bilen göçme kitap sergisi gurnaldy we wagyz-nesihat çäresi geçirildi. Çärede çykyş edenler “Garaşsyz, baky Bitarap Türkmenistan - bedew batly at-myradyň mekany” ýylynyň şygarynyň many-mazmunyny giňden dabaralandyrmak, Watanymyzyň okgunly ösüşiniň nyşany hasaplanýan ahalteke bedewleriniň şan-şöhraty has-da belende göterilýändigi barada gürrüň berdiler. Türkmen halkynyň milli buýsanjyny, gadymy gymmatlyklaryny çuňňur öwrenmekde we ösdürmekde, medeni mirasymyza hormat goýmak ýaşlaryň arasynda ýaýbaňlandyrylýandygy barada giňişleýin beýan etdiler. Gurnalan göçme kitap sergide Gahryman Arkadagymyzyň, Arkadagly Gahryman Serdarymyzyň ajaýyp eserleri, milli mirasymyza degişli birnäçe kitaplar ýerleşdirildi bu bolsa, çäräniň täsirini has-da artdyrdy. Çäräniň ahyrynda milli mirasymyzy täzeden dikeldip beren Türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Türkmen halysynyň dünýä meşhurlygy

Kitaphanalar

25.05.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Bagtyýarlyk etrabynyň kitaphana şahamçasynyň guramagynda türkmen halysynyň Milli baýramy mynasybetli «Türkmen halysynyň dünýä meşhurlygy» ady bilen gürrüňdeşlik geçirildi. Gürrüňdeşlikde çykyş edenler türkmen halkynyň asyrlar jümmüşinden gaýdýan gözellik gudraty bolan ajaýyp hem nepis halylary, dokamagyň inçe syrlary, ene-mamalarymyzyň yhlas-paýhasyndan, mähir-muhabbetinden dörän haly-palaslarymyzy dünýä tanatmakda alnyp barylýan işler, ýurdumyzda halyçy gelin-gyzlarymyza goýulýan hormat-sylaglar hakynda Gahryman Arkadagymyzyň “Janly rowaýat”, “Arşyň nepisligi” ýaly kitaplarynyň üsti bilen beren gürrüňleri okyjylarda uly täsir galdyrdy. Çeper elli zenanlarymyzyň diňe bir haly dokamak bilen çäklenmän, eýsem düýelerde we atlarda ulanylýan haly önümlerini hem hut öz elleri bilen dokandyklaryny, öýlerimiziň we toýlarymyzyň bezegi bolup biziň şu günlerimize gelendigi hakynda öwran-öwran aýtdylar. Gürrüňdeşligiň ahyrynda milli mirasymyza uly hormat goýýan Gahryman Arkadagymyzyň, Arkadagly Gahryman Serdarymyzyň janlarynyň sag bolmagyny, il bähbitli, ýurt ähmiýetli tutýan tutumly işleriniň rowaçlyklara beslenmegini arzuw etdiler.

Göwün päkligiň Gurban baýramy

Kitaphanalar

25.05.2026

Türkmenistanyň Döwlet medeniýet merkeziniň Döwlet kitaphanasynyň Ylmy habar beriş we sowal-jogap bölümi, türkmen halkynyň milli baýramy bolan Gurban baýramy mynasybetli “Göwün päkligiň Gurban baýramy” atly söhbetdeşlik geçirdi. Gurban baýramynyň her bir ynsan üçin hoşniýetli, ynsanperwer gatnaşyklary ýola goýýandygy barada söhbetdeşlikde gürrüň etdiler. Şeýle hem türkmen halk döredijiliginde Gurban baýramynyň adamlara paýlaýan ruhubelentligi barada ýazylan eserler hakynda ylmy maglumatlaryň üsti bilen gyzykly taryhy wakalary gürrüň berdiler. Söhbetdeşligiň ahyrynda türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, tutýan tutumly işleriniň mundan beýläk-de rowaç bolmagyny tüýs ýürekden arzuw etdiler.

Kitaphana- paýhaslar öýi

Kitaphanalar

25.05.2026

Türkmenistanyň Döwlet medeniýet merkeziniň Döwlet kitaphanasy hem-de Türkmenistanyň Magtymguly adyndaky Ýaşlar Guramasynyň Aşgabat şäher Geňeşi bilen bilelikde gurnamagynda paýtagtymyzyň ýokary okuw mekdepleriniň talyplary şeýle-de orta okuw mekdepleriniň okuwçylarynyň kitap okamaga bolan höwesini artdyrmak, kitaphana hyzmatlaryndan işjeň peýdalanýan ýaşlary höweslendirmek maksady bilen, “Kitaphana- paýhaslar öýi” atly bäsleşik geçirildi. Bäsleşigiň dowamynda kitaphana iň köp gatnan okyjylaryň arasynda 1-nji, 2-nji, 3-nji orunlar kesgitlenip, Türkmenistanyň Döwlet medeniýet merkeziniň Döwlet kitaphanasy, Türkmenistanyň Magtymguly adyndaky Ýaşlar Guramasynyň Aşgabat şäher Geňeşi ýeňijilere Hormat hatlary hem- de ýadygärlik sowgatlar dabaraly ýagdaýda gowşuryldy. Çäräniň dowamynda kitaphanalaryň ýaşlaryň bilimli, giň dünýägaraýyşly şahsyýetler bolup kemala gelmegindäki ähmiýeti barada çykyşlar edildi. Ýurdumyzda ylym – bilime, medeniýete we ýaşlaryň hemmetaraplaýyn ösmegine döredilýän giň mümkinçilikleri üçin Gahryman Arkadagymyza, Arkadagly Gahryman Serdarymyza janlarynyň sag, ömürleriniň uzak bolmagyny, alyp barýan beýik işleriniň rowaç almagyny tüýs ýürekden arzuw etdiler.

“Soňky jaň” dabarasy

Kitaphanalar

25.05.2026

Şu gün Türkmenistanyň umumy bilim berýän orta mekdeplerinde okuw ýylynyň tamamlanmagy mynasybetli baýramçylyk dabaralary geçirildi. Bu nurana baýram soňky jaňyň kakylmagy bilen ýaş oglanlaryň we gyzlaryň on müňlerçesiniň durmuşynda ýatdan çykmajak pursatlara beslendi. Uçurymlar üçin mekdep bilen hoşlaşmak tolgundyryjy pursatlara, joşgunly we şatlykly wakalara utgaşmak bilen birlikde, özbaşdak durmuşa gadam basylýandygyny, beýik ynamdan ruhlanyp, täze açyşlara giň ýol açylýandygyny alamatlandyrylýar. Okuw ýyllarynyň dowamynda ýaşlar ähli ugurlarda kämilleşmek üçin ygtybarly binýat bolup hyzmat etjek köptaraply bilim aldylar. Döwletmämmet Azady adyndaky Arkadag şäher kitaphanasyna Arkadag şäheriniň uçurymlary kitaphananyň muzeýine, kitap sergilerine aýlanyp gezelenç etdiler. Gezelenjiň ahyrynda ýaş uçurymlar, giň mümkinçilikleri döredip berýän Gahryman Arkadagymyza, Arkadagly Gahryman Serdarymyza alkyş sözleri aýtdylar.

Aşgabat – parahatçylygyň şäheri

Kitaphanalar

25.05.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Bagtyýarlyk etrabynyň kitaphana şahamçasy bilen Garadaşaýak medeniýet öýiniň bilelikde guramagynda Aşgabat şäheriniň güni mynasybetli «Aşgabat – parahatçylygyň şäheri» ady bilen 137-nji orta mekdepde wagyz-nesihat çäresi geçirildi. Çärede çykyş edenler Berkarar döwletiň täze eýýamynyň Galkynyşy döwründe hormatly Prezidentimiziň baştutanlygynda ata Watanymyzy gülletmekde, ýurdumyzda amatly ýaşaýyş – durmuş şertlerini döretmekde ägirt uly işleriň alnyp barylýandygy hakynda gürrüň berdiler. Şeýle-de “Merkezi Aziýanyň merjeni” diýen belent ada mynasyp bolan paýtagtymyz Aşgabat ýylyň – ýylyna täze, ajaýyp binalar bilen baýlaşýandygy, şol binalaryň iň köp şäheri hökmünde Ginnesiň rekordlar kitabyna girizilendigi, her ýylyň 25-nji maýyny “Aşgabat şäheriniň güni” diýlip yglan edilmegi, gözel paýtagtymyz Aşgabady şeýle hem ýurdumyzy mundan beýläk-de ösdürmek ugrunda döwletli işleriň durmuşa geçirilýändigi barada çykyş etdiler. Çäräniň dowamynda Gündogar edebiýatynyň synmajak sütüni Magtymguly Pyragynyň «Berkarar döwlet islärin» diýen jümlesi bu günki günde Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde hasyl bolandygy barada uly buýsanç bilen bellediler. Çäräniň ahyrynda eziz Watanymyzy rowaçlygyň ýoly bilen ynamly öňe alyp barýan, gözel paýtagtymyzy parahatçylygyň we dost-doganlygyň merkezi hökmünde dünýä tanadýan türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Bagy bossan – jennet mekan Aşgabat

Kitaphanalar

22.05.2026

Türkmenistanyň B.Amanow adyndaky Döwlet çagalar kitaphanasy ýakynda “Atamyrat” seýilgähinde “Aşgabat” teleýaýlymynyň, “Ak şäherim Aşgabat” gepleşiginiň ýazgy etmeginde 25-nji maý Aşgabat şäheriniň gününe bagyşlap “Bagy bossan – jennet mekan Aşgabat” atly söhbetdeşligi geçirdi. Aşgabat ata Watanymyzyň paýtagty hökmünde ýurdumyzyň ösüşini, döwletimiziň ykdysady kuwwatyny, jemgyýetimiziň medeni we ruhy durmuşynyň netijesini aň-paýhas mümkinçiliklerini özünde jemleýär. Gözel paýtagtymyzyň “Dizaýn” ugry boýunça ÝUNESKO-nyň döredijilik şäherleriniň sanawyna goşulmagy, onuň köp sanly desgalarynyň Ginnesiň bütindünýä rekordlar kitabyna girizilmegi we beýleki üstünlikleri dünýä ýüzünde uly gyzyklanma döredýändigi babatynda söhbetdeşligiň dowamynda täsirli gürrüňler edildi. Söhbetdeşligiň ahyrynda oňa gatnaşanlar baş şäherimizi ösüşiň täze belentliklerine tarap ynamly öňe alyp barýan Gahryman Arkadagymyza, Arkadagly Gahryman Serdarymyza alkyşlaryny beýan etdiler.

Türkmen halysy – gözelligiň nusgasy

Kitaphanalar

22.05.2026

Türkmenistanyň B.Amanow adyndaky Döwlet çagalar kitaphanasy ýakynda Arkadag şäher häkimliginde “Türkmen halysy – gözelligiň nusgasy” atly türkmen halysynyň güni mynasybetli söhbetdeşlik duşuşygyny geçirdi. Däp bolşy ýaly, ýurdumyzda her ýyl maý aýynyň soňky ýekşenbesinde Türkmen halysynyň baýramy bellenilýär. Bu baýram hakykatdan-da, ählihalk baýramçylygy bolup, türkmen halkynyň ussatlary diýlip hasaplanýan halyçy zenanlara uly hormat goýul-ýandygyny äşgär edýär. Tutuş dünýäde ajaýyp haly önümlerine belent sarpa goýulýar we olara uly isleg bildirilýär. Milli sungatymyza uly gadyr goýýan we ony wagyz edýän Gahryman Arkadagymyz özüniň “Arşyň nepisligi”, “Janly rowaýat” atly kitaplarynda bu özboluşly amaly-haşam sungaty bolan halyçylyk sungatynyň gadymy ýörelgeleri barada inçelik bilen beýan edýär. Ine şular dogrusynda söhbetdeşligiň dowamynda täsirli gürrüňleri berdiler. Dabaraly duşuşygyň ahyrynda oňa gatnaşanlar türkmen halkynyň şöhratly geçmişinde we şu gününde maddy medeni gymmatlyklaryna, däp-dessurlaryna, çeper döredijilige uly hormat goýýan Gahryman Arkadagymyza, Arkadagly Gahryman Serdarymyza alkyşlaryny beýan etdiler.

Dünýäň syry kitap bilen açylýar

Kitaphanalar

22.05.2026

Döwletmämmet Azady adyndaky Arkadag şäher kitaphanasynyň gurnamagynda “Dünýäň syry kitap bilen açylýar” atly söhbetdeşlik geçirildi. Söhbetdeşlikde halkymyzda ylmyň-bilimiň özeni, gözbaşy hasaplanýan kitaba aýratyn sarpa goýulýar. Ol tapylgysyz baýlykdyr, dünýäniň genji-hazynasydyr. Körpeje nesillere kitaby okamaga höwes döretmek, olaryň bilimli, kämil şahsyýetler bolmagy üçin giň mümkinçilikler bar. Körpelerde gowy gylyk – häsiýetleriň kemala gelmeginde kitaplaryň, oýunlaryň terbiýeçilik ähmiýeti uludyr. Çagalar kiçiliginden erteki diňlemäge höwesli bolýarlar. Ata – eneler, terbiýeçiler çaganyň bu islegini nazarda tutup, oňa terbiýe, öwüt – ündew beriji ertekileri okap bermelidirler. Olar entek köp zada düşünmese-de, ertekide beýan edilýän wakalary ýadynda saklaýarlar. Çagalar üçin kitap saýlanyp alnanda, olaryň suratlar bilen bezelişiniň aýratyn ähmiýeti bar, sebäbi çaga eline kitap alanda, ilki bilen, onuň içindäki suratlara seredýär. Şol şekiller çaganyň ünsüni özüne çekýär we kitaby okamaga bolan gyzyklanmasy, höwesi artýar. Esasan-da, bilimi, edep-terbiýesi ýokarlanýandygy barada giňişleýin söhbet etdiler. Söhbetdeşligiň dowamynda kitaphananyň internet otagynda çagalaryň özlerine degişli bolan “Ekitap” programasyndan gyzykly türkmen halk ertekileriniň birnäçesiniň audio ýazgysyny diňlediler. Bu bolsa çagalarda has hem kitap okamaga bolan islegine uly ähmiýet berdi. Söhbetdeşligiň ahyrynda eziz Watanymyzda ösüp gelýän ýaş nesilleriň okamagy, öwrenmegi üçin atalyk aladalary edýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

Çagalaryň söýgüli ertekileri

Kitaphanalar

22.05.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Arzuw şäherçe kitaphana şahamçasynyň guramagynda 86-njy çagalar bagynda «Çagalaryň söýgüli ertekileri» ady bilen gürrüňdeşlik geçirildi. Gürrüňdeşlikde halkymyz gadymy döwürlerden bäri öz perzentlerini ertekileriň, rowaýatlaryň, hekaýalaryň üsti bilen terbiýeläp gelýändigi barada gürrüň berdiler. Şeýle-de türkmen halk ertekileriniň çagalary watançylyk, zähmetsöýerlik, ahlaklylyk, pähim-paýhas, mertlik ruhunda terbiýelemekdäki ähmiýetiniň ulydygy barada beýan etdiler. Gürrüňdeşligiň ahyrynda arzuwlaryň hasyl bolýan ýurdunda, geljegimiz bolan çagalar hakynda atalyk aladalary edýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

• ←
• 1
• ...
• 13
• 14
• 15
• ...
• 124
• →