HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

Ýazyjy – şahyrlary ýatlap

Kitaphanalar

14.08.2026

Türkmenistanyň Döwlet medeniýet merkeziniň Döwlet kitaphanasynda “Miras” teleýaýlymynyň “Ruhy çyragym” atly gepleşigi tarapyndan halypa kitaphanaçylar bilen şahyr we uruş weterany “Gara Gylyjowyň ömri we döredijiligi” hakynda ýazgy edildi. Hünärmenler şahyryň kitaphanamyzyň hazynasynda bar bolan kitaplary we şygyrlary baradaky maglumatlary giňişleýin açyp görkezdiler we şygyrlaryndan okap berdiler. Şeýle gürrüňdeşlikleriň geçirilmegi bolsa ösüp gelýän ýaş nesliň edebiýat äleminiň ussatlaryny giňden tanamagyna giň mümkinçilik berýär. Edebi mirasymyzy öwrenmek işini düýpli ýola goýmaga, medeni we ruhy mirasyň il-günüň köňül ganatyna öwrülmegine giň mümkinçilikleri döredip beren türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlary sag bolsun, alyp barýan döwletli işleri elmydama rowaçlyklara beslensin.

Halk maslahaty – röwşen geljegimiziň şamçyragy

Kitaphanalar

13.08.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Magtymguly adyndaky merkezi kitaphanasy bilen Aşgabat şäher Köpetdag etrap häkimliginiň bilelikde guramagynda «Halk Maslahaty–röwşen geljegimiziň şamçyragy» ady bilen wagyz-nesihat çäresi geçirildi. Çärede çykyş edenler Türkmenistanyň Halk Maslahaty jemgyýetiň we döwletiň ösüşine, mähriban halkymyzyň aýdyň geljegine we her bir raýatyň ajaýyp durmuşda ýaşamagyna gönükdirilen beýik işleriň durmuşa geçirilmeginde aýratyn ornunyň bardygy hakynda gürrüň berdiler. Şeýle-de Türkmenistan döwletimiz günsaýyn özgerýändigini, halkymyz Garaşsyz döwlet barada köp asyrlaryň dowamynda eden arzuwlarynyň hasyl bolanyna ýene sanlyja günlerden 35 ýyl dolýandygyny, bu bolsa Garaşsyz hem hemişelik Bitarap Türkmenistanyň ähli ýerlerinde baýramçylyk dabaralaryň giňden ýaýbaňlandyrylýandygy barada beýan etdiler. Çäräniň ahyrynda şu günki bagtyýar durmuşymyzyň, nurana geljegimiziň sakasynda duran türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Garaşsyzlyk – halkymyzyň guwanjy

Kitaphanalar

13.08.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Hajy Ysmaýylow adyndaky kitaphana şahamçasy bilen Aşgabat şäher häkimliginiň “Bagt köşgi” toý-dabaralar merkeziniň bilelikde guramagynda şanly Garaşsyzlygymyzyň 35 ýyllyk baýramy mynasybetli «Garaşsyzlyk – halkymyzyň guwanjy» ady bilen söhbetdeşlik geçirildi. Söhbetdeşlikde çykyş edenler Garaşsyz, baky Bitarap Watanymyzyň, mähriban halkymyzyň ykbalynda möhüm ähmiýete eýe bolan mukaddes Garaşsyzlygymyzyň 35 ýyllyk baýramyny uludan toýlamak asylly däbe öwrülendigi, Garaşsyzlyk ýyllarynda Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde, bedew batly wakalar döwrüň beýik sepgitleriniň durmuş hakykatynyň aýdyň subutnamasy bolup durýandygy hakynda giňişleýin gürrüň berdiler. Şeýle-de Garaşsyzlyk ata-babalarymyzyň özbaşdak döwletli bolmak baradaky arzuwlaryň amala aşmagyna, köp asyrlyk milli we ruhy gymmatlyklarymyzy, ynsanperwer däplerimizi dikeltmäge giň mümkinçilikleriň döredilendigi hakynda aýtdylar. Söhbetdeşligiň ahyrynda Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Halk Maslahaty döredijiligiň we jebisligiň aýdyň ýoly

Kitaphanalar

13.08.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin DES-indäki kitaphana şahamçasy bilen Türkmenistanyň Zenanlar guramasynyň bilelikde guramagynda «Halk Maslahaty döredijiligiň we jebisligiň aýdyň ýoly» ady bilen söhbetdeşlik geçirildi. Söhbetdeşlikde çykyş edenler ýurdumyzda Halk Maslahatynyň geçirilmegi Watanymyzyň döwlet we syýasy binýadyny berkitmekde, jemgyýetçilik, syýasy kanunçylyk, hukuk ulgamynda Berkarar döwletiň täze eýýamynyň Galkynyşy döwrüniň belent sepgitlerine ýetmekde mynasyp orun eýeleýändigi, türkmen halky döwletli iş tutanda ýaşulular bilen maslahatlaşmak, köpçülige sala salmak ýaly asylly ýörelgelere eýerýändigi barada giňişleýin gürrüň berdiler. Şeýle-de Türkmenistanyň Halk maslahatynyň nobatdaky mejlisinde hem halkymyzyň bähbidine kabul ediljek kararlardyr, çözgütler zähmetsöýer halkymyzy täze belent maksatlara ruhlandyrandygy hakynda buýsançly söhbet etdiler. Söhbetdeşligiň ahyrynda türkmen halkyny ynamly öňe alyp barýan türkmen halkynyň Milli Lideri, Halk maslahatynyň başlygy Gahryman Arkadagymyzyň, Hormatly Prezidentimiz Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, beýik tutumly işleriniň rowaçlyklara beslenmegini arzuw etdiler.

Ertekileriň jadyly dünýäsi

Kitaphanalar

13.08.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Mollanepes adyndaky kitaphana şahamçasynyň guramagynda 61-nji çagalar bagynda «Ertekileriň jadyly dünýäsi» ady bilen gürrüňdeşlik geçirildi. Geçirilen gürrüňdeşlikde çagalary ýaşlykdan okaýyşa çekmek, olarda mertlik, zähmetsöýerlik, ruhubelentlik, adamkärçilik, dogruçyllyk we watansöýüjilik endiklerini terbiýelemekde türkmen halk ertekileriniň has uly orun eýeleýändigi barada aýtdylar. Şeýle-de çagalara dürli ertekileri okap bermek, ertekiler barada pikir alyşmak olaryň okaýyşa bolan höwesini artdyrýandygy barada belläp geçdiler hem-de birnäçe gyzykly ertekilerden gürrüň berdiler. Çäräniň ahyrynda ýaş nesilleriň bagtly geljegi üçin atalyk aladalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

At – türkmeniň ganaty

Kitaphanalar

12.08.2026

Türkmenistanyň Döwlet medeniýet merkeziniň Döwlet kitaphanasynda “Garaşsyz, baky Bitarap Türkmenistan-bedew batly at-myradyň mekany” ýylymyzda we ýurdumyzda giňden bellenilýän şanly baýramçylyklar mynasybetli “Aşgabat” teleýaýlymy tarapyndan ýazgy edildi. Çykyş eden hünärmenler bedew bady bilen öňe barýan ýurdumyzda türkmen bedewlerine goýulýan sarpanyň belentdigini şeýle hem ahalteke bedewleriniň ýyndamlygy dogrusynda söhbet etdiler. Mundan başga-da Gahryman Arkadagymyzyň bedewleriň waspyny ýetirýän ajaýyp eserlerinden birnäçe gymmatly maglumatlary halk köpçüligine ýetirdiler. Söhbetdeşligiň ahyrynda çykyş edenler Gahryman Arkadagymyza, Arkadagly Gahryman Serdarymyza janlarynyň sag, ömürleriniň uzak, beýik işleriniň rowaç bolmagyny tüýs ýürekden arzuw etdiler.

Halk bähbitli netijeli işler

Kitaphanalar

12.08.2026

Türkmenistanyň Döwlet medeniýet merkeziniň Döwlet kitaphanasynyň Ylmy habar beriş we sowal-jogap bölümi Mukaddes Garaşsyzlygymyzyň 35 ýyllyk toýunyň toýlanýan günlerinde “Halk bähbitli netijeli işler” atly döredijilik duşuşygyny geçirdi. “Aşgabat” teleýaýlymy tarapyndan ýazgy edilen bu çärede çykyş edenler ýurdumyzyň Garaşsyzlygyna eýe bolan gününden bäri gazanylan üstünlikler, ýetilen beýik sepgitler barada gürrüň etdiler. Türkmen halkynyň Milli Lideri Gahryman Arkadagymyzyň “Garaşsyzlyk bagtymyz” atly kitabynyň “Budur türkmen binasy” diýen bölüminde beýan edilýän buýsandyryjy sözlerini öz içinde jemleýän wakalar dogrusynda döredijilik duşuşygynda çykyş eden hünärmenler söhbet edip, Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, beýik işleriniň rowaç bolmagyny tüýs ýürekden arzuw etdiler.

Kitaphanalar pähim-paýhasyň çeşmesi

Kitaphanalar

12.08.2026

Türkmenistanyň B.Amanow adyndaky Döwlet çagalar kitaphanasy ýakynda ýaşajyk okyjylary bilen “Aşgabat” teleýaýlymynyň “Bagtyýar çagalyk” gepleşiginiň ýazgy etmekliginde “Kitaphanalar pähim-paýhasyň çeşmesi” atly ýaş nesillerde kitaphanalardan peýdalanmaklygyň düzgünleri bilen tanyş etmeklik maksady bilen duşuşyk geçirdi. Kitaphanalar ýaş nesilleri diňe bir bilimli däl, eýsem giň dünýägaraýyşly, arassa ahlakly we özbaşdak pikirlenip bilýän şahsyýetler edip ýetişdirmeklikde iň ygtybarly medeni aň bilimleriň jemlenýän ýeri. Taryhy, edebi çeper eserler arkaly ýaş nesil öz halkynyň geçmişine, medeniýetine bolan hormatyny özleşdirmekligi artdyrýar, şeýle hem adalatlylyk, watançylyk we ynsanperwerlik ýaly ýörelgeleri kemala getirmeklikde kitaplaryň ähmiýeti we boş wagtlaryň kitap okamaklygyň peýdasy barada söhbetdeşligiň dowamynda kitaphana hünärmenleri giňişleýin gürrüňler berdiler. Söhbetdeşlikli duşuşygyň ahyrynda oňa gatnaşanlar kitap we kitaphanalar işiniň döwrebap usullarda hyzmat etmekligine uly ähmiýet berýän Gahryman Arkadagymyza, Arkadagly Gahryman Serdarymyza alkyşlary beýan etdiler.

Watan waspy goşgularda

Kitaphanalar

12.08.2026

Türkmenistanyň B.Amanow adyndaky Döwlet çagalar kitaphanasy ýakynda ýaşajyk okyjylary bilen kitaphananyň okalga otagynda “Watan waspy goşgularda” atly şanly Garaşsyzlygymyzyň 35 ýyllygyna bagyşlanan sesli okaýyş geçirdi. Kitaphana hünärmeni Gahryman Arkadagymyzyň “Garaşsyzlyk bagtymyz” atly gymmatly eserinden mukaddes Garaşsyzlygymyzyň taryhy ýollary, Türkmenistan diýarymyzyň Garaşsyzlyk ýyllarynda ýeten belent derejeleri, şanly Garaşsyzlygymyzyň gazananlary hakynda täsirli gürrüňleri berdiler. Çärämize işjeň gatnaşan ýaş kitapsöýüjilerimiz hem şanly Garaşsyzlygymyzy wasp edýän ajaýyp goşgulary ýatdan we labyzly ýerine ýetirdiler. Duşuşygyň ahyrynda oňa gatnaşanlar Garaşsyzlyga guwanmak, Watany halky söýmek bagtdyr diýip mukaddes Garaşsyzlygymyzyň mizemez binýadyny düýpli berkidýän Gahryman Arkadagymyza, Arkadagly Gahryman Serdarymyza alkyşlary beýan etdiler.

Wagyz-nesihat

Kitaphanalar

12.08.2026

Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde her bir günümiz toýdur-baýramlara beslenýär. Döwletmämmet Azady adyndaky Arkadag şäher kitaphanasy bilen “Arkadag” teleýaýlymynyň bilelikde gurnamagynda “Wagyz-nesihat” çäresi geçirildi. Eziz Watanymyza bolan buýsanjymyz köňlümiziň töründe orun alandyr. «Garaşsyz, baky Bitarap Türkmenistan - bedew batly at-myradyň mekany» ýylynda eziz Watanymyzyň mukaddes Garaşsyzlygyna 35 ýyl bolýar. Bu şanly sene şu ýylymyzyň ösüşlere beslenjekdigini, toýlarymyzyň toýlara ulaşjakdygyny aýdyň beýan edýär. Bedew batly ösüşlere beslenýän şu günlerimizde milli gymmatlyklara, pederlerimiziň asylly ýörelgelerine belent sarpa goýulýar. Goý türkmen halkynyň Garaşsyzlyk bagty öz miwelerini hemişe sahylyk bilen eçilsin! Garaşsyzlyk gudraty döwletimizi mundan beýläk hem şan-şöhrata beslesin! Döwletimiziň hem jemgyýetimiziň at-abraýyny belende göterýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun. Il-ýurt bähbitli işleri hemişe rowaçlyklara beslensin.

• ←
• 1
• ...
• 15
• 16
• 17
• ...
• 157
• →