HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

Ýaşlar röwşen geljegiň şuglasy

Kitaphanalar

12.08.2026

Türkmenistanyň Döwlet medeniýet merkeziniň Döwlet kitaphanasynyň Patent-tehniki edebiýatlar bölümi Gökderedäki çagalar dynç alyş we sagaldyş merkezinde ýerleşýän “Ýaşlyk” sagaldyş we dynç alyş merkezinde “Ýaşlar röwşen geljegiň şuglasy” atly kitap sergisini gurnadylar. Bu ýerde çagalara Gahryman Arkadagymyzyň hem-de Arkadagly Gahryman Serdarymyzyň jöwher paýhasyndan dörän eserleri bilen giňden tanyşdyryldy, şeýle hem Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde mähir, söýgi bilen gurşalan ýaş nesilleriň ähli amatly şertler döredilen çagalar sagaldyş we dynç alyş merkezlerinde dynç alyp, tomusky dynç alyş günlerinde wagtlaryny peýdaly geçirýändikleri, dynç alyş merkezinde dürli çärelere gatnaşyp wagtlaryny şatlyk-şowhuna besläp dynç alýandyklary barada gürrüň edildi we olar bilen sorag-jogap alşyldy. Bu bolsa geljekde ýaşlaryň ylymly-bilimli, watansöýüji ýaşlar bolup kemala gelmegi bilen berk baglanşyklydyr. Soňra bolsa çärä gatnaşan ýaş nesilleriň sagdyn ösmegi, şadyýan durmuşy üçin ähli mümkinçilikleri döredýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, beýik işleriniň üstünliklere beslenmegini arzuw etdiler.

Çagalar röwşen geljegimiziň nury

Kitaphanalar

12.08.2026

Türkmenistanyň Döwlet medeniýet merkeziniň Döwlet kitaphanasynyň Seýrek neşirler bölümi Aşgabat şäherinde ýerleşýän 127-nji çagalar bakja-bagynda “Çagalar röwşen geljegimiziň nury” ady bilen körpeleriň arasynda çeper okaýyş we göçme kitap sergisini gurnady. Bu ýerde çagalar üçin niýetlenen ertekilerden labyzly okap berildi we ertekileriň gahrymanlarynyň edermenligi hakynda gürrüň berdiler. Bu bolsa çagalarda kitaba bolan söýgini has-da artdyrdy. Bakja – bagyndaky körpeler okap berlen ertekileri ünsli diňläp özlerinde täsir galdyran gahrymanlary gyzyklanma bilen sorag-jogap alyşdylar. Şeýle-de söhbetdeşligiň çäginde Döwlet kitaphanasynyň gaznasynda bar bolan çagalara degişli kitaplardan göçme kitap sergisi hem gurnaldy. Gelejegimiz bolan ýaş nesillere ýol-ýörelgelerimizi, däp-dessurlarymyzy, taryhymyzy öwretmäge giň mümkinçilikleri döredip berýän Gahryman Arkadagymyzyň, Hormatly Prezidentimiz Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýüregimizden arzuw edýäris.

Terbiýe söz bilen, görelde göz bilen

Kitaphanalar

12.08.2026

Türkmenistanyň Döwlet medeniýet merkeziniň Döwlet kitaphanasynyň Ylmy habar beriş we sowal-jogap bölümi tarapyndan “Terbiýe söz bilen, görelde göz bilen” ady bilen Aşgabat şäherindäki 103-nji çagalar bagynda çeper okaýyş geçirildi, onuň çäginde hem “Kitap – meniň dostum” atly göçme kitap sergisi gurnaldy. Kitaphanaçylar körpejelere türkmen halk ertekilerini okap berip olarda kitaba bolan uly gyzyklanma döretdiler. Gahryman Arkadagymyzyň, Hormatly Prezidentimiz Arkadagly Gahryman Serdarymyzyň körpejeler barada edýän atalyk aladalaryny çagalara düşündirdiler. Söhbetdeşligiň ahyrynda türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, tutýan tutumly işleriniň mundan beýläkde rowaç bolmagyny tüýs ýürekden arzuw etdiler.

HALYPA ÝAZYJY-ŞAHYRLARYŇ ÖMÜR-DÖREDIJILIGINE BAGYŞLANAN EDEBI DUŞUŞYK

Kitaphanalar

11.08.2026

Türkmenistanyň Medeniýet ministrliginiň, Türkmen döwlet neşirýat gullugynyň, Türkmenistanyň Telewideniýe, radiogepleşikler we kinematografiýa baradaky döwlet komitetiniň guramagynda, Türkmenistanyň Döwlet medeniýet merkeziniň Döwlet kitaphanasynda edebi duşuşyk geçirildi. Bu edebi duşuşyk Türkmenistanyň halk ýazyjylary Nargylyç Hojageldiýewiň, Orazguly Annaýewiň, Nobatguly Rejebowyň, ýazyjylar Hojanepes Meläýewiň, Babanyýaz Kaýumowyň, şahyr Kasym Nurbadowyň ömür-döredijiligine bagyşlandy. Edebi duşuşyga ýurdumyzyň halypa we ýaş ýazyjy-şahyrlary, medeniýet işgärleri, paýtagtymyzyň ýaşaýjylary gatnaşdylar. Edebi duşuşykda edilen çykyşlarda türkmen halkynyň Milli Lideri Gahryman Arkadagymyzyň hem-de Hormatly Prezidentimiziň bimöçber goldaw-hemaýatlary netijesinde türkmen medeniýetini, sungatyny, edebiýatyny ösdürmäge uly goşant goşan halypa ýazyjy-şahyrlaryň edebi mirasyny öwrenmäge giň ýol açylandygy, ussat ýazyjy-şahyrlaryň döreden eserleriniň ýaş nesilleri watançylyk, agzybirlik, halallyk, ynsanperwerlik ruhunda terbiýelemekde möhüm ähmiýetlidigi aýratyn bellenildi. Şunuň bilen baglylykda, edebi duşuşykda çykyş edenler, Gahryman Arkadagymyzyň hem-de Arkadagly Gahryman Serdarymyzyň çuňňur pähim-paýhasly kitaplarynda halypalara hormat goýmak, halkymyzyň «halypa-şägirt» ýörelgesini dowam etmek babatda gymmatly pikirleriň öňe sürülýändigini, türkmen edebiýatyny ösdürmek, döwrebap eserler bilen baýlaşdyrmak üçin ähli şertleriň döredilýändigini nygtadylar. Halypa ýazyjy-şahyrlaryň ömür-döredijiligine bagyşlanyp geçirilen edebi duşuşyga gatnaşyjylar türkmen edebiýatyny, medeniýetini we sungatyny ösdürmek ugrundaky belent maksatlary üçin, türkmen halkynyň Milli Lideri Gahryman Arkadagymyza hem-de Arkadagly Gahryman Serdarymyza tüýs ýürekden alkyşlaryny aýtdylar.

Paýhasly geňeş batly gadamlar

Kitaphanalar

11.08.2026

Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde her bir günümiz toýdur-baýramlara beslenýär. Döwletmämmet Azady adyndaky Arkadag şäher kitaphanasy bilen Arkadag teleýaýlymy bilen bilelikde gurnamagynda “Paýhasly geňeş batly gadamlar” atly maslahaty geçirildi. Maslahatda Garaşsyzlyk ýyllary içinde ýurdumyzda bolup geçýän taryhy wakalar halkymyzda uly buýsanç duýgularyny döredendigi, Eziz Diýarymyzyň gün saýyn artýan halkara abraýyna syýasatda, ykdysadyýetde, medeni-durmuşda gazanylýan tükeniksiz üstünlikleri barada, şeýle-de Türkmenistanyň Halk maslahatynyň mejlisiniň ähmiýeti we oňa ýokary derejede görülýän taýýarlyklar dogrusynda bellenip geçildi. Maslahatyň ahyrynda ýetip gelýän Garaşsyzlyk gününiň 35 ýyllyk şanly toýy bilen Gahryman Arkadagymyzy, Arkadagly Gahryman Serdarymyzy hem-de ýurdumyzyň bagtyýar halkyny tüýs ýürekden gutladylar. Gahryman Arkadagymyzyň, Arkadagly Gahryman Serdarymyzyň baştutanlygynda Garaşsyz, hemişelik Bitarap Türkmenistan mundan beýläkde gülläp össün!

Gahryman Arkadagymyzyň “Ömrümiň manysynyň dowamaty” atly kitaby esasynda gürrüňdeşlik

Kitaphanalar

10.08.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Ata Salyh adyndaky kitaphana şahamçasynyň guramagynda Gökderedäki “Beýik Serdar nesilleri” çagalar sagaldyş we dynç alyş merkezinde okuw-tejribeçilik sapaklaryny geçýän talyplarynyň arasynda Gahryman Arkadagymyzyň «Ömrümiň manysynyň dowamaty» atly kitabyndan sesli okaýyş geçirildi. Çärede Gahryman Arkadagymyzyň jöwher paýhasyndan dörän ajaýyp eserleri ýaş nesillerimiziň bilimini artdyrmakda, dünýägaraýşyny baýlaşdyrmakda, zähmetsöýerlik, Watana, halka wepalylyk ýaly milli ruhda terbiýelemekde gymmatly gollanma bolup durýandygy hakynda beýan etdiler. Şeýle-de Gahryman Arkadagymyzyň “Ömrümiň manysynyň dowamaty” atly ajaýyp eseriniň many-mazmuny hakynda we eseriň “Watan-enäniň kalby” atly bölümindäki mähriban ene-atalaryň we halkymyzyň ömür ýoly, Watana bolan söýgi hem-de mukaddes maşgala ojagy hakynda çuňňur beýan edilýän manyly setirlerden giňişleýin gürrüň berdiler. Çäräniň ahyrynda türkmen halkyny ýagty geljege alyp barýan Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

Kitap gymmatly hazyna

Kitaphanalar

10.08.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin kitaphana şahamçasynyň gurnamagynda Gökdere jülgesinde ýerleşýän “Beýik Serdaryň ruhubelent nesilleri” çagalar sagaldyş we dynç alyş merkezinde “Kitap gymmatly hazyna” ady bilen wagyz-nesihat çäresi geçirildi. Çärede çykyş edenler kitap gymmatly hazyna bolup, bilimiň açary hasaplanýandygy, adamy terbiýeleýän, öwüt-nesihat berip, dogry ýoly görkezýän we adamda iň gowy häsiýetleri kemala getirip, ynsanyň pikirleniş ukybyny ýokarlandyryp, gözýetimini, dünýägaraýşyny giňeldýändigi barada wagyz etdiler. Şeýle-de kitap her bir ynsanyň iň ýakyn syrdaşy bolup, kitap okamagyň ähmiýeti barada rowaýatlarda, tymsallarda, hekaýalarda we nakyllarda giňişleýin beýan edilýändigi hakynda gürrüň berdiler. Çäräniň ahyrynda bagtyýar çagalaryň röwşen geljegi üçin taýsyz tagallalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Şadyýan çagalar – tomus paslynda

Kitaphanalar

10.08.2026

Türkmenistanyň Döwlet medeniýet merkeziniň Döwlet kitaphanasynyň Oba hojalyk edebiýatlary bölümi “Şadyýan çagalar – tomus paslynda” ady bilen Gökderede “Bagtyýar nesiller” sagaldyş we dynç alyş merkezinde göçme kitap sergisini gurnady. Bu göçme kitap sergisinde Gahryman Arkadagymyzyň hem-de Hormatly Prezidentimiz Arkadagly Gahryman Serdarymyzyň nusgalyk eserleri ýerleşdirildi. Mundan başga-da çagalar üçin niýetlenen çeper edebiýatlar, türkmen halk ertekileri hem ýerleşdirildi. Göçme kitap sergisini görmäge gelen çagalar üçin bu ajaýyp edebiýatlary görmäne, öwrenmäne giň mümkinçilikler döredildi. Şular ýaly ajaýyp bagtyýar durmuşda ýaşadýan türkmen halkymyzyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, il-ýurt bähbitli beýik işleriniň rowaç almagyny tüýs ýürekden arzuw etdiler.

Şadyýan nesilleriň ýurdy

Kitaphanalar

10.08.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Ata Salyh adyndaky kitaphana şahamçasynyň gurnamagynda “Beýik Serdar nesilleri” çagalar sagaldyş we dynç alyş merkezinde tomusky dynç alyş möwsüminde dynç alýan çagalaryň arasynda «Şadyýan nesilleriň ýurdy» ady bilen gürrüňdeşlik geçirildi. Gürrüňdeşlikde çagalary milli ruhda terbiýelemek we olaryň ukyp-başarnyklaryny artdyrmak maksady bilen kitaphana, kompýuter, daşary ýurt dilleri, çeper eller, aýdym-saz, şekillendiriş sungaty, sport oýunlary futbol, woleýbol, basketbol, küşt ýaly görnüşleri boýunça gurnaklar hereket edýändigi barada gürrüň berdiler. Şeýle-de çagalara “Türkmen halk ertekileri” atly kitabyndan “Ady bar-da özi ýok”, “Ak jeren we owlajygy hakynda rowaýat”, “Akylly Ahmet” ýaly birnäçe ertekileri okap berdiler we olarda beýan edilýän ruhubelentlik, ahlak-päklik, edermenlik, birsözlülik, wepalylyk ýaly asylly häsiýetleriň özlerinde galdyran täsirleri hakynda sorag-jogap alyşdylar. Gürrüňdeşligiň ahyrynda tomusky dynç alyş möwsüminde çagalaryň medeniýetli dynç almaklary üçin ähli mümkinçilikleri we şertleri döredip berýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

Sport – sagdynlygyň gözbaşy

Kitaphanalar

07.08.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Ata Salyh adyndaky kitaphana şahamçasynyň gurnamagynda Gökderedäki “Beýik Serdar nesilleri” çagalar sagaldyş we dynç alyş merkezinde tomusky dynç alyş möwsüminde dynç alýan çagalaryň arasynda «Sport – sagdynlygyň gözbaşy» ady bilen gürrüňdeşlik geçirildi. Gürrüňdeşlikde Gökderedäki çagalar sagaldyş we dynç alyş merkezlerinde dynç alýan çagalaryň arasynda sportyň dürli görnüşleri, aýdym-saz sungaty we kitap okamak, çeper okaýyş boýunça bäsleşikleriň yzygiderli guralmagynyň aýratyn ähmiýetiniň bardygy, şeýle çärelere işjeň gatnaşýan çagalaryň höweslendirilip durulmagy bolsa olarda özboluşly ruhubelentlik döredýändigi barada gürrüň berdiler. Şeýle-de geçirilýän sport bäsleşikleri çagalaryň dürli ýerlerde zehinini açyp görkezmek, ugur tapmak, çakgan bolmak, güýjüni we çalasynlygyny artdyrmak, maksada ýetmekde tutanýerliligi, toparyň düzüminde umumy dil tapmak hem-de sazlaşykly hereket başarnygyny kemala getirmäge gönükdirilendigi hakynda hem giňişleýin gürrüň berdiler. Çäräniň ahyrynda ýurdumyzda sporty ösdürip, ýaşlaryň giň dünýägaraýyşly bolmagy üçin beýik işleri durmuşa geçirýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

• ←
• 1
• ...
• 16
• 17
• 18
• ...
• 157
• →