HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

ŞATLYKLY TOMUS PASLY

Kitaphanalar

23.06.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Garadamak şäherçe kitaphana şahamçasynyň guramagynda «Gökdere» jülgesinde ýerleşýän «Şöhle» sagaldyş we dynç alyş merkezinde «Şatlykly tomus pasly» ady bilen kitap sergisi gurnaldy we gürrüňdeşlik geçirildi. Gürrüňdeşlikde çykyş edenler Berkarar döwletiň täze eýýamynyň Galkynyşy döwründe çagalaryň dynç alyş möwsümini netijeli geçirmekleri üçin uly aladalar edilýändigi, ýurdumyzyň iň bir gözel künjeklerinde gurlup, ulanylmaga berilen çagalar dynç alyş merkezlerinde bagtyýar ýaşlaryň joşgunly sesleri belentden ýaňlanyp öz wagtlaryny şatlykly geçirýändigi barada gürrüň berdiler. Şeýle-de çagalaryň uly gyzyklanma bildirýän türkmen halk ertekileri barada birnäçe gyzykly kitaplary okap berdiler. Gürrüňdeşligiň ahyrynda durmuşymyzyň guwanjy bolan körpeleriň şatlygy hem-de bagtyýarlygy üçin uly aladalar edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

MEDENIÝET – YNSAN KALBYNYŇ NURY

Kitaphanalar

23.06.2025

Lebap welaýat kitaphanasynda Medeniýet we sungat işgärleriniň hem-de Magtymguly Pyragynyň şygryýet gününe bagyşlap «Medeniýet – ynsan kalbynyň nury» atly duşuşyk geçirildi. Duşuşyga welaýatymyzyň medeniýet ulgamynda köp ýyllardan bäri tapawutlanyp zähmet çekýän medeniýet işgärleri gatnaşdylar. Gatnaşyjylar medeniýet we sungat äleminde ýetilen belent sepgitler barada gyzykly gürrüňler berdiler. Çäräniň dowamynda «Medeniýet halkyň ruhy baýlygy» ady bilen guralan kitap sergisine syn etdiler we ajaýyp pursatlarda medeniýet ulgamynda döredijilikli zähmet çekmäne giň mümkinçilikleri döredip berýän türkmen halkynyň Milli Lideri Gahryman Arkadagymyza, hormatly prezidentimiz Arkadagly Gahryman Serdarymyza köp sagbolsun aýtdylar. Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, tutýan tutumly işleriniň rowaçlyklara beslenmegini arzuw etdiler.

MEDENIÝET – DÖREDIJILIGIŇ WE RUHUBELENTLIGIŇ TOÝY

Kitaphanalar

19.06.2025

Aşgabat şäher medeniýet müdirliginiň Merkezleşdirilen kitaphanalar ulgamy bilen Türkmenhaly Döwlet birleşiginiň Türkmen halysynyň milli muzeýiniň bilelikde guramagynda Medeniýet we sungat işgärleriniň hem-de Magtymguly Pyragynyň şygryýet güni mynasybetli «Medeniýet – döredijiligiň we ruhubelentligiň toýy» ady bilen Türkmen halysynyň milli muzeýinde aýdym-sazly döredijilik duşuşygy geçirildi. Çärede çykyş edenler ýurdumyzyň medeniýet we sungat işgärleriniň hünär baýramçylygynyň umumyadamzat gymmatlyklarynyň we ynsanperwer ýörelgeleriň waspyny ýetiren görnükli söz ussadyny hormatlamak çäresi bilen utgaşdyrylmagynda çuňňur many bardygy hakynda giňişleýin gürrüň edilip, medeniýet milletiň müňýyllyklaryň dowamynda kemala getiren maddy we ruhy gymmatlyklarynyň we kadalarynyň toplumy bolup durýandygy, toý-baýramlarymyzyň, däp-dessurlarymyzyň täze öwüşgine eýe bolup, ýurdumyzyñ Medeniýet we sungat işgärlerine döredijilikli zähmet çekmekleri üçin taýsyz tagallalaryň edilýändigi barada giňişleýin beýan etdiler. Çäräniň dowamynda Maýa Kulyýewa adyndaky Türkmen milli konserwatoriýasynyň talyplarynyň ýerine ýetirmeginde Magtymguly Pyragynyň şygyrlaryndan aýdym-sazlar ýerine ýetirildi. Çäräniň ahyrynda milli medeniýetimizi we sungatymyzy giňden öwrenmäge ähli şertleri döredip berýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

TOÝ TOÝLANÝAR MEDENIÝETIŇ ŞANYNA

Kitaphanalar

19.06.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin kitaphana şahamçasy bilen Türkmenistanyň inžener-tehniki we ulag kommunikasiýalary institutynyň bilelikde guramagynda Medeniýet we sungat işgärleriniň hem-de Magtymguly Pyragynyň şygryýet güni mynasybetli «Toý toýlanýar Medeniýetiň şanyna» ady bilen aýdym-sazly baýramçylyk çäresi geçirildi. Çärede çykyş edenler milli medeniýetimizi ösdürmekde, ony dünýä ýaýmakda, dünýäde ynsanperwer hyzmatdaşlygy has-da ösdürmekde, dost-doganlygy berkitmekde, döwletleriň, halklaryň arasynda hyzmatdaşlygy has ýokary derejelere çykarmakda, Magtymguly Pyragynyň döredijiligini, adamzada goýan baý mirasyny öwrenmek boýunça hyzmatdaşlygy giňeltmekde örän uly işleriň alnyp barylýandygy barada giňişleýin gürrüň berdiler. Çäräniň dowamynda Türkmenistanyň inžener-tehniki we ulag kommunikasiýalary institutynyň talyplary Magtymguly Pyragynyň sözlerine hem-de milli medeniýetimiziň, Watanymyzyň ösüşlerini wasp edýän birnäçe aýdym-sazlary ýerine ýetirdiler. Çäräniň ahyrynda türkmen medeniýetini we sungatyny täze belentliklere çykarmakda giň mümkinçilikleri döredip berýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

MEDENIÝET – YLHAM GÖZBAŞY, MAGTYMGULY PYRAGY – HALKYŇ RUHY ÇYRAGY

Kitaphanalar

19.06.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Mollanepes adyndaky kitaphana şahamçasy bilen Aşgabat şäherindäki syýahatçylyk orta hünär okuw mekdebiniň bilelikde gurnamagynda Medeniýet we sungat işgärleriniň hem-de Magtymguly Pyragynyň şygryýet güni mynasybetli «Medeniýet – ylham gözbaşy, Magtymguly Pyragy – halkyň ruhy çyragy» ady bilen göçme kitap sergisi gurnaldy we wagyz-nesihat çäresi geçirildi. Çärede çykyş edenler her ýylyň 22-27-nji iýunynda Medeniýet we sungat işgärleriniň hem-de Magtymguly Pyragynyň şygryýet güni ýurdumyzda sungatyň toýy hökmünde bellenilýändigi we medeniýet hepdeligi türkmen toýuna mahsus guralyp, çeper döredijiligiň, sungatyň dürli görnüşleri boýunça medeni çärelere beslenmegi, ýatdan çykmajak täsirli pursatlary bagyşlaýandygy, şeýle-de medeniýet, sungat, döredijilik işgärlerini höweslendirmek maksady bilen döwlet tarapyndan ençeme bäsleşikler geçirilip Döwlet sylaglary bilen sylaglanylýandygy barada giňişleýin gürrüň berdiler. Çäräniň ahyrynda türkmen medeniýetini, sungatyny dünýä ýaýmakda uly işleri alyp barýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.

KITAP GELJEGIŇ HABARY, GEÇMIŞIŇ SAPAGY

Kitaphanalar

19.06.2025

Türkmenistanyň Döwlet medeniýet merkeziniň Döwlet kitaphanasynyň Milli gaznahana ulgamyny döretmek, maglumatlary jemlemek, ulgamyň elektron binýadyny gurmak we maglumatlary alyşmak bölümi, Gökderedäki çagalar dynç alyş we sagaldyş merkezinde ýerleşýän «Nebitçi» sagaldyş we dynç alyş merkezinde «Kitap geljegiň habary, geçmişiň sapagy» atly kitap sergisini çagalar topary bilen geçirildi.Çagalara kitabyň taryhyny, gymmatlylygyny gürrüň berildi. Şeýle hem çagalara kitaphanalara gelip bilimlerini artdyryp kitap okamagyny maslahat berildi. Şeýle-de çagalaryň arasynda sorag-jogap alşyldy. Soňra bolsa sergä gatnaşyjylar kitaphana işini ösdürmekde olary aýawly saklamakda we kitaplary ýaş nesle ýetirmekde birnäçe aladalar edýän türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny tüýs ýürekden arzuw etdiler.

MEDENIÝET WE SUNGAT – KALBYŇ JOŞGUNY ATLY SÖHBETDEŞLIK.

Kitaphanalar

18.06.2025

Türkmenistanyň B.Amanow adyndaky döwlet çagalar kitaphanasy tomusky dynç alyş möwsüminiň dowam edýän günlerinde Gökderedäki «Beýik Serdaryň ruhubelent nesilleri» çagalar sagaldyş we dynç alyş merkezinde ýurdumyzda uly dabaralara beslenýän Medeniýet we sungat işgärleriniň hem-de Magtymguly Pyragynyň şygryýet güni mynasybetli «Medeniýet we sungat – kalbyň joşguny» atly söhbetdeşlik geçirdi. Söhbetdeşligiň dowamynda kitaphanaçylar milli medeniýetimiz, sungatymyz we olaryň aýratynlygy barada täsirli gürrüňler etdiler. Ýurdumyzda medeniýet we sungat ussatlarymyza goýulýan hormat-sarpa barada hem aýratyn nygtaldy. Milli medeniýetimizi, sungatymyzy, halkymyzyň beýik geçmişini, şöhratly taryhymyzy ýaş nesillere wagyz etmäge döredilýän giň mümkinçilikler barada buýsançly gürrüňler etdiler. Gurnalan kitap sergisi hem aýratyn täsir galdyrdy. Söhbetdeşligiň ahyrynda Watanymyzyň geljegi ösüp gelýän ýaş nesillere milli medeniýetimizi, sungatymyzy, nusgawy edebiýatymyzy giňişleýin wagyz etmäge uly mümkinçilikleri we şertleri döredip berýän Gahryman Arkadagymyza, Arkadagly Gahryman Serdarymyza alkyş sözleri beýan edildi.

TEBIGAT GÖZELLIGI – ABADANÇYLYGYŇ GÖNEZLIGI

Kitaphanalar

18.06.2025

Türkmenistanyň B.Amanow adyndaky döwlet çagalar kitaphanasy ýakynda Gökderedäki «Beýik Serdaryň ruhubelent nesilleri» çagalar sagaldyş we dynç alyş merkezinde Tv4 Türkmenistan teleýaýlymynyň gatnaşmagynda wagtyny sapaly geçirýän çagalaryň arasynda «Tebigat gözelligi – abadançylygyň gönezligi» atly söhbetdeşlik geçirdi. Kitaphana hünärmeni ýaş nesillere ata Watanymyzy, ene topragymyzy, ýurdumyzyň deňi-taýy bolmadyk gözel tebigatyny gözümiziň göreji deýin gorap saklamak, tebigy baýlyklaryny aýawly peýdalanmak babatynda ýurdumyzda alynyp barylýan işler barada täsirli gürrüňleri berdi. Kitaphanamyzyň baý kitap gaznasyndan türkmen tebigatymyz baradaky kitaplardan guralan göçme kitap sergisi ýaş nesillerde uly täsir galdyrdy. Duşuşygyň ahyrynda oňa gatnaşanlar bereketli türkmen topragyndan rejeli peýdalanmak, onuň gözelligini gorap saklamak, ösdürmek we gelejekki nesillere geçirmek ugrunda beýik işleri durmuşa geçirýän Gahryman Arkadagymyza we hormatly Prezidentimize Arkadagly Gahryman Serdarymyza alkyşlaryny beýan etdiler.

GELIŇ TAPMAÇA ÇÖZELIŇ

Kitaphanalar

18.06.2025

Türkmenistanyň Bazar Amanow adyndaky döwlet çagalar kitaphanasy we TW4 Türkmenistan teleýaýlymynyň gatnaşmagynda, tomusky dynç alyş möwsüminiň dowam edýän günlerinde Gökderedäki «Beýik Serdaryň ruhubelent nesilleri» çagalar dynç alyş merkezinde wagtyny gyzykly hem-de şadyýan geçirýän çagalaryň arasynda «Geliň tapmaça çözeliň» atly oýun bäsleşigi geçirdi. Bäsleşigiň dowamynda suratlardaky erteki gahrymanlaryny tanamak boýunça gyzykly söhbetdeşlik geçirildi. Şeýle-de ertekilerdäki oňat hem-de erbet gylyk-häsiýetli gahrymanlar arkaly çagajyklara durmuşda gowy adam bolmagy, birek-birege kömek etmegi ündediler. Bäsleşigiň ahyrynda Watanymyzyň geljegi bolan ösüp gelýän ýaş nesilleriň dynç alyş möwsümini gyzykly hem-de şadyýan geçirmegi üçin giň mümkinçilikleri döredip berýän Gahryman Arkadagymyza we Arkadagly Gahryman Serdarymyza alkyş sözleri beýan edildi.

MILLI MEDENIÝETIM GENJI-HAZYNAM

Kitaphanalar

18.06.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Kerim Gurbannepesow adyndaky kitaphana şahamçasy, Türkmenistanyň Şekillendiriş sungaty muzeýi bilen bilelikde guramagynda Medeniýet we sungat işgärleriniň hem-de Magtymguly Pyragynyň şygryýet güni mynasybetli «Milli medeniýetim genji hazynam» ady bilen söhbetdeşlik geçirildi. Çärede çykyş edenler gözbaşyny gojaman taryhyň müňýyllyklaryndan alyp gaýdýan medeniýetimiziň taryhy hem türkmen taryhy ýaly gadymydygyny we beýik abraýa eýedigini, Gahryman Arkadagymyzyň, Arkadagly Gahryman Serdarymyzyň taýsyz tagallasy bilen «Görogly» dessançylyk sungaty, milli «Küştdepdi» aýdym saz sungatynyň, türkmen halyçylyk sungatynyň, «Dutar ýasamak senetçiliginiň, dutarda saz çalmak we bagşyçylyk sungatynyň» ÝUNESKO-nyň Adamzadyň maddy däl medeni mirasynyň sanawyna girizilendigini buýsanç bilen gürrüň berdiler. Garaşsyz Türkmenistanda halkara sungat festiwallary, forumlar, sergiler medeniýet günleriniň, dünýä halklarynyň medeniýet günleriniň biziň ýurdumyzda yzygiderli geçirilip, şol halkara çärelerine dünýäniň ençeme döwletlerinden wekiller gatnaşyp, türkmen döwletiniň ýeten derejesi, dostlukly gatnaşyklara gadyr goýýan halkymyzyň däp-dessurlary bilen tanyş bolýandygyny, şeýle halkara çäreler Watanymyzyň dünýä halklary bilen dost-doganlyk gatnaşyklaryny has-da pugtalandyrmagyň we ösdürmegiň tarapdarydygyny hem-de äleme aýan edýändigini belläp geçdiler. Çäräniň ahyrynda türkmen medeniýetini, sungatyny ösdürmekde we ony dünýä ýaýmakda edýän taýsyz tagallalary üçin Gahryman Arkadagymyza, Arkadagly Gahryman Serdarymyza alkyş sözleri aýdyldy.

• ←
• 1
• ...
• 64
• 65
• 66
• ...
• 143
• →