HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

ARKADAGYŇ ESERLERI ÝAŞLARA GÖRELDE

Kitaphanalar

01.07.2025

Türkmenistanyň Döwlet medeniýet merkeziniň Döwlet kitaphanasynyň Kitaphanalara abonement bölümi Türkmenistanyň kitaphana ulgamyny ösdürmegiň 2025-2029-njy ýyllar üçin maksatnamasyndan ugur alyp Gökdere çagalar dynç alyş we sagaldyş zolagynda ýerleşýän «Muhammetmyrat Nyýazow» sagaldyş we dynç alyş merkezinde «Arkadagyň eserleri ýaşlara görelde» atly göçme kitap sergisi we söhbetdeşlik gurnady. Söhbetdeşlikde çykyş edenler Berkarar döwletiň täze eýýamynyň Galkynyşy döwründe geljegimiz bolan ýaş nesillerimiz barada hemmetaraplaýyn alada döwlet syýasatymyzda ileri tutulýan wezipeleriň hataryndadyr. Mähriban çagalarymyzyň şadyýan gülküleri biziň iň uly bagtymyzdyr. Bagtyýar çagalaryň rahat dynç alyp, kitap okap, öwrenip, döredip, ylymly-bilimli, giň dünýägaraýyşly, sagdyn bedenli, edep-terbiýeli, Watana wepaly ýaşlar bolup ýetişmeklerinde uly aladalar edilýär diýip, giňişleýin gürrüň etdiler. Göçme kitap sergisinde Gahryman Arkadagymyzyň Arkadagly Gahryman Serdarymyzyň eserleri şeýle-de çagalar edebiýatyna degişli birnäçe eserler ýerleşdirildi. Bu kitap sergisini görmäge gelen dynç alyş merkezindäki çagalar özlerine gerek maglumatlary tapyp uly gyzyklanma bilen tanyşdylar. Çäräniň ahyrynda çagalar bilen sorag - jogap alşyldy, aýterek -günterek oýunlar oýnaldy. Çagalarda uly täsir galdyrdy. Baýramçylyk dabarasyna gatnaşanlar ýaş nesliň hemmetaraplaýyn ösmegi ugrunda uly tagallalary edýän türkmen halkynyň Milli Lideri Gahryman Arkadagymyza, Arkadagly Gahryman Serdarymyzyň belent başlarynyň aman bolmagyny, janlarynyň sag bolmagyny, il – ýurt bähbitli işleriniň elmydama rowaçlyklara beslenmegini tüýs ýürekden arzuw etdiler.

ARKADAG ŞÄHERI ÖSÜŞIŇ WE ÖZGERIŞIŇ MEKANY

Kitaphanalar

30.06.2025

Döwletmämmet Azady adyndaky Arkadag şäher kitaphanasynyň hem-de Arkadag teleýaýlymy bilen bilelikde guramagynda «Arkadag şäheri ösüşiň we özgerişiň mekany» atly söhbetdeşlik geçirildi. Söhbetdeşlikde Arkadag şäheri berkarar döwletimiziň gazanýan üstünlikleriniň aýdyň mysallarynyň biridir. Häzirki wagtda Gahryman Arkadagymyzyň, Arkadagly Gahryman Serdarymyzyň tagallasy esasynda kemala gelen täze şäherde bagtyýar durmuş gaýnap joşýar. «Akylly» şäher konsepsiýasy esasynda gurlan edara we durmuş maksatly desgalar, örän oňaýly ýaşaýyş jaýlary, pudaklaýyn dolandyryş edaralarynyň, banklaryň şahamçalary we başga-da köp sanly möhüm binalar ýaşaýjylaryň hyzmatyna berildi. Şäher giň şaýollar, döwrebap yşyklandyryş, dolandyryş ulgamlary bilen üpjün edildi. Şäheriň ilatyna we myhmanlaryna häzirki zaman ulaglary ýokary derejede hyzmat edýär. Arkadag şäheri döwrebap şähergurluşyk keşbi, innowasion mümkinçilikleri bilen dünýä jemgyýetçiliginde-de uly gyzyklanma döredýär. Ady äleme dolan bu ajaýyp Arkadag şäheri Garaşsyz, hemişelik Bitarap Türkmenistanyň halkara hyzmatdaşlygynyň barha rowaçlanýandygyny äleme äşgär edýär. Bu ýerde halkara forumlaryň, maslahatlaryň, festiwallaryň, bäsleşikleriň, iri medeni çäreleriň ençemesiniň geçirilmegi hem muňa aýdyň şaýatlyk edýänligi barada giňişleýin söhbet edildi. Söhbetdeşligiň ahyrynda bagtyýar raýatlarymyzyň abadan, asuda, parahat durmuşda ýaşamaklary üçin beýik işleri durmuşa geçirýän Gahryman Arkadagymyzyň, Arkadagly Gahryman Serdarymyzyň adyna alkyş sözleri aýdyldy.

MILLI MEDENIÝETIŇ ÖSEN ZAMANY, ARZUWLARYŇ HASYL BOLDY PYRAGY

Kitaphanalar

30.06.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Arzuw şäherçe kitaphana şahamçasy bilen Türkmen döwlet ykdysadyýet we dolandyryş institutynyň bilelikde guramagynda Medeniýet we sungat işgärleriniň hem-de Magtymguly Pyragynyň şygryýet güni mynasybetli «Milli medeniýetiň ösen zamany, Arzuwlaryň hasyl boldy Pyragy» ady bilen wagyz-nesihat çäresi geçirildi. Çärede çykyş edenler Medeniýet we sungat işgärleriniň hem-de Magtymguly Pyragynyň şygryýet güni mynasybetli Medeniýet hepdeligi Gahryman Arkadagymyzyň başlangyjy esasynda 2023-nji ýyldan bäri Diýarymyzyň dürli sebitlerinde geçirilip, milli medeniýetiň köp öwüşginliligini aýdyň açyp görkezýändigi barada giňişleýin gürrüň berdiler. Şeýle-de medeniýet milletiň müňýyllyklarynyň dowamynda kemala gelen maddy, ruhy gymmatlyklarynyň we kadalarynyň toplumy bolup, geljekki nesilleriň ruhy-ahlak jähetden kämil şahsyýetler bolup ýetişmekleri üçin uly tagallalaryň edilýändigi barada öz ýürek buýsançlaryny beýan etdiler. Çäräniň dowamynda talyplaryň ýerine ýetirmeklerinde birnäçe aýdym-sazlar ýaňlandy, bu bolsa çäräniň täsirli bolmagyny has-da artdyrdy. Çäräniň ahyrynda milli medeniýetimizi ösdürmekde taýsyz tagallalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

AK ŞÄHERIŇ NURANA ERTIRI

Kitaphanalar

28.06.2025

Döwletmämmet Azady adyndaky Arkadag şäher kitaphanasynyň hem-de Arkadag teleýaýlymy bilen bilelikde guramagynda «Ak şäheriň nurana ertiri» atly söhbetdeşlik geçirildi. Çaga geljegimiziň dowamaty. Ýüzlerimiziň ýylgyrşynyň sebäpkärleri. Olaryň sagdyn ösmegi, sowatly, hünärli, jemgyýete peýdaly adamlar bolup ýetişmegi üçin ähli şertlerdir mümkinçilikler döredilýär. Ynha bu gün hem biziň Döwletmämmet Azady adyndaky Arkadag şäher kitaphanasynda biziň geljegimiziň dowamaty bolan çagajyklarymyz tomus möwsüminde boş wagtlary kitaphanamyzyň mümkinçiliklerinden peýdalanyp özleriniň ukyp başarnyklaryny açyp görkezmäge gelýärler. Bu bolsa çagalarda okamaga, öwrenmäge döretmäge bolan isleginiň artmagyna kömek edýär. Söhbetdeşligiň ahyrynda ösüp gelýän ýaş nesillerimiziň ylymly – bilimli giň dünýä garaýyşly, Watanymyza wepaly ýaşlar bolup ýetişmegi ugrunda ähli mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň ja¬nlary sag, ömürleri uzak bolsun, il-ýurt bäh¬bit¬li tut¬ýan tu¬tum¬ly iş¬le¬ri üs¬tün¬lik¬le¬re bes¬len¬sin!

ASYRLARA ÝAŇ SALÝAN DESSANÇYLYK SUNGATY

Medeni miras

28.06.2025

Asyrlar aşyp kämilleşip gelen naýbaşy epiki mirasymyz bolan dessanlar halkyň geçmiş durmuşy, dil baýlygy, däpdir dessury, milli aýratynlyklary bilen aýrylmaz baglanyşykly gymmatly mirasymyzdyr. Dessanlary ýerine ýetirmek biziň günlerimizde-de giňden meşhurdyr. Medeniýet we sungat işgärleriniň hem-de Magtymguly Pyragynyň şygryýet gününe gabatlanyp geçirilýän Medeniýet hepdeliginiň çäklerinde Ahal welaýat Gökdepe etrap Medeniýet öýünde «Türkmenistan – ÝUNESKO: Diýardan ýaýran ýollar» atly şygar astynda «Asyrlara ýaň salýan dessançylyk sungaty» atly dessançy bagşylaryň konserti geçirildi. Medeniýet öýüniň foýesinde senetçilik önümleriniň, milli saz gurallarynyň hem-de türkmen milli aýdym-saz sungatynyň taryhynda mynasyp orun eýeleýän bagşy-sazandalara bagyşlanan şekillendiriş eserleriniň sergisi guraldy. Sergä dutar ussalary, zergärler öz şägirtleri bilen gatnaşyp, dutar we milli şaý-sepleri ýasamagyň usullaryny we bu ugurdaky halk tejribesini açyp görkezdiler. Şeýle hem Ahal welaýat Ýörite sungat mekdebiniň okuwçylarynyň ýerine ýetirmeginde aýdym-sazlar belentden ýaňlandy. Konserte Aşgabat we Arkadag şäherlerinden hem-de Ahal, Balkan, Daşoguz, Lebap, Mary welaýatlaryndan dessançy bagşylar gatnaşyp, «Görogly» eposyndan we beýleki dessanlardan parçalary ussatlyk bilen ýerine ýetirdiler. Konsert türkmen halkynyň Milli Lideri, Gahryman Arkadagymyz Gurbanguly Berdimuhamedowyň sözlerine döredilen «Türkmenistan – parahatlygyň we ynanyşmagyň Watany» atly aýdym bilen ruhubelent ýagdaýda jemlendi. Türkmen milli aýdym-saz sungatynyň dessançylyk ugruna uly orun degişlidir. Ýerine ýetirijiligiň aýdym aýtmagy, saz çalmagy we wakalary çeper beýan etmegi özünde jemleýän dessançylyk däbi, dessançy bagşydan ýokary ussatlygy talap edýär. Türkmen halkynyň belent adamkärçiligini, ynsanperwerligini, watansöýüjiligini, mukaddes däp-dessurlaryny, beýik ahlak ýörelgelerini özünde jemleýän dessanlarymyzyň nesilden-nesle, dilden-dile geçip, biziň günlerimize gelip ýetmeginde dessançy bagşylaryň hyzmaty diýseň uludyr.  Mälim bolşy ýaly «Görogly dessançylyk sungaty» atly hödürnama ÝUNESKO-nyň Adamzadyň maddy däl medeni mirasynyň görnükli nusgalarynyň sanawyna girizilen ilkinji gymmatlygymyzdyr. Häzirki Berkarar döwletiň täze eýýamynyň Galkynyşy döwründe «Görogly» eposy we epiki mirasymyzyň ajaýyp nusgalary bolan dessanlarymyz bagşylarymyzyň dilinde belentden-belent ýaňlanýar. Olar türkmeniň döreden naýbaşy mirasy bolup dünýä ýaýylýar. Çeper döredijilige baý bolan halkymyz özüniň gaýtalanmajak medeni we ruhy gymmatlyklary bilen dünýä derejesine çykyp bilen halkdyr. Nepislikde taýsyz hasaplanýan elde dokalýan halylarymyz, «läle ýaly» diýdiren keçelerimiz, tebigat gözelliklerine bäs edýän keşdelerimiz, altyn suwy çaýylan şaý-seplerimiz dünýä medeniýetiniň altyn hazynasynda mynasyp orna eýedir. Zähmetsöýerlik, çeper döredijilige bolan ukyp, gözellikleri döretmäge bolan isleg türkmeni kämil gymmatlyklaryň eýesi hökmünde dünýä tanatdy. Zergärçilik, halyçylyk, keşdeçilik sungaty, keçe basmak senetçiligi, çeper döredijiligiň aýratyn bir ugry bolan ussaçylyk ösüp kämil derejelere ýetdi.  Häzirki döwürde Arkadagly Gahryman Serdarymyzyň parasatly ýolbaşçylygynda ýurdumyzda halk çeper döredijiligi bilen meşgullanýan ussalaryň ussaçylykdaky halk tejribesini has-da kämilleşdirmek we olaryň täze-täze önümleri döretmekleri üçin ähli mümkinçilikler döredilýär. Çeper döredijilik bilen meşgullanýan ussalary has-da döredijilikli işlemäge höweslendirmek babatda 2017-nji ýylda kabul edilen «Türkmenistanyň halk çeper döredijilik işini kämilleşdirmek hakyndaky» Karar möhüm ähmiýete eýedir. Munuň özi ussalaryň çekýän döredijilikli zähmetiniň döwlet tarapyndan goldanylýandygynyň aýdyň subutnamasydyr. Mälim bolşy ýaly, has tapawutlanyp işleýän ussalara her ýyl «Çeper döredijiligiň halk ussasy» diýen hormatly atlar dakylýar. Şu gün hem bu dabaranyň çäginde ýurdumyzyň welaýatlaryndan hödürlenen halk çeper döredijilik önümlerini öndürmekde ýokary ussatlyk derejesini görkezen raýatlara «Çeper döredijiligiň halk ussasynyň» Şahadatnamasy we ýadygärlik sowgatlar gowşuryldy.  Türkmen milli aýdym-saz döredijiliginde aýratyn bir ugur bolan dessançylyk sungatyny ösdürmekde we halypa bagşy-sazandalarymyzyň aýdym-saz mirasyny giňden wagyz etmekde bize ähli mümkinçilikleri döredip beren Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, döwletli işleri baky rowaç bolsun. Ogultäç Hojanazarowa Maddy däl medeni miras müdirliginiň başlygynyň orunbasary.

HALYNYŇ ERŞI – DUTARYŇ KIRŞI

Kitaphanalar

27.06.2025

Aşgabat şäher medeniýet müdirliginiň Merkezleşdirilen kitaphanalar ulgamy bilen «Türkmenhaly» döwlet birleşiginiň Türkmen halysynyň milli muzeýiniň bilelikde guramagynda «Halynyň erşi – dutaryň kirşi» ady bilen aýdym-sazly söhbetdeşlik geçirildi. Söhbetdeşlikde çykyş edenler Berkarar döwletiň täze eýýamynyň Galkynyşy döwründe tebigatyň ajaýyp reňklerini özünde jemleýän haly gelin-gyzlarymyzyň on barmagyndan çykan mukaddeslikdir. Gadym döwürlerden bäri ene-mamalarymyz bu mukaddeslige aýratyn hormat goýup ony nesilden-nesile geçip gelýändigi barada söhbet etdiler. Şeýle-de ata Watanymyzyň, merdana halkymyzyň abraý-mertebesi, dünýä ýaýylan şöhrat-şany, mukaddeslik aýdymy bolup bu gün bagtyýar günlerimizde, öwüşginli halylarymyz erkin hem eşretli durmuşymyzyň göllerdäki waspy bolup durýandygy barada giňişleýin beýan etdiler. Söhbetdeşligiň dowamynda birnäçe aýdym-sazlar ýaňlandy, bu bolsa çärä gatnaşanlarda ýakymly täsir galdyrdy. Söhbetdeşligiň ahyrynda ajaýyp türkmen halyçylyk sungatyny ösdürmekde beýik işleri alyp barýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.

MEDENIÝET - HALKYŇ RUHY ŞAMÇYRAGY

Kitaphanalar

27.06.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Büzmeýin DES-yndaky kitaphana şahamçasynyň gurnamagynda Medeniýet we sungat işgärleriniň hem-de Magtymguly Pyragynyň şygryýet güni mynasybetli «Medeniýet - halkyň ruhy şamçyragy» ady bilen göçme kitap sergisi gurnaldy we wagyz-nesihat çäresi geçirildi. Çärede çykyş edenler her güni şatlyk-şowhuna, täsin wakalara beslenýän günlerde Medeniýet hepdeligi türkmen halkynyň agzybirligini, ruhybelentligini milli medeniýetine bolan buýsanjyny açyp görkezýän baýramçylykdygy barada gürrüň berdiler. Şeýle-de Medeniýet hepdeligi halkymyzyň döredijilik ruhyny ösdürýän, täze zehinleri ýüze çykarýan, olara giň ýol açýan, milli gymmatlyklarymyza bolan buýsanjymyzy artdyrýan, halkymyzyň kalbynda watançylyk duýgusyny döredýändigi we ösdürýändigi barada öz ýürek buýsançlaryny beýan etdiler. Çäräniň ahyrynda türkmen medeniýetini, sungatyny dünýä ýaýmakda uly işleri alyp barýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.

MEDENIÝETIŇ SUNGATYŇ BAÝRAMY

Kitaphanalar

27.06.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Bagyr ýaşaýyş toplumynyň kitaphana şahamçasy bilen Aşgabat şäher häkimliginiň «Bagt köşgi» toý dabaralary merkeziniň bilelikde guramagynda Medeniýet we sungat işgärleriniň hem-de Magtymguly Pyragynyň şygryýet güni mynasybetli «Medeniýetiň sungatyň baýramy» ady bilen söhbetdeşlik geçirildi. Söhbetdeşlikde çykyş edenler Medeniýet her bir halkyň ýaşaýyş durmuş, medeni derejesini kesgitlemekde möhüm ähmiýete eýedigi barada belläp, her ýyl ýurdumyzda dabaraly geçirilýän Medeniýet hepdeligi halkymyzyň baý medeni mirasyny öwrenmekde, medeniýetimizi we sungatymyzy ösdürmekde hem-de ýeten belent derejesini wagyz etmekde möhüm ähmiýete eýedigi barada giňden beýan etdiler. Söhbetdeşligiň ahyrynda Türkmen medeniýetiniň halkara derejesini belende göterýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

KITAP – ÇUŇ PAÝHASDYR, TÄSIN SÖHBETDIR, KITAPHANALY ÝURT GENÇLI DÖWLETDIR

Kitaphanalar

27.06.2025

Gahryman Arkadagymyzyň, Arkadagly Gahryman Serdarymyzyň başda durmagynda milli medeniýetimizi, şol sanda ýurdumyzyň kitaphana ulgamyny ösdürmek, kämilleşdirmek boýunça giň gerimli işler alynyp barylýar. Hormatly Prezidentimiz «Türkmenistanyň kitaphana ulgamyny ösdürmegiň 2025-2029-njy ýyllar üçin Döwlet maksatnamasy» hakyndaky Karara gol çekmegi muňa aýdyň subutnamadyr. Berkarar döwletiň täze eýýamynyň Galkynyşy döwründe türkmen halkynyň ruhy baýlygy bolan milli neşir önümleriniň, kitaplaryň häzirkizaman şertlerinde goralyp saklanylmagyny üpjün etmekde, halkymyzyň kitaba, okamaga bolan höwesini artdyrmakda, ýurdumyzda kitaphana işini has-da kämilleşdirmekde möhüm ähmiýetli işler alynyp barylýar, bu bolsa kitaphana işiniň dünýä ylmynyň gazananlaryna, ylmy-tehniki ösüşe, milli ýörelgelerimize laýyklykda düýpli kämilleşmeginde uly ähmiýet berýär. Häzirki döwürde kitaphanalaryň gaznasynda saklanylýan neşir önümleriniň, şol sanda seýrek duş gelýän, köp okalýan kitaplaryň, ylmy edebiýatlaryň, çeper eserleriň, ensiklopediýalaryň, sözlükleriň skaner edilmegi, kitaphana hyzmatyny ýokary derejede guramaga, many-mazmuny has-da baýlaşdyrmaga, ilatyň ylym öwrenmek, bilim almak, dünýä edebiýatyna aralaşmak mümkinçiliklerini artdyrmaga şert döredýär.  Bilşimiz ýaly, döwletimiz tarapyndan bu ulgamyň ösdürilmegi ugrunda ägirt uly aladalar edilýär. Muňa Lebap welaýatymyzda gurlup, ulanylmaga berlen kaşaň, ähli amatlyklary bolan häzirkizaman kitaphananyň, bu ýerlerde işlemek üçin döredilip berlen giň şertleriň, kitaphana işine yzygiderli innowasion ösüşleriň ornaşdyrylmagy, merkezi kitaphanalarda döredilen bitewi elektron kitaphana ulgamyny mysal getirip bileris. Bu ugur boýunça dünýäniň iň ösen tehnologiýalary ornaşdyrylan, okyjylara hyzmat etmek boýunça giň şertler döredilen, kitaphanalaryň gaznasyndaky kitaplary elektron görnüşe geçirmek boýunça netijeli, yzygiderli işler alnyp barylýar. Şu ýerde buýsanç bilen bellemek gerek, Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr - sahabat gaznasynyň hasabyna Bazar Amanow adyndaky Döwlet çagalar kitaphanasynyň täze binasynyň gurluşygy, şeýle-de kitaphanada teleskop arkaly asman giňişligini synlamaga, bu ýerde obserwatoriýa otagynyň gurnaljakdygy, döwrebap sanly tehnologiýaly enjamlar bilen üpjün ediljekdigi, ýaş nesillerimiz üçin okuw sapaklaryny geçirer ýaly şertleriň boljakdygy, bu bolsa çagalaryň bilimlerini artdyrmak bilen bir hatarda, ylmy açyşlaryň möhüm ähmiýetine göz ýetirmäge mümkinçilikleri berer.

PARAHATÇYLYK WE YNANYŞMAK DOST-DOGANLYGYŇ BINÝADYDYR

Täzelikler

26.06.2025

Garaşsyz, hemişelik Bitarap ýurdumyzyň Ahal welaýatynda geçirilýän Medeniýet hepdeligi baý many-mazmuna eýe bolýar. Medeniýet hepdeliginiň çäklerinde guralýan dürli çäreler halkymyzyň ruhy döredijilik güýjüni aýdyň açyp görkezýär. Ahal welaýatynyň Gökdepe etrabynyň Yzgant şäherçesindäki Mälikguly Berdimuhamedow adyndaky medeniýet köşgünde, ýurdumyzyň žurnalistleriniň gatnaşmagynda «Parahatçylyk we ynanyşmak dost-doganlygyň binýadydyr» atly maslahat geçirildi. Maslahatyň dowamynda hemişelik Bitarap döwletimiziň dünýäde öňe sürýän parahatçylyk söýüjilik ýörelgeleriniň döwrüň aýnasy bolan köpçülikleýin habar beriş serişdelerinde beýan edilmeginiň ähmiýeti barada giňişleýin durlup geçildi. Hormatly Prezidentimiziň parasatly ýolbaşçylygynda ýurdumyz dünýä döwletleri bilen parahatçylyk söýüjilikli, dost-doganlyk gatnaşyklaryny ynamly ösdürýär. Parahatçylyk, hoşniýetlilik ýurdumyzyň alyp barýan syýasatynda möhüm orny eýeleýär. Hormatly Prezidentimiziň paýhasly başlangyjy esasynda, diňe bir ýurdumyzda däl, bütin dünýäde parahatçylygyň, howpsuz durmuşyň höküm sürmegi ugrunda netijeli işler amala aşyrylýar. Parahatçylygyň, dost-doganlygyň mekany hökmünde ýurdumyz dünýäde ykrar edilýär. Ýurdumyzda parahatçylyk we ynsanperwerlik ýörelgeleri has-da baýlaşdyrylýar. Parahatçylyk ynsanyýetiň baş küýsegi, tapylgysyz baýlygy. Asudalygyň, parahatçylygyň binýadyny berkitmäge goşant goşmak her bir adam üçin mukaddes işdir.  Häzirki döwürde dünýä döwletleri bilen ysnyşykly gatnaşyklaryň pugtalandyrylmagy, hemişelik Bitarap Türkmenistanyň dost-doganlyk gatnaşyklaryny berkidýän döwlet hökmünde halkara giňişligindäki at-abraýyny belende göterýär. Döwletleriň ynanyşmak arkaly gatnaşyklaryny pugtalandyrmaklary, Ýer ýüzünde parahatçylygyň has-da berkäp, dabaralanmagyna oňyn täsirini ýetirýär. Dünýäde ynamly gatnaşyklaryň dabaralanmagy parahatçylygyň kepiline öwrülýär. Parahatçylyk adamzady gülläp ösüşlere, öňe gidişliklere atarýar. Halkymyz söz sungatyna, söz ussatlaryna hemişe uly sarpa goýupdyr. Ata-babalarymyzdan gelýän bu ýörelgeler Berkarar döwletiň täze eýýamynyň Galkynyşy döwründe hem mynasyp dowam etdirilýär. Täze ösüşlere tarap ynamly öňe barýan ýurdumyzda žurnalistikanyň kämilleşdirilmegi üçin hem giň mümkinçilikler döredilýär. Gahryman Arkadagymyzyň beýik başlangyçlaryny üstünlikli durmuşa geçirýän hormatly Prezidentimiziň parasatly baştutanlygynda türkmen žurnalistikasyny döwrebap derejede ösdürmek, köpçülikleýin habar beriş serişdeleriniň işini kämilleşdirmek babatda netijeli işler alnyp barylýar. Maslahatyň dowamynda Halkara parahatçylyk we ynanyşmak ýylynda ýurdumyzda, dünýä jemgyýetçiliginde parahatçylyk, ynanyşmak ýörelgelerini dabaralandyrmak ugrunda alnyp barylýan tutumly işleriň gazet-žurnallarda şöhlelendirilişi barada hem çykyşlar edildi. «Parahatçylyk we ynanyşmak dost-doganlygyň binýadydyr» atly maslahata gatnaşan žurnalistleriň belleýşi ýaly, dost-doganlyk, parahatçylyk söýüjilikli ýörelgelerimizi giňden wagyz etmek, baý medeni mirasymyzy nesillere ýetirmek, ýurdumyzyň dünýädäki belent abraý-mertebesini makalalarda hem-de döredilýän eserlerde giňden açyp görkezmek žurnalistleriň esasy wezipeleridir. Halklaryň arasyndaky gatnaşyklaryň ynamly bolmagy, parahatçylygyň binýadynyň berk bolup, has-da pajarlap ösmegine oňyn täsirini ýetirýär. Goý, bütin dünýäde parahatçylyk we ynanyşmak hemişe gülläp össün.

• ←
• 1
• ...
• 110
• 111
• 112
• ...
• 250
• →