HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

TÜRKMENISTAN PARAHATÇYLYK SÖÝÜJILIK WE DÖREDIJILIK TAGLYMATYNY DÜNÝÄ ÝAÝÝAR

Kitaphanalar

11.11.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Hajy Ysmaýylow adyndaky kitaphana şahamçasy bilen Aşgabat şäher häkimliginiň «Bagt köşgi» toý-dabaralar merkeziniň bilelikde guramagynda «Türkmenistan parahatçylyk söýüjilik we döredijilik taglymatyny dünýä ýaýýar» ady bilen söhbetdeşlik geçirildi. Söhbetdeşlikde çykyş edenler Berkarar döwletiň täze eýýamynyň Galkynyşy döwründe eziz Watanymyz rowaçlyklara beslenip, göwünleri galkyndyrýan ýyly Halkara parahatçylyk we ynanyşmak ýylynda ösüşiň belent maksatlaryna ýetmegiň ýolunda ýurdumyzda alnyp barylýan giň göwrümli işler halkymyzyň bagtyýarlygyna, ýurdumyzyň gülläp ösmegine gönükdirilendigi barada söhbet etdiler. Şeýle-de ähli üstünliklerimiziň hem rowaçlyklarymyzyň seresi bolan bu mukaddes ýol-ýörelgeler bagtyýarlyk zamanamyzda has-da pajarlaýandygynyň şaýady bolmak her bir ildeşlerimiz üçin diýseň guwandyryjydygy barada gürrüň berdiler. Söhbetdeşligiň ahyrynda ýurdumyzyň parahatçylyk söýüjilik syýasatyny dabaralandyrýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.

ÝURDUMYZDA GÜÝZKI ÄHLIHALK BAG EKMEK DABARASY GEÇIRILDI

Kitaphanalar

10.11.2025

Ýurdumyzda, asylly däbe görä, her ýylyň ýaz we güýz aýlarynda ählihalk bag ekmek dabarasy uly ruhubelentlikde geçirilýär. Munuň özi daşky gurşawy goramak, ekologik abadançylygy üpjün etmek babatda edilýän tagallalardan habar berýär.Şonuň üçin Halkara parahatçylyk we ynanyşmak ýylynda-da ählihalk bag ekmek dabarasy tutuş ýurdumyz boýunça giňden ýaýbaňlandyryldy. Gahryman Arkadagymyzyň yhlasyndan binýat bolan Arkadag şäheriniň ählihalk bag ekmek dabarasynyň güýzki möwsümine badalga berildi. Gahryman Arkadagymyzyň gatnaşmagynda geçirilen umumymilli çäre halal zähmetiň joşguny we belent ruha beslenen aýdym-sazly dabaralar bilen utgaşykly dowam etdi. Dabaraly çäräniň dowamynda aýdymçylar bilen «Galkynyş» milli at üstündäki oýunlar toparynyň gatnaşmagynda edebi-sazly kompozisiýa ýaýbaňlandyryldy. Bu bolsa dünýäde belent şöhrata mynasyp bolan ahalteke bedewleriniň gözelligi bilen ynsan kalbyna oňyn täsir edýän ýakymly owazlaryň özboluşly sazlaşygyny döredýär. Berkarar ýurdumyzda ählihalk bag ekmek dabaralarynyň her ýylda geçirilmegi mähriban Watanymyzyň çar künjeginiň bagy-bossanlyga öwrülmegini şertlendirýär. Bu işleriň Arkadag şäherinde hem talabalaýyk alnyp barylmagy, täze şäheriň binalarynyň bu künjegiň tebigy aýratynlyklary bilen sazlaşygyny üpjün edýär.

DAÝHANYŇ YHLASY–RYSGAL BEREKEDIŇ ÇEŞMESI

Kitaphanalar

10.11.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Gypjak kitaphana şahamçasynyň guramagynda «Daýhanyň yhlasy–rysgal berekediň çeşmesi» ady bilen gürrüňdeşlik geçirildi. Gürrüňdeşlikde Hasyl toýy her ýylda eziz Diýarymyzda agzybirlikde bellenilip, halkymyzy täze üstünliklere, beýik zähmet ýeňişlerine ruhlandyrýandygyny, topragymyzyň hasyllylygyny, saçaklarymyzyň berekedini hem-de egsilmez rysgalyny alamatlandyrýandygy barada gürrüň berdiler. Şeýle-de Hasyl toýy türkmen daýhanlarynyň yhlasly zähmetiniň miwesi özboluşly beýan tapýandygy barada belläp geçdiler. Gürrüňdeşligiň ahyrynda Berkarar Watanymyzy, agzybir halkymyzy röwşen geljegimize tarap, ynamly öňe alyp barýan türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

KITAPHANALAR-PAÝHAS ÖÝI

Kitaphanalar

10.11.2025

Welaýat kitaphanasynyň meýilnamasy esasynda Türkmenabat şäher merkezi kitaphanasynda «Kitaphanalar-paýhas öýi» atly okuw maslahaty geçirildi. Maslahata şäher, etrap merkezi kitaphanalarynyň müdirleri, bir bitewi elektron ulgamyna jogapkär hünärmenleri gatnaşdylar. Okuw maslahatynda hormatly Prezidentimiziň baştutanlygynda durmuşa geçirilýän beýik işleri açyp görkezmek hem-de ata Watanymyzyň hemme taraplaýyn ösüşlerini, kitaphana işiniň we sanly ulgamyň, teleradioýaýlymlaryň, habar beriş serişdeleriniň üsti bilen işjeň wagyz etmek, sanly ulgamyň işini kämilleşdirmek, bütewi elektron ulgamynyň çygryny has-da giňeltmek, halkymyzyň bilim derejesini ýokarlandyrmaga ýardam etmek, şeýle-de kitaphanalaryň kamil iş tejribelerini ýurdymyzyň kitaphanalarynyň arasynda ýaýratmak, kitaphanalaryň san hasabatlaryny jemlemek, ýazmaça hasabat meýilnamalaryň ýazylyşy, elektron kitaplary döretmegiň esasy maksady, kitaplary skanerlemek, BEKU ýüklemek, kitaplary döretmek, kitaphanalara okyjylary çekmek, okyjy gündeliklerini ýöretmek tertibi, meýletinçileri hasaba almagyň usullary, köpçülik çäreleri guramak maksady bilen usuly maslahaty geçildi. Şeýle-de gatnaşyjylar kitaphanada guralan giň gerimli kitap sergisine syn etdiler.

GAHRYMAN ARKADAGYMYZYŇ «PARAHATÇYLYK SAZY, DOSTLUK DOGANLYK SAZY» ATLY KITABYNDAN

Kitaphanalar

10.11.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Nury Baýramow adyndaky kitaphana şahamçasynyň guramagynda Maýa Kulyýewa adyndaky Türkmen milli konserwatoriýasynda Gahryman Arkadagymyzyň «Parahatçylyk sazy, dostluk doganlyk sazy» atly kitabyndan gürrüňdeşlik geçirildi. Gürrüňdeşlikde Berkarar döwletiň täze eýýamynyň Galkynyşy döwründe türkmeniň ruhy dünýäsini baýlaşdyrmakda, türkmen medeniýetini, sungatyny, äleme ýaýmakda nusgalyk işleri amala aşyrylýar. Gahryman Arkadagymyzyň «Parahatçylyk sazy, dostluk doganlyk sazy» atly kitaby hem türkmen halkynyň pelsepewi dünýäsini açýar. Şeýle-de kitapda türkmen halkynyň millilige, parahatçylyga bolan söýgüsi, saz-sungaty, özboluşlylygy bilen jemlenendigi barada gürrüň berdiler. Gürrüňdeşligiň ahyrynda halkymyzy röwşen geljege alyp barýan Gahryman Arkadagymyzyň, Arkadagly Gahryman Serdarymyzyň janlarynyň sag, başlarynyň dik, il-ýurt bähbitli, umumadamzat ähmiýetli tutýan tutumly işleriniň elmydama rowaçlyklara beslenmegini arzuw etdiler.

«ÝYLLAR BOÝY DUÝGULARYMY KÖKERIP» ATLY TÜRKMENISTANYŇ HALK ÝAZYJYSY MÄMMET SEÝIDOWYŇ DOGLAN GÜNÜNIŇ 100 ÝYLLYGYNA BAGYŞLAP SÖHBETDEŞLIK

Kitaphanalar

10.11.2025

Türkmenistanyň Bazar Amanow adyndaky Döwlet çagalar kitaphanasy ýakynda «Arkadag» teleýaýlymynyň ýazgy etmeginde Döwletmämmet Azady adyndaky Arkadag şäher kitaphanasynda «Köňülleriň çyragy» atly gepleşiginde Türkmenistanyň halk ýazyjysy Mämmet Seýidowyň doglan gününiň 100 ýyllygyna bagyşlap «Ýyllar boýy duýgularymy kökerip» atly söhbetdeşligi geçirdi. Gahryman Arkadagymyzyň başlangyjy bilen «Ylham» seýilgähinde ussat şahyr Mämmet Seýidowyň heýkeli özüniň mynasyp ornuny tapdy. Bu hem onuň döredijiligine döwrüňdir, geljegiň goýýan uly hormatynyň nyşany. Türkmen şygryýetinde gaýtalanmajak zehinli şahyrlaryň biri Magtymguly adyndaky döwlet baýragynyň eýesi M.Seýidow öwüt-ündewe ýugrulan özboluşly, şahyrana dünýäsi bilen türkmen edebiýatynyň taryhynda mekdeplik ýol goýup giden şahyr. Häzirki wagtda onuň kitaplary köpsanly nusgada hem-de ýokary hilli neşir edilip okyjylara ýetirilýär. Ine bular dogrusynda kitaphana hünärmenleri söhbetdeşligiň dowamynda buýsançly gürrüňleri etdiler. Duşuşygyň ahyrynda oňa gatnaşanlar milli edebiýatymyzy özüniň ajaýyp döredijilik eserleri bilen baýlaşdyryp, ebedileşdiren ýazyjy-şahyrlarymyza aýratyn hormat sarpa goýýan Gahryman Arkadagymyza we Arkadagly Gahryman Serdarymyza sag bolsunlaryny beýan etdiler.

JADYLY ERTEKILER

Kitaphanalar

07.11.2025

Türkmenabat şäheriniň merkezi kitaphanasynda Garaşsyz, hemişelik Bitarap Türkmenistan döwletimiziň «Halkara parahatçylyk we ynanyşmak» ýylynda Türkmenabat şäheriniň 24-nji çagalar bagynyň çagalarynyň gatnaşmaklarynda «Jadyly ertekiler» atly syýahat gurnaldy. Bu ýerde körpeler ýörite kitaplara niýetlenen tekjelerde ýerleşdirilen kitaplar bilen tanyşdylar we kitaphana hünärmenleri tarapyndan birnäçe ertekileriň okaýşyny diňlediler, bu bolsa çagalarda kitaba bolan uly gyzyklanma döretdi. Çagalar hem öz gezeginde Watanymyzy wasp edýän ajaýyp goşgulary ýerine ýetirdiler.

AK ÝOLLARDA ROWAÇLANÝAN WATANYM

Kitaphanalar

07.11.2025

Lebap welaýat kitaphanasynda, Bitaraplygymyzyň 30 ýyllyk baýramy mynasybetli Türkmenistanyň Kärdeşler Arkalaşyklarynyň Saýat etrap birleşmesi bilen welaýat kitaphanasynyň bilelikde gurnamagynda «Ak ýollarda rowaçlanýan Watanym» atly tegelek stoluň başynda söhbetdeşlik geçirildi. Söhbetdeşlikde, medeniýet diňe bir döwletiň, jemgyýetiň arasyndaky sazlaşygy däl, eýsem, dünýä döwletleriniň, halklarynyň arasynda parahatçylygy, dost-doganlygy mäkäm berkidiji güýç hökmünde çykyş edýändigini we bu barada hut alym Arkadagymyzyň «Parahatçylyk sazy, dostluk, doganlyk sazy» atly kitabynda hem aýdyň edilýändigi, medeniýet ulgamynyň alyp barýan işleri hem ynsanperwerlik bilen berk baglydygy,ynsanperwerlik bolsa halkymyzyň aňyrdan gelýän ýardamyny gaýgyrmazlyk halkymyzyň asylly hem nusgalyk häsiýetlidigi barada durulyp geçildi.Ynsanperwerlik adamlaryň arasyndaky ýürekdeşli, dost-doganlyk garaýyşlary ösdürýär. Şol garaýyşlar bolsa ynsan ýüreklerine mähir köprüsini çekýär. Diýmek, biz dünýä ýaýylýan medeniýetimiziň, sungatymyzyň üsti bilen dünýä dost-doganlyk, ýürekdeşlik ýoluny çekýäris. Milli medeniýetimiziň, sungatymyzyň döwrebap derejede galkynmagynda, dünýä ýaýylmagynda hemişelik Bitaraplygymyza möhüm orun degişlidir.Çünki hemişelik Bitaraplygymyz agzybir halkymyzyň hiç haçan sowulmajak parahat durmuşynyň, bagtyýarlygynyň sarsmaz binýadydyr diýilip bellenildi.

HASYL TOÝY BEREKEDIŇ MEKANY

Kitaphanalar

07.11.2025

Garaşsyz Diýarymyzyň her bir güni şanly wakalara, baýramçylyk senelerine beslenýär. Ynha, “Halkara parahatçylyk we ynanyşmak ýyly” agzybir türkmen halky her ýylyň noýabr aýynyň ikinji ýekşenbesinde bellenilýän Hasyl toýuna uly taýýarlyk görýär. Bu baýramçylyk ýurdumyzyň ähli künjeklerinde hem giň gerime eýe bolýar. Biziň Döwletmämmet Azady adyndaky Arkadag şäher kitaphanamyzda hem baýramçylyga bagyşlap sergiler we çäreler geçirilýär. Çünki bu sene ene topraga yhlas siňdirip, aýratyn aladalanýan oba zähmetkeşlerimiziň, daýhanlarymyzdyr kärendeçilerimiziň arly ýyl çeken zähmetiniň netijelerine, miwelerine guwanmak mümkinçiligini döredýär. Bilşimiz ýaly, ýurdumyzda oba hojalyk pudagyny özgertmek boýunça döredilýän mümkinçilikleriň netijesinde daýhanlarymyz ýylyň-ýylyna ýerden bol hasyl alyp, Diýarymyzda azyk bolçulygynyň döredilmegine özleriniň mynasyp goşantlaryny goşýarlar. Edermen daýhanlarymyzyň yhlas siňdirip ýetişdirýän gök-bakja önümlerini, miweleri diňe bir ýurdumyzyň ak bazarlaryny bezemän, eýsem, daşary ýurtlara hem yzygiderli ugradylýar. Esasan hem güneşli ülkämizde mes toprakly ýerlerimizden önýän gök-bakja ekinlerine isleg bildirýänleriň sany soňky ýyllarda has hem artyp ugrady. Şeýle hem edermen babadaýhanlarymyzyň asylly zähmeti bilen bazarlarymyz, söwda nokatlarymyz, bereketli desterhanlarymyz ýylyň islendik paslynda hem ter önümlerden doly. Türkmen halkynyň Milli Lideri Gahryman Arkadagymyzyň başlangyçlary bilen hormatly Prezidentimiziň baştutanlygynda bedew bady bilen öňe barýan eziz Diýarymyzyň ady, şöhraty, mertebesi bu gün dünýä dolýar halkymyzyň parahat we abadan ýaşaýyşyny üpjün etmek, ýurdumyzda azyk bolçulygyny döretmek maksady bilen oba hojalyk pudagynda belent sepgitlere, uly üstünliklere ýetildi. Oba zähmetkeşleriniň zähmetsöýerligi we taýsyz tagallalary bilen eziz Diýarymyz gülläp ösýär. Topraga alyn derini siňdirip, bol hasyl alýan babadaýhanlarymyzyň hormaty aýratyn sarpalanyp, olaryň şanyna her ýylyň noýabr aýynyň ikinji ýekşenbesinde Watanymyzyň ähli künjeklerinde Hasyl toýy ýokary derejede toýlanylýar. Türkmen halkymyza mukaddes topragymyzdan bol hasyl alýan babadaýhanlarymyza päk zähmetiň miwesini görmäge, bagtyýar durmuşda ýaşamaga ähli mümkinçilikleri döredip berýän Gahryman Arkadagymyza, Arkadagly Gahryman Serdarymyza jan saglyk, uzak ömür arzuw edýäris!

HASYL TOÝY-BEREKET BAÝRAMY

Kitaphanalar

07.11.2025

Türkmenistanyň Bazar Amanow adyndaky Döwlet çagalar kitaphanasy ýakynda “Türkmenistan” teleýaýlymynyň ýazgy etmeginde “Hasyl toýy–bereket baýramy” atly söhbetdeşlik geçirdi. Häzirki ajaýyp döwrümizde oba hojalyk pudagynda gazanylýan oňyn özgertmeler döwrüň ruhy bilen kemal tapýar. Şeýle giň möçberli maksatnamalaýyn işleriň netijesinde bu iri pudakda belent sepgitler gazanylyp, toprakdan bol hasyl alynýar. Gahryman Arkadagymyzyň taýsyz tagallasy bilen neşir edilen “Bereketli türkmen saçagy” atly kitapda dünýäde iň gadymy hasaplanylýan ak bugdaý we iň süýji gawunlar biziň şöhratly pederlerimiz tarapyndan ösdürülip ýetişdirilendigi we olaryň ussatly, zähmetsöýerligi baradaky beýan edilen maglumatlar barada hem täsirli söhbet edildi. Sahawatly türkmen topragynyň hasyllylygyny, saçaklarymyzyň berekedini hem egsilmez rysgalyny alamatlandyrýan Hasyl toýy beýik maksatlara ruhlandyrýan milli baýram hökmünde her ýyl uly joşguna beslenip, dabaralanýar. Çäräniň ahyrynda şeýle belent başlangyçlaryň we gazanylýan üstünlikleriň sakasynda duran Arkadagly Gahryman Serdarymyza alkyşlar beýan edildi.

• ←
• 1
• ...
• 23
• 24
• 25
• ...
• 143
• →