HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

«KIDS EXPO 2025: ÄHLI ZAT ÇAGALAR ÜÇIN» ADY BILEN GEÇIRILEN HALKARA SERGI-ÝARMARKASYNYŇ AÇYLYŞ DABARASY

Kitaphanalar

22.08.2025

«Kids Expo 2025: ähli zat çagalar üçin» atly halkara sergi-ýarmarkasy geçirildi. Sergide dürli ýaş toparlaryndaky çagalar üçin harytlar we hyzmatlar görkezildi. Ol harytlar we hyzmatlar çagalara bilim bermek, okatmak, oýunjaklar, ösüş esbaplary, çagalar edebiýaty, okatmaga niýetlenen neşirler, şeýle hem sagdyn iýmitlenmek, sport we beden taýdan ösüş, döredijilik, çeperçilik işleri, çagalar modasy, internet howpsuzlygy tehnologiýalary, çagalar syýahatçylygy we saparlary hem-de beýleki ugurlara bölünýär. Geçirilen sergi-ýarmarkasyna Türkmenistanyň Bazar Amanow adyndaky döwlet çagalar kitaphanasy hem göçme kitap sergisi bilen gatnaşdy. Sergide dürli dillerde neşir edilen çagalar edebiýatyna degişli kitaplaryň we kitapçalaryň ençemesi ýerleşdirildi. Esasan-da daşary ýurt dillerine terjime edilen türkmen halk ertekileriniň dürli görnüşleri, ertekileri sahnalaşdyrmak üçin niýetlenen gurjaklar, çagalar üçin niýetlenen döwürleýin neşirler ýaşajyk, bilesigeliji okyjylarymyzda ýakymly täsir galdyrdy. Sergi üç günläp dowam etýär. Geçirilen şüweleňe paýtagtymyzyň ýaşaýjylary bilen bir hatarda hemişelik okyjylarymyz hem gatnaşdy. Sergi-ýarmarkasyna gatnaşanlar ýaş nesillere kitaby söýdürmek we olaryň kitap bilen ýakyndan dostlaşmagyny gazanmak şeýle-de çagalaryň bagtyýar geljegini gurnamak babatda döredip berýän giň mümkinçilikleri üçin Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

AŞGABATDA ÇAGALAR ÜÇIN HALKARA SERGI-ÝARMARKA AÇYLDY

Täzelikler

22.08.2025

21-nji awgustda Türkmenistanyň Söwda-senagat edarasynda «Kids EXPO: ähli zat çagalar üçin» atly halkara sergi-ýarmarka öz işine başlady. Ýurdumyzda täze okuw ýylynyň öňüsyrasynda ýöriteleşdirilen sergi-ýarmarkanyň guralmagy asylly däbe öwrüldi. Ol diňe bir çagalar üçin harytlary we hyzmatlary hödürlemek bilen çäklenmän, Diýarymyzyň bilim-terbiýeçilik ulgamynyň hünärmenleriniň daşary ýurtly kärdeşleri bilen özara tejribe alyşmaklary üçin hem amatly meýdança bolup hyzmat edýär. Sergi we onuň bilen utgaşyklylykda geçirilýän köp sanly gyzykly çäreler çagalarda, olaryň ata-enelerinde ýatdan çykmajak täsirleri galdyrýar. Serginiň açylyş dabarasy çagalar döredijilik toparlarynyň bagtyýar çagalygy, Watanymyzyň ösüşlerini wasp edýän aýdym-sazly çykyşlary bilen utgaşdy. Dabara Türkmenistanyň Mejlisiniň Başlygy, Hökümet agzalary, ministrlikleriň, pudaklaýyn dolandyryş edaralarynyň, daşary döwletleriň we halkara guramalaryň diplomatik wekilhanalarynyň, jemgyýetçilik birleşikleriniň, köpçülikleýin habar beriş serişdeleriniň ýolbaşçylarydyr wekilleri gatnaşdylar. Ýygnananlar hormatly Prezidentimiz Serdar Berdimuhamedowyň «Kids EXPO: ähli zat çagalar üçin» atly halkara sergi-ýarmarka gatnaşyjylara iberen Gutlagyny uly üns bilen diňlediler. Döwlet Baştutanymyzyň Gutlagynda nygtalyşy ýaly, çagalaryň şatlykly gülküleri ýurdumyzyň abadançylygynyň, Watanymyzyň häzirki we ertirki gününe bolan ynamyň iň ajaýyp mysalydyr. Türkmenistanda üstünlikli durmuşa geçirilýän syýasat, şeýle hem ýörite maksatnamalar çagalaryň doly derejeli okamaklaryna, dynç almaklaryna, döretmeklerine, olaryň bilimli, ylymly, beden taýdan sagdyn, Watana wepaly şahsyýetler bolup ýetişmeklerine gönükdirilendir. Soňra ýygnananlar sergi-ýarmarkanyň diwarlyklary bilen tanyşdylar. Bu ýerde ýurdumyzyň we daşary döwletleriň öňdebaryjy bilim merkezleriniň, çagalar üçin mebelleri, oýnawaçlary, serişdeleri, okuw esbaplaryny we öwrediji gollanmalary öndürýän, şeýle-de iýmit kärhanalarynyň 80-den gowragynyň diwarlyklary gurnaldy. Sergä gatnaşyjylaryň hatarynda Birleşen Arap Emirlikleriniň, Fransiýanyň, Hytaýyň, Amerikanyň Birleşen Ştatlarynyň, Russiýanyň, Türkiýäniň, Özbegistanyň wekilleri bar.

«TÜRKSOÝ» AGZA ÝURTLARYŇ HEMIŞELIK MINISTRLER GEŇEŞINIŇ 42-NJI MEJLISINE TAÝÝARLYK

Halkara gatnaşyklary

21.08.2025

2025-nji ýylyň 18-20-nji awgusty aralygynda Türki medeniýetiniň halkara Guramasynyň (TÜRKSOÝ) agza ýurtlaryň hemişelik ministrler geňeşiniň 42-nji mejlisine taýýarlyk görmek üçin 5-nji ýokary derejeli wekiller ýygnagy Türkiýe Respublikasynyň Trabzon şäherinde geçirildi. 2025-nji ýylda ýerine ýetirlen hem-de 2026-njy ýylda ýerine ýetirilmäge degişli çäreleri ara alnyp maslahatlaşmak maksady bilen Türkiýe Respublikasynyň Trabzon şäherinde geçirilýän TÜRKSOÝ-yň Hemişelik wekiller derejesindäki maslahatyna Türkmenistanyň Medeniýet ministrliginiň Halkara gatnaşyklary bölüminiň başlygy Maýa Saparowa gatnaşdy. 2026-njy ýylda meýilleşdirilýän medeni çäreleri, şeýle hem türki dünýäsinde hyzmatdaşlygy güýçlendirmek ugrundaky tagallalary ara alyp maslahatlaşdylar. Duşuşykda geljekki hemişelik geňeşiň gün tertibinde esasy meseleler ara alnyp maslahatlaşyldy, şol sanda: türki halklarynyň umumy medeni mirasyny wagyz etmek; ýaşlaryň arasynda medeni alyş-çalyş maksatnamalaryny ösdürmek; sungat we edebiýat pudagyndaky taslamalara goldaw; «Türki dünýäsiniň medeni paýtagty -2026» çäginde çärelere taýýarlyk işleri barada boldy. 

«ÇALSANA, BAGŞY!» ATLY DÖREDIJILIK BÄSLEŞIGINIŇ JEMLEÝJI TAPGYRY

Täzelikler

21.08.2025

Türkmenistanyň Döwlet medeniýet merkeziniň Mukamlar köşgünde «Çalsana, bagşy!» atly döredijilik bäsleşiginiň jemleýji tapgyry geçirildi. Dutarçylyk sungatynda parahatçylyk söýüji halkymyzyň durmuş pelsepesi, ruhy gymmatlyklary öz beýanyny tapýar. Halk bagşylarynyň asyrlaryň jümmüşine uzap gidýän bu sungaty ähli döwürlerde aýratyn hormat-sarpa mynasyp bolupdyr. Häzirki wagtda türkmen dutarynyň şirin owazy berkarar döwletimiziň mukaddes Garaşsyzlygynyň, hemişelik Bitaraplygynyň waspy, parahatçylyk söýüjiligiň, hoşniýetliligiň we dost-doganlygyň mukamy bolup ýaňlanýar. Dutar ýasamak senetçiliginiň, dutarda saz çalmak we bagşyçylyk sungatynyň ÝUNESKO-nyň Adamzadyň maddy däl medeni mirasynyň sanawyna girizilmegi hem munuň aýdyň mysalydyr. Döredijilik bäsleşigine 18-35 ýaş aralygyndaky ýerine ýetirijileriň gatnaşmagy ýurdumyzda ýaşlar baradaky aladanyň döwlet syýasatynyň ileri tutulýan ugurlarynyň biridiginiň güwäsidir. Onuň jemleýji tapgyryna Aşgabat we Arkadag şäherlerinden, ýurdumyzyň welaýatlaryndan deslapky tapgyrlarda ýeňiji bolan bagşylaryň 14-si, dutarçy sazandalaryň hem 14-si gatnaşdy. Ilki bilen, dutarçy sazandalaryň çykyşlaryna orun berildi. Çalnan halk sazlarynda halkymyzyň milliligi, durmuş pelsepesi, ruhy dünýäsi öz beýanyny tapdy. Dutarçy sazandalaryň ýerine ýetirmeginde ýaňlanan dünýäniň dürli halklarynyň sazlary, şol sanda nusgawy sazlar çärä özboluşly öwüşgin çaýdy. Bäsleşige gatnaşyjylaryň ýerine ýetirmeginde ýaňlanan «Çalsana, bagşy!» aýdymy dabaranyň iň şowhunly pursatlarynyň birine öwrüldi. Soňra ýeňijileri sylaglamak dabarasy boldy. Dabara gatnaşanlaryň şowhunly el çarpyşmalary astynda ýeňiji bolan bagşylaryň hem-de dutarçy sazandalaryň 14-siniň atlary yglan edildi we olaryň her biri ýörite diplom hem-de Türkmenistanyň Prezidentiniň altyn zynjyry bilen sylaglanyldy. Şeýle hem «Çalsana, bagşy!» bäsleşigine gatnaşanlaryň ählisine hormatly Prezidentimiziň adyndan ýadygärlik sowgatlar gowşuryldy. 

«ÇALSANA, BAGŞY!» DÖREDIJILIK BÄSLEŞIGINIŇ JEMLEÝJI TAPGYRY GEÇIRILDI

Täzelikler

21.08.2025

20-nji awgustda Türkmenistanyň Döwlet medeniýet merkeziniň Mukamlar köşgünde «Çalsana, bagşy!» atly döredijilik bäsleşiginiň jemleýji tapgyry geçirildi. Berkarar döwletiň täze eýýamynyň Galkynyşy döwründe Gahryman Arkadagymyzyň medeniýet ulgamyny ösdürmek boýunça başyny başlan asylly işleri häzirki wagtda hormatly Prezidentimiz tarapyndan üstünlikli durmuşa geçirilýär. Ýurdumyzda zehinli ýaşlary ýüze çykarmak hem-de olaryň ukyp-başarnyklaryny kämilleşdirmek üçin ähli zerur şertler döredilýär. Şunda türkmen halkynyň milli bagşyçylyk we saz sungatyny ösdürmek, ýaş bagşy-sazandalary höweslendirmek maksady bilen, dutarçy bagşy-sazandalaryň arasynda geçirilýän «Çalsana, bagşy!» atly döredijilik bäsleşiginiň möhüm ähmiýetini bellemek gerek. Dutarçylyk sungatynda parahatçylyk söýüji halkymyzyň durmuş pelsepesi, ruhy gymmatlyklary öz beýanyny tapýar. Halk bagşylarynyň asyrlaryň jümmüşine uzap gidýän bu sungaty ähli döwürlerde aýratyn hormat-sarpa mynasyp bolupdyr. Häzirki wagtda türkmen dutarynyň şirin owazy berkarar döwletimiziň mukaddes Garaşsyzlygynyň, hemişelik Bitaraplygynyň waspy, parahatçylyk söýüjiligiň, hoşniýetliligiň we dost-doganlygyň mukamy bolup ýaňlanýar. Dutar ýasamak senetçiliginiň, dutarda saz çalmak we bagşyçylyk sungatynyň ÝUNESKO-nyň Adamzadyň maddy däl medeni mirasynyň sanawyna girizilmegi hem munuň aýdyň mysalydyr. ...Ýygnananlar hormatly Prezidentimiz Serdar Berdimuhamedowyň«Çalsana, bagşy!» bäsleşiginiň jemleýji tapgyryna gatnaşyjylara iberen Gutlagyny uly üns bilen diňlediler. Gutlagda bellenilişi ýaly, häzirki döwürde ýurdumyzyň ähli ulgamlary bilen birlikde, medeniýet ulgamy hem uly ösüşlere eýe bolýar. Medeniýet ulgamynyň kämilleşdirilmegi halkymyzyň döredijilik kuwwatyny artdyrmaga, jemgyýetimizde watansöýüjilik, agzybirlik, ynsanperwerlik ýörelgelerini dabaralandyrmaga uly ýardam berýär. Ýurdumyzyň medeniýet edaralarynyň maddy-enjamlaýyn binýadyny berkitmek, täze medeni maksatly binalary gurmak, milli medeniýetimizi, sungatymyzy, edebiýatymyzy ösdürmek, döredijilik işgärlerini höweslendirmek babatda iri möçberli döwlet maksatnamalary üstünlikli amala aşyrylýar. Türkmen halkynyň köp asyrlaryň dowamynda kemala getiren milli bagşyçylyk sungatyny kämilleşdirmäge, täze aýdym-sazlar bilen baýlaşdyrmaga, il içinden sungata höwesli ýaş bagşy-sazandalary ýüze çykarmaga döwletimiz tarapyndan uly üns berilýär. Türkmenistanyň Prezidentiniň «Türkmeniň Altyn asyry» atly baýragyny almak ugrundaky bäsleşigiň çäklerinde dutarçy bagşy-sazandalaryň arasynda geçirilýän «Çalsana, bagşy!» bäsleşigi hem geljekde aýdym-saz sungatyny has-da ösdürmäge ukyply nesilleri ýüze çykarmakda, olary höweslendirmekde özboluşly ähmiýete eýedir. «Türkmenistan gazeti»

TÜRKMEN HALK ERTEKILERI–NESIL TERBIÝESINDE

Kitaphanalar

20.08.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Garadamak şäherçe kitaphana şahamçasynyň gurnamagynda Aşgabat şäherindäki 23-nji çagalar bagynda «Türkmen halk ertekileri–nesil terbiýesinde» atly gürrüňdeşlik geçirildi. Gürrüňdeşlikde türkmen halk döredijiliginiň bir görnüşi bolan türkmen halk ertekileri nesil terbiýesinde ornunyň örän uludygy barada belläp, ertekilerde halallyk, ynsaplylyk, ynsan güýjüne, paýhasyna daýanmak, hoşgylawlylyk, sadalyk, dogruçyllyk, namysjaňlyk, edep-ekramlylyk ýaly asylly sypatlaryň ýüzlerçesi eriş-argaç bolup geçýändigi barada giňişleýin gürrüň berdiler. Türkmen halk ertekilerindäki dürli häsiýetli gahrymanlaryň türkmene mahsus asylly sypatlary, ýaş nesilleriň aňlarynyň, düşünjeleriniň sagdyn ösmeginde terbiýeçilik ähmiýetiniň örän uludygyny aýtdylar. Gürrüňdeşligiň dowamynda körpeje nesilleriň arasynda birnäçe türkmen halk ertekilerinden okalyp berildi we ertekilerdäki haýsy gahrymanlaryň keşplerinde bolmak isleýändikleri barada pikir alşyldy. Gürrüňdeşligiň ahyrynda milli mirasymyzyň aýrylmaz bir bölegi bolan türkmen halk döredijiliginiň dürli görnüşlerini ýaş nesillere ýetirmekde ähli mümkinçilikleri döredip berýän Gahryman Arkadagymyza, Arkadagly Gahryman Serdarymyza çäksiz alkyş sözleri aýdyldy.

GADYMY NUSAÝ

Kitaphanalar

20.08.2025

Döwletmämmet Azady adyndaky Arkadag şäher kitaphanasynyň şeýle hem Arkadag teleýaýlymyň gurnamagynda, Arkadag şäheriniň taryhy-medeni seýilgähinde «Gadymy Nusaý» atly söhbetdeşlik geçirildi. Söhbetdeşlikde Gahryman Arkadagymyzyň Arkadagly Gahryman Serdarymyzyň medeniýet ulgamynda, taryhy ýadygärliklerimizi dikeltmek ugrunda alyp barýan uly işleri barada şeýle hem Nusaý galasynyň Türkmenistanyň iň möhüm taryhy ýadygärlikdigi, 2007-nji ýylda Nisa ÝUNESKO-nyň Bütindünýä mirasynyň sanawyna girizilendigi barada we Nusaý galasy barada birnäçe rowaýatlar hakynda gyzykly söhbetli gürrüňler edildi. Çäräniň ahyrynda medeniýetimizi, milli mirasymyzy, edebiýatymyzy dünýä ýaýmakda giň mümkinçilikleri döredip berýän Gahryman Arkadagymyza, Arkadagly Gahryman Serdarymyza hoşallyk sözleri aýdyldy.

BELENT ÖSÜŞLERE BESLENEN DIÝAR, ŞANLY GARAŞSYZLYK TOÝUNA BARÝAR

Muzeýler

20.08.2025

«Halkara–parahatçylyk we ynanyşmak» ýylynda mukaddes Garaşsyzlygymyza şanly otuz ýyl dolýar.Agzybir we jebis türkmen halkymyz mukaddes Garaşsyzlygymyzyň şanly toýuny uly zähmet üstünlikleri bilen garşylaýar. Şu günler mukaddes Garaşsyzlygymyzyň şanly toýuna bagyşlanyp geçirilýän çäreler, maslahatlar, tegelek stoluň başyndaky syýasy söhbetdeşlikler toý şatlygyna buýsanç goşýar. Şeýle dabaraly çäreleriň biri-de Lebap welaýatynyň Taryhy we ülkäni öwreniş muzeýinde Türkmenistanyň Magtymguly adyndaky Ýaşlar guramasynyň Saýat etrap, Hojambaz etrap geňeşlikleriniň hem-de Lebap welaýatynyň Taryhy we ülkäni öwreniş muzeýiniň bilelikde gurnamagynda «Belent ösüşlere beslenen diýar, şanly Garaşsyzlyk toýuna barýar» atly tegelek stoluň başyndaky syýasy söhbetdeşlik çäresi geçirildi. Täsirli geçen söhbetdeşligiň dowamynda oňa gatnaşanlar bagtyýar zamanany peşgeş beren, Gahryman Arkadagymyza hem-de Arkadagly Gahryman Serdarymyza buýsançly sagbolsunlaryny beýan etdiler. Gülüstan HUDAÝAROWA Lebap welaýatynyň Taryhy we ülkäni öwreniş muzeýiniň uly ylmy işgäri

PARAHATÇYLYK SAZY, DOSTLUK, DOGANLYK SAZY

Täzelikler

20.08.2025

Täze taryhy döwrümizde parahatçylyk ýoly bilen ynamly öňe barýan gözel Diýarymyzyň her bir güni şanly wakalara, toýdur baýramlara beslenýär. 2025-nji ýylyň «Halkara parahatçylyk we ynanyşmak ýyly» diýlip yglan edilmegi mynasybetli Gahryman Arkadagymyzyň, Arkadagly Gahryman Serdarymyzyň parasatly ýolbaşçylygynda ýurdumyzda hem-de daşary döwletlerde medeni çäreler, sungat festiwallary, forumlar yzygiderli geçirilýär. 15-nji awgustda P.I.Çaýkowskiý adyndaky Moskwa konserwatoriýasynda «Parahatçylyk sazy, dostluk, doganlyk sazy» atly konsertiň geçirilmegi hem munuň aýdyň mysaly bolup durýar. Türkmenistan döwletimiziň hem-de Russiýa Federasiýasynyň sungat wekilleri tarapyndan bilelikde gurnalan bu konsert iki ýurduň arasyndaky hoşniýetli gatnaşyklary ýola goýmakda möhüm ähmiýete eýe boldy. Konsertde meýilleşdirilen çykyşlar üçin taýýarlyk işleri iki döwletiň hem sungat ussatlarynyň gatnaşmagynda uly depginde alnyp baryldy. Bu ugurda türkmenistanly sazandalar Gurbanmyrat Baýjykow (gyjak), Aýlar Botaýarowa (skripka), Bahram Dolyýew (skripka), Elman Nasyrow (alt), Kakageldi Hojalekow (wiolonçel) we Laçyn Hudaýberdiýewa (dutar) dagylaryň irginsiz zähmeti aýratyn bellenmäge mynasypdyr. Taslamanyň çäginde aýratyn täsirli pursatlaryň biri Gurbanmyrat Baýjykowyň we Laçyn Hudaýberdiýewanyň konserwatoriýanyň mugallymlary bilen geçiren duşuşygy boldy. Ol ýerde sazandalar türkmeniň milli saz gurallary bolan gyjagyň we dutaryň ýasalyş hem-de akustik aýratynlyklary barada çykyş etdiler. Sungat ussatlary çykyşynyň dowamynda türkmen halk sazlaryny ýerine ýetirip, milli äheňlerimiz bilen diňleýjileri özlerine maýyl etdiler. Şeýle-de bu duşuşyga Türkmen milli konserwatoriýasynyň dosenti Ýelena Osipowa hem gatnaşyp, ýurdumyzyň saz mirasyny ylmy taýdan öwrenmekde hem-de dünýä tanatmakda uly goşant goşdy. Taýýarlyk işleriniň dowamynda Ýelena Osipowa bilen Ýewgeniý Wolkowyň «XX asyr rus we türkmen kompozitorlarynyň döredijiliginde «Kiçi» we «Uly» Watanyň keşbi» atly başga bir ähmiýetli leksiýasy hem geçirildi. Bu çäre medeni dialogyň ajaýyp nusgasyna öwrülip, iki ýurduň saz mirasynda umumy gymmatlyklary we meňzeşlikleri açyp görkezdi. «Parahatçylyk sazy, dostluk, doganlyk sazy» ady bilen geçirilen konsert türkmen hem rus kompozitorlarynyň döredijiliginden görnükli nusgalary özünde jemledi. Bu ýerde aýratyn hem meşhur türkmen kompozitory N.Halmämmedowyň kamera-wokal hem-de kamera-instrumental žanrda döreden ençeme eserleri ýaňlandy. Olardan Darýa Guseýnowanyň ýerine ýetirmeginde «Hirosimanyň we Nagasakiniň çagalarynyň diňläp ýetişmedik aýdymlary» wokal toplumyndan «Säher sowugy», «Kanareýka» aýdymlary, «Aýgytly ädim» kinofilminden Aýnanyň balladasy, A.Botaýarowanyň (skripka), B.Dolyýewiň (skripka), E.Nasyrowyň (alt), K.Hojalekowyň ýerine ýetirmeginde «Faşistik zyndanda gynalan aýallaryň hem-de çagalaryň hatyrasynda» kirişli kwarteti, L.Hudaýberdiýewanyň ýerine ýetirmeginde «Şükür bagşy» kinofilminden dutarda ýaňlanýan meşhur sazy diňleýjileriň dykgatyna ýetirildi. Ç.Nurymowyň «Döwranyň başdan geçirmeleri» kinofilminden söýlüp diňlenilýän «Döwranyň aýdymy» bolsa Dariý Guseýnowyň ýerine ýetirmeginde tomaşaçylar tarapyndan gyzgyn garşy alyndy. Çykyşlaryň dowamynda konserte gatnaşyjylar «Nergiz», «Gaşly ýar» ýaly türkmen halk sazynyň görnükli nusgalary bilen tanyş boldular. G.Baýjykowyň gyjak saz guralynda ussatlygy diňleýjilerde uly täsir galdyrdy. Bular bilen bir hatarda konsertde rus kompozitorlarynyň meşhur eserleri, operalardan parçalar, şeýle-de rus halk aýdym-sazlarynyň görnükli nusgalary hem ýaňlandy. Olardan esasan M.Guseýnowyň dürli žanrda döreden ajaýyp aýdymdyr sazlary awtoryň fortepianoda ýerine ýetirijilik ussatlygy bilen tomaşaçylary özüne maýyl etdi. Zehinli aýdymçy-sazandalaryň görkezen ussatlyklary, irginsiz zähmeti bilen iki ýurduň arasynda medeni gatnaşyklary pugtalandyrmak maksady bilen gurnalan konsert uly şatlyk-şowhuna beslendi. ___________________ Jeýran JORAÝEWA, Maýa Kulyýewa adyndaky Türkmen milli konserwatoriýasynyň «Sazşynaslyk» hünäriniň V ýyl talyby

PARAHATÇYLYK–ÖSÜŞLERIŇ WE HYZMATDAŞLYKLARYŇ ESASY ÝÖRELGESI

Kitaphanalar

18.08.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Ata Gowşudow adyndaky kitaphana şahamçasynyň gurnamagynda «Parahatçylyk–ösüşleriň we hyzmatdaşlyklaryň esasy ýörelgesi» ady bilen gürrüňdeşlik geçirildi. Gürrüňdeşlikde çykyş edenler Berkarar döwletiň täze eýýamynyň Galkynyşy döwründe türkmen halkynyň Milli Lideri Gahryman Arkadagymyzyň şeýle hem hormatly Prezidentimiz Arkadagly Gahryman Serdarymyzyň bimöçber tagallalarynyň netijesinde dünýä döwletleri bilen dost–doganlyk gatnaşyklarymyzy pugtalandyrmak, halkara hyzmatdaşlygyny netijeli ösdürmek ugrunda uly işleriň alnyp barylýandygy barada bellediler. Şeýle-de häzirki döwürde Türkmenistanyň hemişelik Bitaraplyk ýörelgelerinden gelip çykýan aýdyň wezipeler dünýäde ählumumy parahatçylygyň pugtalanmagynda, durnukly ösüşiň we abadançylygyň üpjün edilmeginde möhüm ähmiýete eýe bolup durýandygy barada gürrüň berdiler. Gürrüňdeşligiň ahyrynda dünýäde hemişe parahatçylygyň dabaralanmagy ugrunda taýsyz tagallalary edýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözleri aýdyldy.

• ←
• 1
• ...
• 112
• 113
• 114
• ...
• 149
• →