HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

Kitap aýdar geçeni, kitap ertäň açary

Kitaphanalar

07.08.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Mollamurt adyndaky kitaphana şahamçasynyň guramagynda “Altyn damja” çagalar sagaldyş we çagalar dynç alyş merkezinde «Kitap aýdar geçeni, kitap ertäň açary» ady bilen wagyz-nesihat çäresi geçirildi. Çärede Berkarar döwletiň täze eýýamynyň Galkynyşy döwründe Hormatly Prezidentimiziň ýolbaşçylygynda ylym-bilime giň ýol açylandygy, kitap-adamzat nesliniň irki taryhy çeşmelerinden başlap häzirki döwrüň maglumatlaryny özünde jemleýän düýpsüz bir hazynadygy barada giňişleýin gürrüň berdiler. Şeýle-de türkmen halky kitaba, söze, paýhasa uly sarpa goýýandygy, okamak ynsanyň kämilleşmegine, öz-özüne akyl ýetirmegine, dünýägaraýşynyň giňemegine ýardam edýändigi barada beýan etdiler. Çäräniň ahyrynda Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Rus halk ertekilerine syýahat

Kitaphanalar

07.08.2026

Türkmenistanyň Bazar Amanow adyndaky döwlet çagalar kitaphanasy ýakynda “Nesil” çagalar sagaldyş dynç alyş merkezinde “Rus halk ertekilerine syýahat” ady bilen söhbetdeşlik geçirildi. Söhbetdeşligiň dowamynda rus halk ertekileri, olaryň dürli görnüşleri, terbiýeçilik ähmiýeti, erteki gahrymanlaryň gylyk-häsiýeti, gyzykly wakalary barada täsirli gürrüňler edildi. Hünärmenimiz çagalara ertekileriň birnäçesini okap berdiler. Söhbetdeşligiň ahyrynda ýaş nesillere döredip berýän giň mümkinçilikleri üçin türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözleri aýdyldy.

Hormatly Prezidentimiziň kitaplary – ýolumyza şamçyrag

Kitaphanalar

07.08.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Gypjak kitaphana şahamçasynyň guramagynda “Nesil“ çagalar sagaldyş we dynç alyş merkezinde «Hormatly Prezidentimiziň kitaplary – ýolumyza şamçyrag» ady bilen wagyz-nesihat çäresi geçirildi. Çärede Arkadagly Gahryman Serdarymyzyň kitaplary halkymyzyň ýoluna şamçyrag bolup, ynsan ruhyny baýlaşdyrýan, ýaş nesillerimizi Watançylyk ruhunda terbiýelemekde gymmatly gollanma bolup durýandygy barada gürrüň berdiler. Şeýle-de Gökderede ýerleşýän “Nesil” çagalar sagaldyş dynç alyş merkezinde bagtyýar körpeler erkana, rahat dynç alyp, wagtlaryny gyzykly hem manyly geçirýändikleri barada beýan etdiler. Çäräniň ahyrynda Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Kalbymyzda söýgi-nur bolup dolan, Ýollarymyzda Garaşsyzlyk ýalkymy

Kitaphanalar

06.08.2026

Türkmenistanyň Döwlet medeniýet merkeziniň Döwlet kitaphanasynda “Garaşsyz, baky Bitarap Türkmenistan- bedew batly at-myradyň mekany” ýylymyzda, şanly Garaşsyzlygymyzyň 35 ýyllyk toýy mynasybetli “Kalbymyzda söýgi-nur bolup dolan, Ýollarymyzda Garaşsyzlyk ýalkymy” atly söhbetdeşlik geçirildi. “Miras” teleýaýlymy tarapyndan ýazgy edilen söhbetdeşlikde çykyş edenler Berkarar döwletiň täze eýýamynyň Galkynyşy döwründe “Garaşsyz,baky Bitarap Türkmenistan-bedew batly at-myradyň mekany” ýylynda mukaddes Garaşsyzlygymyzyň şanly 35 ýyllyk toýunyň şatlyk-şowhuna beslenip belleniljekdigini bellemek bilen, Garaşsyzlygymyzyň egsilmez güýjünden, ýurdumyzda ähli ulgamlar boýunça ajaýyp üstünlikleriň gazanylýandygy dogrusynda täsirli söhbet etdiler. Döredijilik bilen meşgullanýan kitaphana işgärleri bolsa özleriniň Watanymyzy wasp edýän şygyrlaryndan okap berdiler. Söhbetdeşligiň ahyrynda öz alyp barýan syýasaty bilen ady dünýä dolan türkmen halkymyzyň Milli Lideri Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, beýik işleriniň rowaçlyklara beslenmegini tüýs ýürekden arzuw etdiler.

Garaşsyzlyk ruhy bilen batlanýar bedew

Kitaphanalar

06.08.2026

Türkmenistanyň B.Amanow adyndaky döwlet çagalar kitaphanasynyň agzybir hünärmenleri ýaňy-ýakynda “Aşgabat” teleýaýlymynyň döredijilik topary bilen bilelikde “Garaşsyzlyk ruhy bilen batlanýar bedew” atly söhbetdeşlik geçirdi. Söhbetdeşligiň dowamynda şanly Garaşsyzlygymyzyň 35 ýyllyk baýramçylygy şeýle-de gadamy batly bedewlerimiz barada täsirli gürrüňler edildi. Hünärmenimiz Gahryman Arkadagymyzyň “Gadamy batly bedew”, “Atda wepa-da bar, sapa-da” atly eserlerinde bedewleriň taryhy, ösdürilip ýetişdirilişi, häzirki wagtda olara goýulýan hormat-sarpa barada beýan edilýän ajaýyp setirleri okap berdi. Söhbetdeşligiň ahyrynda halkymyzy bedew batly beýik ösüşlere alyp barýan Gahryman Arkadagymyza, Arkadagly Gahryman Serdarymyza alkyş sözleri beýan edildi.

Türkmenistan – gadymy ýadygärlikleriň mekany

Kitaphanalar

06.08.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Ata Salyh adyndaky kitaphana şahamçasynyň guramagynda Gökderedäki “Beýik Serdar nesilleri” çagalar sagaldyş we dynç alyş merkezinde tomusky dynç alyş möwsüminde dynç alýan çagalaryň arasynda «Türkmenistan–gadymy ýadygärlikleriň mekany» ady bilen gürrüňdeşlik geçirildi. Gürrüňdeşlikde türkmen topragynda Goňurdepe, Garadepe, Altyndepe, Jeýtun we Änew ýaly dünýäniň ilkinji ekerançylyk medeniýeti bolan ýadygärlikleriň bardygy hakynda gürrüň berdiler. Şeýle-de “Nusaý”, “Köneürgenç”, “Gadymy Merw”, “Gökdepe galasy” döwlet taryhy-medeni goraghanalary diýlip yglan edilen özboluşly muzeýler ählumumy gymmatlyklar hökmünde ÝUNESKO-nyň Bütindünýä mirasynyň sanawyna girizilendigi barada giňişleýin belläp geçdiler. Çäräniň ahyrynda ýurdumyzyň taryhy ýadygärliklerini gorap saklamakda uly işleri alyp barýan Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

Türkmen halk ertekileri

Kitaphanalar

06.08.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Gurbannazar Ezizow adyndaky kitaphana şahamçasynyň guramagynda Gökderedäki “Şöhle” çagalar sagaldyş we dynç alyş merkezinde «Türkmen halk ertekileri» ady bilen göçme kitap sergisi gurnaldy we çeper okaýyş geçirildi. Geçirilen çeper okaýyşda ertekileriň çaga terbiýesinde örän uly orun eýeleýändigi we çagalaryň söz baýlygyny artdyrmakda, pikirleniş ukybyny ösdürmekde, gözýetimini giňeldýändigi hakynda gürrüň berdiler. Şeýle-de türkmen halk ertekilerinden çeper okap berdiler. Çäräniň dowamynda türkmen halk ertekileri kitaplary esasynda göçme kitap sergisi gurnaldy we ertekileriň çagalarda galdyran täsiri hakynda sorag-jogap alyşdylar. Çäräniň ahyrynda bagtyýar çagalaryň şadyýan dynç almagy üçin ähli tagallalary edýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Türkmenistanyň Halk Maslahaty – Geňeşli iliň döwletli ýoly

Kitaphanalar

06.08.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Ata Gowşudow adyndaky kitaphana şahamçasy bilen Türkmenistanyň Demokratik partiýasynyň Aşgabat şäher komitetiniň bilelikde guramagynda «Türkmenistanyň Halk Maslahaty–Geňeşli iliň döwletli ýoly» ady bilen söhbetdeşlik geçirildi. Söhbetdeşlikde Berkarar döwletiň täze eýýamynyň Galkynyşy döwründe, ösüşiň täze belentliklerine tarap barýan asuda ýurdumyzda Türkmen halkynyň Milli Lideri Gahryman Arkadagymyzyň başyny başlan giň gerimli özgertmeleri, häzirki wagtda Hormatly Prezidentimiziň parasatly baştutanlygynda üstünlikli dowam edýändigi, ýurdumyzda durmuşa geçirilýän ähli özgertmeler, ilkinji nobatda, adamyň hukuklaryny, azatlyklaryny we kanuny bähbitlerini goramaga gönükdirilýändigi hakynda gürrüň berdiler. Şeýle-de Türkmenistanyň Halk Maslahaty ata-babalarymyzyň müňýyllyklardan bäri dowam edip gelýän geňeşmek däpleriniň häzirki döwürdäki aýdyň beýany bolup, türkmen halky möhüm döwlet meselelerini çözmegi hemişe ýaşulularyň parasatyna, il sylagly adamlaryň maslahatyna daýanýandygy, şonuň üçin hem halk arasynda “Maslahatly biçilen don gysga bolmaz”, “Geňeşli salamat bolar” ýaly birnäçe pähim–paýhasly nakyllar nesilden-nesillere geçip, biziň günlerimize gelip ýetendigi barada giňişleýin söhbet etdiler. Söhbetdeşligiň ahyrynda türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

Garaşsyzlyk, türkmeniň bedew batly mekany

Kitaphanalar

06.08.2026

Aşgabat şäher medeniýet müdirliginiň Merkezleşdirilen kitaphanalar ulgamynyň Çoganly şäherçe kitaphana şahamçasynyň gurnamagynda Gökderedäki “Beýik Serdar nesilleri” çagalar sagaldyş we dynç alyş merkezinde dynç alýan çagalaryň arasynda «Garaşsyzlyk, türkmeniň bedew batly mekany» ady bilen gürrüňdeşlik geçirildi. Gürrüňdeşlikde Garaşsyzlyk ýyllary içinde giň möçberli özgertmeleriň yzygiderli durmuşa geçirilmegi netijesinde ýurdumyzyň ähli pudaklarynyň işi dünýäniň ösen döwletleriniň tejribesi esasynda kämilleşdirilip, häzirki zaman türkmen nusgasyny kemala getirendigi barada gürrüň berdiler. Şeýle-de ahalteke bedewleriniň türkmen halkynyň milli buýsanjy, bahasyna ýetip bolmajak taryhy, medeni mirasy we ýurduň iň ajaýyp nyşanlarynyň biri hökmünde tutýan orny barada aýtdylar we Gahryman Arkadagymyzyň ajaýyp eseri bolan “Atda wepa-da bar sapa-da” atly ajaýyp eseriniň many-mazmuny hakynda giňişleýin gürrüň berdiler. Çäräniň ahyrynda ýurdumyzy bedew bady bilen beýik ösüşlere alyp barýan Gahryman Arkadagymyza, Arkadagly Gahryman Serdarymyza alkyş sözlerini beýan etdiler.

Il saglygy-ýurt baýlygy

Kitaphanalar

06.08.2026

Berkarar döwletiň täze eýýamynyň Galkynyşy döwründe Gahryman Arkadagymyzyň Arkadagly Gahryman Serdarymyzyň saýasynda ýurdumyzyň her bir güni toý baýramlara şanly senelere beslenýär, hem-de taryhy wakalara eýe bolýar. Arkadag şäher köpugurly hassahanasynda “Il saglygy-ýurt baýlygy” ady bilen geçirilen, maslahatda hem Döwletmämmet Azady adyndaky Arkadag şäher kitaphanasynyň işgärleri hem Gahryman Arkadagymyzyň, Arkadagly Gahryman Serdarymyzyň ýiti galamyndan syzylyp çykan eserlerinden kitap sergisini gurnadylar. Maslahatyň dowamynda maslahata gatnaşan ähli lukmanlar hem-de hassahana gelen ildeşlerimiz sergini höwes bilen synladylar we kitaplaryň sahypalaryny açyp içindäki adam saglygy baradaky gyzykly temalary okadylar. Şu pursatdan peýdalanyp bize şeýle eşretli zamanany döredip beren Gahryman Arkadagymyza, Arkadagly Gahryman Serdarymyza köp sag bolsun aýdýarys, goý olaryň janlary sag bolsun alyp barýan beýik işleri rowaçlyklara beslensin.

• ←
• 1
• ...
• 24
• 25
• 26
• ...
• 246
• →