HABARLAR

Kategoriýalar
• Medeniýet habarlary we täzelikleri
• Täzelikler
• Konsertler
• Teatr we kino dünýäsi
• Muzeýler
• Kitaphanalar
• Taryhy ýadygärlikler
• Medeni miras
• Edebiýat älemi
• Halkara gatnaşyklary

TÜRKMENISTAN-PARAHATÇYLYGYŇ WATANY

Kitaphanalar

23.10.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Garadamak şäherçe kitaphana şahamçasy bilen Aşgabat şäherindäki syýahatçylyk orta hünär okuw mekdebiniň bilelikde guramagynda “Türkmenistan–parahatçylygyň Watany” ady bilen wagyz-nesihat çäresi geçirildi. Çärede çykyş edenler Hemişelik Bitarap Türkmenistan döwletimiziň parahatçylyk söýüjilige, hoşniýetli goňşuçylyga, özara bähbitli gatnaşyklara esaslanýan daşary syýasatynyň özenini düzýän döwletimiz goňşy ýurtlar bilen sebitiň we dünýäniň beýleki döwletleri bilen birek-birege ynanyşmak we hormat goýmak ýörelgelerine esaslanýar diýip çykyşlarynda giňişleýin gürrüň berdiler. Şeýle-de ata Watanymyzyň ösüşleri, özgerişleri, berkarar Watanymyzyň beýik geljeginiň, halkymyzyň bagtyýarlygy, ata-babalarymyzyň agzybirlik, ynsanperwerlik, parahatlyk baradaky ýol-ýörelgeleriniň has-da dabaralandyrylýandygy barada beýan etdiler. Çäräniň ahyrynda şeýle ajaýyp durmuşda ýaşamaga, gurmaga, döretmäge uly mümkinçilikler döredip berýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

MELHEMLER MEKANY TÜRKMENISTANYM

Kitaphanalar

23.10.2025

Türkmenistanyň Bazar Amanow adyndaky döwlet çagalar kitaphanasynyň agzybir hünärmenleri hemişelik okyjylary bilen «Melhemler mekany Türkmenistanym» atly söhbetdeşlik geçirdi. Söhbetdeşligiň dowamynda hünärmenlerimiz ýurdumyzda nesil saglygyny goramakda edilýän aladalar barada buýsançly gürrüňler etdi. Şeýle-de saglygyň tebigatymyzyň ynsana eçilen nygmatydygyny, howanyň sowamagy bilen ýyly geýinmegiň, dogry iýmitlenmegiň hem-de şypaly çaýlary içmegiň ähmiýetini aýratyn nygtadylar. Bu babatda Gahryman Arkadagymyzyň jöwher paýhasyndan dörän «Türkmenistanyň dermanlyk ösümlikleri», «Çaý–melhem hem ylham» atly ajaýyp eserlerinde örän peýdaly maglumatlaryň bardygy buýsanç bilen bellenildi. Gahryman Arkadagymyzyň «Türkmenistanyň dermanlyk ösümlikleri» atly köpjiltlik eseriniň XVII tomynyň neşir edilip, giň okyjylar köpçüligine ýetirilmegi, bu ajaýyp eserde orun alan dermanlyk ösümlikleriň aýratynlyklary, keselleriň öňüni almakda we bejermekdäki ähmiýeti barada täsirli gürrüňler edildi. Gurnalan kitap sergisi söhbetdeşlige gatnaşanlarda uly täsir galdyrdy. Söhbetdeşligiň ahyrynda il saglygyny ýurt baýlygyna deňeýän we bu ugurda ägirt uly işleri durmuşa geçirýän Gahryman Arkadagymyza, Arkadagly Gahryman Serdarymyza alkyş sözleri beýan edildi.

TÜRKMEN ALABAÝY–MILLI BUÝSANJYMYZ

Kitaphanalar

23.10.2025

Türkmenistanyň Bazar Amanow adyndaky Döwlet çagalar kitaphanasy ýakynda Türkmen Döwlet medeniýet we sungat mekdebinde bilim alýan talyp ýaşlaryň arasynda türkmen alabaýynyň baýramyna bagyşlap «Türkmen alabaýy–milli buýsanjymyz» atly duşuşyk geçirdi.Türkmen alabaýynyň adamyň ýalňyzlykda daşynyň goragçysy, wepadar dosty hasaplanylýar. Bilişimiz ýaly il içinde dürli döwürlerde it bilen baglanyşykly nakyllaryň, aýtgylaryň we tymsallaryň ençemesi döräpdir. Olaryň arasynda «Itim bar–gutym bar», «Itiň demi–süňküň emi», «It batyra üýrer–gorkagy ýarar» ýaly nakyllar çuň many-mazmuna eýe. Türkmen alabaýynyň halkymyzyň ruhy dünýäsinde ýer alandygyna arheologik ýadygärliklerden tapylan tapyndylar hem şaýatlyk edýär. Bular barada Gahryman Arkadagymyzyň «Türkmen alabaýy» atly ajaýyp kitabynda hem öz aýdyň beýanyny tapypdyr. Her ýylyň oktýabr aýynyň soňky ýekşenbesinde giňden bellenilýän türkmen alabaýynyň baýramy hem-de «Türkmenistanyň halk itşynasy», «Türkmenistanyň at gazanan itşynasy» diýen hormatly atlaryň döredilmegi, Halkara «Türkmen alabaý itleri» assosiasyýasynyň döredilmegi türkmen alabaýlarynyň şan-şöhratyny dünýä ýaýmak bilen baglanyşykly maksatnamalaýyn işleriň üstünlikli dowam edýänliginiň subutnamasy bolup durýar. Ine bular dogrusynda dabaranyň dowamynda buýsançly gürrüňler edildi. Duşuşygyň ahyrynda oňa gatnaşanlar her bir işde şol sanda milli medeni mirasymyzy, alabaý itleri ýaly milli gymmatlyklarymyzy sarpalamakda-da nusgalyk mekdep bolýan Gahryman Arkadagymyzyň we Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.

KITAP –AJAÝYP DÜNÝÄ

Kitaphanalar

22.10.2025

Türkmenistanyň Döwlet medeniýet merkeziniň Döwlet kitaphanasynyň Seýrek neşirler bölümiň okalga zalynda “Kitap –ajaýyp dünýä ” atly kitaphana syny geçirildi. Berkarar döwletiň täze eýýamynyň Galkynyşy döwründe has takygy, 2025-nji ýyly “ Halkara parahatçylyk we ynanyşmak ýyly ” diýip atlandyrylýan ýylymyzda dünýä edebiýatynyň altyn hazynasyna giren baý hem-de gymmatly edebi mirasyny öwrenmekde möhüm ähmiýete eýe bolýar. Türkmen halkynyň milli Lideri Gahryman Arkadagymyzyň, Hormatly Prezidentimiz Arkadagly Gahryman Serdarymyzyň baştutanlygynda bu günki günde çünki Türkmen halky bilen goňşy halklaryň köpasyrlyk taryhy kökleri, medeni we ruhy gymmatlyklaryň umumylygy baglanyşdyrýar. Dost-doganlyk ýurtlarymyzyň kitaplary Türkmenistanyň Döwlet medeniýet merkeziniň Döwlet kitaphanasyň baý gaznasyny has-da baýlaşdyrýar. Şol mynasybetli Döwlet kitaphanasyň Seýrek neşirler bölüminiň okalga zalynda goňşy döwletimiz Azerbeýjan döwletiniň “Azerbeýjan Milli kitaphanasy”-atly kitabynyň gelip gowuşmagy mynasybetli kitaphana syny geçirildi. Bu kitap Azerbeýjanyň Milli kitaphanasynyň 100 ýyllygyna bagyşlanan. Kitap ýokary derejede çap bolup Milli kitaphanasy barada maglumatlar giňden beýan edilýär. Kitaphana syna Türkmenistanyň Telekommunikasiýalar we informatika institutynyň 1-nji ýyl talyplarynyň gatnaşmagynda hem-de Aşgabat şäherindäki 132-nji ýöriteleşdirilen orta mekdebiň ýokary synyp okuwçylarynyň gatnaşmagynda kitap sergisi hem geçirildi. Sergimizde Gahryman Arkadagymyzyň, Hormatly Prezidentimiz Arkadagly Gahryman Serdarymyzyň jöwher paýhasyndan syzylyp çykan ajaýyp kitaplary ýaýbaňlandyryldy. Kitap sergi bölümiň okalga zalynda geçirildi. Kitaphana syna we kitap sergä gatnaşanlarda uly täsir galdyrdy. Şeýle-de edebi mirasy öwrenmek işini düýpli ýola goýmak bilen, halkymyza asyrlaryň jümmüşinden gözbaş alýan ýol-ýörelgeleri, däp-dessurlary, täzeden dikeltmeklige, medeni we ruhy mirasyň il-günüň köňül ganatyna öwrülmegine giň mümkinçilik döredip beren Türkmen halkynyň milli Lideri Gahryman Arkadagymyzyň Hormatly Prezidentimiz Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, alyp barýan döwletli işleriniň rowaçlyklara beslenmegini tüýs ýüregimizden arzuw edýäris.

DÖWLET KITAPHANASYNA GEZELENÇ

Kitaphanalar

22.10.2025

Türkmenistanyň Döwlet medeniýet merkeziniň Döwlet kitaphanasynda 132-nji Ýöriteleşdirilen orta mekdebiň okuwçylary gezelençde boldular. Ýaş nesillerimiziň kitaba bolan söýgüsini ösdürip, olara kitaby goramagyň we goramak üçin kitaphanamyzyň alyp barýan iňňän inçe tilsimleri bilen tanyşdyrmakda kitaphana işgärleri giňişleýin maglumatlar berdiler. Sebäbi kitap bilen dost bolmak beýik gelejege ýol salmak diýmekdir. Gahryman Arkadagymyzyň, Arkadagly Gahryman Serdarymyzyň kitaphanamyza peşgeş berýän müňýyllyklaryň manysyny özünde jemleýän ajaýyp kitaplary bilen tanyşan ruhy belent ýaşlarymyz kitaphanalar bilen mydama aragatnaşykda boljakdyklaryny uly buýsanç bilen bellediler. Gezelenje gatnaşan ýurdumyzyň gelejegi bolan ýaş nesillerimiz, ýaşlara bilim almaga döredilýän mümkinçilikler üçin türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza çaga kalplaryndan çuňňur alkyş aýtdylar.

BIZ KITAPHANA BARÝARYS...

Kitaphanalar

22.10.2025

Türkmenistanyň Bazar Amanow adyndaky Döwlet çagalar kitaphanasyna ýakynda ýörite çagalar üçin bilim merkezinde bilim alýan dürli ýaşdaky körpejeler gezelenje geldiler. Kitaphana hünärmenleri ýaşajyk kitapsöýüjileri güler ýüz bilen garşy alyp, kitaphanamyzda hereket edýän birnäçe bölümler bilen tanyşdyrdylar. Hem-de özleriniň ýaş aýratynlyklaryna kybap gelýän «Kiçi ýaşly okyjylara hyzmat etmek» bölüminiň golasty hazynasynda ýerleşdirilen söýgüli ertekileri we şol ertekileri döredýän awtorlaryň ömri we döredijiligi bilen gysgaça tanyşdyryldy. Gezelenje gelen körpeje myhmanlarymyz kitaphanamyza gelmek bilen, ruhy baýlyklaryň jemlenen medeni ojagynda kitap bilen dostlaşmak we kitaby saýlap almak barada kitaphana hünärmenleriniň beren maslahatlaryndan hoşal bolandyklaryny beýan etdiler. Gezelenjiň ahyrynda oňa gatnaşanlar özüniň many-mazmun baýlygy hem-de çeperçilik taýdan örän ýokary usullarda kitap neşir etmeklikde beýik işleri durmuşa geçirýän türkmen halkynyň Milli Lideri Gahryman Arkadagymyza hem-de hormatly Prezidentimiz Arkadagly Gahryman Serdarymyza alkyşlary beýan etdiler.

SAGLYK–BAŞ BAÝLYGYMYZ

Kitaphanalar

22.10.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Magtymguly adyndaky merkezi kitaphanasynda «Saglyk–baş baýlygymyz» ady bilen Türkmen halkynyň Milli Lideri Gahryman Arkadagymyzyň «Türkmenistanyň dermanlyk ösümlikleri» atly ylmy-ensiklopedik kitabynyň XVII jildi esasynda söhbetdeşlik geçirildi. Söhbetdeşlikde çykyş edenler Türkmen halkynyň Milli Lideri Gahryman Arkadagymyzyň «Türkmenistanyň dermanlyk ösümlikleri» atly köp jiltli ylmy-ensiklopedik kitabynyň XVII jildiniň giň okyjylar köpçüligine gelip gowuşmagy bütin türkmen halkyny, aýratynam kitaphanaçylary begendirendigi barada gürrüň berdiler. Şeýle-de bu ajaýyp eseriň baplarynda şypaly hasaplanýan 107 sany dermanlyk ösümlikler barada doly we düýpli maglumatlaryň berilýändigi hakynda aýtdylar. «Türkmenistanyň dermanlyk ösümlikleri» atly köp jiltli ylmy-ensiklopedik kitaplarda her ösümlik barada umumy häsiýetnama, ösüş aýratynlyklary ýaýraw derejesi, himiki düzümi, ulanylyşy, derman taýýarlanyşy barada giňişleýin beýan edilýändigi hakynda söhbet etdiler. Söhbetdeşligiň ahyrynda ajaýyp eýýamymyzyň eşretleriniň gözbaşynda duran Gahryman Arkadagymyzyň hem-de Arkadagly Gahryman Serdarymyzyň janlarynyň sag bolmagyny, ömürleriniň uzak bolmagyny, döwletli işleriniň rowaçlyklara beslenmegini arzuw etdiler.

HORMATLY PREZIDENTIMIZIŇ ÝAŞLAR WATANYŇ-DAÝANJY ATLY KITABYNDAN

Kitaphanalar

21.10.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Magtymguly adyndaky merkezi kitaphanasynyň guramagynda hormatly Prezidentimiziň «Ýaşlar Watanyň-daýanjy» atly kitaby esasynda gürrüňdeşlik geçirildi. Gürrüňdeşlikde Arkadagly Gahryman Serdarymyzyň «Ýaşlar Watanyň- daýanjy» atly many-mazmunly kitaby geljekde diňe bir ýaşlar üçin ýol–ýörelge bolman, eýsem ähli ýaşdaky watandaşlarymyzda uly gyzyklanma döretýändigine, kitapdaky görkezilen ugurlaryň usulýet höküminde biziň her birimiziň işimizde gymmatly gollanma bolup durýandygy barada gürrüň berdiler. Şeýle-de geljegimiz bolan ýaşlaryň hemmetaraplaýyn ösen, ruhy taýdan sagdyn, iş başarjaň hem zehinli bolup ýetişmekleri üçin giň mümkinçilikleriň döredilýändigi, şeýle-de bu ajaýyp eseriň her bir jümlesi ýaşlarmyz üçin terbiýe mekdebi bolup, Watana, halka hyzmat etmegiň belent nusga bolup durýandygy barada beýan etdiler. Gürrüňdeşligiň ahyrynda ýaşlary elmydama üns merkezinde saklap, geljegimize uly ynam bildirýän Gahryman Arkadagymyza, Arkadagly Gahryman Serdarymyza alkyş sözlerini aýtdylar.

«EDEBIÝATYMYZYŇ GUWANJY» ATLY TÜRKMENISTANYŇ HALK ÝAZYJYSY RAHMET SEÝIDOWYŇ DOGLAN GÜNÜNIŇ 115 ÝYLLYGYNA BAGYŞLAP ÇEPER OKAÝYŞ

Kitaphanalar

21.10.2025

Türkmenistanyň Bazar Amanow adyndaky Döwlet çagalar kitaphanasy ýakynda 28-nji ýöriteleşdirilen orta mekdepde Türkmenistanyň halk ýazyjysy Rahmet Seýidowyň doglan gününiň 115 ýyllygyna bagyşlap, «Edebiýatymyzyň guwanjy» ady bilen çeper okaýyş geçirdi.Söhbetdeşligiň başynda kitaphana hünärmeni ussat şahyr Rahmet Seýidowyň ömrü we döredijilik ýoly barada hem-de onuň döreden eserleriniň many-mazmunynyň ähmiýeti dogrusynda giňişleýin gürrüň berdi. Rahmet Seýidow XX asyr türkmen edebiýatynda özboluşly yz galdyran görnükli şahyrlaryň biridir. Şahyr özüni «Baharlar bagşysy» diýip atlandyrýar. Hakykatdan hem, şahyryň döredijiliginde türkmen tebigatynyň, aýratyn hem bahar paslynyň gözel görnüşi uly joşgun bilen beýan edilýär. Türkmen terbigatynyň gözellikleriniň wasp edilişi okyjylaryň kalbyny hem heýjana salýar. Kitaphana hünärmenleriniň bular barada beren täsirli gürrüňlerini ýaş nesiller uly gyzyklanma bilen diňlediler. Duşuşygyň ahyrynda oňa gatnaşanlar milli edebiýatymyzy özüniň ajaýyp döredijilik eserleri bilen baýlaşdyryp, ebedileşdiren ýazyjy-şahyrlarymyza aýratyn hormat sarpa goýýan Gahryman Arkadagymyza we Arkadagly Gahryman Serdarymyza sag bolsunlaryny beýan etdiler.

MAGTYMGULY PYRAGYNYŇ DÖREDIJILIGINE GOÝULÝAN SARPA

Kitaphanalar

21.10.2025

Aşgabat şäher medeniýet müdirliginiň Merkezleşdirilen kitaphanalar ulgamynyň Seýitnazar Seýdi adyndaky kitaphana şahamçasy bilen Aşgabat şäher häkimliginiň «Bagt köşgi» toý-dabaralary merkeziniň bilelikde guramagynda «Magtymguly Pyragynyň döredijiligine goýulýan sarpa» ady bilen söhbetdeşlik geçirildi. Söhbetdeşlikde türkmen halkynyň beýik şahyry we akyldary Magtymguly Pyragy –öçmejek ruhy we ahlak gymmatlyklaryna eýe bolup, adamlaryň ruhy dünýäsinde we durmuşynda ýagşylygyň ugrukdyryjysy höküminde olaryň aňyna baky yşyk bolup ornaşandygy barada gürrüň berdiler. Şeýle-de Magtymguly Pyragynyň şahyrana mirasy diňe bir türkmen halkynyň däl, eýsem tutuş türki dilli halklaryň hem edebiýatynyň taryhynda ähmiýeti has ýokary bolup, adamzat bilermenleriniň hazynasyna möhüm goşant goşup, dünýä edebiýatynyň aýrylmaz bölegine öwrülendigi barada söhbet etdiler. Söhbetdeşligiň ahyrynda Magtymguly Pyragynyň ömri döredijiligini, şeýle hem many-mazmunly şygyrlaryny öwrenmäge we dünýä ýaýmaga giň mümkinçilikleri döredip berýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.

• ←
• 1
• ...
• 28
• 29
• 30
• ...
• 143
• →