Hormatly Prezidentimize ýubileý medal gowşuryldy
Halk maslahatynyň mejlisi tamamlananyndan soň Hormatly Prezidentimiz Gurbanguly Berdimuhamedowa Milli geňeşiň mejlisiniň kararyna laýyklykda “Türkmenistanyň Garaşsyzlygynyň 30 ýyllygyna” atly ýubileý medalyny we ýadygärlik nyşany bolan “Altyn şaý” milli manadymyzy gowşurmak dabarasy boldy.
Mejlise gatnaşyjylar hormatly Prezidentimiz Gurbanguly Berdimuhamedowy ýubileý sylaglarynyň gowşurylmagy bilen tüýs ýürekden gutladylar we Döwlet Baştutanymyza berk-jan saglyk, egsilmez güýç-kuwwat hem-de halkymyzyň we Watanymyzyň bähbidine alyp barýan asylly giň gerimli işlerinde täze ajaýyp üstünlikleri arzuw etdiler.
Hormatly Prezidentimiz Gurbanguly Berdimuhamedow Watanymyzyň mukaddes Garaşsyzlygynyň 30 ýyllygy mynasybetli ýubileý medalynyň hem-de “Altyn şaý” mili manadymyzyň ýadygärlik nyşanynyň gowşurylandygy üçin minnetdarlyk bildirip, bu sylaglara Watanymyzyň gülledip ösdürmegiň bähbidine bilelikde amala aşyrylan beýik işler üçin ähli halkymyza berlen sylag hökmünde garaýandygyny belledi.