Hormatly Prezidentimiz Gurbanguly Berdimuhamedow täze oba hojalyk tehnikalaryny synlady we paýtagtymyz boýunça iş saparyny amala aşyrdy
8-nji sentýabrda hormatly Prezidentimiz Gurbanguly Berdimuhamedow ABŞ-nyň dünýä belli «John Deere» kompaniýasynyň pagta ýygymynyň öňüsyrasynda ýurdumyza gelip gowşan pagta ýygyjy tehnikalaryny synlady hem-de Ministrler Kabinetiniň Başlygynyň orunbasary Ş.Durdylyýewiň haýyşy boýunça paýtagtymyz boýunça iş saparyny amala aşyryp, şäherdäki täze desgalaryň gurluşygyndaky işleriň ýagdaýy we gurulmagy meýilleşdirilýän binalaryň taslamalary bilen tanyşdy.