Dünýä gözelligine soltan halylar
Türkmenistanyň Medeniýet, sport, syýahatçylyk we jemgyýetçilik guramalarynyň işgärleriniň Kärdeşler arkalaşygynyň Geňeşi, Aşgabat şäher häkimliginiň «Bagt köşgi» toý-dabaralary merkezi, Aşgabat şäher medeniýet müdirliginiň Merkezleşdirilen kitaphanalar ulgamy bilen bilelikde guramagynda Türkmen halysynyň baýramy mynasybetli «Dünýä gözelligine soltan halylar» atly aýdym-sazly baýramçylyk çäresi geçirildi.
Baýramçylyk çärede çykyş edenler halyçylyk türkmen halkynyň amaly-haşam sungatynyň has gadymy görnüşleriniň biri bolup, türkmeniň kalby, gyz-gelinlerimiziň döreden gözellik nusgasy bolansoň, türkmen milli halyçylyk sungatynyň ÝUNESKO-nyň Adamzadyň maddy däl medeni mirasynyň sanawyna girizilmegi, türkmen zenanlarynyň çeper elleriniň gudraty bilen döredilen nepis halylarymyzyň dünýä bileleşigi tarapyndan ajaýyp sungat derejesine ýetirilýändigi barada giňişleýin gürrüň berdiler.
![](/img/upload/2.jpgi7pxH-sm.jpg)
Çäräniň dowamynda Maýa Kulyýewa adyndaky Türkmen Milli konserwatoriýasynyň aýdym-saz toparynyň ýerine ýetirmeginde birnäçe aýdym- sazlar ýaňlandy.
Çäräniň ahyrynda türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözleri aýdyldy.